အိပ်ခန်းဟူသည် အိပ်ရန်သက်သက်မျှ မဟုတ်ချေ။ ပြင်ပကမ္ဘာ၏ ကြမ်းရှခက်ထန်မှုများဆီမှ ခေတ်္တ ခွာစစ်ဆင်ကာ ခိုလှုံရာ ဆိပ်ငြိမ်ရိပ်မြုံတစ်ခုလည်း ဖြစ်ချေသည်။ ထိုမျှ အရေးပါလှသည့် နေရာတစ်ခုကို အလှဆင် မွမ်းမံတော့မည်ဆိုပါက ဆိတ်ငြိမ်မှုကို ဦးစွာအလေးထားရမည်ဖြစ်၏။
အကယ်၍ သင့်အိပ်ခန်းအလှဆင်ရန် နည်းစနစ်များ လေ့လာနေသည်ဆိုပါက အောက်ဖော်ပြပါ နည်းလမ်းများကို အသုံးပြုကာ သင်၏အိပ်မက်ကိုလက်တွေ့ အကောင်အထည် ဖော်ကြည့်ပါလေ။
(က) အိပ်ခန်းထဲတွင် စာဖတ်ရန် ချောင်နေရာလေး တစ်ခုထည့်သွင်းပါ။
လူအများစုသည် အိပ်ရာထဲတွင် လဲလျောင်း ရင်းသာ စာဖတ်လေ့ရှိကြ၏။ ထိုသို့ဖတ်ရှုခြင်းမှာ သွေးလေးစေသည့်အပြင် ကြီးမားသောစာအုပ်များ ဆိုပါက သင့်အတွက် သက်သောင့်သက်သာ မရှိနိုင် ချေ။
သို့ဖြစ်ရာ စာအုပ်တစ်အုပ်၊ ကော်ဖီတစ် ခွက်ဖြင့် သင့်အတွက် ဆိတ်ငြိမ်အေးချမ်းသည့်နေရာ ကလေးတစ်ခု အဘယ့်ကြောင့် မထားရှိနိုင်ရှိရပါမည်နည်း။
ပြုလုပ်ရမည်မှာ အခန်းထောင့် တစ်နေရာ ကို ရွေးချယ်ကာ စာအုပ်စင်များဖြင့် ၀န်းပတ်လိုက်ပါ။
ပြတင်းပေါက်ကို နောက်ခံအဖြစ်ရှိပါစေ။ နောက်ဆုံး သင့်အတွက်လိုအပ်သည်မှာ သက်သောင့် သက်သာရှိမည့် ပက်လက်ကုလားထိုင်တစ်လုံးသာ ဖြစ်လေသည်။
(ခ) ကုတင်နောက်ဘက် နံရံဘုတ်ပြားကို ခပ်ကြီးကြီးလုပ်ပါ။
အိပ်ရာကုတင်၏ နောက်ဘက် ဘုတ်ပြားအကြောင်း စဉ်းစားမည်ဆိုပါ က ကြီးကြီးမားမားသာ စဉ်းစားပါ။
မျက်နှာကျက်အထိ ရောက်သည့် နံရံဘုတ်ပြားမှာ သင့်အိပ်ခန်း၏ မြင်ကွင်းပသာဒကို တစ်မျိုးတစ်ဖုံသစ်ဆန်း စေနိုင်လေသည်။
နံရံတစ်ခုလုံးကို ဖောင်းကြွများ ဖြင့် ပုံဖော်နိုင်သည့် နည်းတူ၊ နံရံမြှုပ် စာအုပ်စင်လည်း ဖန်တီးနိုင်သည်။
မည်သို့ပုံဖော်ရန် စိတ်ကူးအိပ်မက် သည်ဖြစ်စေ၊ ကြီးကျယ်ခမ်းနားစွာ တွေးခေါ်ရန် မကြောက်ပါနှင့်။
(ဂ) ဖုန်းရွှေအစီအရင်သုံးခြင်း
တခါတရံတွင် သင့်အိပ်ခန်းကို အကောင်းဆုံးအလှ ဆင်နည်းများဖြင့် အလှဆင်ရန်အတွက် ဖုန်းရွှေကို မဖြစ်မနေ လေ့လာလိုက်စားရမည်ဟု မတိုက်တွန်းလိုပါ။ သို့ရာတွင် ဖုန်း ရွှေအစီအရင်များသည် ဦးနှောက်ခြောက်လောက်အောင်လည်း ခက်ခဲမှုမရှိလှပါ။
အိပ်ရာကုတင်ဘေး တစ်ဘက် တစ်ချက်စီတွင် ညအိပ် မီးခုံပုတစ်လုံးစီ ထားပေးခြင်း (သို့မဟုတ်) အိပ်ရာကုတင်ကို ပြတင်းပေါက်ဘေးတွင် ထားပေးခြင်း အစရှိသည့် ပြင်ဆင်ထား သိုမှုများမှာ သင့်ဦးနှောက်ခြောက်လောက်အောင် ခက်ခဲစွာ စဉ်းစားနေရမည့်အရာများ မဟုတ်ချေ။
ဖုန်းရွှေပညာသည် ဒီဇိုင်းကောင်းများကိုလည်း ရရှိစေ နိုင်သည်ဖြစ်ရာ သင့်အနေဖြင့် အချိန်အနည်းငယ်ပေး၍ကား လေ့လာသင့်လေသည်။
(ဃ) ဇိမ်ကျကျနေပါ။
တစ်နေ့တာလုံး အလုပ်လုပ် ပြီးချိန် ပိုးသားခင်းမွေ့ရာ ပေါ်တွင် အိပ်စက်လဲလျောင်းကာ လင်းဖျဖျ မီးပန်းဆိုင်းအောက် တွင် နှစ်နှစ်ခြိုက်ခြိုက် အိပ်မောကျရသည့် အရသာထက် မည် သည့်အရာကမျှ ပို၍မကောင်းနိုင်ချေ။
သင်၏ နေအိမ်ကို အထက်တန်းကျကျ မွမ်းမံမည် ဆိုပါက အိပ်ခန်းဆောင်မှာ အလေးပေးရမည့် နေရာလည်းဖြစ် သည်။ နူးညံ့အိစက်သည့် ကတ္တီပါသား ကုလားထိုင်များကို ရွေး ချယ်ပါ။
(င) လွတ်လပ်သည့် အရသာ
ဇိမ်ကျသည့်နေထိုင်မှုဟန်ပန်မျိုး မွမ်းမံရမည်ဟု လူ တိုင်းကိုမူ မဆိုလိုပါ။
အကယ်၍ သင့်အနေဖြင့် ရိုးစင်းသည့်ဘ၀မျိုးကို နှစ်သက်သည်ဆိုပါက လွတ်လပ်ပေါ့ပါးသည့်ဟန်ပန်များဖြင့် သင့်အိပ်ခန်းကို မွမ်းမံနိုင်သည်။
ရိုးစင်းလွတ်လပ်သည့်ဒီဇိုင်းများသည် စိတ်ကူးယဉ် ဆန်မှုကို ပေးစွမ်းနိုင်ရုံမျှမက ကိုယ်ပိုင်ဖန်တီးမှုကိုလည်း အား ပေးလေသည်။
ဆန်းသစ်သည့်အနုပညာလက်ရာများကို တောက်ပ သစ်လွင်သည့် အထည်အလိပ်ရောင်စုံများဖြင့် မွမ်းမံကာ အိပ်ခန်းအတွင်း အိမ်တွင်းစိုက် သစ်ပင်ပန်းမန် (indoor-plants) အများအပြား စိုက်ပျိုးထားခြင်းများ ပြုလုပ်နိုင်သည်။
သို့ဆိုပါက အိပ်ခန်းဆောင်သည် မြေကြီးနှင့် တိုက်ရိုက်ထိတွေ့နေသကဲ့သို့ ခံစားမှုရရှိနိုင်မည့်အပြင် နံနက် ခင်းအလင်းအောက် အိပ်ရာနိုးထလာချိန်တွင် စိမ်းလန်း သောမြင်ကွင်းများဖြင့် သင့်အာရုံကို လန်းဆန်းစေမည်လည်း ဖြစ်သည်။
(စ) စားပွဲတစ်လုံးစာ နေရာရှာပါ။
လူတိုင်းတွင် သီးခြားရုံးခန်းတစ်ခု မရှိတတ်ကြ။ သင်၏ နွေးထွေးလှပသော အိပ်ခန်းကလေးအတွင်း စာရေးစားပွဲ တစ် လုံးထည့်သွင်းလိုက်ပါက အရာရာ ပြီးပြည့်စုံသော နေရာလေး တစ်ခု ဖြစ်သွားစေမည်ဖြစ်သည်။
အလင်းရောင်နှင့် ရူခင်းကောင်းသည့် မြင်ကွင်းရ နိုင်သော မှန်ပြတင်းများ ရှိနေမည်ဆိုလျှင်ကား ဘုရားပေးသည့် လက်ဆောင်ပင်။
ယင်းသို့သော အနေအထားမျိုးတွင် သင်လုပ်ရန်မှာ အိပ်ခန်းကို ကျဉ်းကျပ် မသွားစေမည့် သင့်လျော်သော စားပွဲ တစ်လုံးနှင့် စတိုင်ကျသော ရုံးသုံးကုလားထိုင်တစ်လုံး ရှာဖွေ ရန်သာ လိုပါသည်။
ရှေရီ မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com
