Knowledge | Posted by Zarni Kyaw
မကြာသေးမီရက်ပိုင်းက မိတ်ဆွေတစ်ဦးကို ရန်ကုန်မြို့ ပန်းဆိုးတန်းလမ်းတွင် တွေ့လိုက်ရသည်။
''သူငယ်ချင်းကို သတိရနေတာကြာပြီ၊ ဘယ်လိုဆက်သွယ်ရမှန်းမသိလို့။ ဆွေးနွေးတိုင်ပင်စရာရှိတာနဲ့ အတော်ပဲကွာ''ဟု အဆိုပါ မိတ်ဆွေက ကျွန်တော့်အား ပြောပါသည်။
ထို့နောက်နီးရာ လက်ဖက်ရည်ဆိုင်သို့ ခေါ်သွားသဖြင့် ကျွန်တော်လိုက်ပါသွားခဲ့ရပါသည်။
''ဒီလိုသူငယ်ချင်းရ''ဟု ဆိုပြီး ပြောပါတော့သည်။
''ပြီးခဲ့တဲ့ သုံးနှစ်လောက်က ပေ ၂ဝx ပေ ၆ဝ မြေကွက် တစ်ကွက်ကို ငါဝယ်လိုက်တယ်။ အခုမှ လူတစ်ယောက်ကလာပြီး ဒီ မြေကွက်ဟာ သူ့မြေကွက်ဖြစ်လို့ ဖယ်ပေးဖို့ပြောတယ်။ ငါကလည်း ဝယ်ထားတာဆိုတော့ ဖယ်မပေးနိုင်ဘူးပေါ့။ ဒါနဲ့အခု တရားစွဲခံထားရတယ်။ အဲဒါဘယ်လိုဖြစ်နိုင်သလဲ၊ ငါ့မိသားစု အမှုရှုံးနိုင်သလား''လို့ မေးလာပါသည်။
''မြေက ဂရန်မြေလား''
''ငါဝယ်တုန်းကတော့ ပါမစ်မြေပဲ။ အခုလာပြောတဲ့ သူကတော့ သူ့အမည်နဲ့ဂရန်အမည် ပေါက်နေပြီလို့ ပြောတာပဲ''
'ဟေ' ကျွန်တော် စိတ်လှုပ်ရှားသွားသည်။
''မင်းကဘယ်သူ့ဆီက ဝယ်လိုက်တာလဲ''
''ဘေးအိမ်က ဝယ်လိုက်တာ''
''ရောင်းတုန်းက သူက ဘာပြောလဲ''
''သူက အခုငါဝယ်ထားတဲ့ မြေကွက်လပ်အပါအဝင် ပေ၄ဝx ပေ၆ဝ မြေကွက်နဲ့ အိမ်လေးကိုသူ ဝယ်ထားတာခြောက်နှစ်လောက်ရှိ ပြီ ဖြစ်တယ်။ ဒီမြေကွက်လပ် ပေ ၂ဝx ပေ ၆ဝ ကို ရောင်းချင်တယ် ဆိုတာနဲ့ ငါ့မိတ်ဆွေတစ်ဦးက ဆက်စပ်ပေးလို့ ဝယ်ဖြစ်သွားတာကွာ''
''ရောင်းသူက မြေချပါမစ်ကို ထုတ်ပြသေးလား၊ မူရင်းကကော မင်းဆီမှာ ရှိလား''
''ရောင်းတဲ့သူကသူ့ဆီမှာ ရှိတဲ့ မြေချပါမစ်က သိမ်းထားတာ ဘယ်ပျောက်သွားမှန်းမသိလို့ မိတ္တူပဲရှိတယ်ဆိုပြီး မိတ္တူပဲရလိုက်တယ်။ ဂရန်မထွက်သေးတော့လည်း မှတ်ပုံတင်စာချုပ်ချုပ်လို့ မရဖြစ်နေတာပေါ့။ အခုတော့ သူတို့ကို အိမ်ငှားတွေဆိုပြီး ပေါ်လာတဲ့ မြေပိုင်ရှင်ဆိုသူက တရား စွဲထားတယ်''
''ကောင်းကွာ'' ကျွန်တော် စိတ်ရှုပ်သွားသည်။
''ငါတို့ကို ရောင်းလိုက်တဲ့ သူကတော့ သူဝယ်ထားတာပါလို့ ငြင်းနေတာပဲ''
''အင်း-မင်းပြောသလို မင်းတို့ကို ရောင်းလိုက်တဲ့သူဟာအမှန်တကယ်ဝယ်ထားတယ်ဆိုရင်တော့ သူ့လုပ်ပိုင်ခွင့်အရမင်းကို ကျန်တဲ့ မြေကွက် ပေ၂ဝx ပေ၆ဝ ရောင်းခွင့်ရှိတယ်။ တကယ်လို့ အိမ်ငှားအဖြစ်သာရှိလျက်နဲ့ သူ့လုပ်ပိုင်ခွင့်ကို ကျော်ပြီးမင်းတို့ ကို ရောင်းတယ် ဆိုရင်တော့ ရောင်းတဲ့သူမှာ အပြစ်ရှိမှာဖြစ်တယ်''
''ဒါနဲ့ ပတ်သက်လို့ မင်းသိအောင် တရားရုံးချုပ်က ဆုံးဖြတ်ထားတဲ့ အမှုတစ်ခုကို ပြောပြမယ်။ တစ်နေ့ကပဲ ရန်ကုန်တိုင်းတရားလွှတ်တော်မှာ ပြောဆိုတင်ပြခဲ့လို့ မှတ်မိနေတယ်။ ဒါပေမယ့် အဲဒီအမှုက တိုက်ခန်းဖြစ်နေတော့ မင်းအမှုနဲ့ တိုက်ရိုက်မသက်ဆိုင်ပေမယ့် အမှုဖြစ်စဉ်က တူညီနေတယ်''''ဒေါ်တင်မော် ပါ ၂ဦးနဲ့ ဦးမြသိန်း ပါ နှစ်ဦး ၂ဝဝ၄ ခုနှစ် မြန်မာနိုင်ငံ တရားစီရင်ထုံး စာမျက်နှာ ၈၉'' အမှုဖြစ်တယ်။
ရန်ကုန်တိုင်း တရားရုံးမှာ - ဒေါ်တင်မော်နဲ့ ဒေါ်သန်းသန်းဝင်းတို့က ဦးမြင့်သိန်းတို့အပေါ် ၄င်းတို့ ပိုင်ဆိုင်တဲ့ တိုက်ခန်းအတွင်း ကျူးကျော် ဝင်ရောက်နေထိုင်လို့ ဖယ်ရှားပေးစေလိုမှု တရားစွဲဆိုခဲ့တယ်။ - ရန်ကုန်တိုင်းတရားရုံးတော်က ဒေါ်တင်မော်တို့ စွဲဆိုသည့်အတိုင်း အနိုင်ဒီဂရီ ချမှတ်ပေးခဲ့တယ်။
ဦးမြင့်သိန်းတို့က တရားရုံးချူပ်သို့ အယူခံဝင်ပေမယ့် မ အောင်မြင်လို့ အထူးအယူခံ တင်သွင်းခဲ့တဲ့အမှုဖြစ်တယ်၊
အထူးအယူခံခုံရုံးက နှစ်ဖက်ကြားနာပြီး သုံးသပ်ဆုံးဖြတ်လိုက်တာကတော့ -
- ရန်ကုန်မြို့ပန်းပဲတန်းမြို့နယ်၊ လမ်း ၃ဝ၊တိုက်အမှတ် ၂၃၂ ပထမထပ်ကို ဒေါ်တင်မော်နဲ့ ဒေါ်သန်းသန်းဝင်းတို့က အပျောက်စနစ်ရဲ့ မူလပိုင်ရှင်ဆီမှ ဝယ်ထားတယ်။ - အိမ်လခတွေကို ဒေါ်တင်မော် အမည်နဲ့ မြေပိုင်ရှင်ထံ ပေးသွင်းထားတယ်။ - ဒေါ်တင်မော်ရဲ့ သားဖြစ်သူ ဦးတင်ထွန်းဝင်းက အချင်းဖြစ်တိုက်ခန်းမှာ ခေတ္တနေထိုင်ခွင့်ပြုရန် တောင်းခံတဲ့အတွက် ခွင့်ပြုပေးခဲ့တယ်။
- ဒေါ်တင်မော်နဲ့ ဒေါ်သန်းသန်းဝင်းတို့ နိုင်ငံခြားသို့ အလည်အပတ်သွားပြီး ပြန်အလာမှာ တိုက်ခန်းကိုသွားကြည့်တော့ သားဖြစ်သူ ဦးတင်ထွန်းဝင်း မဟုတ်ဘဲ။ ဦးမြင့်သိန်းတို့ မိသားစု တိုက်ခန်းအတွင်း ကျူးကျော်ဝင်ရောက်နေထိုင်တာကို တွေ့လိုက်ရတယ်။ - ဒါကြောင့် တိုက်ခန်းကနေ ဖယ်ရှားပေးဖို့ တရားစွဲဆိုတာပဲဖြစ်တယ်။
- ဦးမြင့်သိန်းတို့ဘက်ကတော့ မူလအိမ်ရှင် ဦးတင်ထွန်းဝင်းထံမှ အပြီးအပိုင် အရောင်းစာချုပ်နဲ့ ဝယ်ယူခဲ့ကြောင်း၊ ကျူးကျော် နေထိုင်ခြင်းမဟုတ်ဘဲ ပိုင်ရေးပိုင်ခွင့်အရ နေထိုင်ခြင်းဖြစ်တယ်လို့ ထုချေကြောင်းသုံးသပ်တယ်။
နောက်ဆုံးအထူးအယူခံရုံးက ဆုံးဖြတ်တာကတော့ - ဦးတင်ထွန်းဝင်းဟာ ဒေါ်တင်မော်ရဲ့ သားဖြစ်ပြီး ခေတ္တနေထိုင်ခွင့်ပေးခဲ့ခြင်းသာ ဖြစ်တယ်။ - ဦးတင်ထွန်းဝင်းက မူလပိုင်ရှင်ဦးခင်မောင်အေးထံမှ ဝယ်ယူထားတယ်ဆိုပေမယ့် အထောက်အထား တစ်စုံတစ်ရာပြနိုင်ခြင်းမရှိဘူး။ - ဒါကြောင့် ဦးတင်ထွန်းဝင်းဟာ မိခင် ဒေါ်တင်မော်နဲ့ ဒေါ်သန်းသန်းဝင်း တို့ရဲ့ ခွင့်ပြုချက် လွှဲအပ်ချက် တစ်စုံတစ်ရာမရှိဘဲ မိမိပိုင်လေဟန်ဖြင့် လိမ်လည်ပြီး လွှဲပြောင်းရောင်းချခဲ့ခြင်းဖြစ်တယ်။
- ဦးတင်ထွန်းဝင်းဟာ မိမိမှာမရှိတဲ့ အခွင့်အရေးကို သူတစ်ပါးအားလွှဲအပ်ပေးခဲ့ခြင်းဖြစ်တယ်။ - ဒါကြောင့် ဒီလွှဲပြောင်းရောင်းချခြင်းဟာ ဥပဒေနဲ့ ညီညွတ်မှာ မ ဟုတ်ကြောင်း၊အချင်းဖြစ်တိုက်ခန်းကို စီမံခန့်ခွဲခွင့်မရှိသူထံမှ လွှဲပြောင်း ဝယ်ယူခဲ့တဲ့ ဦးမြင့်သိန်း အနေဖြင့် ဥပဒေနဲ့ ညီညွတ်ခြင်း မရှိတဲ့အပြင် ဦးမြင့်သိန်းတို့အနေနဲ့ တရားဝင်လက်ဝယ်ထားပိုင်ခွင့်မရှိ လို့ ဆုံးဖြတ်ခဲ့ပါတယ်။
ဦးမြင့်သိန်းတို့ အနေနဲ့ ရောင်းသူ ဦးတင်ထွန်းဝင်း အပေါ်မှာ မိမိတို့နစ်နာမှုအတွက် လျော်ကြေးရပိုင်ခွင့်သာရှိတယ်လို့ ဆုံးဖြတ်ခဲ့တယ်။
''ဒီနေရာမှာ အဓိကမှတ် သားစရာကတော့ ဥပဒေဆိုရိုး စကားဖြစ်တဲ့ မည်သူမှ မိမိတွင် မရှိသည့် အခွင့်အရေးကို သူတစ်ပါးအားမအပ်နှင်းနိုင် (nemo.datguod non habet.) ဆိုတဲ့ စကားပဲ ဖြစ်တယ်။ အပ်နှင်းရင်လည်း တရားဥပဒေနှင့် မညီညွတ်လို့ ပျက်ပြယ်မှာပဲ ဖြစ်တယ်''လို့ ကျွန်တော်ရှင်းပြလိုက်မိသည်။
''ခင်ဗျားအမှုမှာလည်း ခင်ဗျားကို ရောင်းတဲ့သူဟာ မူလပိုင်ရှင်ထံမှ ပေ ၄ဝx ပေ ၆ဝ မြေကွက်ကို အမှန်တကယ် ငွေအပြီးအကြေပေးချေပြီး ဝယ်ခဲ့တယ်ဆိုရင် ပိုင်ဆိုင်မှုရှိတဲ့အတွက် မြေကွက်ကိုခွဲပြီး ပေ၂ဝx ပေ ၆ဝ အဖြစ်နဲ့ ခင်ဗျားကို ရောင်းပိုင်ခွင့်ရှိ မှာဖြစ်တယ်''
''ဒါပေမယ့် အိမ်ငှားအဖြစ်နဲ့ ရှိနေတာကို မြေကွက် တစ်ခုလုံး ဝယ်ထားပါတယ်ဆိုပြီး ခင်ဗျားကို တစ်စိတ်တစ်ပိုင်း ရောင်းချခြင်းဟာ လိမ်လည်ရောင်းတာဖြစ်တဲ့အတွက် အဲဒီအရောင်းအဝယ်ဟာ ပျက်ပြယ်ပြီး အရောင်းအဝယ်စာချုပ်ကလည်း တရားမဝင်ပျက်ပြယ်မှာဖြစ်တယ်။ * ''
ဤစကားကြောင့် မိတ်ဆွေမှာအနည်းငယ်မျက်နှာညှိုးငယ်သွားပြီး စိတ်ဓာတ်ရေးရာကျဆင်းသွားပုံ ဖြစ်ပေါ်လာပါသည်။
''ဒါပေမယ့် စိတ်မပျက်ပါနဲ့ဗျာ၊ တကယ်လို့ အရောင်းအဝယ်စာချုပ်ပျက်ပြယ်သွားရင်လည်း ခင်ဗျားအနေနဲ့ ရောင်းသူထံကနေ မြေရောင်းတန်ဖိုးနဲ့ နစ်နာကြေးတောင်းခံခွင့်ရှိပြီး ဥပဒေအရ အမှန်တကယ် ရပိုင်ခွင့်ရှိမှာ ဖြစ်တယ်''လို့ ရှင်းပြရ ပါသည်။
ထို့ကြောင့် အိမ်ခြံမြေဝယ်သူများအနေဖြင့်
* ပြောစကားကို လွယ်လွယ်ကူကူယုံကြည်၍ မဝယ်သင့်ပေ။ * မြေကွက် အမည်ပေါက် ရှင်း/ မရှင်း၊ * အမည်ပေါက် ကွယ်လွန်ခြင်းရှိ/ မရှိ။ * လင်မယားဖြစ်လျှင် နှစ်ဦးစလုံးကရောင်းချခြင်းကို သဘောတူညီမှု ရှိ/ မရှိ၊ * စာရွက် စာတမ်း မူရင်းများရှိ/ မရှိတို့ကို သေချာစုံစမ်း၍ မှတ်ပုံတင်စာချုပ် ချုပ်ဆိုဝယ်ယူသင့်ပါကြောင်းအကြံပြုရေး သားလိုက်ပါသည်။
Credit: ထီယု (ဥပဒေအတိုင်ပင်ခံ)
