အစီအစဥ္ :

အမရပူရမြို့နယ်ရှိရောင်းရန်အိမ်ခြံမြေများ

အမရပူရမြို့နယ်

ယခင် မန္တလေးတိုင်းဒေသကြီးအတွင်းသီးခြားမြို့တစ်ခုအဖြစ်ရပ်တည်ခဲ့ဖူးသောအမရပူရမြို့နယ်သည် သမိုင်းကြောင်းနှင့် အထင်ကရရာဇဝင်များပြည့်နက်နေသည့် မြို့နယ်တစ်ခုဖြစ်သည် ။ မန္တလေးမြို့၏ သတ်မှတ်ထားသော မြို့နယ်ထဲပါဝင်သော်လည်း မန္တလေးမြို့နှင့် ၁၁ ကီလိုမီတာအကွာအဝေးတွင်တည်ရှိသည် ။ ကုန်းဘောင်မင်းနေပြည်တော် နှစ်ကြိမ်ဖြစ်ခဲ့ဖူးသည့် အမရပူရမြို့နယ်သည် မြောက်ဘက်တွင် ပုသိမ်ကြီးမြို့နယ် နှင့် မန္တလေးမြို့တွင်းတို့တည်ရှိပြီး ၉၁ စတုရန်းမိုင်ကျယ်ဝန်းသည် ။ ၂၀၁၁ ခုနှစ်တွင် ကြီးထွားဖွံ့ဖြိုးလာသော မန္တလေးမြို့နယ်နမိတ်သည် အမရပူရမြို့ကိုလွမ်းခြုံသွားကာ မန္တလေးမြို့၏ သီးခြားမြို့နယ်တစ်ခုအဖြစ် မန္တလေးစည်ပင်သာယာရေးအဖွဲ့မှ ထည့်သွင်းသတ်မှတ်လိုက်သည် ။ သွားလာရေးအနေဖြင့် မန္တလေးမှ စစ်ကိုင်းသို့သွားလာရာလမ်းဖြစ်သလိုရန်ကုန် - မန္တလေး(အမှတ်-၂) လမ်းမကြီးနှင့်ပါ ချိတ်ဆက်သွားလာနိုသည့်အတွက် သွားလာရလွယ်ကူသောမြို့နယ်ဖြစ်သည် ။အထင်ကရနှင့် သမိုင်းဝင်နေရာများစွာရှိသည့် အမရပူရမြို့နယ်တွင် ဦးပိန်တံတား ၊ တောင်သမန်အင်း ၊ ဆောင်းဒါးရက်ကန်းကျောင်း ၊ တက်သေးအင်း ၊ မဟာဂန္ဓာရုံကျောင်း နှင့် တောင်လေးလုံးကျောင်းတိုက်တို့အပြင် အခြားထင်ရှားသောနေရာများစွာရှိနေသေးသည် ။ ယခုနောက်ပိုင်းတွင်မူအသစ်ပူဇော်တည်ထားကိုးကွယ်သည့် ကျောက်စိမ်းစေတီကြီးသည်လည်းလာရောက်ဖူးမြော်သူအများအပြားရှိပြီးအနီးအနားတွင် ဆိုင်ခန်းများ ၊ အဆောက်အဦးသစ်များစွာပေါ်ထွက်လာပြီဖြစ်သည် ။ အချုပ်အားဖြင့်ဆိုသော် အမရပူရမြို့နယ်သည် အိမ်ခြံမြေဈေးနှုန်းများအနေဖြင့် မန္တလေးမြို့တွင်းကဲ့သို့ တန်းဖိုးကြီးမြင့်လွန်းတာမျိုးမရှိသောလည်းဧကနဲ့ချီသောမြေကွက်များသည် သိန်းသောင်းနဲ့ ချီ၍ အရောင်းအဝယ်ဖြစ်လျက်ရှိသောနယ်မြေတစ်ခုဖြစ်ပေသည် ။