Steve Jobs ၏ ကျန်ရစ်သူဇနီး လော်ရင်း ၉၄ သန်းဖြင့် ဝယ်ယူပြီး တစ်လခန့်သာရှိသေးချိန်တွင် ဆန်ဖရန်စစ္စကိုရှိ စံအိမ်တစ်လုံးကို ကန်ဒေါ်လာ သန်း ၇၀ ဖြင့် ဝယ်ယူပြန်
Apple Inc. ပူးတွဲတည်ထောင်သူ Steve Jobs ၏ ကျန်ရစ်သူဇနီး ဘီလျံနာ လော်ရင်း ပါဝဲလ်ဂျော့ဘ်စ်သည် ဆန်ဖရန်စစ္စကိုမြို့၊ Pacific Heights အရပ်ရှိ စံအိမ်ကြီးတစ်လုံးကို ကန်ဒေါ်လာ သန်း ၇၀ ဖြင့် ဝယ်ယူ လိုက်ပြန်သည်။
အဆိုပါ အရောင်းအဝယ်မှာ ဆန်ဖရန်စစ္စကို၏ စျေးအကြီးဆုံးစံအိမ်အဖြစ် စံချိန်တင်ထားကြောင်း ထိုအရောင်းအဝယ်အကြောင်း သိရှိထားသည့် အမည်မဖော်လိုသူ ၂ ဦးကို ကိုးကားပြီး The Wall Street ဂျာနယ်က ဖော်ပြသည်။
လော်ရင်းသည် Emerson Collective ကို တည်ထောင်သူဖြစ်ပြီး ယခုစံအိမ်ကို သဘာဝ အာဟာရကုမ္ပဏီ Shaklee Corp ၏ စီအီးအို Roger Barnett နှင့် Sloan Lindermann Barnett တို့ စုံတွဲထံမှ စျေးကွက်ပြင်ပ အရောင်းအဝယ်ဖြင့် ဝယ်ယူခဲ့ခြင်း ဖြစ်သည်။
(မှတ်ချက်။ စျေးကွက်ပြင်ပ အရောင်းအဝယ်ဟူသည်မှာ အိမ်ခြံမြေဝက်ဘ်ဆိုက်များမှတဆင့် တရားဝင် အများပြည်သူသိရှိစေရန် အရောင်းအဝယ်လုပ်ခဲ့ခြင်း မဟုတ်သော အိမ်ခြံမြေရောင်းဝယ်မှု ဖြစ်သည်)
Barnett တို့စုံတွဲသည် စပိန် ရီနေးဆင်း ရီဗိုက်ဗယ်လ် ဗိသုကာဟန်ဖြင့် ဆောက်လုပ်ထားသော အဆိုပါ စံအိမ်ကြီးကို ၂၀၁၁ ခုနှစ်အတွင်း ကန်ဒေါ်လာ ၃၃ သန်းဖြင့် ဝယ်ယူခဲ့ခြင်းဖြစ်ကြောင်း ဝေါစထရိဂျာနယ်က ဖော်ပြသည်။
ဆန်ဖရန်စစ္စကိုတွင် ယခင်က စျေးအကြီးဆုံး အိမ်ခြံမြေအရောင်းအဝယ်အဖြစ် စံချိန်တင်ထားသည်မှာ ကန်ဒေါ်လာ ၄၃ ဒသမ ၅ သန်းတန် စံအိမ်ဖြစ်ကြောင်း ဒေသတွင်း အိမ်ခြံမြေအကျိုးဆောင်တို့က ဝေါစထရိဂျာနယ်သို့ ပြောသည်။
၁၉၁၆ ခုနှစ်က ဆောက်လုပ်ခဲ့သော စံအိမ်ဖြစ်ပြီး ဗိသုကာပညာရှင် Peter Marino က ပြန်လည်မွမ်းမံပေး ထားကြောင်း Architectural Digest က ၂၀၂၀ ပြည့်နှစ်အတွင်း ရေးသားဖော်ပြခဲ့ဖူးသည်။
၄ ထပ်အဆောက်အအုံမှတဆင့် San Francisco Bay, Golden Gate တံတားနှင့် Alcatraz ကျွန်းတို့ကို လှမ်းမျှော်တွေ့မြင်ရသည်။
Realtor အိမ်ခြံမြေဝက်ဘ်ဆိုက်၏ ဖော်ပြချက်အရ ဆန်ဖရန်စစ္စကိုတွင် ပြီးခဲ့သော ဇွန်လအတွင်း အလယ်အလတ်တန်း နေအိမ်တစ်လုံး၏ တန်ဖိုးမှာ ကန်ဒေါ်လာ ၁ ဒသမ ၂ သန်းဖြစ်သည်ဟု ဆိုသည်။
လော်ရင်းသည် ပြီးခဲ့သောလအတွင်း ကယ်လီဖိုးနီးယားပြည်နယ်၊ Malibu မြို့ရှိ ခမ်းနားလှသော စံအိမ်ကြီး တစ်လုံးကို ကန်ဒေါ်လာ ၉၄ သန်းဖြင့် ဝယ်ယူထားခဲ့သေးပြီး ထိုသတင်းကို iMyanmarHouse.com ဝက်ဘ်ဆိုက်ကြီးတွင် ဖော်ပြခဲ့ပြီး ဖြစ်ပါသည်။
ခြံအကျယ် ၄ ဧက ရှိပြီး စံအိမ်မှာ အင်္ဂလိပ် အက္ခရာ L ပုံသဏ္ဍာန်ရှိသည်။
၁၉၅၀ ပြည့်လွန်ကာလများတွင် ဆောက်လုပ်ခဲ့ခြင်းဖြစ်ပြီး အကျယ်အဝန်း စတုရန်းပေ ၃၃၉၉ ရှိကြောင်း လော့စ်အိန်ဂျလိတိုင်းမ် သတင်းဌာနက ဖော်ပြသည်။
Steve Jobs မှာ ကင်ဆာရောဂါဖြင့် ၂၀၁၁ ခုနှစ်အတွင်း ကွယ်လွန်သွားခဲ့သည်။
လော်ရင်း ပါဝဲဂျော့ဘ်စ်သည် ခင်ပွန်းဖြစ်သူထံမှ အမွေဆက်ခံရရှိသော Apple နှင့် Disney တို့၏ ရှယ်ယာများဖြင့် ကြွယ်ဝမှု ဆက်လက်တိုးတက်လျက် ရှိနေသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Laurene Powell Jobs buys San Francisco mansion for record $70M, just a month after splashing $94M on a Malibu property (businessinsider)
![[အချစ်ဆိုသည်မှာ…] အမေရိကန်တွင် ခင်ပွန်းဖြစ်သူ ကွယ်လွန်သွားသော်လည်း ချစ်သူများနေ့ရောက်တိုင်း ခင်ပွန်းပို့လိုက်သော ပန်းစည်းလက်ခံရရှိနေသောဖြစ်ပုံ...](https://imh-images-prod.s3.ap-southeast-1.amazonaws.com/pictures/news/dr5b5kh/1145962-0396218001746510095-02.jpg "[အချစ်ဆိုသည်မှာ…] အမေရိကန်တွင် ခင်ပွန်းဖြစ်သူ ကွယ်လွန်သွားသော်လည်း ချစ်သူများနေ့ရောက်တိုင်း ခင်ပွန်းပို့လိုက်သော ပန်းစည်းလက်ခံရရှိနေသောဖြစ်ပုံ...")
![[ထူးဆန်းသော တင်တောင်းငွေနှင့် ဥပဒေလက်တစ်လုံးခြား] အိန္ဒိယတွင် ခင်ပွန်းဖြစ်သူနှင့် အတူအိပ်ရန် ငြင်းဆန်နေသည့် အမျိုးသမီးမှာ အခြားတစ်ဦးနှင့် ကိုယ်ဝန်ရလာ၊ ရင်သွေးကို လက်မခံပါက အမှုဆင်တရားစွဲမည်ဟု ခင်ပွန်းကို ခြိမ်းခြောက်သည့်ဖြစ်ရပ် လူပ...](https://imh-images-prod.s3.ap-southeast-1.amazonaws.com/pictures/news/dr5b5kh/1145912-0436202001746509718-02.jpg "[ထူးဆန်းသော တင်တောင်းငွေနှင့် ဥပဒေလက်တစ်လုံးခြား] အိန္ဒိယတွင် ခင်ပွန်းဖြစ်သူနှင့် အတူအိပ်ရန် ငြင်းဆန်နေသည့် အမျိုးသမီးမှာ အခြားတစ်ဦးနှင့် ကိုယ်ဝန်ရလာ၊ ရင်သွေးကို လက်မခံပါက အမှုဆင်တရားစွဲမည်ဟု ခင်ပွန်းကို ခြိမ်းခြောက်သည့်ဖြစ်ရပ် လူပ...")
