“ ဆရာရေ ကျွန်တော် ကိုဇော်ဟိန်း ”ပါ ဟုတ်ကဲ့ ဖုန်းထဲမှာ ခင်ဗျား အသံကြားလိုက်ကတည်းက မှတ်မိပြီးသာပါ ။ ဟုတ်လား..မင်္ဂလာပါဆရာ ဒီနေ့ တနင်္ဂနွေနေ့ဆိုတော့ အိမ်မှာရှိတယ်မဟုတ်လား “ ဟုတ်ကဲ့ရှိပါတယ် ”
“ ဒါဆိုရင် အတော်ပဲ ကျွန်တော်အခုပဲ ကားနဲ့ လာနေပြီဆရာ ခဏစောင့်ပေးပါ ” …ဟုပြောပြီး ဖုန်းပိတ်သွားသဖြင့် “ ကိုဇော်ဟိန်း တစ်ယောက် ဘာများအရေးကြီးကိစ္စရှိလိုလဲမသိဘူး ” ဟု တွေးနေစဉ်မှာပဲ အိမ်ရှေ့မှာ ကားနဲ့ ကိုဇော်ဟိန်းရောက်လာပါတယ်
စာရင်းကောက်ယူရေးနဲ့ ပြန်လည်နေရာချထားပေးရေးအဖွဲ့ကပေးတဲ့ စလစ်စာရွက်
“ ဆရာရေ… ကျွန်တော်ရဲ့ညီဖြစ်သူက လှိုင်သာယာမှာ မြေကွက်တစ်ကွက်ဝယ်ဖို့ပြီးခဲ့တဲ့ လက စရန်ငွေပေးထားခဲ့တယ်ဆရာ အဲဒါ ရောင်းတဲ့သူက မြေကွက်နဲ့ ဆိုင်တဲ့ စာရွက်စာတမ်းတွေမိတ္တူတွေပေးလိုက်လို့ ကြည့်လိုက်တော့ ဂရန်လည်းမဟုတ်ဘူး ၊ မြေချပါမစ်လည်းမဟုတ်ဘူး ဖြစ်နေတယ် အဲဒါနားမလည်တာနဲ့ ဆရာဆီမှာလာပြတာပါ ရော့..ကြည့်ပေးပါဦးဆရာ ”ဟု ဆိုကာ မိတ္တူစာရွက် (၃)ရွက် ကို ပြပါတယ်။
ကျွန်ုပ်လည်း တစ်ရွက်ချင်းကြည့်လိုက်ပါတယ် ။စလစ်စာရွက်(၂)ရွက်နဲ့ လှိုင်သာယာမြို့နယ် အောင်မြေသာယာစေတီတော် တည်ဆောက်ရေးအလှူတော်ငွေရပြေစာ ဖြတ်ပိုင်းတို့ပဲဖြစ်ပါတယ် ။စလစ်စာရွက် တစ်ရွက်မှာတော့ (၁၃.၅.၉၈) နေ့ရက်စွဲနဲက လှိုင်သာယာမြို့နယ် ၊ စာရင်းကောက်ယူရေးနှင့်ပြန်လည်နေရာချထားရေး အဖွဲ့ ၊ စည်းတံဆိပ်အဝိုင်းရိုက်နှိပ်ပြီး မြေကွက်အမှတ် (၅) ကို တာဝန်ခံလက်မှတ်နဲ့ ချထားပေးတာတွေရပါတယ်။
လှိုင်သာယာစက်မှုဇုန်နဲ့နီးတဲ့ အတွင်းပဒံကျေးရွာ
နောက် ပြေစာတစ်ရွက်မှာတော့ မြေကွက်ရသူရဲ့ အမည်နဲ့သူရဲ့ (အဘ)အမည် ကိုရေးထားတာတွေ့ရပါတယ် ။အခြား ထွေထွေထူးထူးစာရွက်မပါရှိတာကို တွေ့ရပါတယ်။ ဒါကြောင့် ကျွန်ုပ်က “ ကိုဇော်ဟိန်း ပြတဲ့ စလစ်စာရွက် (၂)ရွက်မှာ တစ်နေရာမှာ ချထားပေထားတယ်ဆိုတဲ့ ရပ်ကွက် ဒါမှမဟုတ် ကျေးရွာနာမည် မပါပါလားဗျ ” လို့မေးတော့ “ အော်… ဟုတ်သားပဲ ၊ ဆရာကိုပြောဖို့မေ့သွားတယ် ၊ အခုဝယ်တဲ့နေရာက လှိုင်သာယာမြို့နယ် မပေါ်ခင်က အတွင်းမဒံကျေးရွာ ”လို့ခေါ်ပါတယ် ။ယခုလက်ရှိမှာတော့ လှိုင်သာယာစက်မှုဇုန်အနီးမှာရှိတဲ့ အတွင်းမဒံရပ်ကွက်ကြီး ဖြစ်သွားပါပြီ (ပေ ၂၀ x ပေ ၆၀) မြေကွက်တွေလိုက်ပြီး နေရာချထားပေးတယ် ။ဇုံအနီးမှာရှိတော့ စက်ရုံအလုပ်သမားတွေ ကအိမ်ငှါးပြီး နေထိုင်ကြတာများတယ် ။ဒါကြောင့် ဒီရပ်ကွက်က လူနေထူထပ်တယ် လေ (ပေ ၂၀ x ပေ ၆၀ ) မြေကွက်တစ်ကွက်ကို သိန်း ၁၇၀ ပေးရတယ်ဆရာ
ဒါပေမဲ့ အခြားရပ်ကွက်တွေမှာလို့ ဂရန်မြေငှါးစာချုပ်လည်းမဟုတ် ၊ မြေချပါမစ်လည်းမဟုတ်ပဲ ဒီဖြတ်ပိုင်းစာရွက်(၃)ရွက်ပဲ ရှိတော့ အထောက်အထားခိုင်မာမှုရှိပါ့မလား ၊ သိချင်လို့ ဆရာကို လာပြရတာပဲလို့ ’ ကိုဇော်ကြီးက လာရင်ကိစ္စပြောပါတယ်။
‘ အင်း……ကိုဇော်ဟိန်းပြတဲ့ ဖြတ်ပိုင်း (၃)ရွက်ရှိတဲ့ အထဲက တစ်ရွက်ကတော့ ဘုရားစေတီတော်အလှူခံဖြတ်ပိုင်းပါ မြေကွက်စလစ်တွေထုတ်ပေးတဲ့ အချိန်က တစ်ချက်ခုတ်နှစ်ချက်ဖြတ် ကုသိုလ်လည်းရအောင်ဆိုပြီး အလှူခံလိုက်တဲ့ သဘောပါ ။ကျန်တဲ့ (၂)ရွက်ကတော့် မြေချပါမစ်သွားထုတ်ယူရတဲ့အခါ ဒီစလစ်စာရွက် (၂)ရွက်ရယ် 4”-6” မိသာစုဓါတ်ပုံ (၃)ရယ် ၊ မြေကွက်ရသူရဲ့ မှတ်ပုံတင်မိတ္တူရယ် ၊ အိမ်ထောင်စုလူဦးရေ စာရင်းမိတ္တူရယ် တို့ကို ရန်ကုန်မြို့ပြနှင့် အိမ်ရာဖွံ့ဖြိုးရေး ဦးစီးဌာန (ယခင်အိုးအိမ်ရုံး) မှာသွားရောက်တင်ပြရင် မြေချပါမစ် ထုတ်ပေးပါတယ် ။အခုတော့ အဲဒီလိုတင်ပြခြင်းမပြုပဲ ၊ စလစ်စာရွက်ရတဲ့သူက ပြန်ရောင်းလို့ ဝယ်တာမဟုတ်လား ’ ‘ ဟုတ်ပါတယ်ဆရာ ’
မြေကွက်ချထားပေထားတာ မှန်မမှန် အိုးအိမ်ရုံးမှာ စုံစမ်းပါ
ဒါဆိုရင်တော့ ငွေအကျေချေမချေ သေးမီမှာ ရန်ကုန်မြို့ ၊ မြို့ပြနဲ့ အိမ်ရာဖွံ့ဖြိုးရေးဦးစီးဌါန ကိုသွားပြီး အခုပြတဲ့ မြေတိုင်း ရပ်ကွက်မြေကွက် အမှတ် နဲ့ မြေကွက်ရသူရဲ့ အမည်တို့ကို ပြောပြပြီး အမည်ပေါက်မှန်ကန်မှုရှိမရှ်ိ အရင်စုံစမ်းကြည့်ဖို့လိုပါတယ်။ အမည်ပေါက်မှန်တယ် ၊ မြေချပါမစ်လုပ်လို့ရတယ်လို့ သိရမှ အပြီးအပိုင်ငွေချေပါလို့ အကြံပေးလိုက်ပါတယ်။
အိမ်ခြံမြေဝယ်မယ်ဆိုရင် သတိရလျက်ပါ ဆရာကောင်းရာ
ဒီလိုနဲ့ ကိုဇော်ဟိန်း လည်းပြန်သွားပြီးနောက်ပိုင်း အိ်ုအိမ်ဦးစီးဌါနမှာ သွားရောက်စုံစမ်းတဲ့အခါ အမည်ပေါက်မှန်ကန်ကြောင်းနဲ့ မြေချပါမစ် လုပ်လို့ရတဲ့ အကြောင်း သိခဲ့ရပါတယ်။ ဒါကြောင့် လက်ရှိမျက်မြင်အတိုင်း စလစ်စာရွက် ကိုလက်ခံပြီး မပြီးဝယ်ဖို့ ဆုံးဖြတ်ပြီးတာနဲ့ ကျွန်ုပ်ထံတစ်ခေါက်ရောက်လာပြန်ပါတယ် ။
အတွင်းပဒံရပ်ကွက် အကြောင်းဇာတ်စုံခင်းပြတဲ့ ပွဲစားကြီး
အတွင်းပဒံရပ်ကွက်လမ်းအတွင်းမှာရှိတဲ့ ရောင်းမယ့်မြေကွက်ရှေ့ရောက်တဲ့အခါ ရောင်းသူများနဲက အကျိုးဆောင်ပွဲစားကြီးက ဆီးကြိုနေပါတယ် ။ပွဲစားဆိုသူမှာ အတွင်းပဒံကျေးရွာမှာ ၁၉၉၀ ခုနှစ်ကတည်းက အခြေချနေထိုင်ခဲ့သူမို့ ကျေးရွာကနေ ရပ်ကွက်ကြီး အဖြစ်ပြောင်းလဲလာပုံ ၊ စည်ကားလာပုံနဲ့ ရပ်ကွက်မြေကွက်များ (၂၀’x၆၀’)ရိုက်ခဲ့ပုံ၊ စလစ်များ ချထားပေးပုံ ၊ စလစ်စာရွက်ရသူပိုင်ရှင်များမှ မြေချပါမစ် မပြုလုပ်ပဲ စာရင်းကောက်ယူရေးနဲ့ ပြန်လည်နေရာချထားရေးအဖွဲ့က ထုတ်ပေးခဲ့တဲ့ ဖြတ်ပိုင်းစာရွက်ကို သာကိုင်ထားပြီး အိမ်ဆောက်လုပ်နေထိုင်ကြတော့ ဒီနေ့အထိပဲ လို့ ပြောပြပါတယ်။
အမြတ်ရလို့ပြန်ရောင်းတဲ့ သူတွေကလည်း ပြန်လည်နေရာချထားရေးအဖွဲ့ ကပေးတဲ့ ဖြတ်ပိုင်းစာရွက် (၂)ရွက်နဲ့ အလှူတော်ငွေပြေစာဖြတ်ပိုင်းကိုပဲ ပြပြီးအဆင့်ဆင့်ရောင်းဝယ်နေကြတော့ ဒီနေ့အထိလိုပဲ လို့ သိရပါတယ်။
ဒီတော့ ဝယ်သာဝယ် ၊ စိတ်ချရတယ်လို့ အာမခံပေးပါတယ် ။ ဒါအပြင့် အတွင်းပဒံရပ်ကွက် ဖြစ်မြောက်ရေး အတွက်စာရင်းကောက်ယူရေးနဲ့ ပြန်လည်နေရာချထားရေးအဖွဲ့ ဖွဲ့စည်းစဉ်ကလည်း သူကိုယ်တိုင် ကျေးရွာ ရာအိမ်မှူးလုပ်ခဲ့တာ ဒီနေ့အထိပဲလို့ သိရတဲ့အတွက် ဒီဖြတ်ပိုင်းစာရွက်တွေအပေါ်မှာ ဘာမှ သံသယဖြစ်စရာမလိုတော့ပဲ ၊ အပြီးအပိုင်အရောင်းအဝယ် စာချုပ်ချုပ်ပြီး ငွေချေလိုက်ပါတော့တယ်။
ဒီနောက်မှာတော့ စလစ် စာရွက် (၂)ရွက်ကို ပြပြီး မြေချပါမစ် ရဖို့ အရေးမြို့ပြနှင့် အိမ်ရာဖွံ့ဖြိုးရေးဦးစီးဌါန (ယခင်-ရန်ကုန်မြို့၊ မြို့ရွာနှင့်အိုးအိမ်ဖွံ့ဖြိုးရေးဌါန ) သို့ အပြေးသွားရောက်ပြီး သက်ဆိုင်ရာဌါနမှာ လျှောက်ထားရယူပါတော့ လို့ ” ကို တိုက်တွန်းလိုက်ရပါတော့တယ် ။
“ အစစအရာရာအဆင်ပြေပါစေ ”
လွှတ်တော်ရှေ့နေမောင်ကောင်းဖေ မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com
