ပေါ့ပ်ကြယ်ပွင့် ရီဟားနား၏ နေအိမ်အတွင်း လူတစ်ဦးဝင်လာကာ တစ်ညလုံးနေထိုင်သွားခြင်းကြောင့် ပြန်လည်ရောင်းထုတ်ရန် စီစဉ်လျက်ရှိ

တည်နေရာ- ကယ်လီဖိုးနီးယားပြည်နယ်၊ လော့စ်အိန်ဂျလိမြို့

ခေါ်ဈေး- ကန်ဒေါ်လာ ၇ ဒသမ ၄၉၅ သန်း

အကျယ်အဝန်း- ၇၁၃၀ စတုရန်းပေ၊ အိပ်ခန်း ၆ ခန်း၊ ရေချိုးခန်း ၈ ခန်း

ပြီးခဲ့သော ၂၀၁၈ ခုနှစ်၊ မေလအတွင်းက အီဒွါဒို လီယွန်ဟူသော အသက် ၂၇ နှစ်အရွယ်ရှိ အမျိုးသားတစ်ဦးသည် ရီဟားနား၏ လော့စ်အိန်ဂျလိနေအိမ်ခြံစည်းရိုးကို ခုန်ကျော်ဝင်ရောက်ကာ အိမ်တွင်း၌ ၎င်း၏ ဖုန်းကိုပင် အားသွင်းခဲ့ပြီး တစ်ညလုံးနေထိုင်ခဲ့သည့် ဖြစ်ရပ်ဖြစ်ပွားခဲ့သည်။

လီယွန်က ရဲတပ်ဖွဲ့ထံ ထွက်ဆိုရာတွင် ရီဟားနားနှင့် လိင်ဆက်ဆံရန် ရည်ရွယ်ကာ ဝင်ရောက်ခဲ့ခြင်းဖြစ်ကြောင်း ဝန်ခံခဲ့သည်ဟု ဆိုသည်။

အဆိုပါဖြစ်ရပ်ဖြစ်ပွားအပြီး ၇ လကျော်အကြာ ယခုအခါတွင် ရီဟားနားက အဆိုပါနေအိမ်ကို ကန်ဒေါ်လာ ၇ ဒသမ ၄၉၅ သန်း ဈေးခေါ်ကာ အရောင်းဈေးကွက်တင်လာသည်။

ရီဟားနားသည် ယခင်ကလည်း နေအိမ်ရှေ့တွင် တနေကုန် လာရောက်ကြည့်ရှုသူများ အလွန်များပြားလှသောကြောင့် လော့စ်အိန်ဂျလိမြို့ ပင်လယ်ကမ်းခြေနေအိမ်ကြီးကို ရောင်းထုတ်ခဲ့ဖူးသည်။

(အဆိုပါသတင်းကို iMyanmarHouse.com ဝက်ဘ်ဆိုက်ကြီးတွင် ဖော်ပြပြီးဖြစ်ရာ ပြန်လည်ဖတ်ရှုလိုပါက https://www.imyanmarhouse.com/news/read/545164 အင်တာနက်လင့်ခ်တွင် ဖတ်ရှုနိုင်ပါသည်။)

ဂရမ်မီဆု ၉ ကြိမ်ရရှိထားသူ ရီဟားနားသည် အဆိုပါနေအိမ်ကို ကန်ဒေါ်လာ ၆ ဒသမ ၈ သန်းဖြင့် ဝယ်ယူခဲ့ခြင်းဖြစ်သည်။ အိပ်ခန်း ၆ ခန်း၊ ရေချိုးခန်း ၈ ခန်းပါဝင်ပြီး စုစုပေါင်းအကျယ်အဝန်း ၇၁၃၀ စတုရန်းပေရှိသည်။

ပင်မ ၃ ထပ်နေအိမ်အပြင် ရေကန်ဘေးတွင် ဧည့်ဂေဟာအိမ်တစ်လုံးနှင့် ကား ၂ စင်းဆန့် ကားဂိုဒေါင်တစ်ခုလည်း ပါဝင်သည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)