ဗြိတိန်တွင် ၃ ပေသာ ကျယ်ဝန်းသော အကျဉ်းမြောင်းဆုံး နေအိမ် ဒေသခံများအကြား ပြောစမှတ်တွင်နေ

ဗြိတိန်တွင် ၃ ပေသာ ကျယ်ဝန်းသော အကျဉ်းမြောင်းဆုံး နေအိမ်၌ လျှို့ဝှက်ချက်တစ်ခု ရှိနေသည်။

ဘရစ္စတိုးမြို့ရှိ အဆိုပါ နေအိမ်မှာ ကြည့်လိုက်ရုံနှင့်ပင် အလွန်ကျဉ်းမြောင်းကြောင်း ထင်ရှားနေရာ အလွန်လူကောင်သေးသူများသာ နေထိုင်နိုင်မည့် သဘောရှိသည်။

(ဘရစ္စတိုးမြို့ Fishponds အရပ် ၊ New Station လမ်းရှိ နေအိမ်မှာ မယုံနိုင်အောင် ကျဉ်းမြောင်းလှသည်။ ဓာတ်ပုံ-BPM)

(အကျဉ်းဆုံး နေရာတွင် ၃ ပေ သာ ရှိသည်။ ဓာတ်ပုံ-BPM)

(New Station လမ်း၊ အမှတ် ၂၈-၃၂ တွင် တည်ရှိသော နေအိမ်မှာ ဒေသခံများအတွက် အံ့အားသင့်ဖွယ် ဖြစ်နေသည်။ ဓာတ်ပုံ-BPM)

အုတ်နံရံ ၂ ဘက်ကြား ၃ ပေမျှသာ ကွာခြားကာ ပါးလျလွန်းသော နေအိမ်အဆောက်အအုံမှာ လူနေရန်ပင် မဖြစ်နိုင်ဟု မှတ်ထင်ရသည်။

ယခုအိမ်မှာ ဘရစ္စတိုး၏ အထူးဆန်းဆုံးနေအိမ်များတွင် တစ်ခုအပါအဝင် ဖြစ်နေသည်။ ပုံပန်းသွင်ပြင် ထူးဆန်းလှသော နေအိမ်မှာ အွန်လိုင်းတွင် ကျော်ကြားပျံ့နှံ့နေသည့်အပြင် ဒေသခံတို့အကြား ပြောစမှတ်တွင်နေသည်မှာလည်း နှစ်ပေါင်းအတန်ကြာခဲ့ပြီ ဖြစ်သည်။

နေအိမ်အဆောက်အအုံကို မတူညီသော ဒေါင့်အမျိုးမျိုးမှ ကြည့်မည်ဆိုလျှင် နေအိမ်မှာ အပြားပုံစံမဟုတ်ဘဲ သပ်ပုံသဏ္ဍာန် တြိဂံအသွင်ဖြစ်သည်ကို တွေ့ရမည် ဖြစ်သည်။ အဆောက်အအုံ၏ အခြားတစ်ဘက်စွန်းမှာ ပိုမိုကျယ်ဝန်းရာ တစ်အိမ်လုံး ကျဉ်းမြောင်းသည်ကား မဟုတ်ချေ။

အိမ်၏ အကျဉ်းဆုံးနေရာမှာ ရေဆွဲအိမ်သာမှ ရေတိုင်ကီနေရာအကျယ်အဝန်းသာရှိကြောင်း ဒေသခံတစ်ဦးဖြစ်သူ Andy Bollan က ပြောသည်။

အမည်မဖော်လိုသော ဒေသခံတစ်ဦးက ပြောသည်မှာ ယခုအဆောက်အအုံနှင့် ပုံစံတူသည့် တစ်ခုတည်းသော အဆောက်အအုံမှာ နယူးယောက်မြို့ရှိ Flatiron အဆောက်အအုံဖြစ်ကြောင်း ပြောသည်။

“မျက်စိ စပါးမွှေးစူးစရာကောင်းတယ်လို့ မထင်ပါဘူး။ ဒီအဆောက်အအုံမှာ လူတွေဘယ်လိုနေတယ်ဆိုတာ ကျွန်တော်မသိပါဘူး။ အရမ်းကျဉ်းလွန်းပါတယ်” ဟု ၎င်းက ပြောသည်။

(အဆောက်အအုံတစ်ခုလုံး ကျဉ်းမြောင်းသည်ကား မဟုတ်ချေ။ ဓာတ်ပုံ-Google Maps)

(အချို့ရှုထောင့်မှ ကြည့်လျှင်မူ မယုံနိုင်အောင် ကျဉ်းမြောင်းလှသည်။ ဓာတ်ပုံ-BPM)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Inside Britain’s ‘skinniest home’ measuring just 3 FEET wide that leaves neighbours baffled – but it’s hiding a secret Photo Credit-BPM, Google Maps