၂၀ ရာစု၏ အကျော်ကြားဆုံး လူဆိုးဂိုဏ်းခေါင်းဆောင်ကြီးများတွင် တစ်ဦးအပါအဝင်ဖြစ်သော အယ်လ်ကပုန်း၏ မီယာမီကမ်းခြေ စံအိမ်ကြီး အရောင်းဈေးကွက်ဝင်လာသည်။
အဆိုပါ စံအိမ်ကြီးကို ၂၀၁၅ ခုနှစ်တွင် ပထမဆုံးအကြိမ် ပြန်လည်မွမ်းမံပြင်ဆင်ခဲ့ခြင်း ဖြစ်သည်။
အယ်လ်ကပုန်းသည် အမေရိကတွင် အရက်သေစာရောင်းချခြင်း တားမြစ်ထားသည့်ခေတ်အတွင်း ကျော်ကြားခဲ့ခြင်းဖြစ်သည်။
ယခုအခါ ဖလော်ရီဒါပြည်နယ်၊ မီယာမီကမ်းခြေရှိ စံအိမ်ကြီးကို အရောင်းဈေးကွက်တင်လာခြင်းဖြစ်ပြီး ကန်ဒေါ်လာ ၁၄ ဒသမ ၉ သန်း ဈေးခေါ်ထားသည်။
Palm Island တွင် တည်ရှိပြီး ကိုလိုနီဗိသုကာဟန်ဖြင့် ဆောက်လုပ်ထားကာ ယနေ့အခါတွင် 93 Palm စံအိမ်ဟု လူသိများပြီး မီယာမီတွင် ရှေးအကျဆုံးနှင့် နာမည်ဆိုးဖြင့် အကျော်ကြားဆုံးစံအိမ်ကြီးများတွင် တစ်ခု အပါအဝင် ဖြစ်သည်။
အယ်လ်ကပုန်း၏ အမည်အပြည့်အစုံမှာ အယ်လ်ဖွန်စီ ဂါဘရီယယ် ကပုန်းဖြစ်ပြီး ၁၈၉၉ ခုနှစ်၊ ဇန်နဝါရီလ ၁၇ ရက်တွင် မွေးဖွားသည်။ အမေရိကတွင် အရက်ကို ပိတ်ပင်ခဲ့သည့်ကာလအတွင်း ချီကာဂိုရှိ Chicago Outfit ဂိုဏ်းခေါင်းဆောင်အဖြစ် နာမည်ကျော်ခဲ့ပြီး
ခေါင်းဆောင်အဖြစ် ၇ နှစ်သာ ကြီးစိုးခွင့်ရခဲ့သည်။
ကပုန်း၏ မိဘများသည် အီတလီမှ ရွှေ့ပြောင်းအခြေချသူများဖြစ်ပြီး ကပုန်းကို နယူးယောက်မြို့ ဘရွတ်ကလင်းအရပ်တွင် မွေးဖွားခဲ့သည်။
အသက် ၂၀ ဝန်းကျင်တွင် ကပုန်းသည် ချီကာဂိုသို့ ပြောင်းရွှေ့ခဲ့ပြီး ချီကာဂိုတွင် တရားမဝင်အရက်ဖြန့်ဖြူးနေသည့် ဒုစရိုက်ဂိုဏ်း ခေါင်းဆောင် ဂျွန်နီ တော်ရီယို၏ သက်တော်စောင့် လူယုံဖြစ်လာခဲ့သည်။
တော်ရီယို ပစ်ခတ်သတ်ဖြတ်ခြင်းခံရသောအခါ ကပုန်းက ဂိုဏ်းခေါင်းဆောင်အရိုက်အရာကို ဆက်ခံခဲ့သည်။
ကပုန်းသည်ထိုစဉ်က ချီကာဂိုမြို့တော်ဝန် ဝီလျံဟေးလ် သွမ်ပ်ဆင်၊ ရဲတပ်ဖွဲ့တို့နှင့် အကျိုးတူဆက်ဆံရေးမျိုး တည်ဆောက်ထားသဖြင့် ဥပဒေစက်ကွင်းမှ လွတ်ကင်းနေခဲ့သည်။
ယင်းနောက်ပိုင်း ဒုစရိုက်ဂိုဏ်းအချင်းချင်း ပစ်ခတ်တိုက်ခိုက်မှုဖြစ်ပွားရာတွင် လူပေါင်းများစွာသေဆုံးခဲ့မှုကြီးဖြစ်ပေါ်သောအခါ သတင်းစာ များက အယ်လ်ကပုန်းကို ဘုံရန်သူနံပါတ်တစ်အဖြစ် ရေးသားကြရာ အစိုးရက အယ်လ်ကပုန်းကို အခွန်ရှောင်လွှဲမှုဖြင့် ၁၉၃၁ ခုနှစ်တွင် တရားစွဲခဲ့သည်။
အယ်လ်ကပုန်းသည် ထောင်ဒဏ် ၁၁ နှစ်ချမှတ်ခြင်းခံခဲ့ရပြီး ၁၉၄၇ ခုနှစ်၊ ဇန်နဝါရီလ ၂၅ ရက်တွင် လေဖြတ်ခြင်း၏ နောက်ဆက်တွဲ နှလုံးရောဂါဖြင့် ကွယ်လွန်သွားခဲ့သည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)