ကမ္ဘာကျော် ဟောလိဝုဒ်ဆိုင်းဘုတ်ကြီးနှင့် အနီးဆုံးတွင် တည်ရှိသော စံအိမ်ကြီး ကန်ဒေါ်လာ ၂ ဒသမ ၂၅ သန်းဖြင့် အရောင်းဈေးကွက်ဝင်လာ

အိမ်ခြံမြေတစ်ခုတွင် နေရာသည် အရေးအကြီးဆုံးဟုဆိုပါက လော့စ်အိန်ဂျလိမြို့၊ Mulholland Highway လမ်း၊ အမှတ် ၆၁၀၅ ရှိ စံအိမ်မှာ သရဖူဆောင်းရဖွယ် ရှိသည်။

အင်္ဂလိပ်အက္ခရာ A ပုံသဏ္ဍာန်ဆောက်လုပ်ထားသော တောင်ပေါ်အိမ်ဖြစ်ပြီး ကမ္ဘာကျော် Hollywood ဟု ရေးသားထားသည့် အဖြူရောင် စာလုံးကြီးများ၏ အောက်ဘက်ဆီတွင် တည်ရှိသော အနီးဆုံး စံအိမ်ဖြစ်သည်။

ကန်ဒေါ်လာ ၂ ဒသမ ၂၅ သန်း ဈေးခေါ်ထားပြီး The Beverly Hills Estates အိမ်ခြံမြေကုမ္ပဏီမှ အကျိုးဆောင်များဖြစ်သော Christopher Soffer and Trenton Armitage တို့က အရောင်းဈေးကွက် တင်ပေးခြင်း ဖြစ်သည်။

ကမ္ဘာကျော် အထင်ကရ ဟောလိဝုဒ် ဆိုင်းဘုတ်ကြီးကို ရှေ့ဆုံးတန်းမှ အနီးကပ်တွေ့မြင်ခွင့်ရသည့် မြင်ကွင်း ပိုင်ဆိုင်ထားသည်။

“ဒါက တကယ့်ကို ရှားရှားပါးပါးပဲ။ Hollywood ဆိုင်းဘုတ်ကြီးနဲ့ အနီးကပ်ဆုံးရှိတဲ့အိမ်ဆိုတာ ကမ္ဘာပေါ်မှာ အကန့်အသတ်နဲ့သာ ရှိပါတယ်” ဟု Christopher Soffer က နယူးယောက်ပို့စ် သတင်းဌာနသို့ ပြောသည်။

(▲ ၁၉၆၃ ခုနှစ်က ဆောက်လုပ်ခဲ့သော တောင်ပေါ်အိမ်ဟန် စံအိမ်။ ဓာတ်ပုံ-Lawrence Fitz-Simon)

ကိုယ်ပိုင်လမ်းကလေးတစ်ခု၏ အဆုံးတွင် တည်ရှိပြီး အိပ်ခန်း ၃ ခန်းပါဝင်ကာ အကျယ်အဝန်း စတုရန်းပေ ၂၅၀၀ ရှိသည်။

နှစ်ပေါင်း ၄၀ အတွင်း ပထမဆုံးအကြိမ် အရောင်းဈေးကွက်ဝင်လာခြင်းလည်း ဖြစ်သည်။

“သစ်ပင်အုပ်တွေကြားထဲမှာ ရှိတဲ့အိမ်ဖြစ်တာကြောင့် သစ်ပင်အိမ်လို ဖြစ်နေပါတယ်” ဟု Christopher Soffer က ပြောသည်။

(▲ အဝင်ခန်းမ။ ဓာတ်ပုံ-Lawrence Fitz-Simon)

(▲ ရောင်းချသူများမှာ Jeffrey Kleiser နှင့် Diana Walczak တို့ ဖြစ်သည်။ ဓာတ်ပုံ- Lawrence Fitz-Simon)

 (▲ မီးဖိုဆောင်နှင့် နံနက်စာစားရန်နေရာ။ ဓာတ်ပုံ-Lawrence Fitz-Simon)

လက်ရှိပိုင်ရှင်များဖြစ်သော Jeffrey Kleiser နှင့် Diana Walczak တို့မှာ digital effect လုပ်ငန်းလုပ်ကိုင်သူများဖြစ်ပြီး Diana Walczak မှာ ပန်းပုဆရာမတစ်ဦး ဖြစ်ကာ ယခုအိမ်ကို နေအိမ်နှင့် အလုပ်ခန်းအဖြစ် အသုံးပြုခဲ့ကြသည်။ Diana Walczak သည် မိုက်ကယ်ဂျက်ဆင်၏ HIStory ရုပ်တုကြီးကို ပြုလုပ်ခဲ့သူလည်း ဖြစ်သည်။

(▲ နှစ်ပေါင်းများစွာကာလအတွင်း ယခုစံအိမ်သို့ အနုပညာရှင်များစွာ လာရောက်လည်ပတ်ခဲ့ကြဖူးသည်။ ဓာတ်ပုံ-Lawrence Fitz-Simon)

(▲ Diana Walczak သည် မိုက်ကယ်ဂျက်ဆင်၏ HIStory ရုပ်တုကြီးကို ပြုလုပ်ခဲ့သူလည်း ဖြစ်သည်။ ဓာတ်ပုံ-Lawrence Fitz-Simon)

(▲ အိပ်ခန်း ၃ ခန်းပါနေအိမ်သို့ အနုပညာရှင်များနှင့် ဂီတသမား များစွာ လာရောက်လည်ပတ်ခဲ့ကြဖူးသည်။ ဓာတ်ပုံ-Lawrence Fitz-Simon)

(▲ စံအိမ်၏ rooftop မှတဆင့် ဝန်းကျင်ရှုခင်းများကို ခံစားမည်ဆိုပါက တစ်ဖက်တွင် လော့စ်အိန်ဂျလိမြို့လယ် ရှုခင်းများကို တွေ့ရမည်ဖြစ်ပြီး အခြားတစ်ဘက်တွင် အထက်စီး၌ စီးမိုးနေသော Hollywood စာလုံးကြီးများကို တွေ့ရမည် ဖြစ်သည်။ ဓာတ်ပုံ-Lawrence Fitz-Simon)

(▲ သစ်ပင်များကြားတည်ရှိသောကြောင့် သစ်ပင်အိမ်တစ်လုံးနှင့်တူကြောင်း ဈေးကွက်တင်ပေးသည့် အကျိုးဆောင် Christopher Soffer က ပြောသည်။ ဓာတ်ပုံ-Lawrence Fitz-Simon)

(▲ ကမ္ဘာကျော် Hollywood စာလုံးကြီးများနှင့် နီးကပ်စွာတည်ရှိသော်လည်း မယုံနိုင်ဖွယ် ဆိတ်ငြိမ်အေးချမ်း ကြောင်း၊ လာရောက်လည်ပတ်ကြသော ကမ္ဘာလှည့်ခရီးသည်များနှင့် စပ်လျဉ်းသည့် မည်သည့်ပြဿနာမှ မရှိခဲ့ဖူးကြောင်း လက်ရှိပိုင်ရှင်တို့က ပြောသည်။ ဓာတ်ပုံ-Lawrence Fitz-Simon)

(▲ ကာလတို ငှားရမ်းတည်းခိုနိုင်သည့်နေရာတစ်ခုအဖြစ်လည်း အသုံးပြုခဲ့ဖူးသည်။ ဓာတ်ပုံ-Lawrence Fitz-Simon)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: The home closest to the iconic Hollywood sign is for sale for $2.25M: ‘It’s something to be cherished’

Photo Credit- Lawrence Fitz-Simon