စီရော်နယ်ဒို၏ ချစ်သူဟောင်း ရုရှားစူပါမော်ဒယ် Irina Shayk က နယူးယောက်မှ duplex ခန်း အရောင်းတင်ထားရာ ရောင်းမထွက်သောကြောင့် ဒေါ်လာ ၁ သန်းဈေးလျှော့ပေးလာ

ဘောလုံးကြယ်ပွင့် စီရော်နယ်ဒို၊ ရက်ပ်အဆိုတော် Kanye West တို့နှင့် တွဲခဲ့ဖူးပြီး ဟောလိဝုဒ် ဒိတ်ဒိတ်ကြဲ ကြယ်ပွင့် Bradley Cooper နှင့် သမီးတစ်ယောက်ရခဲ့သော ရုရှား စူပါမော်ဒယ် အီရီးနား ရှိတ်ခ် (Irina Shayk) သည် နယူးယောက်မြို့ ၊ West Village ရှိ နေအိမ်ရောင်းမထွက်သောကြောင့် ဒေါ်လာ ၁ သန်း ဈေးထပ်လျှော့ ပေးလာသည်။

Perry လမ်း၊ အမှတ် ၁၆၆ တွင်ရှိပြီး အိပ်ခန်း ၃ ခန်း၊ ရေချိုးခန်း ၂ ခန်းပါဝင်သည်။

ယခုနှစ် ဇွန်လအတွင်း အရောင်းဈေးကွက်တင်ခဲ့ချိန်က ကန်ဒေါ်လာ ၄ ဒသမ ၂ သန်းဈေးခေါ်ခဲ့ပြီး ယခုတိုင် ရောင်းမထွက်သောကြောင့် ကန်ဒေါ်လာ ၃ ဒသမ ၂၉ သန်းသို့ ဈေးလျှော့ပေးလာသည်။

အီရီးနား ရှိတ်ခ်သည် Sports Illustrated ၏ cover model ဖြစ်ခဲ့ပြီး လူမှုကွန်ရက်တွင် follower ၂၃ ဒသမ ၇ သန်း ရှိသူ ဖြစ်သည်။

အီရီးနား ရှိတ်ခ်က ပထမထပ်တွင်တည်ရှိသော duplex ခန်းကို ၂၀၁၀ ပြည့်နှစ်အတွင်း ကန်ဒေါ်လာ ၁ ဒသမ ၉၆ သန်းဖြင့် ဝယ်ယူခဲ့ခြင်း ဖြစ်သည်။ ထိုအချိန်က အီရီးနားသည် ဘောလုံးကြယ်ပွင့် ခရစ္စတီယာနို ရော်နယ်ဒိုနှင့် တွဲနေချိန်လည်း ဖြစ်သည်။

၂၀၁၅ ခုနှစ်တွင် စီရော်နယ်ဒိုနှင့် လမ်းခွဲခဲ့ပြီးနောက် ထိုနှစ်အတွင်းတွင်ပင် ဟောလိဝုဒ် ရုပ်ရှင်မင်းသား Bradley Cooper နှင့် တွဲခဲ့သည်။

၂၀၁၇ ခုနှစ်တွင် Cooper နှင့်ရသော သမီးငယ် လီယာကို မွေးဖွားသည်။ ၂၀၁၉ ခုနှစ်တွင် ၎င်းတို့နှစ်ဦး လမ်းခွဲခဲ့ကြသည်။

(အီရီးနား ရှိတ်ခ်။ ဓာတ်ပုံ-Getty Images)

(Duplex ခန်းဖြစ်ပြီး အခန်းဖွင့်ခင်းကျင်းထားသော မီးဖိုဆောင်၊ ညစာစားခန်းတို့ ပါဝင်သည်။ ဓာတ်ပုံ-St.Squarefoot advisors Inc.)

(အေးချမ်းသော အိပ်ခန်းတစ်ခန်း။ ဓာတ်ပုံ-St.Squarefoot advisors Inc.)

(မီးဖိုဆောင်။ ဓာတ်ပုံ-St.Squarefoot advisors Inc.)

(spa အသွင် ရေချိုးခန်းပါသော အိပ်ခန်း။ ဓာတ်ပုံ-St.Squarefoot advisors Inc.)

အခန်းအကျယ် ၂၄၅၀ စတုရန်းပေရှိပြီး ပထမထပ်မှ စတင်ဝင်ရောက်လျှင် အဝင်ခန်းမငယ်တစ်ခုသို့ ရောက်မည်ဖြစ်ပြီး ထိုမှတဆင့် အိမ်တွင်းရုံးခန်းနှင့် ဧည့်သည်များအတွက် အိမ်သာတို့ ရှိသည်။

နယူးယောက်မှ ဒီဇိုင်နာ Laura Kirar အသေးစိတ်ပုံဖော်ပေးထားသော မီးဖိုဆောင်နှင့် ညစာစားခန်းတို့လည်း ရှိသည်။

ပင်မအိပ်ခန်းတွင် spa အသွင်ရေချိုးခန်းနှင့် walk-in closet တို့ ပါဝင်သည်။

၁၁ ပေကျော် မြင့်မားသော မျက်နှာကြက်များ၊ ဝက်သစ်ချသား ကြမ်းခင်းများ၊ ကြမ်းပြင်မှ မျက်နှာကြက်ထိ မြင့်မားသော မှန်ပြတင်းများ၊ ရေချိုးခန်းတွင် အပူပေးစနစ်ပါ ကြမ်းပြင်များ ပါဝင်သည်။

အိပ်ခန်းနှင့် ဧည့်ခန်းကို အလျား ၁၀ ပေရှိ လျှောထိုးမှန်တံခါးဖြင့် ခြားနားထားသည်။

(Sports Illustrated မဂ္ဂဇင်း မျက်နှာဖုံးတွင် ဖော်ပြခံရပုံ။ ဓာတ်ပုံ-Honda Davaine)

(လူမှုကွန်ရက်တွင် Follower ၂၃ ဒသမ ၇ သန်း ရှိသည်။ ဓာတ်ပုံ-Getty Images)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Russian supermodel Irina Shayk sheds $1M off the price of her NYC perch (nypost)

Photo Credit- Honda Davaine, Getty Images, St.Squarefoot advisors Inc