ကော့စတာရီကာနိုင်ငံမှ အပန်းဖြေစခန်းတစ်ခုရှိ မရဏလှိုဏ်ဂူမှာ သက်ရှိသတ္တဝါတိုင်း ဝင်သွားပါက ပြန်လမ်းမရှိသောဂူအဖြစ် နာမည်ကြီးနေ

ကော့စတာရီကာနိုင်ငံ၊ Alajuela ပြည်နယ်၊ Venecia ခရိုင်ရှိ Recreo Verde ဟိုတယ်နှင့် ရေပူစမ်း အပန်းဖြေစခန်းဝန်းတွင် မရဏလှိုဏ်ဂူ (The Cave of Death) ဟုကျော်ကြားသော လှိုဏ်ဂူတစ်ခုရှိနေပြီး ဂူအတွင်းသို့ ဝင်သွားသည့် မည်သည့်သက်ရှိသတ္တဝါမဆို ပြန်လမ်းမရှိချေ။

လှိုဏ်ဂူအနက် ၆ ပေ ၊ အလျား ၁၀ ပေသာရှိသော ငရဲတွင်း၏ အဝင်ဝတွင် လူရိုးခေါင်းနှင့် ကြက်ခြေခတ်လူရိုးအမှတ်အသားများဖြင့် သတိပေးထားပြီး ဒေသခံတို့က Cueva De La Muerte ဟု အမည်ပေးထားပြီး မရဏလှိုဏ်ဂူဟု အဓိပ္ပာယ်ရသည်။

သာမာန်ကြည့်လျှင် ခိုလှုံစရာနေရာရှာဖွေနေသော အင်းဆက်များ၊ ငှက်များနှင့် တောရိုင်းတိရ စ္ဆာန်ငယ် များအတွက် နွေးထွေးစွာ ခိုလှုံနိုင်သည့်နေရာဟု ယူဆရသည်။

သို့သော် ပြင်ပပုံပန်းမှာ လှည့်စားမှုတစ်ခုသာဖြစ်ပြီး လှိုဏ်ဂူအတွင်းသို့ ဝင်သွားပါက ချက်ချင်းဆိုသလို သေဆုံးသွားနိုင်သည်။

လှိုဏ်ဂူငယ်လေးသည် ပကတိစက္ခုဖြင့်ကြည့်လျှင် အန္တရာယ်မရှိသော်လည်း စင်စစ်ကား အဆိပ်ငွေ့များ အဆက်မပြတ်ထုတ်လွှတ်နေသည်။

“ဒါက တော်တော်သေးတဲ့ လှိုဏ်ဂူလေးတစ်ခုပါပဲ။ ဒါပေမယ့် ကာဗွန်ဒိုင်အောက်ဆိုက်ဓာတ်ငွေ့တွေ အလွန်များပြားစွာ ထွက်နေပါတယ်။” ဟု စူးစမ်းလေ့လာသူ Guy van Rentergem က YouTube ဗွီဒီယိုထဲတွင် ရှင်းပြသည်။

(သက်ရှိသတ္တဝါတိုင်းကို ချက်ချင်းဆိုသလိုသေစေနိုင်သော ကော့စတာရီကာနိုင်ငံက မရဏလှိုဏ်ဂူကို တွေ့ရပုံ။ ဓာတ်ပုံ-Recreo Verde)

မရဏဂူ၏ အဆိပ်ပြင်းပုံကို လက်တွေ့ပြသရန်အတွက် ဒေသခံ လမ်းညွှန်တို့က လှိုဏ်ဂူအတွင်းဆီသို့ မီးတုတ်တစ်ခု ထည့်ပြသည်။

လှိုဏ်ဂူအတွင်း အောက်ဆီဂျင်လုံးဝမရှိဘဲ ကာဗွန်ဒိုင်အောက်ဆိုက်များ အလွန်မြင့်မားစွာရှိနေခြင်းကြောင့် မီးတုတ်မှာ စက္ကန့်ပိုင်းအတွင်း ချက်ချင်းမီးငြိမ်းသွားသည်။

(မီးတုတ်ဖြင့် လက်တွေ့ပြသပုံ။ ဓာတ်ပုံ-Recreo Verde)

လှိုဏ်ဂူအတွင်းသို့ မည်သည့်နေရာမှ ကာဗွန်ဒိုင်အောက်ဆိုက်များ ရောက်ရှိလာသည်ကိုမူ မည်သူမျှ မသိကြချေ။

သို့သော် သုတေသီတို့ ကောက်ချက်ဆွဲသည်မှာ မြေကြီးထဲတွင်ရှိနေသော ဓာတ်သတ္တုတို့မှာ မြေအောက် ကျောက်ရည်ပူတို့၏ မြင့်မားသောအပူချိန်နှင့် ဖိအားတို့ကြောင့် ကာဗွန်ဒိုင်အောက်ဆိုက် ထွက်ပေါ်လာခြင်း ဖြစ်နိုင်သည်ဟု ယူဆကြသည်။

ထို့အပြင် အသက်ဝင်နေသော မီးတောင်နှင့် နီးကပ်စွာ တည်ရှိခြင်းကြောင့်လည်း ကာဗွန်ဒိုင်အောက်ဆိုက်များ ရှိနေခြင်း၏ အကြောင်းရင်း ဖြစ်နိုင်သည်။

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Inside Costa Rica’s ‘cave of death’ which kills all that enters (nypost) Photo Credit- Recreo Verde