လန်ဒန်မြို့ လူကုံထံရပ်ကွက်မှာရှိတဲ့ ဒေါ်လာ ၉၁ သန်းတန် မြေကွက်လွတ် ၁၁ ခု ဘာကြောင့် စွန့်ပစ်ခံထားရတာလဲ

လွန်ခဲ့သော ၁၂ နှစ်က လန်ဒန်မြို့ရှိ Bishops Avenue သည် လန်ဒန်၏ ဈေးအကြီးဆုံးလမ်းဖြစ်ခဲ့ပြီး ခမ်းနားသော ရွှေရောင်နေ့ရက်များ ပိုင်ဆိုင်ခဲ့ဖူးသည်။

ထိုလမ်းသည် အေးချမ်းဆိတ်ငြိမ်သော နေရာဖြစ်ပြီး အကျော်အမော်များ၊ တော်ဝင်များနှင့် ကျိကျိတက် ချမ်းသာသော ထိပ်တန်းလွှာ ၁ ရာခိုင်နှုန်းတို့၏ နန်းတော်တမျှ ခမ်းနားလှသော စံအိမ်ကြီးများ၊ ကောင်းစွာ မွမ်းမံထိန်းသိမ်းထားသော ပန်းဥယျာဉ်များဖြင့် အတိပြီးခဲ့သည်။

နှစ်ပေါင်းများစွာ ကုန်လွန်သွားခဲ့ပြီးနောက် အရာရာ ပြောင်းလဲသွားခဲ့သည်။

တချိန်က ကြီးကျယ်ခမ်းနားခဲ့သော Bishops Avenue လမ်းသည် ယခုအခါ စွန့်ပစ်ခံ ဖုန်းဆိုးတောကြီး ဖြစ်နေသည်။

ဒေသခံတို့က ပြောသည်မှာ အဆိုပါလမ်းသည် နေထိုင်ရအလွန်ကောင်းသော နေရာဖြစ်ခဲ့ကြောင်း ပြောသည်။

စံအိမ်၏ ကျောက်စရစ်လမ်းများပေါ်တွင် တချိန်က ပြိုင်ကားများ ရပ်နားထားခဲ့ကြသော နေရာများ၌ ယခုအခါ ခြုံတောကြီးများနှင့် ချိုင့်ကျင်းများသာ ကြီးစိုးနေပြီး မြေကွက်များစွာမှာ စွန့်ပစ်ခံထားရသည်။

အလွန်ခမ်းနား သိုက်မြိုက်ခဲ့သောလမ်းမှာ အဘယ်ကြောင့် လူသူကင်းမဲ့သွားသည်ကို ဒေသခံတို့ နှစ်ပေါင်းများစွာ အဖြေရှာမရ ဖြစ်နေခဲ့ကြသည်။

MailOnline သတင်းဌာန၏ လေ့လာ စုံစမ်းမှုအရ Bishops Avenue လမ်း ဖုန်းဆိုးတောဖြစ်သွားခြင်း၏ နောက်ကွယ်တွင် ဒူဘိုင်း၌ နေထိုင်သော ချမ်းသာကြွယ်ဝသည့် စီးပွားရေးလုပ်ငန်းရှင်တစ်ဦး၏ အမည်ခံ ကုမ္ပဏီတစ်ခုနှင့် ဆက်စပ်နေသည်ကို တွေ့လာရသည်။

အခွန်မဆောင်ရသော Isle of Man နိုင်ငံတွင် အခြေစိုက်သည့် Birch Ventures Limited (BVL) ဟူသော ကုမ္ပဏီက ၂၀၁၃ ခုနှစ်အတွင်း Bishops Avenue လမ်းရှိ မြေကွက် ၁၁ ခုကို ပေါင် ၇၃ သန်း (ကန်ဒေါ်လာ ၉၁ သန်း) ဖြင့် ဝယ်ယူခဲ့ခြင်းမှာ ခမ်းနားသိုက်မြိုက်သော လမ်းတစ်ခု နိဂုံးချုပ်စေမည့် အကြောင်းရင်း ဖြစ်လာသည်။

အဆိုပါ ကုမ္ပဏီက ဝယ်ယူလိုက်သော စံအိမ်များတွင် llkley House စံအိမ်၊ Redcroft စံအိမ်၊ The Georgians စံအိမ်၊ The Towers ဟု လူသိများသော Bishops Avenue အမှတ် ၅၃ စံအိမ်၊ White Lodge Close စံအိမ်၊ White Lodge Close စံအိမ်နောက်ဘက်ရှိ မြေကွက်နှင့် Arden Court Gardens စံအိမ် (ခြံအမှတ် ၁ မှ ၅ အထိ)တို့ ပါဝင်သည်။

(The Towers စံအိမ်မှာ မီးသင့်သွားခဲ့သည်။)

(White Lodge Close စံအိမ်နှင့် White Lodge Close စံအိမ် နောက်မှ မြေကွက်လွတ် စွန့်ပစ်ခံထားရပုံ။)

(White Lodge Close စံအိမ်ကို ၂၀၁၃ ခုနှစ်၊ အောက်တိုဘာလ ၃ ရက်က ရိုက်ကူးထားသည့် ဓာတ်ပုံ။)

(llkley House စံအိမ်၊ Redcroft စံအိမ်၊ The Georgians စံအိမ်သို့ ရှိခဲ့ဖူးသောနေရာမှာ ယခုအခါ မြေကွက်လွတ် ဖြစ်နေသည်။)

(llkley House စံအိမ်၊ Redcroft စံအိမ်၊ The Georgians စံအိမ်များ ရှိခဲ့သော နေရာ၏ ကောင်းကင် ဓာတ်ပုံ။)

(တချိန်က ခမ်းနားသိုက်မြိုက်ခဲ့ဖူးသော နေရာ)

(The Georgians စံအိမ်ကို ဖြိုချခဲ့ပြီး ပြန်လည် ဆောက်လုပ်ခြင်း မရှိတော့ချေ။)

(ဝယ်ယူခဲ့သော ပိုင်ရှင်တို့က Luxury လူနေခန်းများ ဆောက်လုပ်ရန် စီစဉ်ခဲ့သော်လည်း အကောင်အထည် မပေါ်ခဲ့။)

(The Towers စံအိမ်မှာ ယခုအခါ ကျူးကျော်နေထိုင်သူတို့ စတည်းချရာ နေရာ ဖြစ်လာသည်။)

(ပျက်စီးယိုယွင်းနေသည့် စွန့်ပစ်ခံအခြေအနေကြောင့် သူဌေးများမှာ ရွှေ့ပြောင်းနေထိုင်ရန် စိတ်မဝင်စား ကြချေ။)

(တချိန်က လူကုံထံတို့ နေထိုင်ခဲ့သောလမ်းမှာ ယခုအခါ စီးကရက်အစီခံများနှင့် အရက်ပုလင်းခွံများ ပျံ့ကြဲနေသည်။)

(လက်ရှိတွေ့ရသော မြင်ကွင်း။)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: EXCLUSIVE -Why ELEVEN empty plots worth £73m have been left to rot on London's billionaire's wasteland Photo Credit-dailymail