တရုတ်ပြည်တွင် ဟိုတယ်တစ်ခု၌ တည်းခိုသော အမျိုးသမီးတစ်ဦးက လျှို့ဝှက်ကင်မရာများ တပ်ဆင်ထားမည်ကို စိုးရိမ်သောကြောင့် ဟိုတယ်ခန်းထဲတွင် ရွက်ဖျင်တဲထိုးကာ အိပ်စက်

တရုတ်ပြည်တွင် ဟိုတယ်တစ်ခု၌ တည်းခိုသော အမျိုးသမီးတစ်ဦးသည် လျှို့ဝှက်ကင်မရာများ တပ်ဆင်ထားပါက ကာကွယ်နိုင်ရန်အတွက် ဟိုတယ်ကုတင်ပေါ်တွင် ကြိုးများ၊ အဝတ်စများဖြင့် ရွက်ဖျင်တဲ ထိုးကာ အိပ်စက်ခဲ့မှုမှာ ပြည်မကြီး လူမှုကွန်ရက်အသုံးပြုသူများအကြား ကျော်ကြားနေသည်။

ထိုအမျိုးသမီးမှာ မျိုးရိုးအမည် “တန်”ဖြစ်ကြောင်း သိရသည်။

တန်’ သည် တရုတ်ပြည်အလယ်ပိုင်း ဟီနန်ပြည်နယ်၊ လှို့ယန်မြို့မှ ဖြစ်သည်။

တန်က သူတည်းခိုခဲ့သော ဟိုတယ်ခန်းမှ အိပ်ရာနေရာကို ကာကွယ်ရန် ယာတီတဲတစ်လုံး မည်သို့ပြုလုပ်ခဲ့သည်ကို လူမှုကွန်ရက်တွင် ဗွီဒီယိုဖိုင်တင်ကာ ပြသခဲ့သည်။

ဟိုတယ်အမည်နှင့် တည်နေရာကိုမူ တန်က ထုတ်ဖော်ပြောဆိုခြင်း မရှိချေ။

“ဟိုတယ်တွေမှာ တည်းခိုတဲ့ဧည့်သည်တွေဟာ လျှို့ဝှက်ကင်မရာတွေနဲ့ စောင့်ကြည့်ခံနေရတယ်ဆိုတဲ့ သတင်းတွေ အများကြီး ဖတ်ရပါတယ်။ စပ်စုတဲ့ မျက်လုံးတွေရဲ့ ရန်ကနေ ကိုယ့်ကိုယ်ကို ကာကွယ်ဖို့ မဖြစ်နိုင်တော့သလို ဖြစ်နေတယ်။ ဒီအချက်က ကျွန်မကို သောကများစေပါတယ်” ဟု တန်က Yangcheng Evening News သတင်းဌာနသို့ ပြောသည်။

မူလက စိတ်ကူးခဲ့သည်မှာ ခရီးထွက်ကာ ဟိုတယ်များတွင် တည်းခိုလျှင် အသုံးပြုရန်အတွက် ရွက်ဖျင်တဲတစ်လုံး ဝယ်ယူထားရန် ဖြစ်သည်။

သို့သော် ကုန်ကျစရိတ်များသည့်အပြင် ရွက်ဖျင်တဲများအတွင်း နေထိုင်ရမှုမှာ ကျဉ်းကျပ်သောကြောင့် အဆိုပါအကြံကို လက်လျှော့ခဲ့သည်။

ရွက်ဖျင်တဲအစား တန်က ပရိဘောဂများ ဖုန်မတက်စေရန် ဖုံးအုပ်ရာတွင် အသုံးပြုသည့် ပိတ်စကြီးတစ်ခုနှင့် ကြိုးရှည်ရှည်တစ်ချောင်းကို ဆောင်ထားခဲ့သည်။

(ဟိုတယ်များတွင် တည်းခိုစဉ်ကာလအတွင်း တန်က ပိတ်စနှင့် ကြိုးတို့ကို အသုံးပြုကာ ယာတီတဲတစ်ခု ပြုလုပ်သည်။ ဓာတ်ပုံ-Baidu)

“ကြိုးကို နံရံကပ်ဗီရိုလက်ကိုင်ကွင်းတွေ၊ လိုက်ကာတန်းတွေ (ဒါမှမဟုတ်) နံရံက ချိတ်တွေမှာ ချည်လို့ရပါတယ်။ ပြီးရင် ကြိုးပေါ်မှာ အဝတ်ကို လွှားထားလိုက်မယ်ဆိုရင် အိပ်ယာစွန်းတစ်ဘက်ကို ကာကွယ်ပေးနိုင်မှာ ဖြစ်ပါတယ်” ဟု တန်က ရှင်းပြသည်။

“ဒီနည်းက ရိုးရှင်းပါတယ်။ လိုအပ်တဲ့ပစ္စည်းတွေကလည်း ဈေးမကြီးဘူး။ စိတ်ကျေနပ်စရာ ရလဒ်ကောင်းလည်း ရှိပါတယ်”

ဗွီဒီယိုထဲတွင် တန်က ပြောပြသည်မှာ ယာယီတဲ၏ အကျယ်အဝန်းမှာ အမြင့် ၁ ဒသမ ၇ မီတာ (၅ ပေခွဲ)၊ အလျား ၂ မီတာ (၆ ပေခွဲ)နှင့် အနံ ၂ မီတာရှိသည်ဟု ဆိုသည်။

တန်က ခရီးထွက်ခြင်းမှာ အပန်းဖြေရန်အတွက်လော (သို့မဟုတ်) အလုပ်အတွက်လောဆိုသည်ကိုမူ ထည့်သွင်းပြောကြားခြင်းမရှိချေ။ ထို့အပြင် မကြာခဏ ခရီးထွက်လေ့ ရှိ၊ မရှိကိုလည်း ထည့်သွင်းပြောကြားခဲ့ခြင်း မရှိ။

တရုတ်ပြည်တွင် ဟိုတယ်ခန်းများ၌ တည်းခိုသော ဧည့်သည်တို့သည် လျှို့ဝှက်ကင်မရာများ ရှာဖွေတွေ့ရှိလေ့ရှိသည့် သတင်းများမှာ တရုတ်ပြည်တွင် မကြာခဏကြားရသည်။

(တန်၏ နည်းလမ်းမှာ privacy ကို ကာကွယ်ရန်အတွက် တီထွင်ဖန်တီးမှုရှိသည့်နည်းလမ်းဖြစ်ကာ ကုန်ကျစရိတ်သက်သာပြီး ထိရောက်မှုရှိကြောင်း လူမှုကွန်ရက်သုံးစွဲသူတို့က မှတ်ချက်ပြုသည်။ ဓာတ်ပုံ-Baidu)

သတင်းကြီးခဲ့ဖူးသည့်ဖြစ်ရပ်တစ်ခုမှာ ၂၀၂၃ ခုနှစ်အတွင်း တရုတ်ပြည်မှ စုံတွဲတစ်တွဲသည် မလေးရှားနိုင်ငံသို့ ရောက်ရှိနေစဉ်အတွင်း ၎င်းတို့ တည်းခိုအိပ်စက်သည့် ကုတင်နေရာကို တည့်တည့်ချိန်ထားသည့် လျှို့ဝှက်ကင်မရာတစ်လုံးကို နံရံမှ မီးပလပ်ပေါက်တွင် တွေ့ရှိခဲ့သည့်ဖြစ်ရပ် ဖြစ်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Woman in China fears hotel hidden cameras, creates makeshift tent to shield bed Photo Credit-Baidu