အမေရိကန်ပြည်၊ တက္ကဆပ်ပြည်နယ်တွင် ဝိုင်စည်ကြီးများဖြင့် ဆန်းပြားစွာ ဆောက်လုပ်ထားသည့် အိမ် ၄ လုံးပါသော ခြံဝန်းတစ်ခု ကန်ဒေါ်လာ ၂ သန်းကျော်မျှဖြင့် ရောင်းမည်

ရင်းနှီးမြှုပ်နှံသူ လုပ်ငန်းရှင်များနှင့် ဝိုင်ဝါသနာကြီးသူများ တဆိတ်လောက် အာရုံစိုက်ပေးပါ။

စီးပွားရေး ရင်းနှီးမြှုပ်နှံမှု ပြုလုပ်လိုသူများအတွက် အမေရိကန်ပြည်ထောင်စု၊ တက္ကဆပ်ပြည်နယ်မှာ တကယ်အမိုက်စား အငှားချအိမ် ၄ လုံးပါတဲ့ ခြံဝန်းကြီးတစ်ခု အရောင်းဈေးကွက်ဝင်နေသည်။

ခြံဝန်းအကျယ် ၅ ဒသမ ၁၂ ဧကရှိပြီး ကန်ဒေါ်လာ ၂ သန်းကျော်လေးသာ ဈေးခေါ်ထားသည်။

အတိအကျဆိုလျှင် ကန်ဒေါ်လာ ၂ ဒသမ ၃၅ သန်းဖြစ်သည်။

ဝိုင်စည်ကြီး ၄ ခုထဲမှာ Cabin အိမ် ဆောက်ထားတဲ့ အိမ် ၄ လုံးပါဝင်သည်။

အမေရိကန်ပြည်၊ တက္ကဆပ်ပြည်နယ်၊ Fredericksburg မြို့တွင်ရှိသည်။

အရောင်းကြော်ငြာတွင် ဖော်ပြချက်အရ Hickory Haus ဟု အမည်ပေးထားသော ပင်မအိမ်တွင် အိပ်ခန်း ၃ ခန်း၊ ရေချိုးခန်း ၂ ခန်းပါပြီး လူ ၁၀ ဦးစာ နေထိုင်နိုင်သည်ဟု ဆိုသည်။

ယခုခြံဝန်း၏ အထူးခြားဆုံးအချက်ကို ဆိုရလျှင် ဝိုင်စည်ကြီးများအတွင်း နေအိမ်များ ဆောက်လုပ်ထားမှု ဖြစ်သည်။

၂၀၂၃ ခုနှစ်ကမှ ဆောက်လုပ်ခဲ့တာဖြစ်ပြီး ကမ္ဘာလှည့်ခရီးသည်များကို အငှားချပေးကာ အလွန်ကျော်ကြားသော အပန်းဖြေနေရာတစ်ခု ဖြစ်လာနေသည်။

(ဝိုင်စည်အသွင်ဆောက်လုပ်ထားသော cabin အိမ်တွင် မျက်နှာကြက်ခုံးများ၊ ခေတ်မီပရိဘောဂများဖြင့် မွမ်းမံထားသည်။ ဓာတ်ပုံ-Realtor)

(ရေချိုးခန်းတွင် ဝိုင်စည်အသွင် ရေစိမ်ကန်နှင့် ရေပန်းတို့ ပါဝင်သည်။ ဓာတ်ပုံ-Realtor)

(မီးဖိုဆောင်တွင် mini fridge တစ်ခု ရှိသည်။ ဓာတ်ပုံ-Realtor)

“ဒီအိမ်တွေဟာ ဒီဒေသနဲ့ လိုက်ဖက်ညီပြီး တမူထူးခြားပါတယ်။ ဘာကြောင့်လည်းဆိုတော့ တက္ကဆပ်ပြည်နယ်၊ Fredericksburg ဒေသဟာ ဝိုင်ဒေသအဖြစ် လူသိများတဲ့နေရာပါ။ လက်ရှိပိုင်ရှင်က ဒါကို inspire ယူပြီး ဆောက်လုပ်ခဲ့တာ ဖြစ်ပါတယ်။” ဟု အရောင်းဈေးကွက်တင်ပေးသော Keller Williams Gillespie အိမ်ခြံမြေကုမ္ပဏီမှ အကျိုးဆောင် Afton Hominick က ပြောသည်။

“ခြံဝန်းထဲမှာ ဝိုင်စည်အိမ် ၄ လုံးရှိပြီး ၂၀၂၃ ခုနှစ်က ဆောက်လုပ်ခဲ့တာဖြစ်ပါတယ်။ ပြီးခဲ့တဲ့နွေမှ ဒီအိမ်တွေကို စတင် အငှားချထားခဲ့ပြီး ကာလတို ငှားရမ်းအပန်းဖြေနိုင်တဲ့အိမ်ဈေးကွက်မှာ အလွန်ကျော်ကြားလာခဲ့ပါတယ်”

ဝိုင်စည်အိမ်တစ်လုံးချင်းစီတွင် သီးခြားအမည်များ ပေးထားပြီး Chardonnay (ရွှေရောင်နှင့် ရှန်ပိန်ရောင်)၊ Rose (ပန်းရောင်နှင့် အနီစပ်)၊ Tempranillo (ခရမ်းရောင်) နှင့် Cabernet (အနီမှိုင်း) တို့ ဖြစ်သည်။

အရောင်များမှာ ထိုအိမ်များကို ဆေးသုတ်ပုံဖော်ရာတွင် အသုံးပြုထားသည့် အရောင်အမျိုးအစားဖြစ်သည်။

(ဝိုင်စည်အိမ်တစ်လုံးစီတွင် သီးသန့်နားနေဆောင်ရှိပြီး ၅ ဒသမ ၁၂ ဧကကျယ်သော ခြံဝန်းကြီး၏ ရှုခင်းများကို တွေ့မြင်ရသည်။ ဓာတ်ပုံ-Realtor)

(ပင်မအိမ် Hickory Haus မှာ အကြီးမားဆုံးအိမ်ဖြစ်ပြီး အိပ်ခန်း ၃ ခန်းပါဝင်သည်။ဓာတ်ပုံ-Realtor)

(Hickory Haus ၏ မီးဖိုဆောင်။ ဓာတ်ပုံ-Realtor)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: $2.35 Million Texas Estate Comes Complete With Four Quirky Wine-Barrel Cabins—and a Bottleful of Lucrative Business Potential (realtor) Photo Credit-realtor