မလေးရှားဘုရင်က အရေးပေါ်အခြေအနေကြေညာရန် လက်မခံသောကြောင့် ဝန်ကြီးချုပ်နှင့် အစိုးရအဖွဲ့ အရေးပေါ်အစည်းအဝေးခေါ်ယူ

[Unicode]

မလေးရှားဘုရင်မင်းမြတ်က အရေးပေါ် အခြေအနေကြေညာရန် လက်မခံသောကြောင့် ဝန်ကြီးချုပ် Muhyiddin Yassin က အရေးပေါ်အထူးအစည်းအဝေးတစ်ရပ်ကို အောက်တိုဘာ ၂၆ ရက် နံနက် ၁၁း ၃၀ တွင် ခေါ်ယူလိုက်ရသည်။

ဝန်ကြီးများ၊ ပါတီခေါင်းဆောင်များနှင့် ပြည်နယ်အကြီးအကဲများ ပါဝင်သော ၃၂ ဦးသည် မလေးရှား ဘုရင်မင်းမြတ် အဗ္ဗဒူလာ ဘီလာ ရှားက အရေးပေါ်အခြေအနေ မကြေညာရန် ဆုံးဖြတ်ခဲ့သောကြောင့် မလေးရှား၏ ရှေ့ဆက်လုပ်ဆောင်ရမည့် ကိစ္စရပ်များကို ဆွေးနွေးခဲ့ရခြင်း ဖြစ်သည်။

အရေးပေါ် အခြေအနေကြေညာခွင့် ရရှိခဲ့မည်ဆိုပါက ဝန်ကြီးချုပ် Muhyiddin ၏ အစိုးရအဖွဲ့သည် လွှတ်တော်၏ အတည်ပြုချက်မလိုဘဲ ဥပဒေပြဌာန်းခြင်းများ ပြုလုပ်နိုင်မည် ဖြစ်သည်။

ပူထရာဂျာယာရှိ ဝန်ကြီးချုပ်ရုံးသို့ မလေးရှား ဆက်သွယ်ရေးနှင့် multimedia ဝန်ကြီး Saifuddin Abdullah လည်း လာရောက်ခဲ့ကြောင်း အစိုးရသတင်းဌာနဖြစ်သော Bernama သတင်းဌာနက ရိုက်ကူးခဲ့သော ဓာတ်ပုံများတွင် တွေ့ရသည်။

မျက်မြင်တွေ့ရှိသူတို့၏ ပြောကြားချက်အရ သိပ္ပံ၊ နည်းပညာနှင့် တီထွင်ဆန်းသစ်မှုရေးရာဝန်ကြီး Khairy Jamaluddin နှင့် နိုင်ငံခြားရေးဝန်ကြီး Hishammuddin Hussein တို့လည်း ဝန်ကြီးချုပ်ရုံးသို့ လာရောက်ခဲ့ကြသည်ဟု ဆိုသည်။

မလေးရှားဘုရင်က Muhyiddin ၏ အစိုးရအဖွဲ့သည် အရေးပေါ်အာဏာမရှိဘဲ မလေးရှား၏ COVID-19 အခြေအနေကို ကောင်းစွာကိုင်တွယ်နိုင်မည်ဟု ယုံကြည်ကြောင်း ပြောကြားခဲ့သည်ဟု ဆိုသည်။

ဘုရင့်နန်းတော်၏ ထုတ်ပြန်ချက်အရ တိုင်းပြည်၏ မည်သည့်နေရာတွင်မဆို အရေးပေါ် အခြေအနေ ကြေညာရန် မလိုအပ်ကြောင်း ဘုရင်မင်းမြတ်က ဆုံးဖြတ်ခဲ့သည်ဟု ဖော်ပြသည်။ နိုင်ငံရေးသမားများအနေဖြင့် နိုင်ငံရေးကစားနေခြင်းများ ရပ်တန့်ရန်၊ ထိုသို့လုပ်ဆောင်ခြင်းသည် တိုင်းပြည်၏ အုပ်ချုပ်ရေးကို မတည်မငြိမ် ဖြစ်စေနိုင်ကြောင်း မလေးရှားဘုရင်က သတိပေးသည်ဟုလည်း နန်းတော်၏ ထုတ်ပြန်ချက်တွင် ဖော်ပြသည်။

ယခုအကြိမ် အစိုးရအဖွဲ့ အထူးအစည်းအဝေးသည် သောကြာနေ့ နောက်ပိုင်း ဒုတိယ အကြိမ်မြောက်လည်း ဖြစ်သည်။ ပြီးခဲ့သော သောကြာနေ့က အစိုးရအဖွဲ့အထူးအစည်းအဝေးတစ်ရပ်ခေါ်ယူခဲ့ပြီး အစိုးရအဖွဲ့ဝင် ဝန်ကြီးများက အရေးပေါ် အခြေအနေကြေညာရန် သဘောတူညီခဲ့ကြသည်ဟု ဆိုသည်။ အစိုးရ အဖွဲ့ဝင်များက သဘောတူပြီးနောက် ဝန်ကြီးချုပ်သည် မလေးရှားဘုရင်၏ ခွင့်ပြုချက်ကို သွားရောက်တောင်းခံခဲ့ခြင်းလည်း ဖြစ်သည်။

ဘုရင်မင်းမြတ်၏ ငြင်းပယ်မှုနှင့် စပ်လျဉ်းပြီး ဝန်ကြီးချုပ်က ပြောကြားရာတွင် “အရေးပေါ် အခြေအနေကြေညာဖို့ ဘုရင်မင်းမြတ်က ငြင်းပယ်လိုက်တာကို အစိုးရအဖွဲ့ဝင် ဝန်ကြီးတွေက အသိအမှတ် ပြုကြပါတယ်” ဟု ပြောကြားသည်။

မြန်မာနိုင်ငံ၊ အာဆီယံနိုင်ငံများနှင့် ကမ္ဘာတစ်ဝှမ်းလုံး ၏ ကိုရိုနာဗိုင်းရပ်စ် ကူးစက်ခံရမှု ကိန်းဂဏန်းများ - အသေးစိတ်ကြည့်ရန် ဤနေရာကို နှိပ်ပါ။

Corona Virus အကြောင်း သိကောင်းစရာများနှင့် ခုခံကာကွယ်ပုံများအသေးစိတ်ကို ဤနေရာတွင် ဖတ်ရှုနိုင်ပါသည်။

iMyanmarHouse.com သည် မြန်မာနိုင်ငံမှ Coronavirus အပြီးတိုင်တိုက်ဖျက်ရေးအတွက် ကျရာကဏ္ဍမှ ပြည်သူများအားလုံးအတွက် မှန်ကန်သော သတင်းများကို အချိန်နှင့်တပြေးညီ ဖော်ပြပေးနေပါသည်။ မှန်ကန်ယုံကြည်စိတ်ချရသော သတင်းများကိုသာ အယ်ဒီတာအဖွဲ့မှ ဖော်ပြပေးမည်ဖြစ်ပါသည်။ တစ်စုံတစ်ရာ အဆင်မပြေမှုများရှိပါက iMyanmarHouse.com သို့ ဤနေရာတွင် ဆက်သွယ်နိုင်ပါသည်။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Malaysia PM chairs cabinet meeting after King rejects bid to declare emergency (coconuts)

  [Zawgyi]

မေလးရွားဘုရင္က အေရးေပၚအေျခအေနေၾကညာရန္ လက္မခံေသာေၾကာင့္ ဝန္ၾကီးခ်ဳပ္ႏွင့္ အစိုးရအဖြဲ႔ အေရးေပၚအစည္းအေဝးေခၚယူ

မေလးရွားဘုရင္မင္းျမတ္က အေရးေပၚ အေျခအေနေၾကညာရန္ လက္မခံေသာေၾကာင့္ ဝန္ၾကီးခ်ဳပ္ Muhyiddin Yassin က အေရးေပၚအထူးအစည္းအေဝးတစ္ရပ္ကို ေအာက္တိုဘာ ၂၆ ရက္ နံနက္ ၁၁း ၃၀ တြင္ ေခၚယူလိုက္ရသည္။

ဝန္ၾကီးမ်ား၊ ပါတီေခါင္းေဆာင္မ်ားႏွင့္ ျပည္နယ္အၾကီးအကဲမ်ား ပါဝင္ေသာ ၃၂ ဦးသည္ မေလးရွား ဘုရင္မင္းျမတ္ အဗၺဒူလာ ဘီလာ ရွားက အေရးေပၚအေျခအေန မေၾကညာရန္ ဆံုးျဖတ္ခဲ့ေသာေၾကာင့္ မေလးရွား၏ ေရွ႕ဆက္လုပ္ေဆာင္ရမည့္ ကိစၥရပ္မ်ားကို ေဆြးေႏြးခဲ့ရျခင္း ျဖစ္သည္။

အေရးေပၚ အေျခအေနေၾကညာခြင့္ ရရွိခဲ့မည္ဆိုပါက ဝန္ၾကီးခ်ဳပ္ Muhyiddin ၏ အစိုးရအဖြဲ႔သည္ လႊတ္ေတာ္၏ အတည္ျပဳခ်က္မလိုဘဲ ဥပေဒျပဌာန္းျခင္းမ်ား ျပဳလုပ္ႏိုင္မည္ ျဖစ္သည္။

ပူထရာဂ်ာယာရွိ ဝန္ၾကီးခ်ဳပ္ရံုးသို႔ မေလးရွား ဆက္သြယ္ေရးႏွင့္ multimedia ဝန္ၾကီး Saifuddin Abdullah လည္း လာေရာက္ခဲ့ေၾကာင္း အစိုးရသတင္းဌာနျဖစ္ေသာ Bernama သတင္းဌာနက ရိုက္ကူးခဲ့ေသာ ဓာတ္ပံုမ်ားတြင္ ေတြ႔ရသည္။

မ်က္ျမင္ေတြ႔ရွိသူတို႔၏ ေျပာၾကားခ်က္အရ သိပၸံ၊ နည္းပညာႏွင့္ တီထြင္ဆန္းသစ္မႈေရးရာဝန္ၾကီး Khairy Jamaluddin ႏွင့္ ႏိုင္ငံျခားေရးဝန္ၾကီး Hishammuddin Hussein တို႔လည္း ဝန္ၾကီးခ်ဳပ္ရံုးသို႔ လာေရာက္ခဲ့ၾကသည္ဟု ဆိုသည္။

မေလးရွားဘုရင္က Muhyiddin ၏ အစိုးရအဖြဲ႔သည္ အေရးေပၚအာဏာမရွိဘဲ မေလးရွား၏ COVID-19 အေျခအေနကို ေကာင္းစြာကိုင္တြယ္ႏိုင္မည္ဟု ယံုၾကည္ေၾကာင္း ေျပာၾကားခဲ့သည္ဟု ဆိုသည္။

ဘုရင့္နန္းေတာ္၏ ထုတ္ျပန္ခ်က္အရ တိုင္းျပည္၏ မည္သည့္ေနရာတြင္မဆို အေရးေပၚ အေျခအေန ေၾကညာရန္ မလိုအပ္ေၾကာင္း ဘုရင္မင္းျမတ္က ဆံုးျဖတ္ခဲ့သည္ဟု ေဖာ္ျပသည္။ ႏိုင္ငံေရးသမားမ်ားအေနျဖင့္ ႏိုင္ငံေရးကစားေနျခင္းမ်ား ရပ္တန္႔ရန္၊ ထိုသို႔လုပ္ေဆာင္ျခင္းသည္ တိုင္းျပည္၏ အုပ္ခ်ဳပ္ေရးကို မတည္မျငိမ္ ျဖစ္ေစႏိုင္ေၾကာင္း မေလးရွားဘုရင္က သတိေပးသည္ဟုလည္း နန္းေတာ္၏ ထုတ္ျပန္ခ်က္တြင္ ေဖာ္ျပသည္။

ယခုအၾကိမ္ အစိုးရအဖြဲ႔ အထူးအစည္းအေဝးသည္ ေသာၾကာေန႔ ေနာက္ပိုင္း ဒုတိယ အၾကိမ္ေျမာက္လည္း ျဖစ္သည္။ ျပီးခဲ့ေသာ ေသာၾကာေန႔က အစိုးရအဖြဲ႔အထူးအစည္းအေဝးတစ္ရပ္ေခၚယူခဲ့ျပီး အစိုးရအဖြဲ႔ဝင္ ဝန္ၾကီးမ်ားက အေရးေပၚ အေျခအေနေၾကညာရန္ သေဘာတူညီခဲ့ၾကသည္ဟု ဆိုသည္။ အစိုးရ အဖြဲ႔ဝင္မ်ားက သေဘာတူျပီးေနာက္ ဝန္ၾကီးခ်ဳပ္သည္ မေလးရွားဘုရင္၏ ခြင့္ျပဳခ်က္ကို သြားေရာက္ေတာင္းခံခဲ့ျခင္းလည္း ျဖစ္သည္။

ဘုရင္မင္းျမတ္၏ ျငင္းပယ္မႈႏွင့္ စပ္လ်ဥ္းျပီး ဝန္ၾကီးခ်ဳပ္က ေျပာၾကားရာတြင္ “အေရးေပၚ အေျခအေနေၾကညာဖို႔ ဘုရင္မင္းျမတ္က ျငင္းပယ္လိုက္တာကို အစိုးရအဖြဲ႔ဝင္ ဝန္ၾကီးေတြက အသိအမွတ္ ျပဳၾကပါတယ္” ဟု ေျပာၾကားသည္။

ျမန္မာႏိုင္ငံ၊ အာဆီယံႏိုင္ငံမ်ားႏွင့္ ကမာၻတစ္ဝွမ္းလုံး ၏ ကို႐ိုနာဗိုင္းရပ္စ္ ကူးစက္ခံရမႈ ကိန္းဂဏန္းမ်ား - အေသးစိတ္ၾကည့္ရန္ ဤေနရာကို ႏွိပ္ပါ။

Corona Virus အေၾကာင္း သိေကာင္းစရာမ်ားႏွင့္ ခုခံကာကြယ္ပုံမ်ားအေသးစိတ္ကို ဤေနရာတြင္ ဖတ္ရႈႏိုင္ပါသည္။

iMyanmarHouse.com သည္ ျမန္မာႏိုင္ငံမွ Coronavirus အၿပီးတိုင္တိုက္ဖ်က္ေရးအတြက္ က်ရာက႑မွ ျပည္သူမ်ားအားလုံးအတြက္ မွန္ကန္ေသာ သတင္းမ်ားကို အခ်ိန္ႏွင့္တေျပးညီ ေဖာ္ျပေပးေနပါသည္။ မွန္ကန္ယုံၾကည္စိတ္ခ်ရေသာ သတင္းမ်ားကိုသာ အယ္ဒီတာအဖြဲ႕မွ ေဖာ္ျပေပးမည္ျဖစ္ပါသည္။ တစ္စုံတစ္ရာ အဆင္မေျပမႈမ်ားရွိပါက iMyanmarHouse.com သို႔ ဤေနရာတြင္ ဆက္သြယ္ႏိုင္ပါသည္။

(iMyanmarHouse.com Team မွ ေရးသား ေဖာ္ျပသည္။)

Credit: iMyanmarHouse.com

Ref: Malaysia PM chairs cabinet meeting after King rejects bid to declare emergency (coconuts)