ဂျပန်နိုင်ငံတွင် လူလုပ်ကျွန်းတုပေါ်၌ ကန်ဒေါ်လာ ၁၈ ဘီလီယံ အကုန်အကျခံကာ ဆောက်လုပ်ထားသော လေဆိပ်ကြီး ပင်လယ်အောက်သို့ နစ်မြုပ်လာလျက်ရှိ

ဂျပန်နိုင်ငံတွင် Kansai International Airport (KIX) ကို ၁၉၉၄ ခုနှစ်က ဆောက်လုပ်ပြီးစီးခဲ့ရာ ထိုခေတ် ထိုကာလက Civil Engineering ၏ အထင်ကရအောင်ပွဲတစ်ရပ် ဖြစ်ခဲ့သည်။

အိုဆာကာ ပင်လယ်ကွေ့ရှိ လူလုပ်ကျွန်းတုပေါ်တွင် ဆောက်လုပ်ခဲ့ခြင်းဖြစ်ပြီး ထိုသို့ဆောက်လုပ်ခဲ့သော လေဆိပ်များအနက် အကြီးမားဆုံးသော စီမံကိန်းကြီးများတွင် တစ်ခုအပါအဝင်အဖြစ် ရပ်တည်နေသည်။

လူလုပ်ကျွန်းတု ၂ ခုပေါ်တွင် ဖြန့်ကျက်ဆောက်လုပ်ထားခြင်းဖြစ်ပြီး ကမ္ဘာပေါ်တွင် ထိုသို့ဆောက်လုပ်သည့် ပထမဆုံးလေဆိပ်လည်း ဖြစ်သည်။ KIX လေဆိပ်နှင့် ကုန်းမကြီးရှိရာသို့ အလျား ၁ ဒသမ ၉ မိုင်ရှိသော တံတားဖြင့် ဆက်သွယ်ပေးထားသည်။

အဆိုပါလေဆိပ်ကြီးတွင် တစ်ကမ္ဘာလုံး၌ အရှည်လျားဆုံးသော Terminal အဆောက်အအုံကြီးရှိသည်။

Luggage movement မှာလည်း အမှားအယွင်းရှိသည့်မှတ်တမ်းမှတ်ရာ တစ်ခုတစ်လေမျှပင် မရှိခဲ့။

သို့သော် ကြီးကျယ်ခမ်းနားလှသော လေဆိပ်ကြီးမှာ ယခုအခါ စိန်ခေါ်မှုကြီးတစ်ရပ်နှင့် ရင်ဆိုင်ရလျက်ရှိသည်။

ထိုစိန်ခေါ်မှုကြီးကား ပင်လယ်အောက်သို့ နစ်မြုပ်လာလျက်ရှိခြင်း ဖြစ်သည်။ ကျွန်းတု၏ မြေ ၁၂ မီတာနီးပါး (၃၈ ပေခန့်) ပင်လယ်ရေအောက်သို့ နစ်မြုပ်သွားပြီဟု ဆိုသည်။

သို့တိုင် All Nippon Airways, Japan Airlines နှင့် Nippon Cargo Airlines တို့၏ လေယာဉ်ကြီးများ ဆင်းသက်လျက်ရှိပြီး အာရှတလွှားသို့ ဖြန့်ကျက်ပျံသန်းလျက်ရှိသည်။

(KIX လေဆိပ်ကို တွေ့ရပုံ။ ဓာတ်ပုံ-Getty)

လေဆိပ်ကြီး တဖြည်းဖြည်းချင်း နစ်မြုပ်လာနေသည်ကို Kansai ၏ အင်ဂျင်နီယာများ သိပါသည်။

သို့သော် နှစ် ၅၀ အတွင်း ဖြေရှင်းနိုင်မည်ဟု ခန့်မှန်းထားသည်။

ကျွန်းကို ပင်လယ်တံတိုင်းဖြင့် ကာရံသွားရန် ၎င်းတို့က စီစဉ်နေသည်။

လေဆိပ်ကို ဆောက်လုပ်ထားသည်မှာ ရေစိုနေသော ရေမြှုပ်တုံးတစ်ခုပေါ်တွင် ဆောက်လုပ်ထားသကဲ့သို့ ဖြစ်သည်။

လေဆိပ်အဆောက်အအုံများနှင့် လေဆိပ်တို့၏ အလေးချိန်ကို ခံနိုင်ရည်ရှိစေရန်အတွက်ဆိုလျှင် အောက်ခံမြေမှာ ခြောက်သွေ့သိပ်သည်းသည့် ဖောင်ဒေးရှင်းဖြစ်ရန် လိုအပ်သည်။

ထိုသို့ သိပ်သည်းစေရန်အတွက် ဆောက်လုပ်ရေးလုပ်သားတို့က သဲထု တစ်မီတာခွဲခန့် ခင်းကျင်းခဲ့ကြသည်။

ထိုသို့ ခင်းကျင်းထားသောကြောင့် ဝန်းကျင်ရှိ အစိုဓာတ်များကို စုပ်ယူနိုင်စေရန် ဖြစ်သည်။

မြေသားများ သယ်ယူလာပြီး ယခုနေရာသို့ သယ်ယူလာကာ ဖိသိပ်ပေးခြင်းများလည်း ပြုလုပ်ကာ အောက်ခြေမြေသား ခိုင်မာစေရန် ပြုလုပ်ခဲ့ကြသည်။

ဆောက်လုပ်ရေးလုပ်သားတို့သည် passenger terminal အောက်ကို တူးဖော်ခဲ့ပြီး ဟိုက်ဒရောလစ်ဂျိုက်များအောက်တွင် အပြားများခံကာ ကော်လံတိုင်များကို မြှင့်တင်ခဲ့သည်။

ပင်လယ်တံတိုင်း ကာရံရေးအတွက် ကန်ဒေါ်လာ ၁၄၆ သန်းခန့် သုံးစွဲခဲ့ပြီးဖြစ်သည်ဟု ဆိုသည်။

အချို့သော အင်ဂျင်နီယာတို့က ယူဆသည်မှာမူ ထိုငွေပမာဏသုံးစွဲမှုမှာ နည်းပါးလွန်းပြီး စီမံဆောင်ရွက်မှု နောက်ကျလွန်းကြောင်း ပြောဆိုကြသည်။

(၂၀၂၃ ခုနှစ်အတွင်း Kansai လေဆိပ်သို့ ခရီးသည် ၂၅ ဒသမ ၉ သန်း ဝင်ရောက်ခဲ့သည်။ ဓာတ်ပုံ-Getty Images)

၂၀၁၈ ခုနှစ်တွင် အိုဆာကာ ပင်လယ်ကွေ့သို့ Jebi တိုင်ဖွန်းမုန်တိုင်း တိုက်ခတ်ခဲ့ရာ ပင်လယ်တံတိုင်းများကို ရေလှိုင်းတို့ ဖြတ်ကျော်ခဲ့ပြီး လေယာဉ်ပြေးလမ်းများကို ရေလွှမ်းမိုးသွားခဲ့သည်။

အဆိုပါဖြစ်ရပ်ကြောင့် အကာအရံများကို ပိုမိုအဆင့်မြှင့်တင်မှုများ ပြုလုပ်ခဲ့ရာ ရေကြီးရေလျှံမှုများကို ကာကွယ်ရန် ပင်လယ်တံတိုင်းကို ၂ ဒသမ ၇ မီတာ ထပ်မံမြှင့်တင်ခြင်းလည်း အပါအဝင် ဖြစ်သည်။

အချို့က ခန့်မှန်းထားသည်မှာ ၂၀၅၆ ခုနှစ်သို့ ရောက်လျှင် ကျွန်း၏ အချို့နေရာများတွင် ၁၃ ပေ ခန့် နစ်မြုပ်သွားနိုင်ကြောင်း ခန့်မှန်းကြသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: The incredible £15bn airport built in the middle of nowhere that's sinking into the sea (express)

Photo Credit-getty