နှစ်ဘက်အကျအဆုံးများမည့် နှင်းဆီ စီးခြင်းထိုးပွဲ (သို့မဟုတ်) ဘရက်ပစ်က ဇနီးဟောင်း အင်ဂျလီနာဂျိုလီကို ပြင်သစ်က ဧက ၁၀၀၀ စပျစ်ခြံကြီး ရောင်းချမှုဖြင့် တရားစွဲထားသည့်အမှု မကြာမီ တရားရုံးတွင် အမှုရင်ဆိုင်ရတော့မည်

ဟောလိဝုဒ်ကြယ်ပွင့် ဘရက်ပစ်သည် ဇနီးဟောင်း အင်ဂျလီနာဂျိုလီအား ပြင်သစ်နိုင်ငံရှိ နှစ်ဦးပိုင် ဧက ၁၀၀၀ ကျယ်ဝန်းသော စပျစ်ခြံနှင့် ဝိုင်ထုတ်လုပ်ရေးခြံဝန်းကြီးအား ပူးတွဲပိုင်ဆိုင်သူ မိမိအား အသိမပေးဘဲ သူမ၏ ဝေစုကို ရောင်းချခဲ့ခြင်းကြောင့် ၂၀၂၂ ခုနှစ်အတွင်း တရားစွဲခဲ့သည်။

စပျစ်ခြံကြီး၏ အမည်မှာ Château Miraval ဟု အမည်ရပြီး ပြင်သစ်နိုင်ငံတောင်ပိုင်းတွင် တည်ရှိသည်။

တစ်ဦးမသိဘဲ အခြားတစ်ဦးက မိမိ၏ ဝေစုအား မည်သည့်အခါမျှ မရောင်းချရန် နှစ်ဦး သဘောတူထားခဲ့ခြင်း ဖြစ်သည်။

သို့သော် လမ်းခွဲချိန်တွင် အင်ဂျလီနာဂျိုလီက သူမ ပိုင်ဆိုင်သော ပိုင်ဆိုင်မှုတစ်ဝက်ကို ဘရက်ပစ်အား အသိမပေးဘဲ ရောင်းချခဲ့ခြင်း ဖြစ်သည်။

ဘရက်ပစ်က တရားစွဲထားသော အဆိုပါအမှုကို ပလပ်ပေးရန် အင်ဂျလီနာ ဂျိုလီက တင်ပြခဲ့သော်လည်း ပယ်ချခံခဲ့ရရာ လာမည့် ၂၀၂၅ ခုနှစ်တွင် စတင်တရားရင်ဆိုင်ရတော့မည် ဖြစ်သည်။

၎င်းတို့နှစ်ဦးကြားမှ အမှုကို သတင်းမီဒီယာတို့က နှင်းဆီစစ်ပွဲဟု တင်စားထားကြသည်။

Chateau Miraval စပျစ်ခြံကြီးမှ ထုတ်လုပ်သည့် ဆုရဝိုင်တစ်မျိုးဖြစ်သော နှင်းဆီဝိုင်မှာ နာမည်ကြီးသည်။

(ဘရက်ပစ်နှင့် အင်ဂျလီနာဂျိုလီတို့၏ ဝိုင်ခြံကြီးအမှုကို လာမည့်နှစ်တွင် တရားရုံး၌ စတင်စစ်ဆေးတော့မည် ဖြစ်သည်) (အင်ဂျလီနာဂျိုလီကို နိုဝင်ဘာ ၁၂ ရက်က နယူးယောက်မြို့တွင် တွေ့ခဲ့ရပုံ)

(ဘရက်ပစ်နှင့် အင်ဂျလီနာဂျိုလီတို့သည် ပုံတွင်တွေ့ရသော Chateau Miraval ဝိုင်ခြံကြီးတွင် အတူနေထိုင်ခဲ့ကြဖူးပြီး ၂၀၁၆ ခုနှစ်တွင် လမ်းခွဲခဲ့ကြသည်)

နှစ်ဦးကြား အိမ်ထောင်ရေးအခြေအနေများနှင့်ပတ်သက်ပြီး အခြားသူတို့ကို မပြောရန် ဘရက်ပစ်က အင်ဂျလီနာ ဂျိုလီအား NDA စာချုပ်တွင် လက်မှတ်ထိုးခိုင်းခဲ့သည်ဟု ဆိုသည်။

တရားတဘောင်ဖြစ်လာခြင်းသည်ပင် အကျည်းတန်နေပြီဖြစ်သည့်အပြင် ဂျိုလီက ဘရက်ပစ်အပေါ် လက်စားချေရန် ကြိုးစားနေပြီး အခြားပုဂ္ဂိုလ်ရေးကိစ္စများ တပါတည်းဖြေရှင်းရန် ကြိုးစားနေခြင်းမှာ ပိုမိုအကျည်းတန်ကြောင်း အတွင်းလူတစ်ဦးက Dailymail သတင်းဌာနသို့ ပြောသည်။

အင်ဂျလီနာဂျိုလီက ဘရက်ပစ်၏ အိမ်တွင်းအကြမ်းဖက်မှုများအကြောင်း ထုတ်ဖော်လာခြင်းကို ရည်ညွှန်းခြင်းဖြစ်သည်။

ထိုသို့ အမှုနှင့် မသက်ဆိုင်သည့်အကြောင်းများ ဖော်ထုတ်လာခြင်းမှာ အမှုပိုမို ရှုပ်ထွေး ကြာရှည်စေမည်ဖြစ်ကာ နှစ်ဘက်လုံးအတွက် ဒေါ်လာ သန်းပေါင်းများစွာ ကုန်ကျစေမည် ဖြစ်သည်။

ပြီးခဲ့သော ရက်သတ္တပတ်အတွင်း တရားရုံးသို့ ဘရက်ပစ်၏ တင်သွင်းခဲ့မှုများတွင် ဝိုင်ခြံကြီး၏ ပိုင်ဆိုင်မှု ထက်ဝက်ကို အသိမပေးဘဲ မရောင်းရန် နှုတ်အားဖြင့် သဘောတူထားခဲ့မှုမှာ ဥပဒေအရ စည်းနှောင်မှုရှိကြောင်း၊ သို့သော် ဂျိုလီက ရုရှားစီးပွားရေးလုပ်ငန်းရှင် Yuri Shefler အား ရောင်းချခဲ့မှုမှာ သဘောတူညီချက်ကို ချိုးဖောက်မှုဖြစ်နိုင်ကြောင်း တွေ့ရှိသည်ဟု ဆိုသည်။

(ဘရက်ပစ်ကို Chateau Miraval ခြံကြီးတွင် စီးပွားဖက်တစ်ဦးဖြစ်သူ Marc Perrin နှင့်အတူ တွေ့ရပုံ)

(အင်ဂျလီနာ ဂျိုလီက သူ၏ ပိုင်ဆိုင်မှုထက်ဝက်ကို ရုရှားဘီလျံနာ Yuri Shefler (ပုံတွင်တွေ့ရသူ) ထံ ၂၀၂၁ ခုနှစ်အတွင်း ရောင်းချလိုက်သောကြောင့် ဘရက်ပစ်မှာ တုန်လှုပ်ခဲ့ရသည်)

အင်ဂျလီနာဂျိုလီအနေဖြင့် တရားသူကြီး၏ ယခုဆုံးဖြတ်ချက်ပေါ် ရက်ပေါင်း ၃၀ အတွင်း လော့စ်အိန်ဂျလိ တရားရုံးချုပ်တွင် အယူခံဝင်နိုင်သည်ဟု ဆိုသည်။

(ဘရက်ပစ်နှင့် အင်ဂျလီနာဂျိုလီတို့၏ ခြံမှထွက်သော နှင်းဆီဝိုင်မှာ နာမည်ကြီးသည်)

ဘရက်ပစ်သည် အင်ဂျလီနာ ဂျိုလီနှင့် ကလေးများအပေါ် အိမ်တွင်းအကြမ်းဖက်မှုများ နှစ်ပေါင်းများစွာ လုပ်ဆောင်ခဲ့ပြီး အင်ဂျလီနာ ဂျိုလီကိုလည်း အိမ်တွင်းရေးအကြောင်းများ အပြင်သို့ ထုတ်မပြောရန် NDA စာချုပ် လက်မှတ်ထိုးခိုင်းထားသည်ဟု ဆိုသည်။

နိုဝင်ဘာ ၂၅ ရက်တွင် တရားသူကြီးက ဘရက်ပစ်အား အိမ်တွင်းအကြမ်းဖက်မှုကို ဖုံးကွယ်ရန် ကြိုးစားသည့် စာရွက်စာတမ်းများကို ထုတ်ပြရန် ပြောခဲ့ကြောင်း အင်ဂျလီနာဂျိုလီ၏ ရှေ့နေ Paul Murphy က US Weekly သတင်းဌာနသို့ ပြောသည်။

(ဆက်စပ်သတင်း) ဘရက်ပစ်က ဇနီးဟောင်း အင်ဂျလီနာဂျိုလီအား ဧက ၁၀၀၀ ခြံ အသိမပေးဘဲ ရောင်းချမှုဖြင့် တရားစွဲ

https://www.imyanmarhouse.com/news/read/1019455

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767 သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Brad Pitt and Angelina Jolie set to face off in court as long-running battle over their Miraval winery heads to trial (dailymail) Photo Credit-dailymail