ရန်ကုန်မြို့ကို ပြီးပြည့်စုံသည့် မြို့ပြဖွံ့ဖြိုးမှုပုံစံဖြစ်လာစေရန် အခြေခံအဆောက်အအုံကောင်းများ လိုအပ်နေပြီး နှစ်ပေါင်း ၅၀ ထက်မနည်း ပြန်လည်အချိန်ယူပြင်ဆင်ရဦးမည်ဟု စင်ကာပူ အခြေစိုက်ဆောက်လုပ်ရေးဆိုင်ရာ အကြံပေးကုမ္ပဏီ Sur-bana အမှုဆောင် အရာရှိချုပ် မစ္စတာ ဝေါင်ဟိုင်ဖိုင်းက ပြောကြားသည်။
‘‘ရန်ကုန်ရဲ့အခြေအနေက အရင်စင်ကာပူကို စတည်ထောင်တုန်းကလိုပဲ ဖြစ်နေတယ်။ ပုံစံတွေတော်တော်တူတယ်။ ဥပမာ အခုလို မြို့ထဲမှာ ရေကြီးတာတွေ၊ အခြေခံအဆောက်အအုံ မပြည့်စုံတာတွေကအတူတူပဲ’’ဟု မစ္စတာ ဝေါင်ဟိုင်ဖိုင်းက ပြောသည်။
လက်ရှိ ရန်ကုန်မြစ်ရေ၏ ပုံစံမှာလည်း လွန်ခဲ့သည့်နှစ်ပေါင်းများစွာက စင်ကာပူနိုင်ငံ၏မြစ်နှင့် ဆင်တူပြီး ရေဆိုးရေညစ်များဖြင့်သာ ဖုံးလွှမ်းနေကာ ယင်းပြဿသနာကို အချိန်ယူဖြေရှင်းရမည်ဖြစ်ပြီး ယာဉ်ကြောပိတ်ဆို့သည့်စနစ်၊ မြို့တွင်းပိုင်း အခြေခံအဆောက်အအုံ အားနည်းသည့် စနစ်များကို အချိန်ယူဖြေရှင်းရမည်ဟု ၎င်းက ထောက်ပြသည်။
‘‘လမ်းတွေကို ဘေးကိုချဲ့နေတာ ရန်ကုန်မှာ တွေ့ရတယ်။ ဒါလည်း ကောင်းပါတယ်။ အဲဒီထက် ပိုကောင်းအောင် နှစ်ထပ်လမ်းတွေ
တိုးချဲ့လုပ်သင့်ပြီ’’ ဟု မစ္စတာဝေါင်က အကြံပြုသည်။ စင်ကာပူနိုင်ငံ၏ မြို့ပြစနစ်သည် ဖွံ့ဖြိုးမှု အားကောင်းခဲ့သော်လည်း လုပ်ဆောင်နေစဉ် အတွင်း အမှားများစွာဖြင့် ကြုံတွေ့ခဲ့ရသောကြောင့် ရန်ကုန်အနေဖြင့် ရှေ့တွင် နမူနာအမှားများ တွေ့ခဲ့သည့်
စင်ကာပူ၏ မြို့ပြစနစ်ကို သင်ခန်းစာယူ၍ အချိန်မီ လုပ်ဆောင်နိုင်ပါက အခွင့်အရေးရှိကြောင်း ၎င်းက သုံးသပ်သည်။
‘‘စင်ကာပူကို အမီလိုက်ဖို့ နှစ်ပေါင်း ၅၀ တော့ မလိုပါဘူး။ ကျွန်တော်တို့ဆီမှာ စီမံခန့်ခွဲမှု အားနည်းလို့ မြို့ပြစနစ်က
ဖွံ့ဖြိုးသင့်လျက်နဲ့ မဖွံ့ဖြိုးခဲ့တာ’’ဟု မြို့ ပြစီမံကိန်းပညာရှင် ဦးဝင်းမြင့်က ၎င်း၏အမြင်ကို ပြောသည်။
ယခင် ကိုလိုနီခေတ်က တည်ဆောက်ခဲ့သည့် မြို့ပြစနစ်မှာ စနစ်ကျခဲ့သော်လည်း မြို့တွင်းလူဦးရေ များပြားလာခြင်း၊
အခြေခံအဆောက်အအုံများ ထပ်မံအဆင့်မြင့်တင်နိုင်ခြင်း မရှိသောကြောင့် နောက်ကျကျန်ခဲ့ခြင်းသာ
ဖြစ်သည်ဟုဆိုသည်။
စင်ကာပူသည် ယခင်က ရန်ကုန်ကို အားကျ အတုယူခဲ့ရ သည့် မြို့ဖြစ်၍ အစိုးရဘက်က စိတ်အားထက်သန်စွာ အချိန်မီလုပ်ဆောင်ပါက ရန်ကုန်သည် အချိန်တိုအတွင်း စင်ကာပူကို အမီလိုက်နိုင်ကြောင်း ၎င်းက သူ၏အမြင်ကို
ပြောသည်။
မြန်မာနိုင်ငံမှ အစိုးရအဖွဲ့ဝင်များ၊ တိုင်းဒေသကြီး ဝန်ကြီးချုပ်များကိုယ်တိုင် ရန်ကုန်အပါအဝင် အခြားမြို့ရွာများကို စင်ကာပူနိုင်ငံကဲ့သို့ မြို့ပြဖွံ့ဖြိုးမှုပုံစံ ပြုလုပ်ရန် မကြာခဏ
ပြောကြားခဲ့သော်လည်း လက်တွေ့တွင်ဖြစ်ပေါ် လာခြင်းမရှိ၍ ဝေဖန်ခံခဲ့ရသည်။
စင်ကာပူအခြေစိုက် Sur-bana ကုမ္ပဏီသည် လက်ရှိတွင် ဆောက်လုပ်ရေးဝန်ကြီးဌာနနှင့် ပူးပေါင်းပြီး ရန်ကုန်၏အကြီးမားဆုံးအိမ်ရာ စီမံကိန်း ဖြစ်လာနိုင်သည့် ရတနာနှင့် သရဝဏ်အိမ်ရာတို့တွင် ဆောက်လုပ်ရေးဆိုင်ရာ အကြံပေးအဖြစ် လုပ်ကိုင်နေသည်။
ထို့အပြင် ကန်တော်ကြီး ငါးဥယျာဉ် မြန်မာ့အဏ္ဏဝါပြတိုက် တည်ဆောက်ခြင်းတွင်ပါဝင်ပြီး ဒီဇိုင်းပိုင်းနှင့် စီမံခန့်ခွဲမှုပိုင်း၌ တာဝန်ယူထားသည့် ကုမ္ပဏီဖြစ်သည်။ အရှေ့မြင်းပြိုင် ကွင်းလမ်းမှ ယခင်အမျိုးသားစာကြည့်တိုက်ဟောင်း ပိုလိုကလပ်ရက်ဆီးဒင့် ၏ စီမံကိန်းဒီဇိုင်းများရေးဆွဲခြင်း နှင့် စီမံကိန်းဆောင်ရွက်မှု အစအဆုံးတွင် ပါဝင်ထားသည့် ကုမ္ပဏီ ဖြစ်သည်။
Credit: 7daydaily
