အစိုးရအနေနှင့် အိမ်ရာစီမံကိန်းများ အကောင်အထည်ဖော်ရာတွင် မြို့ပြင်သို့ ရွှေ့ပြောင်း နေရာချထားခြင်းထက် လက်ရှိနေရာကို အဆင့်မြှင့် နေထိုင်ခွင့်ပြုရေး ဦးစားပေး စဉ်းစားပေးရန် တောင်းဆိုကြောင်း လှိုင်သာယာမြို့နယ်ရှိ ကျူးကျော်များက ပြောကြားသည်။
အောက်တိုဘာလ ၁၅ ရက်က လှိုင်သာယာမြို့နယ်၊ အပြင်ပဒံအုပ်စု မေခလမ်းနှင့် မင်းကြီးမဟာမင်းခေါင်လမ်းရှိ ရွှေသံလွင်ဝင်းတွင် ပြုလုပ်သော ၂၀၁၇ ခုနှစ် ကမ္ဘာ့လူသားများ အခြေချနေထိုင်မှုနေ့ (World Habitat Day) အထိမ်းအမှတ်ပွဲတွင် ၎င်းတို့ တောင်းဆိုခြင်းဖြစ်သည်။
ကျူးကျော်များကို အထပ်မြင့် အဆောက်အအုံများတွင် နေရာချပေးခြင်းသည် ကျူးကျော် ပြဿနာကို ဖြေရှင်းရာတွင် သင့်တော်သည့်နည်းလမ်း မဟုတ်ကြောင်း ကျူးကျော်ခေါင်းဆောင် ဒေါ်သင်းသင်းက ပြောကြားသည်။
“ဒီနေရာမှာနေတာ အဆင်ပြေတယ်။ အစိုးရက ကျန်တဲ့နေရာ ချပေးရင် အဆင်မပြေဘူး ဆိုတာကို ပြောချင်ပါတယ်။ အခုအချိန်ထိ ဒီနေရာမှာနေထိုင်တာ ရေ၊ မီး မရသေးတော့ အခက်အခဲဖြစ်ပါတယ်။ အခု လက်ရှိနေထိုင်တဲ့ နေရာကိုပဲ အဆင့်မြှင့်တင်ပြီး နေထိုင်ခွင့်ပြုဖို့ တောင်းဆိုပါတယ်”ဟု ဒေါ်သင်းသင်းက ဆိုသည်။
ရန်ကုန်မြို့၏ မြို့ပြ အခြေအနေများကို ပြန်လည် သုံးသပ်နိုင်ရန်နှင့် အခြေခံ လူ့အခွင့်အရေး တစ်ခုဖြစ်သော လူတိုင်း လုံခြုံသော အမိုးအကာအောက်၌ နေထိုင်ခွင့်ရရှိရေးကို သတိပြုမိစေရန် ရည်ရွယ်ကျင်းပသည့် အဆိုပါပွဲသို့ မေခလမ်းနှင့် မင်းကြီး မဟာမင်းခေါင်လမ်းတွင် နေထိုင်သူ ကျူးကျော်မိသားစု ၅၀ဝ ကျော် တက်ရောက်ခဲ့သည်။
ကျူးကျော်စာရင်းကို ၂၀၁၆ ခုနှစ် စက်တင်ဘာလမှ ၂၀၁၇ ခုနှစ် ဇူလိုင်လအထိ ကောက်ယူခဲ့ပြီး မြို့နယ် ၃၇ မြို့နယ်မှ အိမ်ထောင်စု တစ်သိန်းခြောက်သောင်းကျော်ကို စမတ်ကတ် ထုတ်ပေးခဲ့ကြောင်း ကျူးကျော်စာရင်း ကောက်ယူရေးအဖွဲ့ထံမှ သိရသည်။
“သူတို့ တောင်းဆိုတာက တောင်းဆိုတာပေါ့လေ။ ကျွန်တော်တို့ကတော့ တိုင်းအစိုးရရဲ့ ညွှန်ကြားချက်အတိုင်း ဆက်လက် ဆောင်ရွက်သွားမှာပါ။ စမတ်ကတ်တွေ ထုတ်ပေးပြီးတဲ့အတွက် ကျူးကျော်နေထိုင်သူဖြစ်ကြောင်း မှန်ကန်မှု ရှိ၊ မရှိကို အိမ်တိုင်ရာရောက် စစ်ဆေးမယ်”ဟု ကျူးကျော်စာရင်း ကောက်ယူရေးအဖွဲ့မှ တာဝန်ရှိသူတစ်ဦးက ဆိုသည်။
ကမ္ဘာ့လူသားများ အခြေချနေထိုင်မှုနေ့အဖြစ် ကမ္ဘာ့ကုလသမဂ္ဂမှ ၁၉၈၅ ခုနှစ်တွင် တရားဝင် သတ်မှတ်ခဲ့ပြီး ၁၉၈၆ ခုနှစ်မှစ၍ နှစ်စဉ် ကျင်းပခဲ့သောနေ့ တစ်နေ့ဖြစ်ပြီး လှိုင်သာယာမြို့နယ်ရှိ ရပ်ကွက်သူ၊ ရပ်ကွက်သား (ကျူးကျော်) များ ဦးဆောင်ကျင်းပပြုလုပ်သည်မှာ ယခုနှစ်တွင် ဒုတိယအကြိမ်ဖြစ်သည်။
လှိုင်သာယာမြို့နယ်တွင် ကျင်းပသည့် ကမ္ဘာ့လူသားများ အခြေချနေထိုင်မှုနေ့ (World Habitat Day) တွင် ကျူးကျော်နေပြည်သူများ၏ အခြေအနေများကို ထင်ဟပ်စေနိုင်သော ဓာတ်ပုံပြခန်းကိုလည်း ခင်းကျင်းပြသခဲ့သည်။
ရန်ကုန်တိုင်းဒေသကြီး ခရိုင်လေးခုအတွင်း တရားမဝင် နေထိုင်သည့် ကျူးကျော်အိမ်ခြေ ၁၀၅,၄၄၉ ရှိပြီး အိမ်ထောင်စု ၁၆၇,၇၃၈ စု ရှိကာ ကျူးကျော်နေထိုင်သူဦးရေ ၄၃၁,ဝ၅၀ ခန့်ရှိကြောင်း ရန်ကုန်တိုင်းဒေသကြီး အစိုးရအဖွဲ့ထံမှ သိရသည်။
Credit: The Voice
