iMyanmarhouse Mobile App

ဒဂုံမြို့သစ် အရှေ့ပိုင်းမြို့နယ်ရှိရောင်းရန်လုံးချင်းအိမ်များ

အရှေ့ဒဂုံမြို့နယ်

အရှေ့ဒဂုံမြို့နယ်သည် ရန်ကုန်မြို့၏ အရှေ့ဘက်အကျဆုံး မြို့နယ်တစ်ခုဖြစ်သည် ။ ဒဂုံမြို့သစ် အရှေ့ပိုင်း၏ မြောက်ဘက်တွင် လှည်းကူးမြို့နယ် ၊ အနောက်ဘက်တွင် ဒဂုံမြို့သစ်မြောက်ပိုင်း ၊ တောင်နှင့်နောက်ဘက်တွင် ဒဂုံမြို့သစ်တောင်ပိုင်းတို့တည်ရှိသည် ။ အရှေ့ဒဂုံသည် အကျယ်အဝန်းအားဖြင့် ၉၁.၀၃ ကီလိုမီတာ ရှိပြီး ရပ်ကွက်ပေါင်း ၅၄ ခုနှင့်ကျေးရွာ ၃ ခုဖြင့်ဖွဲ့စည်းတည်ဆောက်ထားသည် ။ အရှေ့ဒဂုံမြို့နယ်သည် ရန်ကုန်မြို့၏ လူနေထူထပ်လာမှုကို အထောက်အကူပြုစေရန် ၁၉၈၉ ခုနှစ်က အသစ်တိုးချဲ့လိုက်သည့် မြို့သစ် ဧရိယာလည်းဖြစ်သည် ။ မြို့နယ်တွင်း မူလတန်းကျောင်း ၁၉ ကျောင်း ၊ အလယ်တန်းကျောင်း ၄ ကျောင်း နှင့် အထက်တန်းကျောင်း ၂ ကျောင်းတည်ရှိသည် ။ ငမိုးရိပ်ချောင်း နှင့် ပုဇွန်တောင်ချောင်းတို့ ဖြတ်သန်းစီးဆင်း သည့် မြို့နယ်လည်းဖြစ်သည် ။ ရန်ကုန်မြို့ပတ်ရထားလမ်းဖြစ်သည့် တိုးကျောင်ကလေးဘူတာရုံရှိပြီး ရန်ကုန် - ပဲခူး မီးရထားခရီးစဉ် ခေတ္တရပ်နားသည့် ဘူတာရုံလည်းဖြစ်သည် ။ အရှေ့ဒဂုံမြို့နယ်သည် တိုးချဲ့မြို့သစ်ဖြစ်တာနဲ့ အညီ မြေကွက်အလွတ်များ ၊ လုပ်ငန်းအတွက် အသုံးပြုသည့် စက်မှုဇုန်ဝန်းများ ၊ လူနေအိမ်ရာ အချို့တို့ရှိသည် ။ လူနေမှု ထူထပ်မှု သိပ်မရှိသေးသည့်အတွက် ကန်ထရိုက် တိုက်ခန်း မရှိသလောက် ရှားသည့်မြို့နယ်ဖြစ်ပြီး လုံးချင်းအိမ် အသေးစား အများအပြားရှိသည့်မြို့နယ်ဖြစ်သည် ။ အချုပ်အားဖြင့်ဆိုသော အရှေ့ဒဂုံမြို့နယ်သည် အနာဂတ် ရန်ကုန်မြို့လူနေထူထပ်လာမှုနဲ့အတူ တစ်စတစ်စ စည်ကားလာမည့် နေရာကောင်းဖြစ်သည် ။ မြေလွတ်မြေရိုင်းများ မြေကွက်လက်များအလွန်ပေါများသည့် အတွက် ရင်းနှီးမြုပ်နှံရန်ကောင်းသော ဈေးကွက်ကောင်းနေရာတစ်ခု ဖြစ်သည် ။