ပြည်ပ အိမ်ခြံမြေ သတင်း | Posted by နှင်းအိခင်
ကမ္ဘာကျော် ဖက်ရှင်အင်ပါယာကြီးတစ်ခုဖြစ်သော Gucci မိသားစု ကာလကြာရှည် အခြေစိုက်ခဲ့သော ရောမမြို့မှ Villa Gucci အမည်ရှိ စံအိမ်ကြီး အရောင်းဈေးကွက်ဝင်နေပြီး ရောင်းမထွက်သေးသောကြောင့် ယူရို ၁၃ ဒသမ ၉ သန်း (ကန်ဒေါ်လာ ၁၄ ဒသမ ၅ သန်း) ဟု ဈေးလျှော့ပေးလာသည်။
Salmon pink ရောင် ဆေးသုတ်ထားသော လေးထပ် အဆောက်အအုံဖြစ်ပြီး Gucci ကို တည်ထောင်သူ Guccio Gucci ၏ အကြီးဆုံးသား Aldo Gucci က ၁၉၅၁ ခုနှစ်တွင် ဆောက်လုပ်ခဲ့ခြင်း ဖြစ်သည်။
အဆိုပါ စံအိမ်ကြီးမှာ ယခုအချိန်အထိ Gucci မိသားစု၏ လက်ထဲတွင် ရှိနေဆဲဖြစ်သည်။
မူလခေါ်ဈေးမှာ ယူရို ၁၅ သန်းဖြစ်သည်။
ကျယ်ပြောသော ခြံဝန်းကြီး၏ အလယ်ဗဟိုတွင် ဆောက်လုပ်ထားပြီး ဂိတ်တံခါးများဆီမှ ကွေးကောက်သော ယာဉ်မောင်းလမ်းအတိုင်း ဝင်လာလျှင် အိပ်ခန်း ၈ ခန်းပါ ပင်မစံအိမ်ရှိရာသို့ ရောက်မည် ဖြစ်သည်။
ယာဉ်မောင်းလမ်း၏ တစ်ဖက်တစ်ချက်တွင် သစ်ကြီးဝါးကြီးများနှင့် ရေတံခွန်များကို ပေးအပ်မည် ဖြစ်သည်။
ပင်မစံအိမ်ကို တပ်စ်ကန်၊ အင်္ဂလိပ်ဗိသုကာဟန်တို့ဖြင့် ပေါင်းစပ်ဆောက်လုပ်ထားခြင်း ဖြစ်သည်။
အကျယ်အဝန်း စတုရန်းပေ ၄၀၀၀ နီးပါးရှိပြီး ကြီးမားသော မီးဖိုဆောင်၊ ညစာစားခန်း၊ မီးလင်းဖိုနှင့် ဘိလိယက်ခုံတို့ ပါသော Hobby room ၊ Study Room နှင့် အိပ်ခန်း ၇ ခန်းပါဝင်သည်။
အရောင်းဈေးကွက်တင်ပေးသူမှာ Keyes Company အိမ်ခြံမြေကုမ္ပဏီမှ အကျိုးဆောင် Billy Nash ဖြစ်သည်။
တတိယထပ်တွင် Roof top သို့ရောက်သော Penthouse ခန်းတစ်ခု ရှိသည်။
Rooftop နားနေနေရာမှ ကြည့်လျှင် ရောမမြို့လယ်၏ အထင်ကရ တစ်ခုဖြစ်သော Altare della Patria ကို အဝေးစီတွင် ပြန်လည် တွေ့မြင်ရသည်။
ခြံဝန်းအတွင်း ဒုတိယစံအိမ်တစ်လုံးလည်း ရှိသေးပြီး အကျယ်အဝန်း စတုရန်းပေ ၃၀၀၀ နီးပါး ရှိသည်။
အဆိုပါ အဆောက်အအုံမှာ ပိုင်ရှင်သစ်၏ အကြိုက်အလိုက် အမျိုးမျိုး အသုံးပြုနိုင်ကြောင်း ဈေးကွက်တင်သည့် ကုမ္ပဏီက ပြောသည်။
ကမ္ဘာပေါ်ရှိ နှစ်သက်ဖွယ်အကောင်းဆုံး မြို့များအနက်တစ်ခု၏ သမိုင်းအမွေအနှစ်ကို ပိုင်ဆိုင်ရမည့် အခွင့်အလမ်းဖြစ်ကြောင်း ဈေးကွက်တင် ကုမ္ပဏီက ပြောသည်။
အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။
ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: The Gucci Family Villa in Rome Just Got a Major Price Cut
