ပြည်ပ အိမ်ခြံမြေ သတင်း | Posted by ဇာနည်ကျော်
အမေရိကန်ပြည်ထောင်စု၏ ဈေးအကြီးဆုံးအိမ်ခြံမြေများတွင် ပါဝင်သော အိမ်ခြံမြေတစ်ခု အရောင်းဈေးကွက် ဝင်နေရာ မိုင်အမ်မီ ကမ်းလွန်မှ Indian Creek ကျွန်းတွင်ရှိသည့် မြေကွက်တစ်ခုဖြစ်သည်။
အဆိုပါမြေကွက်ကို ဝယ်ယူနိုင်မည့် အလွန်တရာ ချမ်းသာသောသူသည် Jeff Bezos နှင့် အိမ်နီးချင်း ဖြစ်လာမည် ဖြစ်သည်။
ခေါ်ဈေးမှာ ကြောက်ခမန်းလိလိ များပြားလှရာ ဝယ်ယူလိုသူအနေဖြင့် Jeff Bezos လောက် ချမ်းသာရန် လိုအပ်မည် ဖြစ်သည်။
ကမ်းစပ်တွင် တည်ရှိပြီး မည်သည့်အဆောက်အအုံမှ ဆောက်လုပ်ရခြင်းမရှိသေးသော မြေကွက်ဖြစ်ကာ မြေကွက်အကျယ်မှာ ၁ ဒသမ ၈၄ ဧကသာ ရှိသည်။ ကျယ်ဝန်းလှသော မြေနေရာမဟုတ်သော်လည်း ကန်ဒေါ်လာ သန်း ၂၀၀ အထိ ဈေးခေါ်ထားသည်။
သို့သော် အမေရိကတွင် ဈေးအကြီးဆုံး မဟုတ်သေး။
အမေရိကတွင် အရောင်းဈေးကွက်ဝင်နေသော ဈေးအကြီးဆုံး အိမ်ခြံမြေမှာ ၂၀၂၄ နှစ်စပိုင်းက Naples တွင် ရောင်းဈေးကွက်ဝင်ခဲ့သော မြေနေရာဖြစ်ပြီး ကန်ဒေါ်လာ ၂၉၅ သန်းအထိ ဈေးခေါ်ခဲ့သည်။
(ဂျက်ဘေးဇော့စ်။ ဓာတ်ပုံ-Getty Images fot the New York Times)
(မိုင်အမ်မီကမ်းလွန် Indian Creek ကျွန်းတွင် ဂျက်ဘေးဇော့စ်၏ ခြံဝန်းဘေး၌ တည်ရှိပြီး ခြံဝန်းအကျယ် ၁ ဒသမ ၈၄ ဧကရှိကာ ကန်ဒေါ်လာ သန်း ၂၀၀ ဈေးခေါ်ထားသည်။ ဓာတ်ပုံ-Romain Maurice/ MEGA)
ဂျက်ဘေးဇော့စ်သည် အဆိုပါကျွန်းပေါ်ရှိ Indian Creek Island လမ်းပေါ်ရှိ ခြံအမှတ် ၁၁ ၊ ၁၂ နှင့် ၂၈ တို့ကို ကန်ဒေါ်လာ ၂၃၇ သန်းပေးကာ ဝယ်ယူထားသည်။
ထိုကျွန်းပေါ်တွင် Indian Creek Country Club ၊ ဧက ၃၀၀ ကျယ်သော ၁၈ ကျင်း ဂေါက်ကွင်းတို့အပြင် လူနေအိမ် စုစုပေါင်း ၄၁ လုံးသာ ရှိသည်။
ယခုဈေးကွက်ဝင်လာသည့် မြေနေရာသည် Biscayne ပင်လယ်ကွေ့နှင့် ပေ ၂၀၀ ကမ်းခြေမျက်နှာစာ ပိုင်ဆိုင်ထားပြီး မိုင်အမ်မီမြို့လယ်၏ မြင်ကွင်းများကို လှမ်းမျှော်တွေ့မြင်ရသည်။
ဝယ်ယူမည့် ပိုင်ရှင်သစ်အနေဖြင့် အလျား ပေ ၁၈၀ ရှိ ရွက်လှေတစ်စင်းရပ်နားရန် ဆိပ်ခံ ဆောက်လုပ်နိုင်မည်ဖြစ်ကြောင်း အရောင်းဈေးကွက်တင်ပေးသည့် Reznik Group အိမ်ခြံမြေ ကုမ္ပဏီမှ အကျိုးဆောင် Llya Reznik က ပြောသည်။
(ဂျက်ဘေးဇော့စ်နှင့် စေ့စပ်ထားသူအမျိုးသမီး လော်ရန်ဆန်းချက်ဇ်တို့ကို တွေ့ရပုံ။ ဓာတ်ပုံ- EOUS/ SplashNews.com)
(Indian Creek ကျွန်း၏ ကောင်းကင်ဓာတ်ပုံ။ ဓာတ်ပုံ-MEGA)
(ဤကျွန်းတွင် ဂျက်ဘေးဇော့စ်က နေအိမ် ၃ လုံး ပိုင်ဆိုင်ထားသည်။ Bruce Glikas/ WireImage)
ကျွန်းပေါ်တွင် ကျိကျိတက်ချမ်းသာသူများစွာ နေထိုင်ကာ လုံခြုံရေးကိုလည်း အလွန်တင်းကြပ်ထားသည်။
ကျွန်းပေါ်တွင် ကိုယ်ပိုင်ရဲတပ်ဖွဲ့ရှိပြီး ရေကြောင်းမှ ကင်းလှည့်ပေးနေသည့်အဖွဲ့လည်း ရှိသည်။
လက်ရှိပိုင်ရှင်က ယခုမြေနေရာကို ၂၀၁၈ ခုနှစ်အတွင်း ကန်ဒေါ်လာ ၂၇ ဒသမ ၅ သန်းဖြင့် ဝယ်ယူခဲ့ခြင်း ဖြစ်သည်။
(ကျွန်းပေါ်တွင် နေထိုင်သည့် အထင်ကရပုဂ္ဂိုလ်များစွာအနက် ဂျက်ဘေးဇော့စ်နှင့် လော်ရန်ဆန်းချက်ဇ်တို့လည်း အပါအဝင် ဖြစ်သည်။ ဓာတ်ပုံ-The Hollywood Reporter via Getty Images)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: A land parcel on an ultra-exclusive Florida island has listed for $200M — offering the rare chance to live next to Jeff Bezos Photo Credit- Getty Images fot the New York Times, Romain Maurice/ MEGA, EOUS/ SplashNews.com, MEGA, Bruce Glikas/ WireImage, The Hollywood Reporter via Getty Images
