နယူးယောက်တွင် အိမ်ငှားရန်အခန်းရှာနေသော ဂျပ်စတင်ဘီဘာနှင့် ဇနီး ဟိုင်လေ ဘော်လ်ဒွင်တို့ စုံတွဲ လော့စ်အိန်ဂျလိမြို့၊ ဘီဗာလီဟေးလ်တွင် နေအိမ်ဝယ်ယူလိုက်ပြီ

ကမ္ဘာကျော် လူငယ်တေးသံရှင်၊ ပေါ့ပ်ကြယ်ပွင့် ဂျပ်စတင်ဘီဘာသည် ဆလီနာဂိုမက်ဇ်နှင့် လမ်းခွဲခဲ့ပြီးနောက်ပိုင်းတွင် ဟိုင်လေ ဘော်လ်ဒွင်နှင့် လက်ထပ်ခဲ့ပြီး နယူးယောက်မြို့တွင် ပြီးခဲ့သော ရက်သတ္တပတ်အတွင်းကပင် နေအိမ်ခန်း ငှားရမ်းရန် လိုက်လံရှာဖွေနေ ကြောင်း သတင်းများ ထွက်ပေါ်လာခဲ့သေးသည်။

အဆိုပါသတင်းကို iMyanmarHouse.com ဝက်ဘ်ဆိုက်ကြီးတွင် ရေးသားတင်ပြခဲ့ပြီးဖြစ်ပါသည်။ ပြန်လည်ဖတ်ရှုလိုပါက https://www.imyanmarhouse.com/news/read/814106 အင်တာနက်လင့်ခ်တွင် ဖတ်ရှုနိုင်ပါသည်။

ယခုအခါတွင်ကား ဂျပ်စတင်ဘီဘာတို့ စုံတွဲသည် လော့စ်အိန်ဂျလိတွင် ချစ်ဗိမ္မာန်တစ်ခု ရှာဖွေတွေ့ရှိသွားပြီ ဖြစ်သည်။

ဂျပ်စတင်ဘီဘာသည် ကြင်စဦးဇနီးနှင့်အတူ နေထိုင်မည့် ဘီဗာလီဟေးလ်စံအိမ်ကို ကန်ဒေါ်လာ ၈ ဒသမ ၅ သန်းဖြင့် ဝယ်ယူခဲ့ကြောင်း လော့စ်အိန်ဂျလိတိုင်းမ် သတင်းတစ်ရပ်တွင်လည်း ဖော်ပြသည်။

အသက် ၂၅ နှစ်ရှိပြီဖြစ်သော ဂျပ်စတင်ဘီဘာသည် လော့စ်အိန်ဂျလိတွင် နှစ်ပေါင်းများစွာ နေထိုင်ခဲ့ဖူးသော်လည်း ၂၀၁၂ ခုနှစ်တွင် ကာလာဘာဆက်စ်နေအိမ်ကို ရောင်းထုတ်ခဲ့ပြီး ယခုဝယ်ယူမှုမှာ လော့စ်အိန်ဂျလိတွင် ပထမဆုံးပြန်လည်ခြေချခြင်းလည်း ဖြစ်သည်။

စိတ်ဝင်စားဖွယ်ကောင်းသည်ကား ဂျပ်စတင်ဘီဘာ၏ မြေထဲပင်လယ်ဗိသုကာဟန်နေအိမ်ကို ဝယ်ယူခဲ့သူမှာ ခလို ကာဒါရှီယန်ဖြစ်ပြီး ကန်ဒေါ်လာ ၇ ဒသမ ၂ သန်းဖြင့် ဝယ်ယူခဲ့ခြင်းဖြစ်သည်။

ဂျပ်စတင်ဘီဘာ၏ နေအိမ်သည် ၁၉၃၀ ပြည့်လွန်ကာလများက ဆောက်လုပ်ခဲ့သည့် မွန်တီရေး ကိုလိုနီ ဗိသုကာဟန်ဖြစ်ပြီး မကြာသေးမီကမှ ပြန်လည်မွမ်းမံထားကာ မိသားစုတစ်ခုက နှစ်ပေါင်း ၅၀ ခန့် ပိုင်ဆိုင်ထားခဲ့သည်။နေအိမ်အကျယ်အဝန်းမှာ စတုရန်းပေ ၆၁၀၀ ခန့်ရှိပြီး အိပ်ခန်း ၅ ခန်း၊ ရေချိုးခန်း ၇ ခန်း၊ စာကြည့်တိုက်တစ်ခုနှင့် အိမ်တွင်း ရုပ်ရှင်ရုံတို့ ပါဝင်သည်။

အိမ်တွင်းပိုင်း မွမ်းမံမှုမှာ ကယ်လီဖိုးနီးယားပြည်နယ်၏ ဂန္ထဝင်ဟန်မျိုးမွမ်းမံထားပြီး ငှက်ပျောရွက်ပုံ wallpaper များလည်း တွေ့ရသည်။

မီးဖိုးဆောင်တွင် နောက်ဆုံးပေါ်အဆင့်မြင့်ပစ္စည်းများ ထည့်သွင်းပေးထားပြီး မီးဖိုဆောင်အလယ် ချက်ပြုတ်ရန်နေရာမှာ ကျယ်ဝန်းလှကာ စားသောက်ရန်နေရာကိုလည်း ထည့်သွင်းပေးထားသည်။

ဧည့်သည်များကို ဧည့်ခံရန်အတွက် ဝိုင်သိုလှောင်ခန်းတစ်ခုနှင့် အရက်ဘားတို့လည်း ပါဝင်သည်။နေအိမ်ပြင်ပတွင် နားနေရန်နေရာတစ်ခုနှင့် အကင်ပြုလုပ်ရန် မီးဖိုနေရာတို့ တွေ့ရပြီး ရင်သပ်ရှုမောဖွယ် ရေကူးကန်ကို အပေါ်စီးမှ တွေ့မြင်နေရသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)