ငါးနှစ်ကြာ အကြောသေပြီး စကားမပြောနိုင်သူ ကိုဗစ်ကာကွယ်ဆေးထိုးပြီးနောက် ထူးဆန်းစွာ ပြန်ကောင်းလာ

[Unicode]

လွန်ခဲ့သည့် ၅ နှစ်က ဝမ်းနည်းစရာ ယာဥ်မတော်တဆမှုတစ်ခုနှင့် ကြုံတွေ့ခဲ့ပြီးနောက် သွက်ချာပါဒဖြစ်ကာ စကားမပြောနိုင်တော့သည့် အိန္ဒိယအမျိုးသားတစ်ဦးသည် COVID-19 ကာကွယ်ဆေး Covishield ထိုးနှံမှုခံယူပြီးနောက် လမ်းပြန်လျှောက်နိုင်လာကာ စကားလည်း ပြောနိုင်လာကြောင်း သိရသည်။

ကိုရိုနာဗိုင်းရပ်စ်ကာကွယ်ဆေးထိုးနှံမှုခံယူခြင်း၏ ဖြစ်နိုင်ခြေရှိသော ဘေးထွက်ဆိုးကျိုးများအကြောင်းသာ ကျွန်ုပ်တို့ကြားလာခဲ့ရသည်။ သို့သော် အိန္ဒိယနိုင်ငံ Jharkhand ပြည်နယ်မှ Dularchand Munda အမည်ရ အသက် ၅၅ နှစ်ရှိ အမျိုးသားတစ်ဦးကမူ COVID-19 ကာကွယ်ဆေးထိုးနှံမှုခံယူခဲ့ခြင်းသည် သူကြုံဆုံခဲ့ရဖူးသမျှအနက် အကောင်းဆုံးအရာဖြစ်သည်ဟု သင့်ကို ဆိုပေလိမ့်မည်။ ပြီးခဲ့သည့် ၅ နှစ်က ပြင်းထန်သော ယာဥ်မတော်တဆမှုတစ်ခုနှင့် ရင်ဆိုင်ကြုံတွေ့ခဲ့ရပြီးကတည်းက အိပ်ရာထဲလဲနေခဲ့ရပြီး စကားလည်း မပြောနိုင်ခဲ့သည့် Dularchand သည် ၂၀၂၂ ခုနှစ် ဇန်နဝါရီ ၄ တွင် ကာကွယ်ဆေးထိုးခဲ့ပြီး နာရီအနည်းငယ်အတွင်း သူ့ခြေထောက်များတွင် ခံစားချက်စတင်ကာ ပြန်လည်ရရှိခဲ့သည်။ ယခုအခါ သူသည် စကားပြန်ပြောနိုင်ကာ လမ်းလျှောက်တုတ်အကူအညီဖြင့် လမ်းလျှောက်နိုင်ပြီဖြစ်သည်။

“ဒီကာကွယ်ဆေးထိုးလိုက်မိတဲ့အတွက် ဝမ်းသာမိပါတယ်။ ဇန်နဝါရီ ၄ မှာ ကာကွယ်ဆေးထိုးလိုက်ကတည်းက ကျွန်တော့်ခြေထောက်တွေမှာ လှုပ်ရှားမှုရှိတယ်။ ခြေထောက်တွေ လှုပ်လာခဲ့ပြီး ကျွန်တော့်အသံလည်း ပြန်ထွက်လာပါပြီ။” ဟု Dularchand က အိန္ဒိယသတင်းဌာန ANI သို့ပြောကြားခဲ့သည်။

Bokaro ခရိုင်ရှိ Salgadih ရွာသားတစ်ဦးဖြစ်သူ Dularchand သည် လွန်ခဲ့သည့်ငါးနှစ်က ယာဥ်မတော်တဆမှုကြောင့် အကြောသေခဲ့ရပြီးနောက် ကုသမှုခံယူခဲ့သော်လည်း ကုသမှုမှာ မအောင်မြင်ခဲ့ပေ။ သူသည် ခန္ဓာကိုယ်အောက်ပိုင်းတွင် ခံစားချက်ပျောက်ဆုံးခဲ့ကာ တဖြည်းဖြည်းဖြင့် စကားလည်းပဲ မပြောနိုင်ခဲ့တော့ပေ။ ထို့နောက် ယခု ၂၀၂၂ ခုနှစ် ဇန်နဝါရီ ၄ တွင် COVID-19 ကာကွယ်ဆေးထိုးပြီးနောက် သူ့ခြေထောက်များ ပြန်လည်လှုပ်ရှားခဲ့ကာ မကြာမီတွင်ပင် မတ်တပ်လည်း ရပ်နိုင်ခဲ့ပြီး အကူအညီဖြင့် ခြေလှမ်းအနည်းငယ်လည်း လျှောက်လှမ်းနိုင်ခဲ့ခြင်းဖြစ်သည်။

Dularchand Munda ၏ ဖြစ်ရပ်သည် အိန္ဒိယတွင် ပြီးခဲ့သည့်သီတင်းပတ်က ပျံ့နှံ့သွားခဲ့သည်။ သို့သော် သူ၏ ထိုသို့အဆန်းတကြယ်ပြန်လည်ကောင်းမွန်လာမှုအား ဆေးဘက်ဆိုင်ရာ ကျွမ်းကျင်ပညာရှင်က ယုံမှားသံသယဖြစ်နေကြပါသည်။ ငါးနှစ်ကြာ အကြောသေနေခဲ့ပြီးနောက် ပြန်လည်ကောင်းမွန်လာခြင်းသည် ရုတ်တရက်ကောက်ခါငင်ခါဖြစ်သော အရာမျိုးတော့မဟုတ်ပေ။ ထို့ကြောင့် ထိုဖြစ်ရပ်၏ ဆေးမှတ်တမ်းအား ဆန်းစစ်လေ့လာသရုပ်ခွဲရန်နှင့် ဓမ္မဓိဋ္ဌာန်ကျသော အချက်အလက်များ ပေးရန် ဆေးဘက်ဆိုင်ရာအဖွဲ့တစ်ဖွဲ့ ထားရှိလိုက်ပြီဖြစ်ကြောင်း သိရသည်။

“ဒီဖြစ်ရပ်ကို မြင်ရတာ အံ့အားသင့်မိပါတယ်။ ဒါပေမဲ့ သိပ္ပံပညာရှင်တွေနဲ့ သေချာအောင် လေ့လာစစ်ဆေးဖို့ လိုပါတယ်။ သူက ရက်အနည်းငယ်ထက်မပိုတဲ့ ကျန်းမာရေးယိုယွင်းမှုအခြေအနေတစ်ခုကနေပဲ ပြန်လည်သက်သာကောင်းမွန်လာတာများလား? ဒီလိုဆိုရင်တော့ နားလည်လက်ခံနိုင်ပါတယ်။ လေးနှစ်ကျော် ကျန်းမာရေးယိုယွင်းမှုအခြေအနေတစ်ခုက COVID-19 ကာကွယ်ဆေးထိုးပြီးတော့မှပဲ ရုတ်တရက်ကြီးပြန်လည်ကောင်းမွန်လာတယ်ဆိုတာကတော့ မယုံနိုင်စရာပါ” ဟု ဒေါက်တာ Jitendra Kumar က အိန္ဒိယရုပ်သံသတင်းမီဒီယာ NDTV သို့ ပြောကြားခဲ့ကြောင်းလည်း သိရသည်။

မြန်မာနိုင်ငံ၊ အာဆီယံနိုင်ငံများနှင့် ကမ္ဘာတစ်ဝှမ်းလုံး ၏ ကိုရိုနာဗိုင်းရပ်စ် ကူးစက်ခံရမှု ကိန်းဂဏန်းများ - အသေးစိတ်ကြည့်ရန် ဤနေရာကို နှိပ်ပါ။

Corona Virus အကြောင်း သိကောင်းစရာများနှင့် ခုခံကာကွယ်ပုံများအသေးစိတ်ကို ဤနေရာတွင် ဖတ်ရှုနိုင်ပါသည်။

iMyanmarHouse.com သည် မြန်မာနိုင်ငံမှ Coronavirus အပြီးတိုင်တိုက်ဖျက်ရေးအတွက် ကျရာကဏ္ဍမှ ပြည်သူများအားလုံးအတွက် မှန်ကန်သော သတင်းများကို အချိန်နှင့်တပြေးညီ ဖော်ပြပေးနေပါသည်။ မှန်ကန်ယုံကြည်စိတ်ချရသော သတင်းများကိုသာ အယ်ဒီတာအဖွဲ့မှ ဖော်ပြပေးမည်ဖြစ်ပါသည်။ တစ်စုံတစ်ရာ အဆင်မပြေမှုများရှိပါက iMyanmarHouse.com သို့ ဤနေရာတွင် ဆက်သွယ်နိုင်ပါသည်။

(iMyanmarHouse.com Team မှ ရေးသား ဖောျပွသညျ။)

Credit: iMyanmarHouse.com

Ref: Man Left Paralyzed and Unable to Speak by Car Accident Miraculously Recovers After Covid-19 Vaccine (Odditycentral)

[Zawgyi]

ငါးႏွစ္ၾကာ အေၾကာေသၿပီး စကားမေျပာႏိုင္သူ ကိုဗစ္ကာကြယ္ေဆးထိုးၿပီးေနာက္ ထူးဆန္းစြာ ျပန္ေကာင္းလာ

လြန္ခဲ့သည့္ ၅ ႏွစ္က ဝမ္းနည္းစရာ ယာဥ္မေတာ္တဆမႈတစ္ခုႏွင့္ ၾကဳံေတြ႕ခဲ့ၿပီးေနာက္ သြက္ခ်ာပါဒျဖစ္ကာ စကားမေျပာႏိုင္ေတာ့သည့္ အိႏၵိယအမ်ိဳးသားတစ္ဦးသည္ COVID-19 ကာကြယ္ေဆး Covishield ထိုးႏွံမႈခံယူၿပီးေနာက္ လမ္းျပန္ေလွ်ာက္ႏိုင္လာကာ စကားလည္း ေျပာႏိုင္လာေၾကာင္း သိရသည္။

ကို႐ိုနာဗိုင္းရပ္စ္ကာကြယ္ေဆးထိုးႏွံမႈခံယူျခင္း၏ ျဖစ္ႏိုင္ေျခ႐ွိေသာ ေဘးထြက္ဆိုးက်ိဳးမ်ားအေၾကာင္းသာ ကြၽႏ္ုပ္တို႔ၾကားလာခဲ့ရသည္။ သို႔ေသာ္ အိႏၵိယႏိုင္ငံ Jharkhand ျပည္နယ္မွ Dularchand Munda အမည္ရ အသက္ ၅၅ ႏွစ္႐ွိ အမ်ိဳးသားတစ္ဦးကမူ COVID-19 ကာကြယ္ေဆးထိုးႏွံမႈခံယူခဲ့ျခင္းသည္ သူၾကဳံဆုံခဲ့ရဖူးသမွ်အနက္ အေကာင္းဆုံးအရာျဖစ္သည္ဟု သင့္ကို ဆိုေပလိမ့္မည္။ ၿပီးခဲ့သည့္ ၅ ႏွစ္က ျပင္းထန္ေသာ ယာဥ္မေတာ္တဆမႈတစ္ခုႏွင့္ ရင္ဆိုင္ၾကဳံေတြ႕ခဲ့ရၿပီးကတည္းက အိပ္ရာထဲလဲေနခဲ့ရၿပီး စကားလည္း မေျပာႏိုင္ခဲ့သည့္ Dularchand သည္ ၂၀၂၂ ခုႏွစ္ ဇန္နဝါရီ ၄ တြင္ ကာကြယ္ေဆးထိုးခဲ့ၿပီး နာရီအနည္းငယ္အတြင္း သူ႕ေျခေထာက္မ်ားတြင္ ခံစားခ်က္စတင္ကာ ျပန္လည္ရ႐ွိခဲ့သည္။ ယခုအခါ သူသည္ စကားျပန္ေျပာႏိုင္ကာ လမ္းေလွ်ာက္တုတ္အကူအညီျဖင့္ လမ္းေလွ်ာက္ႏိုင္ၿပီျဖစ္သည္။

“ဒီကာကြယ္ေဆးထိုးလိုက္မိတဲ့အတြက္ ဝမ္းသာမိပါတယ္။ ဇန္နဝါရီ ၄ မွာ ကာကြယ္ေဆးထိုးလိုက္ကတည္းက ကြၽန္ေတာ့္ေျခေထာက္ေတြမွာ လႈပ္႐ွားမႈ႐ွိတယ္။ ေျခေထာက္ေတြ လႈပ္လာခဲ့ၿပီး ကြၽန္ေတာ့္အသံလည္း ျပန္ထြက္လာပါၿပီ။” ဟု Dularchand က အိႏၵိယသတင္းဌာန ANI သို႔ေျပာၾကားခဲ့သည္။

Bokaro ခ႐ိုင္႐ွိ Salgadih ႐ြာသားတစ္ဦးျဖစ္သူ Dularchand သည္ လြန္ခဲ့သည့္ငါးႏွစ္က ယာဥ္မေတာ္တဆမႈေၾကာင့္ အေၾကာေသခဲ့ရၿပီးေနာက္ ကုသမႈခံယူခဲ့ေသာ္လည္း ကုသမႈမွာ မေအာင္ျမင္ခဲ့ေပ။ သူသည္ ခႏၶာကိုယ္ေအာက္ပိုင္းတြင္ ခံစားခ်က္ေပ်ာက္ဆုံးခဲ့ကာ တျဖည္းျဖည္းျဖင့္ စကားလည္းပဲ မေျပာႏိုင္ခဲ့ေတာ့ေပ။ ထို႔ေနာက္ ယခု ၂၀၂၂ ခုႏွစ္ ဇန္နဝါရီ ၄ တြင္ COVID-19 ကာကြယ္ေဆးထိုးၿပီးေနာက္ သူ႕ေျခေထာက္မ်ား ျပန္လည္လႈပ္႐ွားခဲ့ကာ မၾကာမီတြင္ပင္ မတ္တပ္လည္း ရပ္ႏိုင္ခဲ့ၿပီး အကူအညီျဖင့္ ေျခလွမ္းအနည္းငယ္လည္း ေလွ်ာက္လွမ္းႏိုင္ခဲ့ျခင္းျဖစ္သည္။

Dularchand Munda ၏ ျဖစ္ရပ္သည္ အိႏၵိယတြင္ ၿပီးခဲ့သည့္သီတင္းပတ္က ပ်ံ႕ႏွံ႔သြားခဲ့သည္။ သို႔ေသာ္ သူ၏ ထိုသို႔အဆန္းတၾကယ္ျပန္လည္ေကာင္းမြန္လာမႈအား ေဆးဘက္ဆိုင္ရာ ကြၽမ္းက်င္ပညာ႐ွင္က ယုံမွားသံသယျဖစ္ေနၾကပါသည္။ ငါးႏွစ္ၾကာ အေၾကာေသေနခဲ့ၿပီးေနာက္ ျပန္လည္ေကာင္းမြန္လာျခင္းသည္ ႐ုတ္တရက္ေကာက္ခါငင္ခါျဖစ္ေသာ အရာမ်ိဳးေတာ့မဟုတ္ေပ။ ထို႔ေၾကာင့္ ထိုျဖစ္ရပ္၏ ေဆးမွတ္တမ္းအား ဆန္းစစ္ေလ့လာသ႐ုပ္ခြဲရန္ႏွင့္ ဓမၼဓိ႒ာန္က်ေသာ အခ်က္အလက္မ်ား ေပးရန္ ေဆးဘက္ဆိုင္ရာအဖြဲ႕တစ္ဖြဲ႕ ထား႐ွိလိုက္ၿပီျဖစ္ေၾကာင္း သိရသည္။

“ဒီျဖစ္ရပ္ကို ျမင္ရတာ အံ့အားသင့္မိပါတယ္။ ဒါေပမဲ့ သိပၸံပညာ႐ွင္ေတြနဲ႔ ေသခ်ာေအာင္ ေလ့လာစစ္ေဆးဖို႔ လိုပါတယ္။ သူက ရက္အနည္းငယ္ထက္မပိုတဲ့ က်န္းမာေရးယိုယြင္းမႈအေျခအေနတစ္ခုကေနပဲ ျပန္လည္သက္သာေကာင္းမြန္လာတာမ်ားလား? ဒီလိုဆိုရင္ေတာ့ နားလည္လက္ခံႏိုင္ပါတယ္။ ေလးႏွစ္ေက်ာ္ က်န္းမာေရးယိုယြင္းမႈအေျခအေနတစ္ခုက COVID-19 ကာကြယ္ေဆးထိုးၿပီးေတာ့မွပဲ ႐ုတ္တရက္ႀကီးျပန္လည္ေကာင္းမြန္လာတယ္ဆိုတာကေတာ့ မယုံႏိုင္စရာပါ” ဟု ေဒါက္တာ Jitendra Kumar က အိႏၵိယ႐ုပ္သံသတင္းမီဒီယာ NDTV သို႔ ေျပာၾကားခဲ့ေၾကာင္းလည္း သိရသည္။

 ျမန္မာႏိုင္ငံ၊ အာဆီယံႏိုင္ငံမ်ားႏွင့္ ကမာၻတစ္ဝွမ္းလုံး ၏ ကို႐ိုနာဗိုင္းရပ္စ္ ကူးစက္ခံရမႈ ကိန္းဂဏန္းမ်ား - အေသးစိတ္ၾကည့္ရန္ ဤေနရာကို ႏွိပ္ပါ။

Corona Virus အေၾကာင္း သိေကာင္းစရာမ်ားႏွင့္ ခုခံကာကြယ္ပုံမ်ားအေသးစိတ္ကို ဤေနရာတြင္ ဖတ္ရႈႏိုင္ပါသည္။

iMyanmarHouse.com သည္ ျမန္မာႏိုင္ငံမွ Coronavirus အၿပီးတိုင္တိုက္ဖ်က္ေရးအတြက္ က်ရာက႑မွ ျပည္သူမ်ားအားလုံးအတြက္ မွန္ကန္ေသာ သတင္းမ်ားကို အခ်ိန္ႏွင့္တေျပးညီ ေဖာ္ျပေပးေနပါသည္။ မွန္ကန္ယုံၾကည္စိတ္ခ်ရေသာ သတင္းမ်ားကိုသာ အယ္ဒီတာအဖြဲ႕မွ ေဖာ္ျပေပးမည္ျဖစ္ပါသည္။ တစ္စုံတစ္ရာ အဆင္မေျပမႈမ်ားရွိပါက iMyanmarHouse.com သို႔ ဤေနရာတြင္ ဆက္သြယ္ႏိုင္ပါသည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Man Left Paralyzed and Unable to Speak by Car Accident Miraculously Recovers After Covid-19 Vaccine (Odditycentral)