အိမ်ခြံမြေသမားတွေ သိရှိလေ့လာထားသင့်တဲ့ ဥပဒေများ (၃)

အိမ်ခြံမြေသမားတွေ သိရှိလေ့လာထားသင့်တဲ့ ဥပဒေများ (၃)

 

ပုဒ်မ-၁၀။။ မည်သူမျှဥပစာတစ်ခုခုအငှားချထားခြင်း သို့တည်းမဟုတ်အသစ် ပြန်၍ အငှားချထားခြင်းသို့တည်း မဟုတ်ဆက်လက် အငှားချထားခြင်းကြောင့် ငှားရမ်းခအပြင်နောက်ထပ်ဒဏ်ငွေ စပေါ်ငွေသို့တည်း မဟုတ်ငွေပေးဆောင်ရန် မတောင်းဆိုရ၊သို့တည်းမဟုတ် တစ်လအတွက် ငှားရမ်းခထက်ပိုသော“စရန်ငွေ”ကိုမတောင်းဆိုရ။
သို့ရာတွင် ဤပုဒ်မပါမည်သည့် ပြဋ္ဌာန်းချက်ကမျှချုပ်ဆိုခဲ့သော သဘောတူစာချုပ်အရ“ငွေပေးခြင်း”နှင့်မသက်ဆိုင်စေရ။

ပုဒ်မ-၁၁(၁) ။။အခြားဥပဒေတစ်ခုခု တွင်မည်သို့ပင်ပါရှိစေကာမူကြီးကြပ် ရေးဝန်သည် ဤအက်ဥပဒေနှင့်သက်ဆိုင်သည့် အဆောက်အအုံတွင် လက်ရှိနေထိုင်သောပုဒ်မ၁၃ (၁) ပါ ပြဋ္ဌာန်းချက်များအရနေထိုင်ခွင့်ရသူအပါအ၀င် “အိမ်ငှား” ၏လျှောက်ထားချက် အရထိုအဆောက်အအုံပိုင်ရှင်အိမ်ရှင်အပေါ်“နို့တစ်စာ” ချအပ်စေ၍အဆိုပါအဆောက်အအုံကို လူနေထိုင်သည့်အခြေအနေတွင် ထားရှိရန်လိုအပ်သည်ဟုမိမိ ထင်မြင်သဘောရရှိသော ပြုပြင်မှုတစ်ရပ်ရပ် သို့တည်း မဟုတ်အရပ်ရပ်ပြုလုပ်စေရန်သော်လည်းကောင်း၊ရေသို့တည်းမဟုတ်လျှပ်စစ်ဓာတ်အားပေးသွင်းမှုမှစ၍ရေပြွန်နှင့်မိလ္လာပြွန်များ ပြုပြင်ထားရှိမှုအတွက်လိုအပ်သော“စီမံချက်များ” ပြုလုပ်ပါကထိုစီမံချက်များ ပြုလုပ်စေရန်ဆင့်ဆိုရမည်။

ရှင်းလင်းချက် - ဤပုဒ်မခွဲပါကိစ္စအလို့ငှာ“ပြုပြင်မှု” ဆိုသည်မှာ အဆောက်အအုံများကို ကောင်းမွန်စွာအိမ်ငှားနေထိုင်နိုင်သည့် အခြေအနေ၌ထားရှိရန်လိုအပ်သော ပြုပြင်မှုကိုဆိုလိုသည်။ထို့ပြင်အတိအလင်းချုပ်ဆိုထားသောသဘောတူစာချုပ်အရ “ပြုပြင်မှု” တစ်ခုခုအတွက်အိမ်ငှားကတာဝန်ခံလျှင် ထိုပြုပြင်မှုအတွက်အိမ်ရှင်၌တာဝန်ရှိသည်ဟုမမှတ်ယူရ။

ပုဒ်မ-၁၂(၁) ။။ပစ္စည်းလွှဲပြောင်းခြင်းအက်ဥပဒေတွင်လည်းကောင်း၊ ပဋိညာဉ်အက်ဥပဒေတွင်သော်လည်းကောင်း၊ရန်ကုန်မြို့တော်တရားမရုံးအက်ဥပဒေတွင်လည်းကောင်း၊ မည်သို့ပင်ပါရှိစေကာမူ ဤအက်ဥပဒေနှင့် သက်ဆိုင်သောဥပစာကို ပြန်လည်သိမ်းပိုက်ရန်အတွက်ဖြစ်စေ၊ထိုဥပစာမှအိမ်ငှားကိုနှင်ထုတ်ရန်အတွက် ဖြစ်စေ၊မည်သည့်အမိန့်သို့တည်းမဟုတ် “ဒီဂရီ” ကိုမျှအောက်ပါကိစ္စရပ်များမှ တစ်ပါးချမှတ်ခြင်းမပြုရ။
(က) အိမ်ငှားထံမှတရားဥပဒေနှင့်အညီရထိုက်သော “ငှားရမ်းခ” အတွက်တောင်းဆိုသည့် စာကိုစာပို့တိုက်မှမှတ်ပုံတင်၍ အိမ်ငှားထံပေးပို့ပြီးသည့် နောက်ထိုသို့တောင်းဆိုသည့် နေ့မှစ၍ရက်သတ်္တပတ် (၃)ပတ်အတွင်း ထိုငှားရမ်းခကို အိမ်ရှင်အားမပေးဘဲ သို့ တည်းမဟုတ်ကြီးကြပ်ရေးဝန်ထံပုဒ်မ (၁၆)အရမပေးသွင်းဘဲနေသည်ကို “သို့တည်းမဟုတ်” အငှားချထားမှုနှင့်စပ်လျဉ်း၍ အိမ်ငှားချထားမှုပဋိညာဉ်အရဖြစ်စေ၊ဤအက်ဥပဒေအရဖြစ်စေ တင်ရှိသည့်အခြားတာဝန်တစ်ခုခုကိုဖောက်ဖျက်သည် သို့တည်းမဟုတ်မဆောင်ရွက် ဘဲနေသည့်ကိစ္စ၊သို့တည်းမဟုတ် ...
(ခ) အိမ်ငှားထံမှရရှိသောငှားရမ်းခ အတွက်“တရားမရုံး”ကအိမ်ရှင်အားအနိုင်ပေး၍ အိမ်ငှားအပေါ်အမိန့်သို့တည်းမဟုတ်ဒီဂရီချမှတ်ထားသည့်ငွေကို မပေးဘဲနေသည့်ကိစ္စ၊ သို့တည်းမဟုတ်။
ဆက်လက်ရေးသားဖော်ပြပါမည်။  

ပုဒ်မ ၁၂ (၁/ဂ) - အိမ်ငှားက သို့ တည်းမဟုတ် အိမ်ငှားနှင့်အတူ လက်ရှိ ထားသည့် သို့တည်းမဟုတ် နေထိုင်သည့် အခြားသူတစ်ဦးတစ်ယောက်က အိမ်ခန်း နှင့် ဆက်စပ်လျက်ရှိသော သို့တည်းမဟုတ် အနီးအနားရှိသော နေထိုင်သူများအား စိတ်ငြိုငြင်စေသည့် သို့တည်းမဟုတ် အနှောင့်အယှက်ဖြစ်စေသည့် ပြုကျင့်မှုကို ကျူးလွန်သည့် ကိစ်္စ သို့တည်းမဟုတ် ဥပစာကို ညစ်ညမ်းယုတ်မာသော သို့တည်း မဟုတ် တရားဥပဒေနှင့် ဆန့်ကျင်သော ကိစ်္စအလို့ငှာ အသုံးပြုသည့် သို့တည်း မဟုတ် အသုံးပြုစေသည့် ပြစ်မှုထင်ရှား စီရင်ခံရသည့်ကိစ်္စ သို့တည်းမဟုတ် အိမ် ငှား၏ သို့တည်းမဟုတ် ဆိုခဲ့သည့်သူ တစ်ယောက်၏ ဖြုန်းတီးမှု သို့တည်းမဟုတ် ပေါ့လျော့မှု သို့တည်းမဟုတ် ပျက်ကွက်မှု ကြောင့် တရားရုံး၏ သဘောအရ ဥပစာ၏ အခြေအနေ ဆိုးရွားသွားသည့်ကိစ်္စ သို့ တည်းမဟုတ်

ပုဒ်မ ၁၂ (၁/ဃ) - ဥပစာသည် မြေဖြစ်လျှင် ထိုဥပစာကို အဆောက်အဦ သို့တည်းမဟုတ် အဆောက်အဦများ ဆောက်လုပ်ရန် သို့တည်းမဟုတ် အဆောက် အဦများ ပြန်လည်ဆောက်လုပ်ရန် အိမ် ရှင်က ရိုးဖြောင့်သော သဘောဖြင့် ရယူ လို၍ ဥပစာကို အဆောက်အဦ သို့တည်း မဟုတ် ပြန်လည်ဆောက်လုပ်ရန်အတွက် အသုံးပြုပါမည်ဟူ၍လည်းကောင်း၊ ထို ဥပစာမှ အိမ်ငှားပြောင်းရွှေ့သည့် နေ့ရက် ကစ၍ တစ်နှစ်အတွင်း ထိုကိစ်္စကို ပြီးစီး အောင် ဆောင်ရွက်ပါမည်ဟူ၍လည်း ကောင်း၊ အိမ်ရှင်က တရားရုံးက သင့်သည် ဟု ထင်မြင်သည့် ငွေအရေအတွက်ဖြင့် ခံဝန်ချုပ်ဆိုသည့်ကိစ်္စ ... သို့တည်းမဟုတ်
ပုဒ်မ ၁၂ (၁/င) - ဤအက်ဥပဒေနှင့် သက်ဆိုင်သော အဆောက်အဦ သို့တည်း မဟုတ် အဆောက်အဦအစိတ်အပိုင်းကို ပြန်လည်ဆောက်လုပ်ရန်အတွက်ဖြစ်စေ၊ လိုအပ်သော သို့တည်းမဟုတ် အရေးကြီး သော သို့တည်းမဟုတ် ပုံသဏ္ဌာန်ပြောင်းလဲ သော ပြုပြင်မှုများ ပြုလုပ်ရန်အတွက်ဖြစ် စေ၊ အိမ်ရှင်က အကြောင်းအားလျော်စွာ ရိုးဖြောင့်သောသဘောဖြင့် ရယူလိုက်၍ ဆိုခဲ့သည့် ဥပစာကို ပြုပြင်မှုများ ပြုလုပ် ရန်အတွက် သို့တည်းမဟုတ် ပြန်လည် ဆောက်လုပ်ရန်အတွက် သို့တည်းမဟုတ် ပြန်လည်ဆောက်လုပ်ရန်အတွက် အသုံးပြု ပါမည်ဟူ၍လည်းကောင်း ထိုဥပစာမှ အိမ်ငှားပြောင်းရွှေ့ပေးသည့်နေ့ရက်က စ၍ ““ကိုးလထက်မပိုဘဲ”” တရားရုံးက သတ်မှတ်သော ကာလအပိုင်းအခြားအတွင်း ထိုကိစ်္စကို ပြီးစီးအောင် ဆောင်ရွက်ပါ မည်ဟူ၍လည်းကောင်း၊ ထိုဥပစာမှ ဖယ် ရှားပေးရသော အိမ်ငှားက ထိုသို့ ပြုပြင် ပြီးသည့်အခါ သို့တည်းမဟုတ် ပြန်လည် ဆောက်လုပ်ပြီးသည့်အခါ ထိုဥပစာကို ပြန်ပေးစေလိုလျှင် ပြန်ပေးပါမည်ဟူ၍လည်း ကောင်း တရားရုံးက သင့်သည့် ထင်မြင် သည့် ငွေအရေအတွက်ဖြင့် ခံဝန်ချုပ်ဆို သည့်ကိစ်္စ သို့တည်းမဟုတ်
ပုဒ်မ ၁၂ (၁/စ) - ဤအက်ဥပဒေ နှင့် သက်ဆိုင်သည့် အဆောက်အဦ သို့ တည်းမဟုတ် အဆောက်အဦ အစိတ်အပိုင်း ကို ပိုင်ရှင်က အကြောင်းအားလျော်စွာ ရိုးဖြောင့်သောသဘောဖြင့် မိမိကိုယ်တိုင် နေထိုင်ရန် ကိစ်္စအတွက် သက်သက်ရယူ လိုပါက ဆိုခဲ့သည့် ဥပစာ၌ မိမိကိုယ်တိုင် နေထိုင်ပါမည်ဟူ၍လည်းကောင်း၊ ထိုဥပစာ မှ အိမ်ငှားပြောင်းရွှေ့ပေးသည့် နေ့ရက် ကစ၍ “သုံးလ”အတွင်း ထိုကိစ်္စကို ပြီးစီး အောင် ဆောင်ရွက်ပါမည်ဟူ၍လည်း ကောင်း တရားရုံးက သင့်သည်ထင်မြင် သည့် “ငွေ” အရေအတွက်ဖြင့် ခံဝန်ချုပ် ဆိုသည့်ကိစ်္စ။
သို့ရာတွင် ... ဤအပိုဒ်ပါ ကိစ်္စ အလို့ငှာ “ပိုင်ရှင်”ဆိုသည့်စကားရပ်တွင်ဆိုခဲ့ သည့် ဥပစာပိုင်ရှင်ဖြစ်သူ သို့တည်းမဟုတ် အမွေဆက်ခံခြင်းဖြင့် ထိုဥပစာပိုင်ရှင်ဖြစ် လာသူမှတစ်ပါး အခြားမည်သူမျှ မပါဝင် စေရ။
ထို့ပြင် ... အငှားချထားမှု သဘော တူ စာချုပ်အရဖြစ်စေ၊ နှစ်ဦးသဘောတူညီ ချက်ဖြင့် တရားရုံးတော်က ချမှတ်သော ဒီကရီပါ စည်းကမ်းချက်များအရဖြစ်စေ၊ သတ်မှတ်ထားသည့် ကာလအပိုင်းအခြား အတွက် ပြုလုပ်သော အငှားချထားမှုများ မှာ အဆိုပါ အငှားချထားသည့် ကာလ အပိုင်းအခြားမကုန်ဆုံးမီ၊ သို့တည်းမဟုတ် အဆိုပါ ဒီကရီအရ ခွင့်ပြုထားသည့် ကာလအပိုင်းအခြား မကုန်ဆုံးမီ ဤအပိုဒ် နှင့် မသက်ဆိုင်စေရ။

ပုဒ်မ ၁၂ (၂) - ဥပစာ တစ်ခုခုကို ပြန်လည်သိမ်းပိုက်ရန်အတွက်ဖြစ်စေ၊ ထိုဥပစာမှ အိမ်ငှားကို နှင်ထုတ်ရန်အတွက် ဖြစ်စေ၊ ပုဒ်မခွဲ (၁) အပိုဒ် (ဃ)(င)သို့ တည်းမဟုတ် အပိုဒ် (စ)အရ အမိန့် သို့ တည်းမဟုတ် ဒီကရီ ချမှတ်ရာ၌ တရား ရုံးသည် ထိုဥပစာကို မည်သည့်ကိစ်္စအလို့ ငှာ၊ အိမ်ရှင်က သို့တည်းမဟုတ် ပိုင်ရှင် က ရယူလိုကြောင်း သီးခြားဖော်ပြရမည့် အပြင် ဆိုခဲ့သည့်အမိန့် သို့တည်းမဟုတ် ဒီကရီမိတ်္တူကိုလည်းကောင်း၊ ပုဒ်မခွဲ(၁) အပိုဒ် (ဃ)(င) သို့တည်းမဟုတ် အပိုဒ် (စ)ပါ ပြဋ္ဌာန်းချက်များအရ အိမ်ရှင်က သို့တည်းမဟုတ် ပိုင်ရှင်က ချုပ်ဆိုသည့် “ခံဝန်ချက်မိတ်္တူ”ကိုလည်းကောင်း ကြီးကြပ် ရေးဝန်ထံ အိမ်ရှင်က သို့တည်းမဟုတ် ပိုင်ရှင်က “အမိန့်”တွင် သို့တည်းမဟုတ် “ဒီကရီ”တွင် သို့တည်းမဟုတ် ခံဝန်ချုပ်တွင် သီးခြားဖော်ပြထားသည့် ကာလအပိုင်း အခြားအတွင်း အဆိုပါကိစ်္စအတွက် ဥပစာကို အသုံးပြုရန် ပျက်ကွက်လျှင်ဖြစ် စေ၊ ခံဝန်ချုပ်တွင် ၎င်းင်းအပေါ် သတ်မှတ် ထားသည့် စည်းကမ်းချက်များကို လိုက်နာ ရန် ပျက်ကွက်လျှင်ဖြစ်စေ၊ တရားရုံးသည် ထိုအမိန့် သို့တည်းမဟုတ် ဒီကရီချမှတ် ခံရသည့် အိမ်ငှားများ၏ လျှောက်ထား ချက်အရသော်လည်းကောင်း၊ ကြီးကြပ် ရေးဝန်၏ လျှောက်ထားချက်အရသော် လည်းကောင်း ခံဝန်ချုပ်ဖြင့် ချုပ်ဆိုထားေ သာ ငွေကို အစိုးရက သိမ်းယူစေဟု ကြေ ညာနိုင်သည့်ပြင်၊ တရားရုံးက သင့်တော် သည်ဟု ထင်မြင်သည့် လျော်ကြေးငွေကို လည်း အိမ်ရှင်က သို့တည်းမဟုတ် ပိုင် ရှင်အိမ်ငှားအား ပေးရမည်ဟု ဆင့်ဆိုနိုင် သည်။ သို့ရာတွင် တရားရုံးက ကျေနပ် လောက်သည်ဟု သဘောရသည့် အကြောင်း ပြချက်များကြောင့် ဆိုခဲ့သည့် ကိစ်္စအတွက် ဥပစာကို အသုံးမပြုနိုင်ကြောင်းဖြင့်သော် လည်းကောင်း၊ ခံဝန်ချုပ်တွင် သတ်မှတ် သည့် စည်းကမ်းချက်များကို မလိုက်နာနိုင် ကြောင်းဖြင့်သော်လည်းကောင်း၊ အိမ်ရှင် က သို့တည်းမဟုတ် ပိုင်ရှင်က “သက်သေ” ထင်ရှားပြလျှင် ဆိုခဲ့သည့်အတိုင်း ကြေ ညာခြင်း သို့တည်းမဟုတ် “ဆင့်ဆိုခြင်း” မပြုရ။

ပုဒ်မ ၁၂ (၃) - ပုဒ်မခွဲ(၂)အရလျော် ကြေးပေးရန် ချမှတ်သည့် ဆုံးဖြတ်ချက် အပြင် တရားရုံးသည် ဒီကရီသို့တည်းမဟုတ် အမိန့်ချမှတ်ခံရသည့် အိမ်ငှားကသဘော တူလျှင် ထိုအိမ်ငှားအား အမိန့် သို့တည်းမဟုတ် ဒီကရီချမှတ်သည့်နေ့ရက် မတိုင်မီကထား ရှိသည့် စည်းကမ်းချက် များအတိုင်း ထို ဥပစာ”ကို လက်ရှိပေးအပ်ရမည်။
ပုဒ်မ ၁၂ (၄) - ဤပုဒ်မအရ အာမခံငွေကို သိမ်းယူရန် သို့တည်းမဟုတ် လျော်ကြေးပေးရန် ချမှတ်သော အမိန့်ကို “တရားမကျင့်ထုံး ကိုဓဥပဒေ ဒီကရီများ အတည်ပြုရန် ပြဋ္ဌာန်းထားသည့် နည်းလမ်း အတိုင်း အတည်ပြုနိုင်သည်။
ပုဒ်မ ၁၃ (၁) - နိုင်ငံတော်သမ်္မတ က အမိန့်ကြော်ငြာစာဖြင့် ဤပုဒ်မနှင့် သက်ဆိုင်စေရန် ကြေညာနိုင်သည့် ဒေသ ၌သော်လည်းကောင်း၊ ဥပစာအမျိုးအစား တစ်ခုခုနှင့် စပ်လျဉ်း၍သော်လည်းကောင်း၊ မည်သူမဆို ဥပစာတစ်ခုခု၏ အိမ်ငှားပင် မဟုတ်စေကာမူ နေထိုင်မှုကိစ်္စ သို့တည်း မဟုတ် လုပ်ငန်းကိစ်္စအတွက် “ရိုးဖြောင့် သောသဘော”ဖြင့် နေထိုင်သူဖြစ်လျှင် ထိုဥပစာတွင် ဆက်လက်နေထိုင်ခွင့်ရရှိ ရန် ကြီးကြပ်ရေးဝန်ထံ လျှောက်ထားနိုင် သည်။ ထိုလျှောက်ထားသူက ဆိုခဲ့သည့် ဥပစာအတွက် “စံငှားရမ်းခ”ကို ပေးဆောင် လိုကြောင်း “စာ”ဖြင့် ၀န်ခံသည့်အခါ ကြီး ကြပ်ရေးဝန်သည် ထိုလျှောက်ထားသူအား ဆိုခဲ့သည့် ဥပစာတွင် ဆက်လက်နေထိုင် ခွင့်ပြုသည့် အမိန့်စာကို ထုတ်ပေးရမည့် ပြင်၊ မိမိအမိန့်မိတ်္တူကိုလည်း အိမ်ရှင်ထံသို့ ဖြစ်စေ၊ အိမ်ရှင်က အာဏာလွှဲအပ်ထား သည့် ကိုယ်စားလှယ်ထံသို့ဖြစ်စေ၊ ၎င်းင်း၏ နေရပ်ကိုသိလျှင် ပေးပို့ရမည်။

ပုဒ်မ ၁၃ (၂) - ပုဒ်မ ၁၄ အရ တရားရုံးက ချမျတ်သည့်အမိန့်များနှင့် မဆန့်ကျင်စေဘဲ ပုဒ်မခွဲ(၁)အရ တစ်ဦးတစ် ယောက်သောသူအား ဥပစာတစ်ခုခုတွင် ဆက်လက်နေထိုင်ခွင့်ပြုသည့် “အမိန့်”ဟူသရွေ့ မှာဆိုခဲ့သည့် ဥပစာတည်ရှိရာ ဒေသနှင့်ဖြစ်စေ၊ ဤပုဒ်မပါ ပြဋ္ဌာန်းချက်များ နှင့် သက်ဆိုင်နေသမျှ ကာလပတ်လုံး အတည်ဖြစ်ရမည့်ပြင်၊ ထို့နောက်လည်း “သုံးလပတ်လုံး” ဆက်လက်အတည်ဖြစ်စေ ရမည်။ သို့ရာတွင် အမိန့်ချမှတ်သဖြင့် အနိုင်ရသူသည် ဤကာလအပိုင်းအခြား အတွင်း မိမိအလိုအလျောက် ထိုဥပစာမှ ထွက်ခွာသွားလျှင် ကြီးကြပ်ရေးဝန်သည် အိမ်ရှင်တင်သွင်းသည့် လျှောက်လွှာအရ ဆိုခဲ့သည့်အမိန့်ကို ဖျက်သိမ်းနိုင်သည့်ပြင် ထိုသို့ ဖျက်သိမ်းပြီးနောက် ထိုအမိန့်ကို ထပ်မံအတည်မပြုရ။

ဆက်လက်ရေးသားဖော်ပြပါမည်။

မောင်မြတ်မွန်(ဆူးလေ) မှ iMyanmarHouse.com  အတွက် အထူးရေးသားဖော်ပြသည်။
Credit: iMyanmarHouse.com

အခြား အိမ်ခြံမြေ ဥပဒေများ

အိမ်ခြံမြေ သတင်းများကို
Email ဖြင့် ဖတ်ရန်

iMyanmarHouse.com - Mobile App
iMyanmarHouse.com - Monthly Property Magazine