အိမ်ရှင်နှင်ထုတ်ခြင်းခံရသော အိမ်ငှားက အိမ်နောက်ဘက်ရှိ ပန်းအိုးများအားလုံးကို ယူဆောင်သွားရာ အိမ်ရှင်မှာ ယမ်းပုံမီးကျဖြစ်ကာ ကျန်ရစ်ခဲ့

နေအိမ်မှ နှင်ထုတ်ခံရသော အိမ်ငှားအမျိုးသမီးတစ်ဦးသည် အိမ်မှ ရွှေ့ပြောင်းချိန်တွင် အိမ်နောက်ဘက်၌ ၎င်းကိုယ်တိုင်စိုက်ပျိုးခဲ့သော ပန်းဥယျာဉ်တစ်ခုလုံးကို ယူဆောင်သွားခဲ့ရာ အိမ်ရှင်မှာ ယမ်းပုံမီးကျ ဒေါသထွက် ကျန်ရစ်ခဲ့ကြောင်း အဆိုပါအမျိုးသမီးက လူမှုကွန်ရက်တွင် ထုတ်ဖော်ပြောပြသည်။

ဖြစ်ပွားရာ နိုင်ငံနှင့် နေရာအတိအကျကိုမူ အိမ်ငှားအမျိုးသမီးက ဖော်ပြခြင်း မပြုခဲ့ချေ။

ထိုအချိန်က အသက် ၂၅ နှစ်အရွယ်ရှိ အိမ်ငှားအမျိုးသမီးက သူ၏ဖြစ်ရပ်ကို Reddit လူမှုကွန်ရက်ရှိ Am I the A**hole အမည်ရှိ စကားဝိုင်းတွင် ဝင်ရောက်ပြောပြခဲ့သည်။

ပန်းဥယျာဉ်ကို သယ်ဆောင်သွားသဖြင့် အိမ်ရှင်အား စိတ်အနှောင့်အယှက်ဖြစ်စေခဲ့သော မိမိ၏ အမှား ဟုတ်၊ မဟုတ် ထိုအမျိုးသမီးက မေးခွန်းထုတ်ထားသည်။

သူသည် ထိုအိမ်ကို အသက် ၁၈ နှစ်အရွယ်ကတည်းက ငှားရမ်းနေထိုင်ခဲ့ခြင်းဖြစ်သည်။

သူစတင်ပြောင်းရွှေ့ နေထိုင်ချိန်က အိမ်နောက်ဘက် ကွက်လပ်မှာ မြေကွက်ချည်းသာဖြစ်ပြီး မြက်ခင်းမရှိသလို မည်သည့်အပင်မှလည်း မရှိ။

“ဈေးသက်သာပြီး မခမ်းနားတဲ့ အိမ်တစ်လုံးပါ။ ဒါပေမယ့် အိမ်နောက်ဘက် ကွက်လပ်ပါတာကို သဘောကျတာကြောင့် ငှားရမ်းခဲ့ပါတယ်” ဟု ၎င်းက ပြောသည်။

ထိုကွက်လပ်တွင် ပန်းဥယျာဉ်တစ်ခုဖြစ်လာအောင် ဖန်တီးခဲ့ကြောင်း လည်း ပြောပြသည်။

(ခြံနောက်ဘက်တွင် ပက်လက်ကုလားထိုင်ဖြင့် စာဖတ်ရင်း အပန်းဖြေနေသော အမျိုးသမီးတစ်ဦး။ ဓာတ်ပုံ-Stock Photo/ Getty Images)

“ပြီးခဲ့တဲ့နှစ်အနည်းငယ်အတွင်း ကျွန်မဟာ ပန်းခြံထဲမှာ တဲငယ်လေးတစ်ခု၊ greenhouse နဲ့ pizza oven တစ်ခု ထားခဲ့ပြီး သယ်ယူလို့ရနိုင်တဲ့ ဟင်းသီးဟင်းရွက် စိုက်ခင်းဘောင်တွေ အများကြီး စိုက်ခဲ့ပါတယ်။ ပြီးတော့ ကျောက်ပြားခင်း လမ်းတချို့လည်း လုပ်ခဲ့ပြီး ငါးကန်တစ်ခုလည်း ထားခဲ့ပါတယ်။ ဒါကြောင့် ခြံနောက်ဘက်ဟာ တကယ့်ကို စိမ်းလန်းစိုပြည်ပြီး သာယာလှပတဲ့ နေရာလေး ဖြစ်လာပါတယ်။ ကျွန်မရဲ့ မိတ်ဆွေ သူငယ်ချင်းတွေဟာ အစိမ်းရောင် အိုအေစစ်ကလေးမှာ စုဝေးလေ့ရှိပါတယ်။”

ထိုအမျိုးသမီးသည် အဆိုပါ အိမ်တွင် ၇ နှစ်တာ ပျော်ရွှင်စွာ နေထိုင်ခဲ့ပြီးနောက် အိမ်ရှင်က အိမ်ရောင်းတော့မည်ဟု ပြောကာ အိမ်ပြောင်းခိုင်းလာသ

“ပြီးခဲ့တဲ့ လအနည်းငယ်လောက်မှာ အိမ်ရှင်က အိမ်ရောင်းတော့မယ်လို့ ပြောလာပါတယ်။ ပြီးခဲ့တဲ့ ရက်သတ္တပတ်မှာ ကျွန်မတို့ အိမ်ပြောင်းခဲ့ကြတယ်။ အိမ်ပြောင်းတဲ့ အချိန်မှာ ကျွန်မ စိုက်ပျိုးထားတဲ့ ပန်းခြံတစ်ခုလုံးကို နေရာသစ်ကို သယ်ယူသွားခဲ့ပါတယ်။ ကျွန်မရဲ့ ပန်းခြံမှာက မြေကြီးပေါ်ကို တိုက်ရိုက်ချစိုက်ထားတာ တစ်ခုမှ မရှိပါဘူး။”

“ကျွန်မက တဲအိမ်တွေနဲ့ Green House ကို ဖြတ်သိမ်းလိုက်ပြီး ပန်းအိုးတွေနဲ့ စိုက်ခင်းဘောင်တွေကို ထရပ်ကားနဲ့ သယ်ပါတယ်။ ခြံနောက်ဘက်တစ်ခုလုံးကို ၃ ရက်အတွင်း ရှင်းလင်းလိုက်ပါတယ်။”

(ခြံနောက်ဘက်တွင် စိုက်ခင်းဘောင်များ စိုက်ပျိုးခဲ့ကြပုံ။ ဓာတ်ပုံ-Stock Photo/ Getty Images )

ထိုသို့ စိုက်ခင်းဘောင်များနှင့် ပန်းခြံ သယ်ယူသွားမှုကို အိမ်ရှင်တို့က အမျက်ထွက်ခဲ့ကြသည်။

“ကျွန်မရဲ့ အိမ်ရှင်တွေက ဒေါသထွက်ခဲ့ကြပါတယ်။ ခြံနောက်ဘက်ကို အရင်အတိုင်း ပြန်လုပ်ပေးဖို့ တောင်းဆိုခဲ့ကြတယ်။ ခြံနောက်ဘက်မှာ ကျွန်မ စိုက်ပျိုးထားတာတွေကို သူတို့က ဓာတ်ပုံရိုက်ပြီး အိမ်အရောင်းတင်ခဲ့ကြတာ ဖြစ်ပါတယ်။ အိမ်ဝယ်မယ့်သူတွေက အိမ်နောက်ဘက်မှာ ဘာမှမရှိတာကို တွေ့တဲ့အချိန်မှာ လှည့်ထွက်သွားကြတယ်။ အိမ်ရှင်တွေက သူတို့ရဲ့ အပင်တွေကို ခိုးယူသွားပြီး ခြံနောက်ဘက်ကို ဖျက်စီးတယ်လို့ ကျွန်မကို စွပ်စွဲခဲ့ကြပါတယ်။”

အဆိုပါ အမျိုးသမီးက ဆက်လက်ပြောကြားသည်မှာ မိမိနေထိုင်ခြင်း မပြုမီက ခြံနောက်ဘက်၏ မြင်ကွင်း ဓာတ်ပုံများ မိမိထံတွင် ရှိကြောင်း ပြောသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Evicted tenant takes entire garden with her – leaving landlord furious (scoop) Photo Credit- Stock Photo/ Getty Images