ပြည်ပ အိမ်ခြံမြေ သတင်း | Posted by နှင်းအိခင်
((မူရင်းသတင်းရေးသားသူမှာ Xports News သတင်းဌာနမှ သတင်းထောက် Kim Ye-eun ဖြစ်သည်))
ကိုရီးယားရုပ်ရှင်ကြယ်ပွင့် ဆောင်းဟေကို၏ စံအိမ်အတွင်းပိုင်းမြင်ကွင်းများကို ပရိသတ်များ ပထမဆုံးအကြိမ် တွေ့ခွင့်ရလာသည်။
Davichi ဟူသော ၂ ယောက်တွဲ ဂီတ Duo မှ အဆိုတော်/ ရုပ်ရှင်မင်းသမီး Kang Minkyung က ဆောင်းဟေကို၏ စံအိမ်သို့ အလည်အပတ်သွားကာ ညအိပ်ခဲ့ခြင်း ဖြစ်သည်။
Kang Minkyung က ဆောင်းဟေကို၏ စံအိမ်တွင်း ဗွီဒီယိုဖိုင်ရိုက်ကူးကာ သူ၏ YouTube ချန်နယ်ဖြစ်သော ………………….တွင် ပြီးခဲ့သော ဇန်နဝါရီလ ၁၆ ရက်က လွှင့်တင်ခဲ့သည်။
အဆိုပါဗွီဒီယိုကို Kang MinKyung က “Part 2! Not Me, Song Hye-kyo’s Vlog” ဟု အမည်ပေးထားသည်။
ဆောင်းဟေကို၏ နေ့စဉ်နေထိုင်ဖြတ်သန်းသည့်ဘဝကို သဘာဝအတိုင်းရိုက်ကူး မှတ်တမ်းတင်ထားခြင်း ဖြစ်သည်။
Minkyung ၏ ဗွီဒီယိုတွင် ရိုက်ကူးဖော်ပြထားမှုအရ ဆောင်းဟေကိုနှင့် Minkyung တို့သည် အသားကင်ဆိုင်တစ်ခုသို့ သွားခဲ့ကြပြီး အတူတကွ သောက်စားကြပြီးနောက် ဆောင်းဟေကို၏ အိမ်သို့ ပြန်လာကြသည်ကို တွေ့ရသည်။
အိမ်သို့ ရောက်ချိန်တွင် ဆောင်းဟေကို၏ ချစ်ရသော သမီးလေးဖြစ်သူ ရူဘီအမည်ရှိ ခွေးမလေးက စောင့်ကြိုနေသည်။
ဆောင်းဟေကိုက သမီးလေး ရူဘီကို ရေချိုးပေး၏။
ထို့နောက် ဆောင်းဟေကိုနှင့် Minkyung တို့နှစ်ဦး ညစာစားခန်းထဲတွင် ဝိုင်ထပ်သောက်ကြပြန်သည်။
ဝိုင်သောက်ပြီးသောအခါ အိပ်ခန်းထဲတွင် အိပ်စက်ရန် ပြင်ဆင်ကြသည်။
ယင်းနောက် သွားတိုက်၊ မျက်နှာသစ်ကြချိန်တွင် ဆောင်းဟေကိုက အရွှန်းဖောက်သည်။
“ဒီမြင်ကွင်းကို တစ်ယောက်ယောက်သာတွေ့သွားရင် တို့နှစ်ယောက်တွဲနေပြီလို့ ထင်သွားလိမ့်မယ်” ဟု ဆောင်းဟေကိုက ရယ်မောရင်း ပြော၏။
ဆောင်းဟေကိုက Minkyung အား တန်ဖိုးကြီး skincare ထုတ်ကုန်များ ပေးရာ “နင် ဒါတွေ အများကြီးလိမ်းတာလား ။ ဒါတွေက ဈေးအရမ်းကြီးတယ်မဟုတ်ဘူးလား” ဟု Minkyung က တအံ့တသြ ဆိုသည်။
ထိုနောက်တွင် Minkyung သည် ပထမထပ်သို့ ဆင်းလာကာ ဆောင်းဟေကို၏ ခွေးမလေး ရူဘီနှင့် အချိန်ဖြုန်း၏။
လှေကားဘေးရှိ ကျယ်ပြောသော ကွက်လပ်ကို ဗွီဒီယိုဖိုင်ကြည့်ရှုရသူတိုင်း စိတ်ဝင်စားကြသည်။
နောက်ပိုင်းတွင် ဆောင်းဟေကိုတို့နှစ်ဦးသည် ညစာစားခန်းတွင် အစားအစာမှာယူစားသောက်ခဲ့ကြပြီး ၁ ညအိပ် ၂ ရက်ဗွီဒီယိုမှတ်တမ်းကို အဆုံးသတ်လိုက်ကြသည်။
ယခုဗွီဒီယိုမှတ်တမ်းမှာ ဆောင်းဟေကို၏ နေအိမ်တွင်းမြင်ကွင်းများကို ပရိသတ်များ ပထမဆုံး တွေ့မြင်ခွင့်ရ ကြခြင်းလည်း ဖြစ်သည်။
ဆောင်းဟေကို၏ နေအိမ်မှာ ပြီးခဲ့သော ၂၀၂၄ ခုနှစ်ကမှ ဆောက်လုပ်ခဲ့သည့် အိမ်သစ်ဖြစ်ပြီး ဆိုးလ်၏ လူကုံထံရပ်ကွက်ဖြစ်သော Samsung-dong တွင် တည်ရှိသည်။
ဆောင်းဟေကိုက ၂၀၁၅ ခုနှစ်အတွင်း ဝယ်ယူခဲ့ခြင်းဖြစ်ပြီး ဝယ်ယူခဲ့ချိန်က ယခင်အိမ်ဟောင်းတစ်လုံး ပါသည်။
အဆိုပါအိမ်ကို ၂၀၂၂ ခုနှစ်တွင် ဖြိုချလိုက်ပြီး အသစ်ပြန်လည်ဆောက်လုပ်ခဲ့ရာ ပြီးခဲ့သော ၂၀၂၄ ခုနှစ်၊ မေလတွင် ပြီးစီးခဲ့သည်။
ထိုအချိန်ကတည်းက အဆိုပါနေအိမ်တွင် ဆောင်းဟေကို နေထိုင်နေခြင်း ဖြစ်သည်။ ဆောင်းဟေကို၏အိမ်တွင် မြေအောက် ၁ ထပ်နှင့် မြေပေါ် ၂ ထပ် ပါဝင်ကြောင်း သိရသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: Song Hye-kyo’s House, Where She Lives with Her Daughter, Revealed for the First Time… Single-Family Home in Samsung-dong’s Wealthy Neighborhood Draws Attention
