ဗီယက်နမ်မှာ ဒေါ်လာသန်းပေါင်းများစွာ အကုန်အကျခံဆောက်လုပ်ထားတဲ့ ကြီးကျယ်ခမ်းနားလှတဲ့ စာသင်ကျောင်းကြီး ဘာကြောင့် အပြီးသတ်မဆောက်ဘဲ ကြေကွဲဖွယ် စွန့်ပစ်ခံထားရတာလဲ

ဗီယက်နမ်နိုင်ငံ ၊ Nghe An ပြည်နယ်တွင် ဒေါင်ငွေ ၄၀၀ ဘီလီယံ (ကန်ဒေါ်လာ ၁၅ ဒသမ ၇ သန်း) အကုန်အကျခံပြီး ကြီးကျယ်ခမ်းနားစွာ ဆောက်လုပ်ထားသော အထက်တန်းကျောင်းကြီးတစ်ခု ရှိနေသည်။

သို့သော် ဆောက်လက်စတန်းလန်းဖြစ်ပြီး အပြီးမသတ်ဘဲ စွန့်ပစ်ခံထားရသည်မှာ နှစ်ပေါင်းများစွာ ရှိပြီဖြစ်ကာ ပျက်စီးယိုယွင်းစပြုလာနေပြီ ဖြစ်သည်။

Phan Boi Chau အမည်ရှိ အထက်တန်းကျောင်းသည် ၁၉၇၄ ခုနှစ်က စတင်တည်ထောင်ခဲ့သော ကျောင်းဖြစ်သည်။

ပညာရေးဘက်တွင် ထူးချွန်သူများစွာ ထွက်ပေါ်ခဲ့ပြီး ပညာရေးဆိုင်ရာ နိုင်ငံအဆင့် ပြိုင်ပွဲများတွင် ဤကျောင်းမှ ကျောင်းသူများစွာ ဝင်ရောက်ယှဉ်ပြိုင်ခဲ့ကြသည့် မှတ်တမ်းရှိသည်။

၂၀၁၈ ခုနှစ်တွင် ပြည်နယ် အာဏာပိုင်တို့က ဤကျောင်းကို Hung Binh အရပ်မှ Nghi An အရပ်ရှိ အဆောက်အအုံသစ်သို့ ရွှေ့ပြောင်းရန် စီမံကိန်းကို အတည်ပြု ခွင့်ပြုပေးခဲ့သည်။

ကျောင်းကို အဆင့် ၃ ဆင့်ဖြင့် ဆောက်လုပ်ရန် ရည်ရွယ်ခဲ့ပြီး ၂၀၂၁ ခုနှစ်တွင် စတင်ဆောက်လုပ်ခဲ့သည်။

ဒေသတွင်း ရန်ပုံငွေအပြင် အာရှဖွံ့ဖြိုးရေးဘဏ်၏ အထက်တန်းဆင့် ပညာရေးကဏ္ဍ ဖွံ့ဖြိုးရေး အစီအစဉ်မှ ထောက်ပံ့ငွေတို့ဖြင့် ဆောက်လုပ်ခဲ့ခြင်း ဖြစ်သည်။

အဆင့် ၁ ကို ပြည်နယ်ပညာရေးနှင့် လေ့ကျင့်ရေးဌာနမှ ကွပ်ကဲခဲ့ပြီး တစ်နှစ်အတွင်း အပြီးသတ်ရန် ရည်မှန်းခဲ့သည်။

အနောက်ပိုင်းအဆင့်များကို Civil Construction ရင်းနှီးမြှုပ်နှံမှု စီမံကိန်းများဆိုင်ရာ စီမံခန့်ခွဲရေး ဘုတ်အဖွဲ့က ကွပ်ကဲရန် စီစဉ်ထားခဲ့သည်။

ကျောင်း၏ အကျယ်အဝန်းမှာ စတုရန်းမီတာ ၈၅၀၀၀ ကျော်ရှိပြီး စာသင်ခန်းများ၊ စာကြည့်တိုက်၊ အိပ်ဆောင်များ၊ ကန်တင်း၊ Functional room များ၊ မီးဘေးကာကွယ်ရေးစနစ်များ၊ မြေအောက်ရေကန်တို့ အပါအဝင်အဖြစ် ဒီဇိုင်းရေးဆွဲထားသည်။

၂၀၂၂ ခုနှစ်တွင် ပထမအဆင့် ပြီးစီးခဲ့သော်လည်း Operational standard များနှင့် ကိုက်ညီခြင်း မရှိခဲ့။

ထို့ကြောင့် ဆောက်လုပ်ရေးလုပ်ငန်းခွင်ကို ရပ်ဆိုင်းထားခဲ့သည်မှာ၂ နှစ်နီးပါး ရှိပြီ ဖြစ်သည်။

(ပထမအဆင့် ဆောက်လုပ်မှုမှာ ၂၀၂၂ ခုနှစ်တွင် အပြီးသတ်ခဲ့သော်လည်း ဘဏ္ဍာရေးပြဿနာကြောင့် စီမံကိန်း ရပ်ဆိုင်းထားခဲ့သည်။ စီမံကိန်းကို စွန့်ပစ်ထားခဲ့သည်မှာ ၂ နှစ်ခန့် ရှိခဲ့ပြီးနောက် ယိုယွင်းပျက်စီးနေသည့် လက္ခဏာများ တွေ့လာရသည်။ ဓာတ်ပုံ-Doan Hoa)

အဆောက်အအုံဝန်းအတွင်း မြက်များ၊ ခြုံတောများ အပြိုင်းအရိုင်း ပေါက်နေသည်။ နံရံများမှာ အက်ကွဲနေပြီး လက်ရန်းများတွင် ဖုန်တသောသော ဖြစ်နေကာ မျက်နှာကြက်များမှာလည်း ကွာကျ၊ အက်ကွဲမှုများ ရှိနေကာ ရေဝင်ပြီး ပျက်စီးနေသည်ကိုလည်း တွေ့ရသည်။

ကျောင်းဝန်းတွင် ဆောက်လုပ်ရေးလုပ်သားများ လုံခြုံရေးများ မတွေ့ရချေ။

စီမံကိန်း၊ စီမံခန့်ခွဲရေးအဖွဲ့က ခန့်မှန်းသည်မှာ အပြီးသတ်ဆောက်လုပ်ရန်အတွက် ဒေါင်ငွေ ၃၀၀ ဘီလီယံ (ကန်ဒေါ်လာ ၁၁ ဒသမ ၇ သန်း) လိုအပ်ကြောင်း ခန့်မှန်းသည်။

(မျက်နှာကြက်များ ကွာကျနေသည်။ ဓာတ်ပုံ-Doan Hoa)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: In Vietnam, multimillion-dollar school unfinished, abandoned, deteriorating (tuoitrenews) Photo Credit-Doan Hoa