စင်္ကာပူတွင် ကလေးငယ်တစ်ဦးက အန်ပေါင်းရသောပိုက်ဆံဖြင့် ပင်ပန်းနွမ်းနယ်နေသော ဆောက်လုပ်ရေး လုပ်သားများအား အအေးဝယ်တိုက်ခဲ့သည့် ဗွီဒီယိုဖိုင်တစ်ခု စင်္ကာပူလူမှုကွန်ရက် သုံးစွဲသူတို့အကြား နာမည်ကြီးနေ

စင်္ကာပူတွင် ပူပြင်းသော နေအပူအောက်၌ အလုပ်လုပ်နေရသော ဆောက်လုပ်ရေးလုပ်သားများကို အေးမြမှု ပေးစွမ်းနိုင်ရန်အတွက် ကလေးငယ်တစ်ဦးက အအေးဝယ်တိုက်ခဲ့သည့် ဗွီဒီယိုဖိုင်တစ်ခုမှာ လူမှုကွန်ရက် သုံးစွဲသူတို့၏ နှလုံးသားများကို သိမ်းပိုက်နိုင်ခဲ့သည်။

TikTok လူမှုကွန်ရက်တွင် @jjalynyn အမည်ရှိ အကောင့်က “မောင်လေးက ဆောက်လုပ်ရေးလုပ်သားတွေ အတွက် အအေးတွေဝယ်ပြီး လိုက်ပေးခဲ့ပါတယ်။ နေပူကြီးထဲမှာ အလုပ်လုပ်နေရတာ စိတ်မကောင်းလို့ပါ” ဟု caption ရေးသားကာ ဖေဖော်ဝါရီ ၁၅ ရက်က မျှဝေခဲ့ခြင်း ဖြစ်သည်။

အအေးဝယ်တိုက်သော ကလေး၏ အမည်မှာ ဂျက်ကော့ဘ်ဖြစ်ပြီး ၁၃ နှစ်သားဖြစ်ကာ ဗွီဒီယိုရိုက်ကူးပေးသူမှာ သူ၏အစ်မ ဂျာလင်းဖြစ်ပြီး ၁၈ နှစ်အရွယ် ဖြစ်သည်။

(ဓာတ်ပုံ-TikTok)

ဂျက်ကော့ဘ်က အအေးဘူးများအပြည့်ပါသော အိတ်တစ်လုံးကိုဆွဲကာ သွားနေချိန်တွင် ဂျာလင်းက နောက်မှ ကပ်လျက် လိုက်ပါခဲ့သည်။

ဂျက်ကော့ဘ်ပထမဆုံးသွားသည့်နေရာမှာ လမ်းပိတ်နေသည့် လူကူးမျဉ်းကြားနေရာတွင် လမ်းရှင်းပေးနေသော ဆောက်လုပ်ရေးလုပ်သားတစ်ဦးထံ ဖြစ်သည်။

“ဦးလေး…. ခုလို ပင်ပင်ပန်းပန်းကြိုးစားပေးလို့ ကျေးဇူးတင်ပါတယ်။ ရာသီဥတု အရမ်းပူတယ်နော်”ဟု ပြောရင်း 100 Plus အအေးတစ်ဘူး ကမ်းပေးခဲ့သည်။

ဆောက်လုပ်ရေးလုပ်သားက ပြုံးရင်း ကျေးဇူးတင်ကြောင်း ပြန်လည် ပြောကြားခဲ့သည်။

(ဓာတ်ပုံ-TikTok)

ထို့နောက် ဂျက်ကော့ဘ်သည် အခြားအလုပ်သမားတစ်ဦးထံ သွားရောက်ကာ Pocari Sweat ၂ ဘူးနှင့် 100 Plus တစ်ဘူး ပေးခဲ့သည်။

(ဓာတ်ပုံ-TikTok)

ထို့နောက် အနီးရှိ အမိုးမိုးထားသော နေရာတစ်ခုသို့ ဦးတည်သွားခဲ့သည်။ ထိုနေရာတွင် အလုပ်သမား ၅ ဦး ဝိုင်းဖွဲ့ကာ နေ့လည်စာ စားနေကြသည်။ ဂျက်ကော့ဘ်က နွေးထွေးသော အပြုံးဖြင့် နှုတ်ဆက်ရင်း အအေးဘူးများ ကမ်းပေးခဲ့ပြန်သည်။

(ဓာတ်ပုံ-TikTok)

အလုပ်သမားများက ကျေးဇူးတင်ကြောင်းပြောကာ လက်ပြ နှုတ်ဆက်ကြသည်။

အဆိုပါ ဗွီဒီယိုကို ဂျက်ကော့ဘ်က လက်မထောင်ရင်း ပြုံးပြနေပုံဖြင့် အဆုံးသတ်ထားပြီး ကျေးဇူးတင်ပါတယ် ဦးလေးတို့ဟု Caption ရေးသားထားသည်။

(ဓာတ်ပုံ-TikTok)

ဂျာလင်းက ပြောပြသည်မှာ သူ၏ မောင်လေးသည် အန်ပေါင်းရသော ပိုက်ဆံများကို တစ်ချိန်ချိန်တွင် အခြားသူတို့အား ပေးလှူရန်အတွက် သိမ်းထားခဲ့ခြင်းဖြစ်ကြောင်း ပြောသည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Boy uses own ang bao money to buy drinks for construction workers toiling under hot S’pore sun, wins netizens’ hearts

Photo Credit-TikTok