အိမ်ရာအဟောင်းများရဲ့ အနာဂတ်

ရန်ကုန်မြို့ မှာရှိတဲ့အိမ်ရာစခန်းများ (Housing Estate) မှာတော့ အဆောက်အအုံတွေဟာ တစ်နှစ်ထက်တစ်နှစ် ကြံ့ခိုင်မှုယိုယွင်းလာပြီး အဟောင်းထည်များပမာ မရှိသုံးသုံးနေရတဲ့အဆင့်ကို လျော့ကျလာပါတယ်။

မျက်မှောက်ကာလမှာ ပုဇွန်တောင်ပြည်တော်သစ်အိမ်ရာ၊ လမ်းမတော်လမ်းသစ်အိမ်ရာ၊ ကန်တော်ကလေးအိမ်ရာ (ယခင် ဖဆပလကွက်သစ်)၊ ဦးဝိစာရအိမ်ရာ (ယခင် မင်းမနိုင်ကွက်သစ်)၊ ရန်ကင်းအိမ်ရာ၊ ကြို့ကုန်းအိမ်ရာ၊ ဝေဠုဝန်အိမ်ရာ၊ သုဝဏ္ဏအိမ်ရာ၊ သင်္ဃန်းကျွန်း ဇဝနအိမ်ရာ၊ ပျဉ်းမပင်အိမ်ရာ အစရှိတဲ့ အိမ်ရာစခန်းအိုကြီး ၁၀ ခုဟာ ထီးထီးမားမားတည်ရှိနေဆဲ ဖြစ်ပါတယ်။

၁၉၅၁ ခုနှစ်အလွန်မှ စတင်ဆောက်လုပ်ခဲ့တဲ့ အိမ်ရာအများစုဟာ ယခုအချိန်မှာ အလွန်ဟောင်းနွမ်းပြီး ညှိုးငယ်စွာ တည်ရှိနေဆဲဖြစ်ပါတယ်။ ရန်ကုန်မြို့ကြီးရဲ့ ဇရာအိုသရုပ်ကို ပီပြင်အောင် ဖြည့်စွက်ပြီး ပုံဖော်ပေးနေကြသလိုပါပဲ။

အထူးသဖြင့် ရန်ကင်းမြို့နယ်မှာ ၁၂ လုံးတန်းနဲ့ ငါးလုံးတန်း ‘‘တိုက်ဝါ’’ ကြီးတွေဟာ ရှားမားတိုက်လို့ခေါ်တဲ့ ၁၉ ရာစုပုံစံဟောင်းကြီးတွေနဲ့ ကွန်ကရစ်တွေ အက်ကွဲနေတာ တွေ့မြင်ရပါပြီ။

လမ်းမတော်လမ်းသစ်မှာလည်း အပေါ်ထပ်တွေ မိုးယိုပြီး မျက်နှာကြက်သံချောင်းတွေ ပေါ်လာပါပြီ။ ကန်တော်ကလေးက တိုက်ဟောင်းကြီးတွေကလည်း အနာတွေ၊ ဒဏ်ရာတွေနဲ့ ရုန်းကန်ရှင်သန်နေကြရတာ ဖြစ်ပါတယ်။ အဲဒီအိမ်ရာတွေမှာ မှီတင်းနေထိုင်သူတွေအတွက် အန္တရာယ်မကင်းတဲ့ လူနေမှုဘဝဒုက္ခကို ဘယ်လိုပြန်လည် တည်ဆောက်ပေးမလဲဆိုတာ အဓိကစိန်ခေါ်မှုတစ်ရပ်ဖြစ်လာပါပြီ။

နိုင်ငံတကာမြို့ပြတွေမှာ အချိန်ကာလတိုက်စားမှုကြောင့် ဇရာလွှမ်းမိုးပြီး အိုမင်းရင့်ရော်သွားတဲ့ အိမ်ရာတွေကို ပြန်လည်ဆန်းသစ်အောင် တည်ဆောက်ပေးကြရပါတယ်။ အဲဒီလုပ်ငန်းစဉ်ကို မြို့ပြပြန်လည်ဖွံ့ဖြိုးရေး (Urban Red-evelopment) လုပ်ငန်းစဉ်လို့ ခေါ်ဆိုကြပါတယ်။

မြို့ပြပြန်လည်ဆန်းသစ်ခြင်း (Urban Remewal) လို့လည်း ခေါ်ကြပါသေးတယ်။ ယခုအခါမှာတော့ (Urban Ren-aisence) လို့ ခေါ်လာတာလည်း တွေ့ရပါတယ်။

မြို့ပြပြန်လည်ဖွံ့ဖြိုးရေးအတွက် ပထမဦးဆုံးစီမံကိန်းကို ရှစ်မိုင်မရမ်းကုန်းလမ်းဆုံမှာ လွန်ခဲ့တဲ့ ၂၅ နှစ်ခန့်က စတင်ဆောင်ရွက်ခဲ့ကြောင်း လေ့လာတွေ့ခဲ့ရပါတယ်။ ပြန်လည်တည်ဆောက်တဲ့ အဆောက်အအုံတွေဟာ အဲဒီခေတ်ကာလမျက်စိနဲ့ကြည့်ရင် အလွန်သစ်လွင်ခံ့ညားခဲ့တယ်လို့ ဆိုရမှာဖြစ်ပါတယ်။ ဒါပေမဲ့ ယနေ့ခေတ် မျက်စိနဲ့ကြည့်ရင် လှပသပ်ရပ်မှု မရှိတော့ပါဘူး။ တိုက်တွေလည်း ယိုယွင်းအိုမင်းလာပါပြီ။

အရေးကြီးတာက မည်သည့်နေရာမှာ မဆိုပြည်သူတွေရဲ့ နေ့စဉ်နေထိုင်မှုဘဝမှာ အန္တရာယ်ဖြစ်ပေါ်လာနိုင်တဲ့ အခြေအနေကိုမရောက်မီမြို့ပြပြန်လည်ဖွံ့ဖြိုးရေးကို ကြိုတင်အကောင်ထည်ဖော်နိုင်ဖို့ လိုအပ်နေပြီပဲဖြစ်ပါတယ်။

နေးရှင်းမြန်မာ ( iMyanmarHouse.com အိုင်မြန်မာဟောက်စ်ဒေါ့ကွန်း) မှ အထူးရေးသားဖော်ပြသည်။ Credit: iMyanmarHouse.com