ဗဟုသုတ | Posted by ဇာနည်ကျော်
အမေရိကန်ပြည်၊ ကင်တပ်ကီပြည်နယ်မှ အမျိုးသားတစ်ဦးသည် ထီဂဏန်းတစ်ခုတည်းကို ၉ နှစ်ကြာ ကံစမ်းနေခဲ့ရာ ပြီးခဲ့သော နိုဝင်ဘာလကုန်က ထီဆုကြီး ကံထူးသွားသည်။
ကင်တပ်ကီပြည်နယ်၊ Lexington မြို့နေ ဘီလီ ဂလင်း (Billy Glenn) အမည်ရှိ အမျိုးသားက ကင်တပ်ကီပြည်နယ် ထီရုံးအရာရှိတို့ကို ပြောသည်မှာ မိမိသည် Lucky For Life ထီတွင် နံပါတ်တွဲ တစ်မျိုးတည်းကို ၉ နှစ်၊ ၇ လကြာ ကံစမ်းခဲ့ကြောင်း ပြောသည်။
အဆိုပါနံပါတ်များမှာ မိမိအကြိုက်ဆုံး မေဂျာလိဂ်ဘေ့စ်ဘောကစားသမားများ၏ ကျောနံပါတ်များနှင့် နှစ်ပတ်လည် အထိမ်းအမှတ်ရက်စွဲများဖြစ်ကြောင်း ဘီလီက ပြောသည်။
ဘီလီက ကံထူးသော ထီလက်မှတ်ကို Lexington မြို့ရှိ Southland BP ဓာတ်ဆီဆိုင်တွင် ဝယ်ယူခဲ့ခြင်း ဖြစ်သည်။
ပြီးခဲ့သော နိုဝင်ဘာ ၁၉ ရက်ထီဖွင့်ပွဲတွင် ဘီလီကံစမ်းနေသော ဂဏန်းထွက်လာသည်။
Lucky For Life ၏ ဒုတိယဆုဖြစ်သော တစ်နှစ်လျှင် ဒေါ်လာ ၂၅၀၀၀ တစ်သက်တာ ထုတ်ယူခွင့်ဆု ကံထူးခဲ့သည်။
ပထမဆုမှာ တစ်ရက်လျှင် ဒေါ်လာ ၁၀၀၀ တစ်သက်တာ ထုတ်ယူခွင့် ဖြစ်သည်။
“ကျွန်တော်ဟာ အခု Lucky For Life ထီဆု ကံထူးတဲ့နေ့ကနေ ပြန်ကြည့်မယ်ဆိုရင် ဒီထီကို ကံစမ်းခဲ့တာ ၉ နှစ်၊ ၇ လနဲ့ ၂၉ ရက်ရှိပါပြီ” ဟု ဘီလီက ပြောသည်။
စတင်ကံစမ်းခဲ့သည်မှာ ၂၀၁၅ ခုနှစ်၊ မတ်လ ၂၂ ရက်နေ့ဖြစ်သည်ဟု ဆိုသည်။
“ဒီအိပ်မက်ကို ကျွန်တော်စောင့်ဆိုင်းနေခဲ့တာပါ” ဟု ဘီလီက ထီရုံးအရာရှိများကို ပြောသည်။
“ဒါက မင်္ဂလာတစ်ပါးပါပဲ။ ပြီးခဲ့တဲ့ ၆ လလုံး ကျွန်တော်စိတ်ဖိစီးနေခဲ့ရတယ်”
ကံထူးလာသောငွေများဖြင့် အကြွေးများဆပ်ကာ အိမ်တွင် လုပ်ဆောင်ဖွယ်ရာရှိသည်များ ပြုလုပ်သွားမည်ဖြစ်ကြောင်း ၎င်းက ပြောသည်။
ထီလက်မှတ်ရောင်းချပေးသော Southland BP ဓာတ်ဆီဆိုင်မှာ ဆုရလက်မှတ်ကို ရောင်းချပေးသောကြောင့် ဆုငွေ ဒေါ်လာ ၅၀၀၀ ရရှိမည် ဖြစ်သည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Kentucky man's lottery numbers hit big after 9 years (yahoo)
