ဇိမ်ခံအိမ်ဈေးဖွံ့ဖြိုးမှု ၂၀၁၉ ၌ ကမ္ဘာတစ်ဝန်းတွင် လျော့ကျမည်

ယခုနှစ်တွင် ဟောင်ကောင်၊ မွန်ဘိုင်းနှင့် ဒူဘိုင်းတို့၏ ဇိမ်ခံလူနေအိမ်ဈေးဖွံ့ဖြိုးမှု ထက်ဝက်လျော့ကျမည်ဟု ခန့်မှန်းရကြောင်း Knight Frank ကမ္ဘာ့အိမ်ခြံမြေအတိုင်ပင်ခံလုပ်ငန်းက ထုတ်ပြန်ခဲ့သည်။

ကမ္ဘာတစ်ဝန်းရှိ ဇိမ်ခံအိမ်ဈေးများသည် အိမ်ခြံမြေဈေးကွက်စည်းမျဉ်းများ၊ မြင့်တက်လာသော ဘဏ္ဍာရေးကုန်ကျစရိတ်များ၊ ပထဝီနိုင်ငံရေးမတည်ငြိမ်မှုနှင့် ဇိမ်ခံအိမ်သစ်ရောင်းလိုအားမြင့်မားမှုတို့၏ ဖိအားများကို မလွန်ဆန်နိုင်ဘဲ အခြေအနေမကောင်းဘဲရှိနေကြောင်း Knight Frank ၏ ကမ္ဘာလုံးဆိုင်ရာ ၂၀၁၉ အလားအလာအစီရင်ခံစာအရ သိရသည်။

ကမ္ဘာတစ်ဝန်း မြို့ကြီး ၄၃ ခုရှိ ဇိမ်ခံအိမ်ဈေးများကို လေ့လာကာ ထုတ်ပြန်ခဲ့သည့် ၎င်း Knight Frank ၏ ကမ္ဘာ့မြို့ကြီးများမှ ဇိမ်ခံအိမ်ဈေးညွှန်းကိန်းက ၂၀၁၂ ခုနှစ်ကတည်းက အနိမ့်ဆုံးဖွံ့ဖြိုးနှုန်းကို ဖော်ပြလိုက်သည်။

အစီရင်ခံစာတွင် လေ့လာခဲ့သည့် မြို့ကြီးများအနက် ဟောင်ကောင်နှင့် မွန်ဘိုင်းတို့က ၁၀ ရာခိုင်နှုန်းနှင့် ၅ ရာခိုင်နှုန်းစီဖြင့် ဒီဇင်ဘာာလအထိ ၂၀၁၉ ခုနှစ်အတွင်း ဇိမ်ခံအိမ်ဈေးများ အများဆုံးကျဆင်းမည်ဖြစ်ပြီး ဒူဘိုင်းတွင်လည်း ဇိမ်ခံအိမ်ဈေး ၂ ဒသမ ၄ ရာခိုင်နှုန်း ကျဆင်းမည်ဟု ခန့်မှန်းရကြောင်း သိရသည်။

ဆန့်ကျင်ဘက်အားဖြင့် မက်ဒရစ်၊ ဘာလင်နှင့် ပဲရစ်တို့က အများဆုံးဖွံ့ဖြိုးနှုန်းအဖြစ် ၆ ရာခိုင်နှုန်းစီဖြင့် ဈေးနှုန်းများ ဦးဆောင်မြင့်တက်မည်ဖြစ်ကြောင်း သိရသည်။ စင်္ကာပူနှင့် နယူးယောက်စီးတီးတို့တွင်မူ ယမန်နှစ်ဈေးနှုန်းများအတိုင်း မပြောင်းလဲဘဲဆက်လက်ရှိမည်ဟု ခန့်မှန်းထားသည်။

ယခုအခါ ဇိမ်ခံအိမ်ဈေးများသည် ထင်ရှား၍ အဖိုးတန်ပြီး ဘေးကင်းလုံခြုံသော ပိုင်ဆိုင်မှုတစ်ခုအဖြစ် ကြွယ်ဝချမ်းသာသူများအကြား ရှုမြင်ခံလာရကြောင်း Knight Frank ၏ ဈေးကွက်ဆန်းစစ်လေ့လာသူများက အဆိုပါအစီရင်ခံစာတွင် ရေးသားခဲ့သည်။

ယခုနှစ်အတွက် လာမည့်နှစ်တွင် ထုတ်ပြန်မည့် ဇိမ်ခံအိမ်ဈေးကွက်အဆင့်စာရင်းများတွင် ဟောင်ကောင်၊ စင်္ကာပူ၊ ဗန်ကူးဗားနှင့် နယူးဇီလန်တို့သည် အဆင့်များကျဆင်းဖွယ်ရှိကြောင်းလည်း Knight Frank က ဖော်ပြခဲ့သည်။

ခင်အေးချမ်း ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com