အမေရိကန်ပြည် မွန်တားနားပြည်နယ်တွင် အိမ်ခြံမြေအခွန်များ အလွန်မြင့်တက်မှုကြောင့် အသက် ၆၈ နှစ် အရွယ်အထိ အိမ်ခွန်ဆောင်ရန် သက်သက်အတွက် အလုပ်လုပ်နေရသော အမျိုးသားကြီး

[Unicode]

အမေရိကန်ပြည်ထောင်စု မွန်တားနားပြည်နယ်တွင် နေထိုင်သော အသက်ကြီးပိုင်း အမျိုးသားတစ်ဦးမှာ အိမ်ခြံမြေအခွန်များ အလွန်များပြားစွာ ပေးဆောင်ရသည့်အခြေအနေကို လူမှုကွန်ရက်တွင် ဗွီဒီယိုဖိုင်ဖြင့် ပြောကြားခဲ့မှုမှာ အလွန်ပျံ့နှံ့ ဂယက်ရိုက်ခဲ့သည်။

“ကျွန်တော် ၆၈ နှစ်အရွယ်ရှိပါပြီ။ လူမှုဖူလုံရေး အထောက်အပံ့ ရယူနေရသူ ဖြစ်ပါတယ်။ အခွန်ပေးဆောင်ဖို့ သက်သက်အတွက် အလုပ်လုပ်နေရပါတယ်”ဟု Ryan Busse က TikTok တွင် တင်ခဲ့သော ဗွီဒီယိုဖိုင်၌ ကာ့ထ်အမည်ရှိ အမျိုးသားကြီးက ပြောကြားထားသည်။

Ryan Busse သည် မွန်တားနားပြည်နယ်၏ အုပ်ချုပ်ရေးမှုသစ် ဖြစ်လာရန် ဝင်ရောက်ယှဉ်ပြိုင်နေသူ ဖြစ်သည်။

ကာ့ထ်က ပြောသည်မှာ ပြီးခဲ့သော နှစ်အနည်းငယ်အတွင်း နှစ်စဉ်ပေးဆောင်ရသော အိမ်ခွန်မှာ ယခင်က ၈၉၅ ဒေါ်လာသာ ရှိခဲ့ရာမှ ဒေါ်လာ ၈၀၀၀ နီးပါးအထိ မြင့်တက်လာကြောင်းပြောသည်။

၇၉၀ ရာခိုင်နှုန်းခန့် မြင့်တက်မှုဖြစ်ပြီး မိမိ၏ ကိုယ်ပိုင်အိမ်တွင် နေထိုင်ရင်း ပြည်နယ်အုပ်ချုပ်ရေးအဖွဲ့အား အိမ်လခ တစ်လလျှင် ဒေါ်လာ ၇၀၀ ခန့် ပေးနေရသည့် သဘောဖြစ်ကြောင်း ၎င်းက ပြောသည်။

မွန်တားနားပြည်နယ်တွင် သက်ကြီးရွယ်အို အိမ်ပိုင်ရှင်များ၊ အိမ်ငှားများအတွက် အခွန်လျှော့ပေါ့ပေးမည့် အစီအစဉ်ရှိပြီး အများဆုံးလျှော့ပေးသည့် ပမာဏမှာ ဒေါ်လာ ၁၁၅၀ ဖြစ်သည်။

“ကျွန်တော်တို့ ပေးဆောင်ရမယ့် အခွန်တွေ ဆိုင်းငံ့ပေးထားဖို့ လိုအပ်ပါတယ်။”

မိမိမှာ အနားယူရမည့်အရွယ်ရောက်နေပြီဖြစ်သော်လည်း အိမ်ခြံမြေအခွန်များ မြင့်တက်လာမှုကြောင့် အလုပ်များ ဆက်လက်လုပ်ကိုင်နေရကြောင်း ၎င်းက ပြောသည်။

“အခွန်ပေးဆောင်ဖို့အတွက် ဘဏ်မှာစုထားတဲ့ငွေတွေကို ကျွန်တော် မသုံးချင်ပါဘူး။”

မွန်တားနားပြည်နယ်တွင် မကြာသေးမီက အိမ်ခြံမြေအခွန်များ မြှင့်တင်ခဲ့ရာ အခွန်ကြီးမြင့်စွာ ပေးဆောင်ရ သည့် ထောင်ပေါင်းများစွာသော အိမ်ပိုင်ရှင်များတွင် ကာ့ထ်လည်း တစ်ဦးအပါအဝင် ဖြစ်သည်။

“ကျွန်တော်တို့ ဆက်ပြီး မတတ်နိုင်တော့ပါဘူး။ ဒီဒေသဟာ ကြီးကျယ်ခမ်းနားတဲ့ နေရာတစ်ခုပါ။ ဒါပေမယ့် ဒီနေရာကို ကြီးကျယ်ခမ်းနားအောင် လုပ်ဆောင်ပေးခဲ့တဲ့သူတွေဟာ ဒီမှာ ဆက်နေဖို့ မတတ်နိုင်တော့ပါဘူး”ဟု ၎င်းက ပြောသည်။

အိမ်ခြံမြေအခွန်များ မြင့်တက်ရခြင်းတွင် အကြောင်းရင်းများစွာ ရှိသည်။

အရေးပါဆုံးအချက်မှာ အိမ်ခြံမြေအခွန်သည် ယေဘုယျအားဖြင့် အိမ်တစ်လုံး၏ တန်ဖိုးအပေါ် အခြေခံသည်။

ထို့ကြောင့် သင်၏ အိမ်တန်ဖိုးတက်လာပါက အိမ်ခွန်လည်း မြင့်တက်လာမည် ဖြစ်သည်။

ကာ့ထ်က သူ၏အိမ်ကို ၁၉၉၆ ခုနှစ်တွင် ဝယ်ယူခဲ့ခြင်း ဖြစ်သည်။

နေအိမ်ဝယ်ယူထားသည်မှာ ၂၉ နှစ် ကြာမြင့်ခဲ့ပြီးနောက် ယခုအခါ ဈေးနှုန်းမြင့်တက်နေမည်မှာ သံသယ ဖြစ်ဖွယ်မရှိချေ။

မွန်တားနားပြည်နယ်တွင် ၁၉၉၅ ခုနှစ် နှစ်ကုန်ပိုင်းက ပျမ်းမျှ အိမ်ခြံမြေဈေးနှုန်းမှာ ဒေါ်လာ ၁၀၃၈၆၀ ဖြစ်သည်။

၂၀၂၃ နှစ်ကုန်ပိုင်းတွင် ဒေါ်လာ ၃၈၇၀၀၀ အထိ မြင့်တက်လာရာ အိမ်တန်ဖိုး ၂၇၂ ရာခိုင်နှုန်းအထိ မြင့်တက်လာခြင်းလည်း ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: ‘We just can’t take this anymore’: Montana man, 68, begs for ‘moratorium on property taxes’ after his bill reaches $8K a year just ‘to live in our own house’ (moneywise)

[Zawgyi]

အေမရိကန္ျပည္ မြန္တားနားျပည္နယ္တြင္ အိမ္ျခံေျမအခြန္မ်ား အလြန္ျမင့္တက္မႈေၾကာင့္ အသက္ ၆၈ ႏွစ္ အရြယ္အထိ အိမ္ခြန္ေဆာင္ရန္ သက္သက္အတြက္ အလုပ္လုပ္ေနရေသာ အမ်ဳိးသားၾကီး

အေမရိကန္ျပည္ေထာင္စု မြန္တားနားျပည္နယ္တြင္ ေနထိုင္ေသာ အသက္ၾကီးပိုင္း အမ်ိဳးသားတစ္ဦးမွာ အိမ္ျခံေျမအခြန္မ်ား အလြန္မ်ားျပားစြာ ေပးေဆာင္ရသည့္အေျခအေနကို လူမႈကြန္ရက္တြင္ ဗြီဒီယိုဖုိုင္ျဖင့္ ေျပာၾကားခဲ့မႈမွာ အလြန္ပ်ံ႕ႏွံ႔ ဂယက္ရိုက္ခဲ့သည္။

“ကၽြန္ေတာ္ ၆၈ ႏွစ္အရြယ္ရွိပါျပီ။ လူမႈဖူလုံေရး အေထာက္အပံ့ ရယူေနရသူ ျဖစ္ပါတယ္။ အခြန္ေပးေဆာင္ဖို႔ သက္သက္အတြက္ အလုပ္လုပ္ေနရပါတယ္”ဟု Ryan Busse က TikTok တြင္ တင္ခဲ့ေသာ ဗြီဒီယိုဖိုင္၌ ကာ့ထ္အမည္ရွိ အမ်ဳိးသားၾကီးက ေျပာၾကားထားသည္။

Ryan Busse သည္ မြန္တားနားျပည္နယ္၏ အုပ္ခ်ဳပ္ေရးမႈသစ္ ျဖစ္လာရန္ ဝင္ေရာက္ယွဥ္ျပိဳင္ေနသူ ျဖစ္သည္။

ကာ့ထ္က ေျပာသည္မွာ ျပီးခဲ့ေသာ ႏွစ္အနည္းငယ္အတြင္း ႏွစ္စဥ္ေပးေဆာင္ရေသာ အိမ္ခြန္မွာ ယခင္က ၈၉၅ ေဒၚလာသာ ရွိခဲ့ရာမွ ေဒၚလာ ၈၀၀၀ နီးပါးအထိ ျမင့္တက္လာေၾကာင္းေျပာသည္။

၇၉၀ ရာခုိင္ႏႈန္းခန္႔ ျမင့္တက္မႈျဖစ္ျပီး မိမိ၏ ကိုယ္ပိုင္အိမ္တြင္ ေနထုိင္ရင္း ျပည္နယ္အုပ္ခ်ဳပ္ေရးအဖြဲ႔အား အိမ္လခ တစ္လလွ်င္ ေဒၚလာ ၇၀၀ ခန္႔ ေပးေနရသည့္ သေဘာျဖစ္ေၾကာင္း ၎က ေျပာသည္။

မြန္တားနားျပည္နယ္တြင္ သက္ၾကီးရြယ္အို အိမ္ပိုင္ရွင္မ်ား၊ အိမ္ငွားမ်ားအတြက္ အခြန္ေလွ်ာ့ေပါ့ေပးမည့္ အစီအစဥ္ရွိျပီး အမ်ားဆံုးေလွ်ာ့ေပးသည့္ ပမာဏမွာ ေဒၚလာ ၁၁၅၀ ျဖစ္သည္။

“ကၽြန္ေတာ္တုိ႔ ေပးေဆာင္ရမယ့္ အခြန္ေတြ ဆိုင္းငံ့ေပးထားဖုိ႔ လိုအပ္ပါတယ္။”

မိမိမွာ အနားယူရမည့္အရြယ္ေရာက္ေနျပီျဖစ္ေသာ္လည္း အိမ္ျခံေျမအခြန္မ်ား ျမင့္တက္လာမႈေၾကာင့္ အလုပ္မ်ား ဆက္လက္လုပ္ကိုင္ေနရေၾကာင္း ၎က ေျပာသည္။

“အခြန္ေပးေဆာင္ဖုိ႔အတြက္ ဘဏ္မွာစုထားတဲ့ေငြေတြကို ကၽြန္ေတာ္ မသံုးခ်င္ပါဘူး။”

မြန္တားနားျပည္နယ္တြင္ မၾကာေသးမီက အိမ္ျခံေျမအခြန္မ်ား ျမွင့္တင္ခဲ့ရာ အခြန္ၾကီးျမင့္စြာ ေပးေဆာင္ရ သည့္ ေထာင္ေပါင္းမ်ားစြာေသာ အိမ္ပိုင္ရွင္မ်ားတြင္ ကာ့ထ္လည္း တစ္ဦးအပါအဝင္ ျဖစ္သည္။

“ကၽြန္ေတာ္တုိ႔ ဆက္ျပီး မတတ္ႏိုင္ေတာ့ပါဘူး။ ဒီေဒသဟာ ၾကီးက်ယ္ခမ္းနားတဲ့ ေနရာတစ္ခုပါ။ ဒါေပမယ့္ ဒီေနရာကို ၾကီးက်ယ္ခမ္းနားေအာင္ လုပ္ေဆာင္ေပးခဲ့တဲ့သူေတြဟာ ဒီမွာ ဆက္ေနဖုိ႔ မတတ္ႏိုင္ေတာ့ပါဘူး”ဟု ၎က ေျပာသည္။

အိမ္ျခံေျမအခြန္မ်ား ျမင့္တက္ရျခင္းတြင္ အေၾကာင္းရင္းမ်ားစြာ ရွိသည္။ အေရးပါဆံုးအခ်က္မွာ အိမ္ျခံေျမအခြန္သည္ ေယဘုယ်အားျဖင့္ အိမ္တစ္လံုး၏ တန္ဖိုးအေပၚ အေျခခံသည္။

ထို႔ေၾကာင့္ သင္၏ အိမ္တန္ဖုိးတက္လာပါက အိမ္ခြန္လည္း ျမင့္တက္လာမည္ ျဖစ္သည္။

ကာ့ထ္က သူ၏အိမ္ကို ၁၉၉၆ ခုႏွစ္တြင္ ဝယ္ယူခဲ့ျခင္း ျဖစ္သည္။

ေနအိမ္ဝယ္ယူထားသည္မွာ ၂၉ ႏွစ္ ၾကာျမင့္ခဲ့ျပီးေနာက္ ယခုအခါ ေစ်းႏႈန္းျမင့္တက္ေနမည္မွာ သံသယ ျဖစ္ဖြယ္မရွိေခ်။

မြန္တားနားျပည္နယ္တြင္ ၁၉၉၅ ခုႏွစ္ ႏွစ္ကုန္ပိုင္းက ပ်မ္းမွ် အိမ္ျခံေျမေစ်းႏႈန္းမွာ ေဒၚလာ ၁၀၃၈၆၀ ျဖစ္သည္။

၂၀၂၃ ႏွစ္ကုန္ပုိင္းတြင္ ေဒၚလာ ၃၈၇၀၀၀ အထိ ျမင့္တက္လာရာ အိမ္တန္ဖိုး ၂၇၂ ရာခိုင္ႏႈန္းအထိ ျမင့္တက္လာျခင္းလည္း ျဖစ္သည္။

အိမ္ၿခံေျမ ကိစၥအဝဝႏွင့္ ပတ္သက္၍ ဥပေဒအႀကံေပးပညာရွင္မ်ားႏွင့္ ေဆြးေႏြးတိုင္ပင္လိုပါက iMyanmarHouse.com (အိုင္ျမန္မာေဟာက္စ္ေဒါ့ကြန္း) ၏ ဖုန္းနံပါတ္မ်ားျဖစ္ေသာ 09-268022352 , 09-966901767  သို႔ ဆက္သြယ္ႏိုင္ပါသည္။ အေသးစိတ္ၾကည့္ရန္ ဤေနရာကို ႏွိပ္ပါ။

ေရာင္းရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

ငွားရန္အိမ္ၿခံေျမမ်ားကို သင္စိတ္တိုင္းက် ရွာေဖြရန္အတြက္ ဤေနရာကို ႏွိပ္ပါ။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: ‘We just can’t take this anymore’: Montana man, 68, begs for ‘moratorium on property taxes’ after his bill reaches $8K a year just ‘to live in our own house’ (moneywise)