အစီအစဥ္ :

ဒဂုံမြို့သစ် တောင်ပိုင်းမြို့နယ်ရှိရောင်းရန်ကွန်ဒိုများ

ဒဂုံမြို့သစ်တောင်ပိုင်း

ဒဂုံမြို့သစ်တောင်ပိုင်းသည် ရန်ကုန်မြို့၏ အရှေ့တောင်ပိုင်းတွင်တည်ရှိပြီး ၇၉.၁၁ ကီလိုမီတာကျယ်ဝန်းသည် ။ မြို့နယ်၏ မြောက်ဘက်တွင် ဒဂုံမြို့သစ်မြောက်ပိုင်း ၊ ဒဂုံမြို့သစ်အရှေ့ပိုင်း ၊ အနောက်ဘက်တွင် ပုဇွန်တောင်ချောင်းနှင့် သင်္ဃန်းကျွန်းမြို့နယ် ၊ အရှေ့ဘက်တွင် ပဲခူးမြစ် ၊ တောင်ဘက်တွင် ဒဂုံမြို့သစ်ဆိပ်ကမ်းတို့ တည်ရှိသည် ။ ဒဂုံမြို့သစ်တောင်ပိုင်းသည် ရပ်ကွက်ပေါင်း ၂၆ ခုနှင့် ကျေးရွာ ၃ ခုဖြင့် ဖွဲ့စည်းတည်ဆောက်ထားသည် ။ မူလတန်းကျောင်း (၃၁) ကျောင်း ၊ အလယ်တန်းကျောင်း (၇) ကျောင်းနှင့် အထက်တန်းကျောင်း (၃) ကျောင်းတို့ရှိပြီး ရန်ကုန်အမျိုးသားယဉ်ကျေးမှုနှင့်အနုပညာတက္ကသိုလ်ကျောင်း တည်ရှိသည့် မြို့နယ်လည်းဖြစ်သည် ။ တိုးချဲ့မြို့နယ်ဖြစ်တာနဲ့အညီ မြေကွက်အလွတ်များ ၊ လုပ်ငန်းအသုံးပြုသည့် စက်မှုဇုန်နယ်များ လည်းတည်ရှိသည် ။ လုပ်ငန်းရှင်အချို့ မြေကွက်များကို အများအပြား ဝယ်ယူရင်းနှီးမြုပ်နှံသည့်မြို့နယ်လည်းဖြစ်သလို လူနေထူထပ်မှု မရှိသေးသည့် မြို့နယ်လည်းဖြစ်သည် ။ အချုပ်အားဖြင့်ဆိုသော် တက္ကသိုလ်ကျောင်းတစ်ခုတည်ရှိသည့်အတွက် သွားရေးလာရေး အဆင်ပြေ ကောင်းမွန်သောမြို့နယ်ဖြစ်သည် ။ မြေကွက်ဖြင့် ရင်းနှီးမြုပ်နှံလိုသည့် လုပ်ငန်းရှင်များ အဖို့ အနာဂတ်တိုးတက်လာမည့် ဒဂုံမြို့သစ်တောင်ပိုင်းသည်လည်း အရေးပါသောနေရာ ကောင်းတစ်ခု ဖြစ်ပေသည် ။