မြေကွက်လွတ်များတွင် အိမ်ဆောက်ရန် မြို့တော်စည်ပင် ထပ်မံသတိပေး - Property News in Myanmar | iMyanmarHouse.com
မြေကွက်လွတ်များတွင် အိမ်ဆောက်ရန် မြို့တော်စည်ပင် ထပ်မံသတိပေး - Property News in Myanmar from iMyanmarHouse.com
4740 ကြိမ် ကြည့်ရှု့ ပြီး

မြေကွက်လွတ်များတွင် အိမ်ဆောက်ရန် မြို့တော်စည်ပင် ထပ်မံသတိပေး

ပြည်တွင်း အိမ်ခြံမြေ သတင်း | Posted by အေးမြတ်သူ (iMyanmarHouse.com)

မန္တလေးမြို့တော် စည်ပင်သာယာရေးနယ်နိမိတ်အတွင်းရှိ မြေကွက်လွတ်များတွင် အဆောက်အအုံဆောက်လုပ်ခြင်းနှင့် ခြံဝင်းခတ်ခြင်းတို့ ပြုလုပ်ကြရန် မြို့တော်စည်ပင်သာယာရေးကော်မတီက သတိပေးချက် ထပ်မံထုတ်ပြန်
လိုက်သည်။

မြေကွက်ပိုင်ဆိုင်ထားပြီး အဆောက်အအုံ မဆောက်သောကြောင့် စည်ပင်ဥပဒေ၊ နည်းဥပဒေများအတိုင်း အုတ်တံတိုင်းကာရံခွင့်၊ အဆောက်အအုံဆောက်လုပ်ခွင့်များ လျှောက်ထားကြရန် ဖေဖော်ဝါရီလ ဒုတိယပတ်အတွင်း ထပ်မံ
သတိပေးခြင်းဖြစ်ကြောင်း စည်ပင်သာယာရေးကော်မတီဝင် ဦးကျော်ဆန်းမြင့်က ပြောကြားသည်။

“အခုက သတ်မှတ်ထားတဲ့ကာလကလည်း နီးလာပြီ။ ဒါပေမဲ့ မြေကွက်လွတ်တွေ ရှိနေတုန်းပဲ။ အဲ့ဒါကြောင့် သတ်မှတ်ကာလကျော်လို့ အသိမ်းခံရတာမျိုးမဖြစ်အောင် မြေပိုင်ရှင်တွေကို ထပ်ပြီးသတိပေးတာ”ဟု ၎င်းက ပြောဆိုသည်။

မြေချထားမိန့်၊ မြေစလစ်မူရင်းများကို လက်ဝယ်ကိုင်ဆောင်ထားပြီး မြေငှားဂရန် လျှောက်ထားခြင်းမရှိသေးသူများအနေနှင့် မြေငှားဂရန် လျှောက်ထားကြရန်၊ လျှောက်ထားပြီးချိန်မှ ခြောက်လအတွင်း အုတ်တံတိုင်းကာရံခြင်း၊ အဆောက်အအုံဆောက်လုပ်ခွင့် လျှောက်ထားပြီး ကိုးလအတွင်း အပြီးဆောင်ရွက်ရန် မြို့တော်စည်ပင်က ညွှန်ကြားထားသည်။

ယင်းသို့ညွှန်ကြားချက်များကို သတ်မှတ်ကာလအတွင်း အပြီးဆောင်ရွက်ခြင်းမပြုပါက ချပေးထားသည့် မြေချထားမိန့်၊ မြေစလစ်နှင့် မြေငှားဂရန်တို့ကို ပယ်ချသွားမည်ဖြစ်ကာ အစိုးရစီမံခန့်ခွဲပိုင်ခွင့်ရှိမြေ (အစိုးရမြေ) အဖြစ် ပြန်လည်သိမ်းယူမည်ဖြစ်ကြောင်း ဖော်ပြထားသည်။

အဆိုပါကြေညာချက်ကို လွန်ခဲ့သောငါးလခန့်က ပထမအကြိမ် ထုတ်ပြန်ခဲ့သော်လည်း လက်ရှိအချိန်အထိ မြေကွက်လွတ်များ ရှိနေသေးပြီး မြို့သစ်ပိုင်းတွင် အများဆုံးတွေ့ရကြောင်း မန္တလေးမြို့ခံများက ပြောဆိုသည်။

“စည်ပင်သာယာက ထုတ်ပြန်ချက်ကိုတွေ့တော့ အိမ်ဆောက်လိုက်တယ်။ ခြံဝင်းခတ်ထားလိုက်ရတယ်။ လုပ်ငန်းအတွက်တော့ ငွေကြေးအခက်အခဲ ဖြစ်သွားတာပေါ့။ ကောင်းတော့ကောင်းတယ်ဗျ။ စီးပွားဖြစ်ကျူးတွေက မြေကွက်လွတ်တွေမှာ ကျူးကျော်နေထိုင်ပြီး ငွေညှစ်တာမျိုးတွေရှိနေတယ်။ အခုတော့ ကိုယ့်မြေအသိမ်းမခံနိုင်တော့ ဆောက်ဖြစ်သွားတယ်”ဟု ပြည်ကြီးတံခွန်မြို့နယ်အတွင်းမှ မြေကွက်ပိုင်ရှင် ဦးမြင့်က ပြောကြားသည်။

မြေကွက်ရယူထားသူများအနေနှင့် အဆောက်အအုံဆောက်လုပ်ခြင်းမပြုဘဲ နှစ်ပေါင်းများစွာ ပစ်ထားသောကြောင့် ကျူးကျော်နေထိုင်သူများနှင့် မြေယာအငြင်းပွားမှုများရှိလာကြောင်း၊ အမှန်တကယ် မြေကွက်ပိုင်ဆိုင်သူများအနေနှင့် ခိုင်မာသည့် စာရွက်စာတမ်းများဖြင့် အဆောက်အအုံဆောက်လုပ်ရန်လိုအပ်ကြောင်း မြို့တော်စည်ပင်၏ သတိပေးစာအရ သိရသည်။

မြို့တော်စည်ပင်၏ သတိပေးစာအရ မြေငှားဂရန်လျှောက်ထားခြင်း၊ ဝင်းခြံခတ်ခြင်း၊ အဆောက်အအုံဆောက်လုပ်ခြင်းတို့ လုပ်ဆောင်ရန် သတ်မှတ်ထားသည့်ကာလသည် မေလ ၁၅ ရက်နေ့တွင် ပြည့်မည်ဖြစ်သည်။

Credit: The Voice

နောက်ဆုံးရ အိမ်ခြံမြေ သတင်းများ

စနစ်မကျနိုင်သေးတဲ့ တန်ဖိုးနည်းအိမ်ရာ ရောင်းချခြင်း
တရုတ်ထိပ်တန်း အိမ်ခြံမြေကုမ္ပဏီကြီး Greenland Holdings က ရှန်ဟိုင်းတွင် နိုင်ငံတကာကုန်သွယ်ရေးဆိပ်ကမ်းကြီးတစ်ခု တည်ဆောက်ရန် စီစဉ်...
မြန်မာ့ရွှေ ပြည်ပနှင့် တရားဝင် ကုန်သွယ်မှု စတင်နိုင်တော့မည်
အိမ်ခြံမြေသူဌေးကြီး လီကာရှင်း နှစ်နှစ်ခန့် ငြိမ်သက်နေခဲ့ပြီးနောက် ဟောင်ကောင်တွင် ကန်ဒေါ်လာ ၄ ဘီလီယံကျော်ဖြင့် ဆောက်လုပ်ရေးမြေနေရာဝယ်ယူ...
နယူးဇီလန်အစိုးရက စင်္ကာပူနိုင်ငံသားများမှလွဲပြီး နိုင်ငံခြားသားများကို အိမ်ခြံမြေဝယ်ယူခွင့် ပိတ်ပင်မည်...
အိမ်ခြံမြေ၀န်ဆောင်မှုဥပဒေ အတည်ပြုခဲ့လျှင် ပွဲစားအားလုံး လိုင်စင်ဖြေဆိုရမည်၊ လိုင်စင်မဲ့ပွဲစားများ ထောင် ၆လနှင့် ဒဏ်ငွေသိန်း ၃၀ ကျခံရနိုင်...
ဒေါ်လာ တစ်ရက်တည်း ကျပ် ၄၀ ခန့်တက်၊ ၁,၅၂၅ ကျပ်ဖြင့် စံချိန်သစ်တင်
ရန်ကုန်-ဒလ တံတားအဆင်းနေရာတွင် စက်မှုနယ်မြေ တည်ဆောက်မည်ဟု ရန်ကုန်တိုင်းဝန်ကြီးချုပ် ပြော
တိုက်ခန်းဆိုင်ရာဥပဒေ ပေါ်ထွက်လာပါက အိမ်ခြံမြေဈေးကွက် ပြန်လည်ကောင်းမွန်လာနိုင်
မန်ဟက်တန် ရုံးခန်းတာဝါတွင် ပိုင်ဆိုင်ထားသော ရှယ်ယာ ၉၀ ရာခိုင်နှုန်းကို ရောင်းချရန် တရုတ်ကုမ္ပဏီကြီး HNA ကို ဒေါ်နယ်ထရမ့် ရာဇသံပေး...

အိမ်ခြံမြေ သတင်းများကို
Email ဖြင့် ဖတ်ရန်

iMyanmarHouse.com - Mobile App
iMyanmarHouse.com - Monthly Property Magazine