ဗဟုသုတ | Posted by အေးမြတ်သူ
အဘွားအိုတစ်ဦးသည် သူ၏နေအိမ်အောက်မှ ထူးဆန်းသော အသံများကို လပေါင်းများစွာ ကြားနေခဲ့ရပြီး တိရ စ္ဆာန်တစ်ကောင်၏ အသံဟု မှတ်ထင်ခဲ့သော်လည်း ဝတ်လစ်စလစ် အမျိုးသားတစ်ဦးဖြစ်နေသည်ကို တွေ့ရှိရသည်။
လပေါင်းများစွာ ကြားနေရသောအသံမှာ လမ်းဘေးခွေးတစ်ကောင် (သို့မဟုတ်) တောရိုင်းသတ္တဝါ တစ်ကောင်၏ အသံဖြစ်နိုင်ကြောင်း အသက် ၉၃ နှစ်အရွယ် အဘွားအိုက ယူဆခဲ့သည်။
အဘွားအိုမှာ တစ်ဦးတည်း နေထိုင်သူ ဖြစ်သည်။
“အဲဒီအသံက ညဉ့်နက်ပိုင်းတွေမှာ ကြားရတာပါ။ နေအိမ်အောက်မှာ တိရ စ္ဆာန်တွေ ရောက်နေတာ ဖြစ်နိုင်တယ်လို့ ကျွန်တော်တို့ ယူဆခဲ့ကြတယ်” ဟု အဘွားအို၏ သားမက်ဖြစ်သူ ရီကာဒို ဆေးလ်ဗားက NBC News သတင်းဌာနသို့ ပြောသည်။
ယခုလ အစောပိုင်းကမူ အဘွား၏ မိသားစု အလည်အပတ်ရောက်ရှိနေစဉ် ညဘက်တွင် ကျယ်လောင်သော ထုရိုက်သံများကို ကြားရသည်ဟု ဆိုသည်။
“အဲဒီအသံတွေက တံခါးခေါက်တဲ့ အသံမျိုးလိုပဲ။” ဟု ဆေးလ်ဗားက ပြောသည်။
“ကျွန်တော့်ဇနီး လမ်းလျှောက်နေတဲ့ အသံမျိုးနဲ့လည်းတူတယ်။ ဒါပေမယ့် အသံက အိမ်အောက်ကနေ လာတာဆိုတော့ တခုခုတော့ လွဲနေပြီလို့ မိန်းမက ပြောပါတယ်”
ထို့ကြောင့် ၎င်းတို့မိသားစုက လော့စ်အိန်ဂျလိရဲတပ်ဖွဲ့ (LAPD) သို့ ဖုန်းဆက်အကြောင်းကြားခဲ့သည်။
ရဲအရာရှိများသည် El Sereno အရပ်၊ Locke Avenue လမ်းရှိ နေအိမ်သို့ ရောက်ရှိလာခဲ့ရာ ကျူးကျော်ဝင်ရောက် နေထိုင်သော သံသယရှိသူကို တွေ့ရှိခဲ့သည်။
နေအိမ်အောက်ထဲတွင်ရှိနေသော ထိုအမျိုးသားက အပြင်သို့ထွက်လာရန် နာရီအနည်းငယ်ခန့် ငြင်းဆန်နေခဲ့သည်။
“သူက အပြင်ထွက်လာဖို့ ငြင်းဆန်နေခဲ့တယ်။ ခွေးတွေကိုလည်း သူက မကြောက်ဘူး” ဟု ဆေးလ်ဗားက ပြောသည်။
(အဘွားအိုသည် တစ်ဦးတည်းနေထိုင်သူဖြစ်ပြီး နေအိမ်အောက်မှ ထူးဆန်းသောအသံများ ကြားနေရသည်မှာ လပေါင်းများစွာရှိခဲ့ပြီ ဖြစ်သည်။ ဓာတ်ပုံ-KCAL News)
သို့ကြောင့် ရဲအရာရှိများမှာ ထိုအမျိုးသားထွက်လာရန် နောက်တစ်ရက်ဖြစ်သော နိုဝင်ဘာ ၈ ရက်၊ ညနေ ၄း၃၀ အချိန်တွင် မျက်ရည်ယိုဓာတ်ငွေ့ အသုံးပြုခဲ့ရသည်။
ထိုအမျိုးသားကို နေအိမ်ကျော်နင်းမှုဖြင့် ဖမ်းဆီးထားကြောင်း လော့စ်အိန်ဂျလိရဲတပ်ဖွဲ့က ပြောသည်။
နေအိမ်အောက်မှ အစားအစာများနှင့် စောင်များ တွေ့ရှိခဲ့ကြောင်း၊ ထိုအမျိုးသားသည် ညဘက်တွင် နေအိမ်အောက်၌ ဝင်ရောက်နေထိုင်ပြီး မနက်မိုးလင်းလျှင် ထွက်ခွာသွားသည်ဟု ရဲတပ်ဖွဲ့က ယူဆသည်။
သံသယရှိသူ အမျိုးသား၏အမည်မှာ အိုင်ဆက် ဘက်တန်ကော့ (Issac Betancourt) ဖြစ်ပြီး အသက် ၂၇ နှစ်အရွယ်ရှိသည်ဟု သိရသည်။
(နေအိမ်အောက်ဘက်တွင် လူတစ်ဦး တွားသွားဝင်ရောက်နိုင်သော ၂ ပေမြင့်မားသည့်နေရာကို အဘွားအို၏ မိသားစုက ပိတ်ဆို့ထားလိုက်ပြီး အခြားသူများ ထပ်မံမဝင်နိုင်စေရန် ကာကွယ်ထားလိုက်ကြသည်။ ဓာတ်ပုံ-KCAL News)
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: I found a naked man under my bed, says 93-year-old grandmother (metro) Photo Credit-KCAL News
