စုပေါင်းပိုင်အဆောက်အအုံဆိုင်ရာ ဥပဒေ
(၂၀၁၆ ခုနှစ်၊ ပြည်ထောင်စုလွှတ်တော် ဥပဒေအမှတ် ၂၄။)
၁၃၇၇ ခုနှစ်၊ ပြာသိုလပြည့်ကျော် ၅ ရက်
(၂၀၁၆ ခုနှစ်၊ ဇန်န၀ါရီလ ၂၉ ရက်)
ပြည်ထောင်စုလအတ်တော်သည် ဤဥပဒေကို ပြဋ္ဌာန်းလိုက်သည်။
အခန်း(၁)
အမည်နှင့် အဓိပ္ပာယ်ဖော်ပြချက်
၁။ ဤဥပဒေကို စုပေါင်းပိုင်အဆောက်အအုံဆိုင်ရာ ဥပဒေဟုခေါ်တွင် စေရမည်။
၂။ ဤဥပဒေတွင် ပါရှိသော အောက်ပါစကားရပ်များသည် ဖော်ပြပါ အတိုင်း အဓိပ္ပာယ်သက်ရောက်စေရမည်။
(က) စုပေါင်းပိုင်အဆောက်အအုံဆိုသည်မှာ ဤဥပဒေအရ မှတ်ပုံ တင်ထားသော စုပေါင်းပိုင်မြေတွင် စုပေါင်းပိုင်အဆောက်အအုံ အဖြစ် ဆောက်လုပ်ထားသော ၆ ထပ်နှင့် အထက်ရှိသည့် အထပ်မြင့် အဆောက်အအုံကို ဆိုသည်။ ယင်းစကားရပ်တွင် စုပေါင်းပိုင်သူများ အသုံးပြုရန် စီမံထားရှိသည့် စုပေါင်းပိုင်ပစ္စည်းနှင့် အိမ်ခန်းများလည်း ပါဝင်သည်။
(ခ) စုပေါင်းပိုင်ပစ္စည်းဆိုသည်မှာ စုပေါင်းပိုင်အဆောက်အအုံနှင့် ဆက်စပ်လျက်ရှိသော အောက်ပါပစ္စည်းများ ပါဝင်သည်။
(၁) ဤဥပဒေအရ မှတ်ပုံတင်ထားသော စုပေါင်းပိုင်မြေ၊
(၂) ယင်းစုပေါင်းပိုင်မြေတွင် ဆောက်လုပ်ထားသော တစ်ဦးချင်းပိုင် အိမ်ခန်းများမှအပ စုပေါင်းပိုင်သူအားလုံးနှင့် အကျိုးသက်ဆိုင် သည့် စုပေါင်းပိုင်အဆောက်အအုံ၏ အစိတ်အပိုင်းများ၊ တပ်ဆင်ထားသော ပစ်္စည်းကိရိယာများ၊
(၃) စုပေါင်းပိုင်သူများ၏ အကျိုးအတွက် အသုံးပြုရန်ဆောက်လုပ်ထား သောသို့မဟုတ် စီမံထားရှိသော အဆောက်အအုံများ၊ ပညာ ရေးနှင့် ကျန်းမာရေးဆိုင်ရာ အဆောက်အအုံများနှင့် ပစ်္စည်း များ၊ ၀င်းခြံ၊ ဥယျာဉ်နှင့် သစ်ပင်ပန်းမန်များ၊ ရေပေးရေး၊ အညစ်အကြေးစွန့်ပစ်ရေးနှင့် သန့်ရှင်းရေးဆိုင်ရာပစ်္စည်းများ၊ စွမ်းအင်ဖြန့်ဖြူးရေးဆိုင်ရာ ပစ်္စည်းများ၊ လမ်းတံတားနှင့် ရေမြောင်းများ၊ ဆက်သွယ်ရေးပစ္စည်းများ။
(ဂ) စုပေါင်းပိုင်မြေဆိုသည်မှာ စုပေါင်းပိုင်အဆောက်အအုံနှင့် စုပေါင်းပိုင်ပစ္စည်းတည်ရှိသော စုပေါင်းပိုင်သူအားလုံးက တည်ဆဲဥပဒေနှင့်အညီ အကျိုးသက်ဆိုင်သည့် မြေနှင့် မြေ ကွက်လပ်တို့ကို ဆိုသည်။
(ဃ) နိုင်ငံခြားသားဆိုသည်မှာ နိုင်ငံသားမဟုတ်သောသူ သို့မဟုတ် ဧည့်နိုင်ငံသားမဟုတ်သောသူ သို့မဟုတ် နိုင်ငံသားပြုခွင့်ရသူ မဟုတ်သောသူကို ဆိုသည်။
(င) တည်ထောင်သူဆိုသည်မှာ ငွေကြေးရင်းနှီးမြှုပ်နှံပြီး စုပေါင်းပိုင် အဆောက်အအုံ တည်ထောင်ခြင်းလုပ်ငန်း လုပ်ကိုင်နိုင်ရန် ဤဥပဒေအရ ထုတ်ပေးသော လုပ်ငန်းလိုင်စင်ရရှိသည့် ဌာန၊ အဖွဲ့အစည်း သို့မဟုတ် ပုဂ်္ဂိုလ်ကို ဆိုသည်။ ယင်း စကားရပ်တွင် ဘဏ်နှင့် ငွေရေးကြေးရေးအဖွဲ့အစည်းများ၊ အာမခံကုမ်္ပဏီများ မပါဝင်။
(စ) စုပေါင်းပိုင်သူ ဆိုသည်မှာ စုပေါင်းပိုင်အဆောက်အအုံရှိ အိမ်ခန်း သို့မဟုတ် အိမ်ခန်းများကို ဤဥပဒေအရ တရားဝင် ပိုင်ဆိုင်ကြောင်း အိမ်ခန်းမှတ်ပုံတင်လက်မှတ်ရရှိထားသူကို ဆိုသည်။ ယင်းစကားရပ်တွင် စုပေါင်းပိုင်သူ၏ အမွေဆက်ခံ သူ သို့မဟုတ် တရားဝင်လွှဲပြောင်းရရှိသူလည်း ပါဝင်သည်။
(ဆ) မူလအချိုးသင့်ပိုင်ဆိုင်မှုအစုတန်ဖိုး ဆိုသည်မှာ စုပေါင်းပိုင် အဆောက်အအုံရှိ အိမ်ခန်း အသီးသီးအတွက် လွှဲပြောင်းသည့် တန်ဖိုးအလို့ငှာလည်းကောင်း၊ စုပေါင်းပိုင်အဆောက်အအုံကို စီမံခန့်ခွဲရေးနှင့် ထိန်းသိမ်းစောင့်ရှောက်ရေးအတွက် ထည့်ဝင် ရမည့် ရန်ပုံငွေပမာဏအတွက်လည်းကောင်း သက်ဆိုင်ရာ စုပေါင်းပိုင် အဆောက်အအုံ စီမံခန့်ခွဲရေးကော်မတီ၏ သဘောတူညီချက်ဖြင့် တည်ထောင်သူက သတ်မှတ်ထားသည့် အချိုးသင့်ပိုင်ဆိုင်မှု တန်ဖိုးကို ဆိုသည်။
(ဇ) အိမ်ခန်းဆိုသည်မှာ စုပေါင်းပိုင်အဆောက်အအုံတွင် နေထိုင် ရန် သို့မဟုတ် အမှုဆောင်အဖွဲ့၏ ခွင့်ပြုချက်ဖြင့် အခြားနည်း သုံးစွဲရန် တစ်ဦးချင်းပိုင်အဖြစ် သီးခြားကာရံ၍ ဆောက်လုပ် ထားသော အိမ်ခန်းကို ဆိုသည်။
(ဈ) အသင်းဆိုသည်မှာ စုပေါင်းပိုင်အဆောက်အအုံကို စီမံခန့်ခွဲရန်နှင့် ထိန်းသိမ်းစောင့်ရှောက်ရန် အလို့ငှာ ဤဥပဒေအရ ထုတ်ပေး သော အသင်းမှတ်ပုံတင်လက်မှတ်ရရှိသည့် စုပေါင်းပိုင် အဆောက်အအုံ အသင်းကို ဆိုသည်။
(ည) အသင်းဝင် ဆိုသည်မှာ အသင်းမှတ်ပုံတင်လက်မှတ်ရရှိသော စုပေါင်းပိုင်အဆောက်အအုံ၏ အိမ်ခန်းမှတ်ပုံတင်လက်မှတ်ရ ရှိသူကို ဆိုသည်။
(ဋ) အမှုဆောင်အဖွဲ့ဆိုသည်မှာ စုပေါင်းပိုင်အဆောက်အအုံကို စီမံခန့်ခွဲရန်နှင့် ထိန်းသိမ်းစောင့်ရှောက်ရန်အလို့ငှာ စုပေါင်းပိုင် အသင်း၏ ဖွဲ့စည်းထားသော စုပေါင်းပိုင်အဆောက်အအုံ အမှုဆောင်အဖွဲ့ကိုဆိုသည်။
(ဌ) ယာယီအဖွဲ့ဆိုသည်မှာ ဤဥပဒေအရ ဖွဲ့စည်းသော စုပေါင်းပိုင် အဆောက်အအုံ ယာယီအမှုဆောင်အဖွဲ့ကို ဆိုသည်။
(ဍ) ၀န်ကြီးဌာနဆိုသည်မှာ ပြည်ထောင်စုအစိုးရအဖွဲ့ဆောက်လုပ် ရေး ၀န်ကြီးဌာနကို ဆိုသည်။
(ဎ) စီမံခန့်ခွဲရေးကော်မတီ ဆိုသည်မှာ ဤဥပဒေပါ ရည်ရွယ်ချက် များကို ဒေသအလိုက် အကောင်အထည်ဖော်ဆောင်ရွက်ရန် ဤဥပဒေအရ ဖွဲ့စည်းသော တိုင်းဒေသကြီး သို့မဟုတ် ပြည်နယ်စီမံခန့်ခွဲရေးကော်မတီများနှင့် နေပြည်တော်ကောင်စီ စီမံခန့်ခွဲရေး ကော်မတီတို့ကို ဆိုသည်။
(ဏ) ဦးစီးဌာနဆိုသည်မှာ ဆောက်လုပ်ရေးဝန်ကြီးဌာန၊ မြို့ပြနှင့် အိမ်ရာဖွံ့ဖြိုးရေးဦးစီးဌာနကို ဆိုသည်။
(တ) မှတ်ပုံတင်အရာရှိဆိုသည်မှာ စုပေါင်းပိုင်မြေနှင့် စုပေါင်းပိုင် အဆောက်အအုံဆိုင်ရာ စာချုပ်စာတမ်းနှင့် စာတမ်းအမှတ် အသားများကို မှတ်ပုံတင်ပေးရန် ဆောက်လုပ်ရေးဝန်ကြီးဌာနက ခန့်အပ်ထားသော စုပေါင်းပိုင်အဆောက်အအုံဆိုင်ရာ မှတ်ပုံ တင်အရာရှိကိုဆိုသည်။
အခန်း(၂)
ရည်ရွယ်ချက်များ
၃။ ဤဥပဒေ၏ ရည်ရွယ်ချက်များမှာ အောက်ပါအတိုင်းဖြစ်သည်
(က) မြို့ပြနှင့် ပတ်ဝန်းကျင်ဒေသ ဖွံ့ဖြိုးရေးစီမံကိန်းကို အထောက် အကူပြုစေရန်၊
(ခ) အိမ်ရာကဏ္ဍ စနစ်တကျ ဖွံ့ဖြိုးတိုးတက်လာစေရေး၊ ပြည်သူများ ၏ လူနေမှုအဆင့်အတန်း ဖွံ့ဖြိုးတိုးတက်လာစေရေးနှင့် စီးပွားရေးဖွံ့ဖြိုးတိုးတက်ရေးကို အထောက်အကူပြုစေရန်၊
(ဂ) စုပေါင်းပိုင်အဆောက်အအုံ၏ အိမ်ခန်းများကို ဥပဒေနှင့်အညီ တရားဝင်ပိုင်ဆိုင်ခွင့်၊ အကျိုးခံစားခွင့်နှင့် လွှဲပြောင်းခွင့်ရရှိစေရန်၊
(ဃ) အိမ်ရာကဏ္ဍဖွံ့ဖြိုးရေးစီမံကိန်းတွင် အပြည်ပြည်ဆိုင်ရာအဖွဲ့ အစည်းများ၊ ဒေသဆိုင်ရာအဖွဲ့အစည်းများ၊ ပြည်တွင်းပြည်ပ အဖွဲ့အစည်းများ၊ ပုဂ်္ဂလိကများနှင့် ပူးပေါင်းဆောင်ရွက်မှုကို တိုးမြှင့်အကောင်အထည်ဖော်နိုင်ရန်။
အခန်း (၃)
စီမံခန့်ခွဲရေးကော်မတီ ဖွဲ့စည်းခြင်းနှင့် ယင်း၏တာဝန်နှင့် လုပ်ပိုင်ခွင့်များ
၎။ ဤဥပဒေပါ ပြဋ္ဌာန်းချက်များကို ဒေသအလိုက် အကောင်အထည်ဖော် နိုင်ရန် ၀န်ကြီးဌာနသည် ပြည်ထောင်စုအစိုးရအဖွဲ့၏ အတည်ပြုချက်ဖြင့် တိုင်းဒေသကြီး သို့မဟုတ် ပြည်နယ်စီမံခန့်ခွဲရေးကော်မတီများကို အောက်ပါပုဂ်္ဂိုလ်များဖြင့် အမိန့်ကြော်ငြာစာ ထုတ်ပြန်ဖွဲ့စည်းရမည် -
(က) တိုင်းဒေသကြီး သို့မဟုတ် ဥက္ကဋ္ဌ ပြည်နယ်အစိုးရအဖွဲ့က တာဝန်ပေးအပ်သော ၀န်ကြီး
(ခ) တိုင်းဒေသကြီး သို့မဟုတ် ပြည်နယ် အဖွဲ့ဝင်
အထွေထွေအုပ်ချုပ်ရေး ဦးစီးဌာနမှ
ကိုယ်စားလှယ်တစ်ဦး
(ဂ) တိုင်းဒေသကြီး သို့မဟုတ် ပြည်နယ် အဖွဲ့ဝင်
လယ်ယာမြေစီမံခန့်ခွဲရေးနှင့်
စာရင်းအင်းဦးစီးဌာနမှ ကိုယ်စားလှယ်တစ်ဦး
(ဃ) တိုင်းဒေသကြီး သို့မဟုတ် အဖွဲ့ဝင်
ပြည်နယ်စီမံကိန်းရေးဆွဲရေး
ဦးစီးဌာနမှ ကိုယ်စားလှယ်တစ်ဦး
(င) မြန်မာနိုင်ငံအင်ဂျင်နီယာအသင်းမှတစ်ဦး အဖွဲ့ဝင်
(စ) မြန်မာနိုင်ငံ ဗိသုကာအသင်းမှတစ်ဦး အဖွဲ့ဝင်
(ဆ) မြန်မာနိုင်ငံဆောက်လုပ်ရေးဆိုင်ရာ အဖွဲ့ဝင်
လုပ်ငန်းရှင်များအသင်းမှ တစ်ဦး
(ဇ) တိုင်းဒေသကြီး သို့မဟုတ် အတွင်းရေးမှူး
ပြည်နယ်ဦးစီးဌာနမှ ကိုယ်စားလှယ်တစ်ဦး
(ဈ) ဦးစီးဌာနမှ ကိုယ်စားလှယ်တစ်ဦး တွဲဖက်အတွင်းရေးမှူး
၅။ ဤဥပဒေပါ ပြဋ္ဌာန်းချက်များကို ဒေသအလိုက် အကောင်အထည်ဖော် နိုင်ရန် ပြည်ထောင်စုအစိုးရအဖွဲ့သည် နေပြည်တော်ကောင်စီ စီမံခန့်ခွဲ ရေးကော်မတီကို အောက်ပါပုဂ်္ဂိုလ်များဖြင့် အမိန့်ကြော်ငြာစာ ထုတ်ပြန် ဖွဲ့စည်းရမည် -
(က) နေပြည်တော်ကောင်စီဝင် ဥက္ကဋ္ဌ
(ခ) နေပြည်တော်ကောင်စီ၊ အဖွဲ့ဝင်
အထွေထွေအုပ်ချုပ်ရေးဦးစီးဌာနမှ
ကိုယ်စားလှယ်တစ်ဦး
(ဂ) နေပြည်တော်ကောင်စီ၊ အဖွဲ့ဝင်
လယ်ယာမြေစီမံခန့်ခွဲရေးနှင့် စာရင်းအင်း
ဦးစီးဌာနမှ ကိုယ်စားလှယ်တစ်ဦး
(ဃ) နေပြည်တော်ကောင်စီ၊ အဖွဲ့ဝင်
စီမံကိန်းရေးဆွဲရေးဦးစီးဌာနမှ
ကိုယ်စားလှယ်တစ်ဦး
(င) ဦးစီးဌာနက တာဝန်ပေးအပ်သော အတွင်းရေးမှူး
ညွှန်ကြားရေးမှူးတစ်ဦး
(စ) ဦးစီးဌာနမှ ကိုယ်စားလှယ်တစ်ဦး တွဲဖက်အတွင်းရေးမှူး
၆။ စီမံခန့်ခွဲရေးကော်မတီ၏ တာဝန်နှင့် လုပ်ပိုင်ခွင့်များမှာ အောက်ပါ အတိုင်းဖြစ်သည် -
(က) ဤဥပဒေပါလုပ်ငန်းတာဝန်များကို သက်ဆိုင်ရာဒေသအတွင်း ၀န်ကြီးဌာန၏ မူဝါဒနှင့်အညီ အကောင်အထည်ဖော်ဆောင် ရွက်ခြင်း၊
(ခ) မြို့ပြဒေသများတွင် ခေတ်မီအဆောက်အအုံများနှင့် စုပေါင်း ပိုင် အဆောက်အအုံစနစ် ဖွံ့ဖြိုးတိုးတက်စေရန် ဦးဆောင်စည်းရုံး ခြင်းနှင့် အသိပညာပေးခြင်း၊
(ဂ) စုပေါင်းပိုင်အဆောက်အအုံများ တည်ထောင်ရာတွင် ခေတ်မီ တိုးတက်ရေးအတွက် လုပ်ငန်းရှင်များအား လိုအပ်သော အကြံဉဏ်ပေးခြင်း၊
(ဃ) စုပေါင်းပိုင်အဆောက်အအုံများ ဆောက်လုပ်ရာတွင် သတ်မှတ် ဒီဇိုင်းပုံစံ စံချိန်စံညွှန်းနှင့်အညီ ဆောက်လုပ်စေရန် စစ်ဆေး ကြပ်မတ်ခြင်း၊ အတိုင်ပင်ခံ အရည်အသွေးစစ်ဆေးကြပ်မတ် ရေးအဖွဲ့များ ငှားရမ်းကြီးကြပ်၍ ဆောက်လုပ်စေခြင်း၊
(င) အပြည်ပြည်ဆိုင်ရာအဖွဲ့အစည်းများ၊ ဒေသဆိုင်ရာအဖွဲ့အစည်း များ၊ သက်ဆိုင်ရာအစိုးရဌာန၊ အစိုးရအဖွဲ့အစည်းများ၊ အစိုးရမဟုတ်သောအဖွဲ့အစည်းများ၊ ဆောက်လုပ်ရေးအဖွဲ့ အစည်းများ၊ လုပ်ငန်းရှင်များနှင့် ဆက်သွယ်ဆောင်ရွက်ခြင်း၊
(စ) စုပေါင်းပိုင်အဆောက်အအုံများ၏ ဘေးကင်းစိတ်ချလုံခြုံရေးနှင့် သဘာဝပတ်ဝန်းကျင်ကို ထိခိုက်မှုမရှိစေရေးအတွက် ဆောက် လုပ်ရေးလုပ်ငန်းစဉ်များအလိုက် ကြီးကြပ်ဆောင်ရွက်ခြင်း၊
(ဆ) တည်ထောင်ဆောက်လုပ်ပြီးဖြစ်သော စုပေါင်းပိုင်အဆောက် အအုံများ ရေရှည်တည်တံ့ခိုင်မြဲရေး၊ သန့်ရှင်းသပ်ရပ်မှုရှိရေး နှင့် ပြုပြင်မွမ်းမံထိန်းသိမ်းရေးတို့အတွက် အစီအစဉ်များ ချမှတ်၍ အမှုဆောင်အဖွဲ့များအား လိုအပ်သောပံ့ပိုးကူညီမှု များပေးခြင်း၊
(ဇ) စုပေါင်းပိုင်အဆောက်အအုံရှိ အိမ်ခန်းအသီးသီးအတွက် တည်ထောင်သူ သို့မဟုတ် တည်ထောင်သူမရှိသည့်အခါ သက်ဆိုင်ရာစုပေါင်းပိုင်အဆောက်အအုံ အမှုဆောင်အဖွဲ့က တင်ပြသော မူလအချိုးသင့်ပိုင်ဆိုင်မှုအစုတန်ဖိုးကို စိစစ်၍ သဘောတူညီချက်ပေးခြင်း၊
(ဈ) အသင်း၏ ရန်ပုံငွေစာရင်းများကို လိုအပ်ပါက စစ်ဆေးခြင်း။
အခန်း (၄)
ဦးစီးဌာန၏ တာဝန်နှင့် လုပ်ပိုင်ခွင့်များ
၇။ (က) စုပေါင်းပိုင်အဆောက်အအုံကဏ္ဍဆိုင်ရာ မူဝါဒများ၊ လမ်းညွှန် ချက်များကို ရေးဆွဲ၍ ၀န်ကြီးဌာသို့ တင်ပြခြင်း၊
(ခ) စုပေါင်းပိုင်အဆောက်အအုံစနစ် ဖွံ့ဖြိုးတိုးတက်စေရန် သုတေသနပြုခြင်း၊ ပြည်တွင်းပြည်ပမှ နည်းပညာများကို လေ့လာဆည်းပူးခြင်းနှင့် နည်းပညာများ ပြန့်ပွားစေရန် ဆောင်ရွက်ခြင်း၊
(ဂ) ဤဥပဒေနှင့် သက်ဆိုင်သည့်ကိစ်္စရပ်များကို အရေးယူဆောင် ရွက်ခြင်းနှင့် တရားစွဲဆိုခြင်း။
အခန်း(၅)
မှတ်ပုံတင်ခြင်းနှင့် စုပေါင်းပိုင်အဆောက်အအုံတည်ထောင်ခြင်း
၈။ စုပေါင်းပိုင်မြေနှင့် စုပေါင်းပိုင်အဆောက်အအုံများကို ဤဥပဒေနှင့် အညီ မှတ်ပုံတင်ရမည်။
၉။ တည်ထောင်သူသည် သက်ဆိုင်ရာ စာချုပ်စာတမ်းမှတ်ပုံတင်ရုံးတွင် မှတ်ပုံတင်ထားသော စုပေါင်းပိုင်မြေတွင်သာ စုပေါင်းပိုင်အဆောက်အအုံကို ဆောက်လုပ်ရမည်။
ပြည်ထောင်စုလွှတ်တော်တို့ အတည်ပြုချက်အရ အစိုးရအဖွဲ့က ထုတ်ပြန်လိုက်သော စုပေါင်းပိုင်အဆောက်အအုံဆိုင်ရာ ဥပဒေကို ၂၀၁၆ ခုနှစ်၊ ဇန်နဝါရီလ ၂၉ ရက်နေ့ တွင် ပြည်ထောင်စု လွှတ်တော်သည် ဤဥပဒေကို ပြဋ္ဌာန်းလိုက်သည်။
Credit: iMyanmarHouse
