ယာယီတားဝရမ်းအကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

တားဝရမ်းဆိုသည်မှာ တရားစီရင်ရေးကိစ္စရပ်များ ဆောင်ရွက်နေဆဲအချိန်တွင် ပစ္စည်း၏ မူလတန်ဖိုးများ မပျောက်ပျက်အောင်၊ နှောက်ယှက်မှုမဖြစ်ပေါ်စေရန် တားမြစ်ပေးခြင်းပင်ဖြစ်သည်။ ယာယီတားဝရမ်းရှိသလို၊ ထာဝစဉ်တားဝရမ်းလဲရှိပါသည်။

ယာယီတားဝရမ်းမှာ အမှုအတော်အတွင်း မည်သည့်အခြေအနေတွင်မဆို လျှောက်ထားခြင်းပြုနိုင်ပြီး တရားမကျင့်ထုံးဥပဒေ အမိန့်-၃၉ သီးခြားသက်သာခွင့် အက်ဥပဒေပုဒ်မ- ၅၂၊ ၅၃ တွင် ယာယီတားဝရမ်း အ ကြောင်း ဖော်ပြထားပါသည်။

ယာယီတားဝရမ်း၏ အချိန်ကာလသတ်မှတ်ချက်နှင့် ပစ္စည်းစာရင်းအား တရားရုံးမှ ရေးမှတ်ထားမည် ဖြစ်ပြီး ပစ္စည်းအား အခြားနည်းတမျိုးမျိုးဖြင့် အာမခံစေမည်ဖြစ်ပါသည်။ တရားရုံးမှအမှုအတွင်း တားဝရမ်း လျှောက်ထားပါက တရားမကျင့်ထုံးဥပဒေအမိန့် - ၃၉ နှင့် သင့်လျော်သည်ဟု ထင်မြင်ယူဆမှသာ ယာယီတား ဝရမ်း ထုတ်ပေးပါသည်။

အမှုအတော်အတွင်း ပစ္စည်းနှင့်ပတ်သတ်၍ နစ်နာဆုံးရှုံးမှု‌ ပေါ်ပေါက်နိုင်သော အခြေအနေမျိုးရှိလျှင် ယာယီတားဝရမ်း ထုတ်ပေးမှသာ တရားမျှတမည်ဖြစ်ပါသည်။ ( ဦးမောင်ကြီး (ခ) အလီဘိုင်နှင့် ဒေါ်ခင်သန်းမြင့် ၁၉၇၅၊ မ.တ.စ ရုံးချုပ်၊ စာ-၇၂ )

ယာယီတားဝရမ်းမှာ အမှုအတော်အတွင်း ပါဝင်သူများအပေါ်တွင်သာ ထုတ်ပေးသောကြောင့် အမှုနှင့် သက်ဆိုင်သူများအား တရားပြိုင်အဖြစ် ပါဝင်ရမည်ဖြစ်ပါသည်။ ယာယီတားဝရမ်းစာ မထုတ်ပေးခင် တဖက် အမှုသည်အား အကြောင်းကြားစာပေးပို့ရန် တာဝန်ရှိပါသည်။ တရားရုံးထုတ်ပေးသော ယာယီတားဝရမ်းစာအား လိုက်နာခြင်းမရှိပါကလဲ အရေးယူခြင်းခံရမည်ဖြစ်ပါသည်။

ထာဝစဉ်တားဝရမ်းဆိုသည်မှာ အမိန့်တစ်ရပ်ချမှတ်ခြင်းနှင့် တူညီပြီး တရားပြိုင်ဘက်မှ အငြင်းပွားသည့်ပစ္စည်းနှင့် စပ်လျဉ်း၍ နှောက်ယှက်ခြင်းမရှိစေရန် အမြဲထာဝစဉ် တားမြစ်ခြင်းဖြစ်ပါသည်။

ယာယီတားဝရမ်း ထုတ်ပေးမည့်ပစ္စည်းမှာ အမှုတွင် တရားလို၊ တရားပြိုင် အမှန်တကယ် အငြင်းပွားမှု ဖြစ်ပေါ်နေသော ပစ္စည်းဖြစ်ရန်လိုအပ်ကြောင်း ဥပဒေဗဟုသုတအနေဖြင့် ရေးသားဖော်ပြပေးလိုက်ပါသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

iMyanmarHouse.com ၏ ဥပ​ဒေအကြံ​ပေး ပညာရှင်​အဖွဲ့ မှ အထူးရေးသားဖော်ပြသည်။

Credit: iMyanmarHouse.com