မြို့ကြီး ပြကြီးများတွင် ကျန်းမာပျော်ရွှင်ဖွယ် နေအိမ်ခန်း တစ်ခန်း ဖန်တီးရခြင်းမှာ စိန် ခေါ်မှုများစွာရှိသည်။

အထူးသဖြင့် တိုက်ခန်းများတွင် နေထိုင်ကြသူများ အတွက် ကျန်းမာရေးနှင့်ညီညွတ်သည့် အခန်းတွင်းလေထု ရရှိရေးမှာ အခက်အခဲများစွာရှိသည်။

အောက်တွင် အခန်းတွင်းလေထုကို သန့်ရှင်းစင်ကြယ် အောင်ပြုလုပ်နိုင်သည့် ထိပ်တန်းသစ်ပင်ပန်းမန်များကို ဖော်ပြ ပေးထားပါသည်။

မျက်မှောက်ခေတ် ပြင်ပလေထုအရည်အသွေးမှာ ကမ္ဘာထိပ်တန်းမြို့ကြီးများအတွက် ရတက်မအေးဖွယ် အခြေ အနေသို့ ရောက်လာသည်။

အထူးသဖြင့် တရုတ်ပြည်၊ ပေကျင်းနှင့် အိနိ်္ဒယနိုင်ငံ ၊ ကာလကတ္တားကဲ့သို့ မြို့ကြီးများတွင် လေထုညစ်ညမ်းမှု ဆိုးရွားစွာ ရင်ဆိုင်နေကြရသည်။

အခန်းတွင်း လေထုညစ်ညမ်းမှုမှာမူ ပြင်ပလေထု ၏ ညစ်ညမ်းမှုအပြင် အခြားထပ်တိုးအချက်အလက်များ ကြောင့် နေအိမ်ပြင်ပထက် နေအိမ်ခန်းတွင်း လေထုမှာ ပိုမိုညစ်ညမ်း နေသည့်အခြေအနေများနှင့်လည်း ရင်ဆိုင်လာ ကြရသည်။

ကော်ဇော၊ အိမ်သုတ်ဆေး၊ ပရိဘောဂတို့မှ ထွက်ရှိသည့် အဆိပ်ငွေ့များမှ အစပြု၍ မျက်မှောက်ခေတ် လူသုံး ထုတ်ကုန် ပစ္စည်းများစွာမှာ အခန်းတွင်းလေထုသန့်စင်မှု အဆင့်ကို များစွာလျော့ကျစေသည့်အရာများဖြစ်သည်ကို သိရှိသူနည်းပါး လှသည်။

လေ့လာချက်များအရ အဆိုပါပစ်္စည်းများနှင့် ထိတွေ့မှု ကြောင့် ရေရှည်တွင် အဆုပ်ကင်ဆာအပြင် အသက်ရှူ လမ်းကြောင်းဆိုင်ရာ ပြဿနာများ ရင်ဆိုင်လာရသည်ဟု ဆို သည်။

အဆိပ်ဓာတ်များ

၁။ Formaldehyde
၂။ Xylene/toluene
၃။ Benzene
၎။ Ammonia
၅။ Alcohols
၆။ Acetone

ရင်းမြစ် ထုတ်လွှတ်သည့်ဓာတ်
က။ ကော်များ ၁ ၂ ၃ ၅
ခ။ လူနှင့်အိမ်မွေးတိရစ္ဆာန်များမှ ထုတ်လွှတ်မှု ၂ ၄ ၅ ၆
ဂ။ ကော်ဇော ၅
ဃ။ အလှကုန်များ ၅ ၆
င။ လိုက်ကာများ၊ အ၀တ်အစားများ ၁
စ။ မျက်နှာရှိ တစ်သျှူးများမှ ထုတ်လွှတ်မှု ၁
ဆ။ လက်သည်းဖျက်ဆေး ၆
ဇ။ ရုံးသုံး correction pen အရည်မှ ထုတ်လွှတ်မှု ၆
စ်။ အိမ်သုတ်ဆေး ၁ ၂ ၃ ၅
ည။ စက္ကူတစ်ရှုးလိပ်များ ၁
ဋ။ သုံးထပ်သားပြားများ ၁ ၂ ၃ ၅
ဌ။ မိတ္ထူကူးစက် ၂ ၃ ၄

ကံကောင်းသည်မှာ အခန်းတွင်းလေထုကို ထိရောက် စွာ သန့်စင်ပေးနိုင်မည့် အစွမ်းထက်သည့် အိမ်တွင်းစိုက်သစ်ပင် ပန်းမန်တို့ ရှိနေခြင်း ဖြစ်သည်။

အောက်ဖော်ပြပါ အပင်တို့မှာ တိုက်ခန်းဖြင့်နေထိုင် သူများအတွက် အခန်းတွင်းလေထုသန့်စင်ပေးရာတွင် အစွမ်း ထက်ဆုံး အပင်များဖြစ်ကြောင်း ဒေါက်တာ ဘီ-စီ-၀ူဗာတန်က ဆိုသည်။

ဒေါက်တာဝူဗာတန်သည် လကမ္ဘာတွင် လူသားတို့ ကာလကြာရှည်စွာအခြေချနေထိုင်နိုင်ရေးအတွက် အသက် ရှူနိုင်မည့်လေထုဝန်းကျင် ဖန်တီးနိုင်ရန် နာဆာအဖွဲ့ကြီးက ပြုလုပ်လျက်ရှိသော သုတေသနစီမံကိန်းတွင် ပါဝင်သည့် သိပ္ပံပညာရှင်တစ်ဦးလည်း ဖြစ်သည်။

အောက်ဖော်ပြပါအပင်တို့မှာ ကျွန်ုပ်တို့ ၀န်းကျင်ရှိ လူသုံးထုတ်ကုန်ပစ္စည်းများမှ ထုတ်လွှတ်နေသော အဆိပ်ငွေ့ များကို စုပ်ယူကာ အခန်းတွင်းလေထုသန့်စင်ပေးရာတွင် အစွမ်းထက်ဆုံးများဖြစ်ကြောင်း နာဆာ၏ သုတေသနတွင် ဖော်ပြသည်။

ယင်းအပင်အများစုမှာ စိုက်ပျိုးရလွယ်ကူသော်လည်း အချို့အပင်များမှာမူ အနည်းငယ်ဂရုစိုက်ရန် လိုအပ်သောအပင် များ ဖြစ်ကြသည်။

ဒေါက်တာ ၀ူဗာတန်က How to Grow Fresh Air အမည်ရှိ စာအုပ်အတွင်း ရေးသားဖော်ပြခဲ့ရာတွင် စတုရန်းပေ ၁၀၀ ပတ်လည် အခန်းတစ်ခန်းလျှင် အောက်ဖော်ပြပါအပင်များ အနက်မှ အလတ်စားနှင့် အကြီးစားအရွယ်ရှိသည့် အပင် အနည်းဆုံး ၂ ပင်ခန့် စိုက်ပျိုးသင့်ကြောင်း အကြံပြုထားသည်။

အချို့အပင်များမှာမူ အိမ်မွေးတိရစ္ဆာန်များအတွက် အဆိပ်သင့်နိုင်သည်ကိုလည်း သတိပြုရန် လိုလေသည်။

Boston Fern (ရုက္ခဗေအမည်- Nephrolepis Exaltata)

Boston Fern သည် နေအိမ်တွင်းစိုက်ပျိုးကြသည့် လေထုသန့်စင်ပေးနိုင်သော အပင်များအနက် အစွမ်းအထက် ဆုံးဖြစ်ပြီး လေထုအတွင်းသို့ ရေမှုန်များ များစွာထုတ်လွှတ် နိုင်ခြင်းကြောင့် နှစ်သက်ဖွယ်ဝန်းကျင်ကို
ဖန်တီးပေးနိုင်သည်။

မြန်မာနိုင်ငံအတွင်းတွင်မူ ပျိုးဥယျာဉ်ခြံများတွင် ၀ယ်ယူရရှိနိုင်ပြီး ငါးရိုးကျောက်ခက်ဟု ပန်းလောကတွင် ခေါ်ဝေါ်ကြသည်။

ဤအပင်မှာ လူနေမှုအရ အဆင့်မြင့်သည့်ဟန်ပန် လည်းပေါ်ပြီး စိုက်ပျိုးရလည်း အလွန်လွယ်ကူသည်။ သို့ရာတွင် ဂရုစိုက်ရမည့်အချက်အချို့ကား ရှိသည်။

ပထမအချက်အနေဖြင့် ငါးရိုးကျောက်ခက်သည် တိုက်ရိုက်နေရောင်ကျမှုကို မကြိုက်ချေ။ ထို့ကြောင့် ပြတင်း ပေါက်နှင့် ဝေးရာတွင် စိုက်ပျိုးရမည် ဖြစ်၏။

မကြာခဏ ရေဖြန်းခြင်း၊ အပင်ခြေရင်းကို ရေလောင်း ပေးခြင်းများ ပြုလုပ်ရမည်ဖြစ်သည်။

မြေကြီးခြောက်သည့်အထိ ထားပါက အရွက်များ ၀ါကာ ကြွေကျသွားမည်ဖြစ်ရာ အမြဲစွတ်စိုနေရန် ဂရုစိုက်ရမည် ဖြစ်သည်။

စွတ်စိုမှုအားကောင်းစေရန် ပြုလုပ်နိုင်သည့်နည်းလမ်း တစ်ခုမှာ စဥ့်ဗန်းခွက်ငယ်တစ်ခုအတွင်း ကျောက်တုံးကလေး များနှင့် ရေများဖြည့်ကာ အပေါ်တွင် ပန်းအိုးကိုထားသည့်နည်း လမ်းဖြစ်သည်။

Golden Pothos (Epipremnum Aureum)

Golden Pothos ကို မြန်မာပျိုးဥယျာဉ်လောကတွင် ရွှေလာဂမုန်းဟုခေါ်လေ့ရှိကြသည်။ (အခေါ်ကွဲပြားနိုင်ပါ သည်။) စိုက်ပျိုးရအလွယ်ဆုံးအပင်များတွင် ပါဝင်သည်။

တွဲလောင်းဆွဲ ပန်းခြင်းများနှင့် အုတ်ဘောင်စွန်း ပန်းစိုက်ကွက်နေရာများတွင် ကောင်းစွာဖြစ်ထွန်းသည်။ နံရံ များပေါ်သို့ နွှယ်တက်အောင်လည်း ပြုလုပ်နိုင်သည့်အပင် ဖြစ်သည်။

မည်သို့စိုက်စိုက် မသေနိုင်သည့်အပင်များတွင် ပါဝင် ခြင်းကြောင့် အပင်စိုက်ပျိုးသူများစွာ ရွေးချယ်လေ့ရှိကြသည့် အပင်မျိုးလည်း ဖြစ်သည်။

တိုက်ရိုက်နေရောင်မကျဘဲ လေ၀င်လေထွက်ကောင်း သည့်နေရာတွင်ထားလျှင် ပိုမိုဖြစ်ထွန်းမည် ဖြစ်သည်။

လျှပ်စစ်အလင်းအောက်တွင်လည်း ရှင်သန်နိုင်သည့် အပင်မျိုးဖြစ်သည်။ မြေကြီးစိုစွတ်မှုကို နှစ်သက်သော်လည်း အလွန်အကျွံ ရေမလောင်းရန် ဂရုပြုရမည် ဖြစ်သည်။

အုန်းမျိုးစိတ်ဝင် အပင်မျိုးစုံ (Palm Trees )

နေအိမ်ခန်းအတွင်း အုန်းမျိုးစိတ်ဝင်အပင်တစ်မျိုး မျိုး ထည့်သွင်းခြင်းအားဖြင့်လည်း မုတ်သုံရာသီရနံ့များ ရယူ နိုင်သည်။

အုန်းမျိုးစိတ်အပင်များသည် ထိန်းသိမ်းစိုက်ပျိုးရ အလွန် လွယ်ကူသည့်အပြင် လေထုသန့်စင်နိုင်စွမ်း ကောင်းမွန် သော အပင်များ ဖြစ်ကြသည်။
မြန်မာပြည်တွင်း ပျိုးဥယျာဉ်ဈေးကွက်တွင် အုန်းပွား၊ ဆစ်ဆောင်ပနား အစရှိသည့် အပင်မျိုးစိတ်များ ၀ယ်ယူရရှိ နိုင်ပါသည်။

ရာဘာပင် Rubber Plant (Ficus Elastica)

ရာဘာပင်ကိုမူ မြန်မာပြည် ပျိုးဥယျာဉ်လောကတွင် အတန်ကြာစုံစမ်းဝယ်ယူမှ ရနိုင်မည် ဖြစ်သည်။

အလင်းရောင်နည်းပါးသော အခန်းများတွင်ပင် ကောင်းစွာရှင်သန်နိုင်သည်။ အရွက်များမှာ သားရေကဲ့သို့ တောက်ပြောင်ထူထဲသဖြင့် အခန်းတွင်းတွင် စွဲဆောင်မှုရှိသည့် အလှတစ်မျိုးကို ပေးစွမ်းနိုင်မည် ဖြစ်သည်။

သစ်ခွ (Orchid)

သစ်ခွသည် နာမည်ကျော် အိမ်တွင်းစိုက် ပန်းပင်များ ဖြစ်ကြသည်။ အရောင်အသွေးစုံလင်စွာ ဖူးပွင့်ကြသည့် ပန်းတို့၏အလှကို ပန်းစိုက်သူများ မြတ်နိုးကြသည်။

သို့ရာတွင် သစ်ခွစိုက်သူအများစုမှာ ထိန်းသိမ်းစောင့် ရှောက် စိုက်ပျိုးနည်း မသိကြချေ။ အကယ်၍သာ သစ်ခွပင် များကို မည်သို့ထိန်းသိမ်းပြုပြင်ရမည်ကို သိနားလည်ပါက သစ်ခွပင်များနှင့် ပန်းများသည် သင့်အတွက် အမြဲပွင့်လန်း ဝေဆာပေးနေမည် ဖြစ်သည်။

ယေဘုယျအားဖြင့် ဆိုရလျှင် သစ်ခွအများစုမှာ ရေ အလွန်အကျွံလောင်းခြင်းကို မနှစ်သက်ဟု ဆိုနိုင်သည်။ သစ်ခွ မှာ အပူပိုင်းမိုးသစ်တောများတွင် ပေါက်ရောက်သည့် ဇစ်မြစ် များဖြစ်ခြင်းကြောင့် လူအများစုက သစ်ခွမှာ ရေကြိုက်မည်ဟု တွေးထင်ကြသည်။

သို့ရာတွင် OrchidCare.com ၏ အဆိုအရ ရေ လောင်းခြင်းနှင့် စပ်လျဉ်းပြီး အခြေခံအားဖြင့် သစ်ခွ ၃ မျိုး ရှိသည်ဟု ဆိုသည်။

ပထမတစ်မျိုးမှာ အမြဲတစေ စွတ်စိုနေခြင်းကို နှစ်ခြိုက်သည်။

ဒုတိယတစ်မျိုးမှာ ရေလောင်းသည့်တစ်ကြိမ်နှင့် တစ်ကြိမ်အကြား ခြောက်လုနီးပါးအထိ ထားခြင်းကို နှစ်ခြိုက် သည်။

တတိယတစ်မျိုးမှာ ရေလောင်းသည့်အကြိမ်များ အကြား ခြောက်သွားသည်အထိ ထားခြင်းကို နှစ်ခြိုက်ကြသည်။

Peace Lilly (Spathiphyllum)

Peace Lilly ကို မြန်မာပြည်တွင် ရှင်သီဝလီဂမုန်းဟု ခေါ်ကြသည်။ အိမ်တွင်းတွင် ရှင်သန်ဖူးပွင့်နိုင်ပြီး အလင်း ရောင်နည်းပါးခြင်းကိုလည်း ခံနိုင်ရည်ရှိသည်။

လေထုအတွင်း ရေမှုန်မြူများ ထုတ်လွှတ်လေ့ရှိပြီး ထိန်းသိမ်းစောင့်ရှောက်ရမှု နည်းပါးကာ တစ်နှစ်တာပတ်လုံး ပန်းများပွင့်လေ့ရှိသည်။

Peace Lilly သညBoston ferns နီးပါး လေထု သန့်စင်နိုင်မှု အဆင့်မြင့်မားသည့် အပင်ဖြစ်သည်။

Umbrella Tree
(Schefflera Brassaia Actinophylla)

Umbrella Tree ကို မြန်မာပျိုးဥယျာဉ်လောကတွင် စုံမပင်ဟု ခေါ်လေ့ရှိကြသည်။

ယင်းသို့ခေါ်ရခြင်း၏ အကြောင်းရင်းမှာ အရွက်အုံ တစ်ခုတွင် အရွက်ရေ စုံဂဏန်းဖြစ်နေပြီး အခြားတစ်အုံတွင်မူ မဂဏန်းဖြစ်နေလေ့ရှိခြင်းကြောင့် ဖြစ်သည်။

၈ ပေမှ အထက်အထိ မြင့်မားစွာ ပေါက်ရောက် လေ့ရှိသည့် အပင်မျိုးဖြစ်သော်လည်း နေအိမ်တွင်းတွင် စိုက်ပျိုး နိုင်မည့် အပင်ငယ်များကို ပျိုးဥယျာဉ်များတွင် အလွယ်တကူ ၀ယ်ယူရရှိနိုင်ပါသည်။

အလင်းရောင်ကို နှစ်သက်သော်လည်း အရိပ်ကျ သည့်နေရာများတွင်လည်း ကောင်းစွာရှင်သန်မှုရှိသည်။

Dumb Cane

Dumb Cane ကို မြန်မာပန်းသမားများက မယ်တော် ကြီးဂမုန်းဟု ခေါ်လေ့ရှိကြသည်။ (အခေါ်ကွဲပြားနိုင်ပါသည်။)

အရွက်များတွင် အစိမ်း၊ အဖြူနှင့် အ၀ါပျောက်တို့ ရောယှက် နေသည့် လှပသော indoor ပင်ဖြစ်ပြီး နေရောင်တစ်ဝက်၊ အရိပ်တစ်ဝက်ရှိသည့်နေရာများတွင် ကောင်းစွာဖြစ်ထွန်း သည်။

သတိပြုရမည့်အချက်မှာ စားသောက်မိပါက လူများ ပင် အဆိပ်သင့်တတ်ခြင်း ဖြစ်သည်။

Dumb Cane ဟူသော မူရင်းအမည်အတိုင်းပင် စားမိပါက စကားမပြောနိုင်သည်အထိ ဖြစ်သွားနိုင်သည်ဟု ဆိုသည်။

အပင်၏ အစေးများနှင့် ထိမိပါက လက်ကို ရေဖြင့် စင်ကြယ်အောင် အသေအချာဆေးကြောပေးရန် လိုလေသည်။
သာမန်အဆင့်ထက်ပိုသည့် လေသန့်စင်နိုင်စွမ်းရှိသည်။

Red Emerald (Philodendron Erubescens)

Red Emerald ကို ပျိုးဥယျာဉ်လောကတွင် ပိန်းပန်းဟု ခေါ်လေ့ရှိကြသည်။ စိုက်ပျိုးရလွယ်ကူပြီး အလင်းရောင် နည်းပါးသည့်နေရာများတွင်လည်း ကောင်းစွာရှင်သန်နိုင် သည်။ အရိပ်ရကာ နွေးထွေးသည့်နေရာများတွင်
အကောင်း ဆုံးဖြစ်ထွန်းသည်။

ဤဆောင်းပါးအတွက် လိုအပ်သည့်အချက်အလက်များ ကူညီပေးခဲ့သည့် သုခ၀တီပျိုးဥယျာဉ်ခြံမှာ ကိုဇော်နှင့် မနွေးနွေး တို့ကို အထူးကျေးဇူးတင်ရှိပါသည်။

ရှေရီ မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com