ကံမရထားလမ်း ဖောက်လုပ်ရာတွင် သိမ်းဆည်းခံရသော မြေယာများအတွက် လျော်ကြေးပေး - Property News in Myanmar from iMyanmarHouse.com
340 ကြိမ် ကြည့်ရှု့ ပြီး

ကံမရထားလမ်း ဖောက်လုပ်ရာတွင် သိမ်းဆည်းခံရသော မြေယာများအတွက် လျော်ကြေးပေး

ပြည်တွင်း အိမ်ခြံမြေ သတင်း | Posted by ရွှေစင်ဝင်း (iMyanmarHouse.com)

ကြံခင်း-ပခုက္ကူ ရထားလမ်း ဖောက်လုပ်ရာတွင် မကွေးတိုင်းကံမမြို့နယ်အတွင်း သိမ်းဆည်းခံရသော မြေယာများအနက် ၃၆၆ ဒသမ ၁၉ ဧက အတွက် နစ်နာကြေး ကျပ် ၁၉၉ ဒသမ​ ၃၄၀ သန်း ဖေဖော်ဝါရီ ၉ ရက်က စတင်ပေးအပ်ခဲ့သည်။

ကံမမြို့အထွေထွေအုပ်ချုပ် ရေးဦးစီးဌာနရုံးခန်းမတွင် တောင် သူများထံ ပေးအပ်ခဲ့ပြီး ယင်း ရထားလမ်း ဖောက်လုပ်ရာ၌ ကံမမြို့နယ်အတွင်း ကျေးရွာအုပ် စု ၁၅ အုပ်စုမှ လယ်ယာမြေဧက ၄၄၄ ဒသမ ၁၃ ဧက ဆုံးရှုံးခဲ့သော ကြောင့် ၇၇ ဒသမ ၉၄ ဧက အတွက် နစ်နာကြေးပေးအပ်ရန် ကျန်နေကြောင်း ကံမမြို့နယ်တိုင်း ဒေသကြီး လွှတ်တော်ကိုယ်စား လှယ် ဦးဇော်ဝင်းက ပြောသည်။

‘‘လွှတ်တော်မှာလည်း မြေ ယာလျော်ကြေးငွေရရှိဖို့ မေးခွန်းအဖြစ် မေးမြန်းခဲ့သလို ဒေသတာ ဝန်ရှိသူတွေနဲ့ ပေါင်းစပ်ပြီးတော့ အမှန်တကယ် နစ်နာခဲ့တဲ့တောင်သူတွေ နစ်နာကြေးရရှိ်အောင် သေချာစိစစ်ဆောင်ရွက်ပေးနိုင်ခဲ့ တယ်’’ ဟု ၎င်းကပြောကြားသည်။

နစ်နာကြေးများကို လယ် တစ်ဧက ကျပ် သိန်း ၂၀၊ ယာ တစ်ဧက ကျပ် ၁၅ သိန်းနှင့် အိမ်ခြံမြေတစ်ဧက ကျပ်သိန်း ၈၀ နှုန်းဖြင့် ကျေး ရွာအုပ်စုငါးခုစီ သုံး ကြိမ်ခွဲကာ ပေးလျော်မည်ဖြစ် ကြောင်း ၎င်းက ပြောသည်။

လျော်ကြးပေးရန် ကျန်သည့် မြေယာများသည် ပိုင်ဆိုင်မှုအ ငြင်းပွားမှုအချို့ရှိနေသဖြင့် ကြန့် ကြာနေခြင်းဖြစ်ပြီး ဖြေရှင်းဆောင်ရွက်ပြီးလျှင် နစ်နာကြေးပေးအပ်နိုင်ရန် စီစဉ်ထားကြောင်း ကြံခင်း- ပခုက္ကူ ရထားလမ်းပိုင်း တာဝန်ရှိသူတစ်ဦးက ပြောကြားသည်။

ရထားလမ်းဌာနအနေဖြင့် ရထားလမ်းဖောက်လုပ်ရာတွင် သိမ်းဆည်းခံရသော မြေယာနစ် နာမှုများကို မြို့နယ်များ၌ ကွင်း ဆင်းစစ်ဆေးနေပြီး နိုင်ငံတော်သို့ ရန်ပုံငွေတင်ပြတောင်းခံကာ ရရှိ မှုအလိုက် တောင်သူများထံသို့ စနစ်တကျ ပေးအပ်နေကြောင်း ၎င်းကဆိုသည်။

ကြံခင်း-ပခုက္ကူရထားလမ်း သည် ၂၀၀၇ က စတင်တည် ဆောက်ခဲ့ပြီး မကွေးတိုင်းကံမမြို့ နယ် ဆင်ပေါင်ဝဲ၊ မင်းလှ၊ မင်း ဘူးနှင့် ပခုက္ကူမြို့နယ်တို့မှ လယ် ယာမြေဧက များစွာသိမ်းဆည်းခံ ခဲ့ရသည်။

၎င်းတို့အတွက် နစ်နာကြေး များကို ရထားလမ်းတာဝန်ရှိသူ များက ၂၀၁၃-၁၄ ဘဏ္ဍာနှစ်က စတင်ပေးလျော်နေပြီး သရက်မြို့နယ်အတွင်း သိမ်းဆည်းခံရသော မြေယာအားလုံး နီးပါးကို သုံးကြိမ်ခွဲကာ နစ်နာကြေး ပေးအပ်နိုင်ပြီဖြစ်ကြောင်း မြန်မာ့မီးရထား တာဝန်ရှိသူတစ်ဦးက ဆိုသည်။

 

Credit: 7Daydaily

နောက်ဆုံးရ အိမ်ခြံမြေ သတင်းများ

အမှန်တကယ်မလုပ်ဘဲ စာရင်းသာတင်ထားသည့် မြေကိစ္စစိစစ်မှု နေပြည်တော်၌ စတင်မည်
ကမ္ဘာကျော် တင်းနစ်ကြယ်ပွင့် ဆရီနာ ဝီလျံစ်က လော့စ်အိန်ဂျလိစံအိမ်ကို ကန်ဒေါ်လာ ၈ သန်းကျော်ဖြင့် ရောင်းထွက်...
စင်္ကာပူ ဆင်ခြေဖုံးဒေသရှိ ရုံးခန်းအဆောက်အအုံ စီမံကိန်းတစ်ခုကို ကန်ဒေါ်လာ သန်း ၃၀၀ နီးပါးဖြင့် အရောင်းအဝယ်ဖြစ်...
မိတ္တီလာမြို့ပေါ်ရပ်ကွက် (၇)ခုအတွင်း ဂရန်ထုတ်ပေးနိုင်ရန် မြေတိုင်းမည်
အဖြေရှာရမဲ့ အိမ်ခြံမြေရပ်ဝန်းကတောင်းဆိုသံတွေ
စင်ကာပူနိုင်ငံမှာ ဖွင့်လှစ်လိုက်တဲ့ ကမ္ဘာ့အကြီးဆုံး Jewel Changi လေဆိပ်
ရန်ကုန်မြို့သစ်စီမံကိန်းဖော်ဆောင်ရန် သဘာဝပတ်ဝန်းကျင်ဆိုင်ရာ ဆန်းစစ်ခြင်းလုပ်ငန်းစဉ်ကို ဇွန်လအတွင်း အပြီးဆောင်ရွက်မည်...
နိုင်ငံခြားငွေလဲနှုန်းတည်ငြိမ်ရေးကို ပိုမိုအထောက်အကူပြုနိုင်ရေးအတွက် နိုင်ငံခြားသုံးငွေစီမံခန့်ခွဲမှုဥပဒေ (၂၀၁၂ ခုနှစ်) ကို ပြင်ဆင်ရန်စီစဉ်နေ...
အိမ်ရာချေးငွေဖြင့် ရောင်းချပေးမည့် ကျန်စစ်မင်းတိုက်ခန်း ၁၈၀
သင်္ကြန်ကာလအပြီး ရန်ကုန်စတော့အိတ်ချိန်းဈေးကွက်၌ ရှယ်ယာရောင်းဝယ်မှု ဧပြီလဆန်းကထက် ရာခိုင်နှုန်း ၈၀ ကျော် ကျဆင်း...

အိမ်ခြံမြေ သတင်းများကို
Email ဖြင့် ဖတ်ရန်

US Dollar to Myanmar Kyat Exchange Rate (ဒေါ်လာ - မြန်မာကျပ်ငွေ ငွေလဲနှုန်း)
iMyanmarHouse.com - Mobile App
မလျှော့အားမာန် မချန်သတ္တိ - နေမင်းသူ (MD, iMyanmarHouse.com)
iMyanmarHouse.com - Monthly Property Magazine