ဘဏ်ချေးငွေ၏ နှစ်ဆယ်ရာခိုင်နှုန်းအထိလျှော့ချပေးမှုကြောင့် တန်ဖိုးနည်းအိမ်ရာဝယ်ယူရန်စုဆောင်းငွေအပ်နှံသူပိုမိုများပြားလာပြီး ဆောက်လုပ်ရေးနှင့်အိမ်ရာဖွံဖြိုးရေးဘဏ်တွင် တန်ဖိုးနည်းအိမ်ရာဝယ်ယူရန် အတွက် ဘဏ်စုငွေလာရောက်စုဆောင်းသူသုံးသောင်းကျော်အထိ ရှိလာကြောင်း သိရသည်။
ယခုနှစ်အတွင်း လှိုင်သာယာမြို့နယ်ရှိ ရွှေလင်ဗန်းအိမ်ရာ၊ဒဂုံမြို့သစ်(ဆိပ်ကမ်း)မြို့နယ်ရှိ ယုဇနအပိုင်း(၁)၊(၂)နှင့် ကနောင်အိမ်ရာတို့မှ တည်ဆောက်ပြီးစီးခဲ့သည့် တန်ဖိုးနည်း တိုက်ခန်းများကို ရောင်းချပေးမည်ဖြစ်ပြီး ဘဏ်ချေးငွေ ရယူနိုင်ရန်အတွက် လစဉ်ပေးဆပ်နိုင်စွမ်းရှိသည့် ပုံမှန်ဝင်ငွေရှိသူများအား ရောင်းချသွားမည်ဖြစ်သည်။
" အခုချိန်အထိလာရောက်လျှောက်ထားသူ၃သောင်းကျော်လောက်ရှိနေပီအခုကဘဏ်ချေးငွေရဲ့ ၂၀ရာခိုင်နှုန်းထိ လျော့ချပြီးသတ်မှတ်ပေးထားတော့ အိမ်ခန်းဝယ်ဖို့လာစုဆောင်းငွေထည့်တဲ့သူပိုများလာတယ်
အခုလောလောဆယ်အိမ်ရာဝယ်ယူဖို့စုဆောင်းသူတွေထဲက ကျပ်သိန်း၂ဝပြည့်မီသူကလျှောက်ထားသူ၅ထောင်ကျော်ရှိပါတယ။်အခုအိမ်ရာတွေမကြိုက်ရင်တော့ နောက်ထပ် အိမ်ရာတွေဝယ်ယူနိုင်တယ်''ဆောက်လုပ်ရေးနှင့်အိမ်ရာဖွံဖြိုးရေးဘဏ်မှတာဝန်ရှိသူတစ်ဦးကပြောသည်။
တန်ဖိုးနည်းတိုက်ခန်းဝယ်ယူမည့်သူများအတွက် ဆောက်လုပ်ရေးနှင့်အိမ်ရာဖွံ့ဖြိုးရေးဘဏ်(CHDB) တွင် တိုက်ခန်းတန်ဖိုး၏ ၂၀ ရာခိုင်နှုန်းဖြစ်သည့် ငွေကျပ်သိန်း၂၀စုထားပါက ၀ယ်ယူရန် လျှောက်ထားနိုင်ပြီး ယင်းငွေကို ကနဦးပေးချေကာ ကျန်ငွေကို ၈နှစ်မှာ၁၀အထိ အရစ်ကျငွေပေးချေစနစ်ဖြင့် ရောင်းချပေး မည်ဖြစ်ကြောင်း (CHDB)ဘဏ်ထံမှ သိရသည်။ဆောက်လုပ်ရေးနှင့် အိမ်ရာဖွံ့ဖြိုးရေးဘဏ်(CHDB) အနေဖြင့် ယခုလက်ရှိ ရန်ကုန်တိုင်းဒေသကြီးတွင် ဘဏ်ခွဲ (၄)ခှု၊မန္တလေးတိုင်း၊နေပြည်တော်၊မော်လမြိုင်နှင့်ပုသိမ်မြို့တွင် ဘဏ်ခွဲ(၁)ခုစီ စုစုပေါင်း ဘဏ်ခွဲ ၈ခုထိ ဖွင့်လှစ်ထားသည်။
မင်းချို မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com