အမေရိကန်သမ္မတအဖြစ် ဒုတိယအကြိမ် အိမ်ဖြူတော်သို့ ပြန်ရောက်လာသူ ဒေါ်နယ်ထရမ့်၏ သမီးဖြစ်သူ အိုင်ဗန်ကာ ထရမ့်နေထိုင်သော မိုင်အမ်မီမှ ဒေါ်လာ ၂၄ သန်းတန် စံအိမ်ကြီး

၂၀၂၄ ခုနှစ်၊ အမေရိကန်သမ္မတရွေးကောက်ပွဲတွင် ဒီမိုကရက်ပါတီမှ ခါမလာ ဟဲရစ်ကို မဲအပြတ်အသတ်ဖြင့် အနိုင်ရကာ ဒုတိယအကြိမ် သမ္မတဖြစ်လာသူ ဒေါ်နယ်ထရမ့်သည် ဖလော်ရီဒါတွင် အောင်ပွဲခံ အခမ်းအနားကျင်းပခဲ့ရာ ၎င်း၏ သမီးဖြစ်သူ အိုင်ဗန်ကာ ထရမ့်မှာလည်း ဖခင်ဘေးတွင် ရပ်နေခဲ့ကာ အတှူရှိနေပြီး နိုင်ငံရေးဇာတ်ခုံပေါ်သို့ ပြန်လည်ရောက်ရှိလာသည်။

အိုင်ဗန်ကာသည် ဖခင်၏ ပထမသက်တမ်းတွင် အကြံပေးပုဂ္ဂိုလ်အဖြစ် တာဝန်ထမ်းဆောင်ခဲ့ဖူးသည်။ အဓိကအားဖြင့် ပညာရေးနှင့် စီးပွားရေးကဏ္ဍတို့အတွက် အကြံပေးတာဝန်ထမ်းဆောင်ခဲ့ခြင်း ဖြစ်သည်။

ဖခင်ဖြစ်သူ ဒေါ်နယ်ထရမ့် အိမ်ဖြူတော်မှ ၂၀၂၁ ခုနှစ်၊ ဇန်နဝါရီလတွင် ထွက်ခွာခဲ့ချိန်ကတည်းက နိုင်ငံရေးလောကကို ကျောခိုင်းထားသူ အိုင်ဗန်ကာအတွက် အလှည့်အပြောင်းကာလတစ်ခုသို့ ပြန်လည်ရောက်ရှိလာခြင်း ဖြစ်သည်။

အဆိုပါနှစ်များအတွင်း အသက် ၄၃ နှစ်အရွယ် အိုင်ဗန်ကာသည် A-list အကျော်အမော်တစ်ဦးကဲ့သို့ ဘဝဟန်ပန်မျိုးဖြင့် နေထိုင်ဖြတ်သန်းခဲ့ရာ ကမ္ဘာတဝန်းခရီးထွက်ခြင်း၊ ကမ္ဘာကျော်ကြယ်ပွင့်များစွာ လာရောက်သည့် ကော်ဇောနီပွဲများသို့ တက်ရောက်ခြင်းတို့ ပြုလုပ်နေသည့်အပြင် မိုင်အမ်မီမှ Indian Creek Island ရှိ ဒေါ်လာ ၂၄ သန်းတန် စံအိမ်ကြီးကို ဝယ်ယူကာ ခမ်းနားစွာ ပြန်လည်မွမ်းမံခြင်းများ ပြုလုပ်နေခဲ့သည်။

သားသမီး ၃ ဦးထွန်းကားထားသူ အိုင်ဗန်ကာသည် ဖခင်ဖြစ်သူ အိမ်ဖြူတော်မှ ထွက်ခွာခဲ့ရပြီးနောက်ပိုင်း ၂၀၂၁ ခုနှစ်၊ ဧပြီလတွင် မိုင်အမ်မီရှိ အိပ်ခန်း ၆ ခန်း၊ ရေချိုးခန်း ၈ ခန်းပါ စံအိမ်ကြီးကို ခင်ပွန်းဖြစ်သူ ဂျရက် ကွတ်ရှ်နာနှင့်အတူ ဝယ်ယူခဲ့သည်။

ဂျရက် ကွတ်ရှ်နာသည်လည်း ဒေါ်နယ်ထရမ့်၏ အကြံပေးပုဂ္ဂိုလ်အဖြစ် အိမ်ဖြူတော်တွင် တာဝန်ထမ်းဆောင်ခဲ့သူ ဖြစ်သည်။

အိုင်ဗန်ကာတို့စုံတွဲ ဝယ်ယူပြီးနောက်ပိုင်း ထွက်ပေါ်လာသော ဓာတ်ပုံများအရ ထိုအိမ်ကို အခွံထည်သာ ချန်ထားပြီး ဖြိုချဖျက်သိမ်းခဲ့ကာ အခမ်းနားဆုံးစံအိမ်ကြီးတစ်လုံးအဖြစ် ပြန်လည်ဆောက်လုပ်ခဲ့သည်ကို တွေ့ရသည်။

ထိုဒေသတွင် နေထိုင်သူများမှာ အလွန်တရာ ချမ်းသာကြွယ်ဝသူများဖြစ်ခြင်းကြောင့် ထိုအရပ်မှာ Billionaire Bunker ဟု အမည်တွင်နေသည်။

(ဒေါ်နယ်ထရမ့် သမ္မတတာဝန်မှ ပြီးဆုံးကာ အိမ်ဖြူတော်မှ ထွက်ခွာချိန် ၂၀၂၁ ခုနှစ်တွင် အိုင်ဗန်ကာတို့ ဇနီးမောင်နှံက မိုင်အမ်မီရှိ စံအိမ်ကို ကန်ဒေါ်လာ ၂၄ သန်းဖြင့် ဝယ်ယူခဲ့သည်။ ဓာတ်ပုံ-Instagram/ Ivanka Trump)

(ဝယ်ယူပြီးနောက် ပြန်လည်ဆောက်လုပ်မှု ပြုလုပ်ခဲ့ရာ ၃ နှစ်ခန့် အချိန်ယူဆောက်လုပ်ခဲ့ရသည်။ ဓာတ်ပုံ-Instagram/ Ivanka Trump)

(ယခင်က နီယိုးကလပ်စစ်ကယ်ဗိသုကာဟန်စံအိမ်ဖြစ်ပြီး ယခုအခါ မော်ဒန်ဗိသုကာဟန်ဖြင့် ဆောက်လုပ်ထားသည်။ ဓာတ်ပုံ-Instagram/ Ivanka Trump)

(အိပ်ခန်း ၆ ခန်းပါ စံအိမ်ဖြစ်ပြီး ထိပ်တန်း amenities များ ပါဝင်သည်။ ဓာတ်ပုံ-Instagram/ Ivanka Trump)

စံအိမ်ကြီးကို ၂ နှစ်ကျော် အချိန်ယူကာ ပြန်လည်ဆောက်လုပ်မှုများ ပြုလုပ်ခဲ့ပြီး စီမံကိန်းလက်စ မသတ်သေးမီ ၂၀၂၃ ခုနှစ်၊ နိုဝင်ဘာလအတွင်း အိုင်ဗန်ကာက မွေးနေ့ပါတီပွဲကို ဤစံအိမ်တွင် ကျင်းပခဲ့သည်။

အိုင်ဗန်ကာတို့စုံတွဲသည် ဤစံအိမ်ကို ဝယ်ယူရာတွင် အိမ်ခြံမြေချေးငွေ ဒေါ်လာ ၁၅ သန်းရယူကာ ဝယ်ယူခဲ့ခြင်း ဖြစ်သည်ဟု ဆိုသည်။

ဘီလျံနာသူဌေးကြီး Alex Meruelo နှင့် ဇနီးဖြစ်သူ Liset Meruelo တို့ထံမှ ဝယ်ယူခဲ့ခြင်း ဖြစ်သည်။

(အိုင်ဗန်ကာတို့ ဝယ်ယူခဲ့ချိန်က စံအိမ်မှာ နီယိုးကလပ်စစ်ကယ် ဗိသုကာဟန်ဖြင့် ဖြစ်သည်။ ဓာတ်ပုံ-Realtor)

(အိုင်ဗန်ကာတို့ စုံတွဲသည် စံအိမ်ကြီးကို ပြန်လည်ဆောက်လုပ်ရာတွင် အိမ်ရှေ့မှ ရေကန်အပါအဝင် မူရင်းလက်ရာအချို့ကိုမူ ဆက်လက်ထိန်းသိမ်းထားခဲ့သည်။ ဓာတ်ပုံ-Realtor)

(ခမ်းနားထည်ဝါလှသော double staircase ။ ဓာတ်ပုံ-Realtor)

(စံအိမ်ဟောင်းနေရာတွင် ခေတ်မီဒီဇိုင်းလက်ရာတို့ဖြင့် ပြောင်းလဲဆောက်လုပ်ခဲ့သည်။ ဓာတ်ပုံ-Realtor)

အိမ်ခြံမြေ ကိစ္စအဝဝနှင့် ပတ်သက်၍ ဥပဒေအကြံပေးပညာရှင်များနှင့် ဆွေးနွေးတိုင်ပင်လိုပါက iMyanmarHouse.com (အိုင်မြန်မာဟောက်စ်ဒေါ့ကွန်း) ၏ ဖုန်းနံပါတ်များဖြစ်သော 09-268022352 , 09-966901767  သို့ ဆက်သွယ်နိုင်ပါသည်။ အသေးစိတ်ကြည့်ရန် ဤနေရာကို နှိပ်ပါ။

ရောင်းရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

ငှားရန်အိမ်ခြံမြေများကို သင်စိတ်တိုင်းကျ ရှာဖွေရန်အတွက် ဤနေရာကို နှိပ်ပါ။

(iMyanmarHouse.com Team မှ ရေးသား ဖော်ပြသည်။)

Credit: iMyanmarHouse.com

Ref: Ivanka Trump’s Own White House: As the First Daughter Returns to Politics, Inside the $24 Million Miami Megamansion Where She’s Been Living the High Life (Realtor) Photo Credit- Instagram/ Ivanka Trump, realtor