ဘိုးဘွားပိုင်မြေဆိုတာ အထက်မြန်မာပြည်အား ၁၈၈၅ ခုနှစ် အင်္ဂလိပ်တို့သိမ်းပိုက်ပြီးနောက်တွင် မြန်မာမင်းများနှင့် မင်းမူမင်းထမ်းများကို ပိုင်ဆိုင်သောမြေနှင့် ဘိုးဘွားများ လက်ထက်ကပင် ဓားမဦးချလုပ်ကိုင်သော မြေများအား ဘိုးဘွားပိုင်မြေဟု ခေါ်ဆိုကြပါတယ်။ ဘိုးဘွားပိုင်မြေ၊ မြေပိုင် မြေ၊ အပိုင်ဂရန်မြေအား အမွေဆက်ခံမှု ပိုင်ဆိုင်လာကြပြီး အမွေဆက်ခံသူများမှာ မြေရှင်အခွင့်အရေး ရရှိကြပါတယ်။ ဘိုးဘွားပိုင်မြေအား မြေရှင်မှ စွန့်လွှတ်ထားလျှင် အစိုးရစီမံခန့်ခွဲပိုင်ခွင့်ရှိသော မြေအမျိုးအစားအဖြစ် ပြန်လည်ရောက်ရှိသွားမည်ဖြစ်ပါသည်။

သက်ဆိုင်ရာ မြေစာရင်းရုံးတွင် ဘိုးဘွားပိုင်မြေအဖြစ် အမည်ပေါက်စာရင်းဝင်နေရပါမည်။ အဆိုပါ မြေအမျိုးအစားအား လွှဲပြောင်းရောင်းချမှုပြုလျှင် အရောင်းအဝယ်မှတ်ပုံတင် စာချုပ်ချုပ် ဆိုမှုပြုရန် လိုပါသည်။ ပူးတွဲပိုင်ဆိုင်သူများမှာလဲ စွန်လွှတ်ခြင်း မှတ်ပုံတင်စာချုပ်ဖြင့် အပြန်အလှန် စွန့်လွှတ်ခြင်းပြုနိုင်ပါသည်။ မှတ်ပုံတင်အရောင်းအဝယ်စာချုပ်မရှိလျှင် ပိုင်ဆိုင်မှုအတွက် တရားရုံးမှချမှတ်သော စီရင်ချက်အမိန့်၊ဒီကရီ လိုအပ်ပါမည်။

ဘိုးဘွားပိုင်မြေအား အခွန်ထမ်းဆောင်ပြီး အမည်ပေါက်ဂရန် လျှောက်ထားလိုပါက စည်ပင်သာယာရေးကော်မတီ၊ မြေယာစီမံခန့်ခွဲမှုဌာနတွင် ဂရန်လျှောက်ထားမှုပြုနိုင်ကြောင်း ဖြေဆိုရေးသားပေးလိုက်ပါသည်။