မြန်မာနိုင်ငံကိုယ်စားပြု အသက်ငယ်ဆုံး သံတမန်ဆုကို ယူဆောင်ခဲ့တဲ့ နေဦးခ

မြန်မာနိုင်ငံကိုယ်စားပြုအသက်ငယ်ဆုံး သံတမန်ဆုကိုဆွတ်ခူး ရရှိခဲ့ပြီး တေးစီးရီးခွေထွက်ဖို့ကြိုးစားရင်း အနုပညာအလုပ်တွေကိုစတင်လျှောက်လှမ်းလာတဲ့ Mister Asia University ၂၀၁၆ နေဦးခနှင့်တွေ့ဆုံမေးမြန်းခဲ့ပါတယ် . . .





အခုလတ်တလောကတော့အနုပညာအလုပ်တွေခဏနားထားပါတယ်။ ၁၉ နှစ်ပြည့်မွေးနေ့အတွက် ကိုယ်ရင်ဝတ်ထားတော့ ကတုံးလည်းဖြစ်နေတယ်။ အခွေထွက်ဖို့ပဲ အားရင်လုပ်ဖြစ်ပါတယ်။ သံတမန်ဖြစ်သွားရတဲ့အကြောင်းရင်းကကျွန်တော်က Photo Model ကိုသဘောကျတယ်။ အသက်ကငယ်ပေမယ့်အရပ်နဲ့လူကောင်ကထွားတော့လူကြီးကတွေ ၀င်ပြိုင်ခိုင်းတယ်။ အဖွဲ့အစည်းတွေဆီမှာမော်ဒယ်ကို သိပ်စိတ်မ၀င်စားခဲ့ဘူး။ ကိုယ်ခန်္ဓာပြိုင်ပွဲပြိုင်ရင်းနဲ့မော်ဒယ်ကနေ Mister ဖြစ်နိုင်တယ်ဆိုတာရယ်၊ သူများနိုင်ငံမှာကိုယ်ကမြန်မာတစ်ယောက်အနေနဲ့ကိုယ်စား ပြုပြိုင်ရတာကြောင့်ရယ်၊ မြန်မာအဖွဲ့အစည်းအချို့ကသာမန် Team ထဲမှာပဲ ၀င်ပြိုင်စေချင်တာပါ။ ဒါပေမဲ့ကျွန်တော်ခန်္ဓာကိုယ်ကြီးထွားမှုရယ်၊ အရပ်က ၆ ပေနဲ့ ၃ လက်မရှိတော့ပွဲကြီးထဲကို ၀င်ပြိုင်ဖြစ်သွားတာပါ။ ကမ်္ဘာပေါ်မှာအသက်အငယ်ဆုံးသံတမန်ဆုကိုရခဲ့တာပါ။ သွားပြိုင်ဖြစ်ပေမယ့်မော်ဒယ်သင်တန်းသေချာမတက်ဖြစ်ဘဲပြိုင်တဲ့အတွက်တော့ကိုယ့်ကိုယ်ကိုယ်အခက်အခဲနဲ့လိုအပ်ချက်တွေရှိသေးတယ်လို့မြင်ပါတယ်။





အခုတော့ Body ပိုင်းကိုလည်း သေချာလေကျင့်နေပါတယ်။ လိုအပ်တဲ့သင်တန်းတွေလည်း တက်သွားမှာပါ။ ပြီးတော့စီးရီး အတွက်ကိုလည်း ကြိုးစားနေပါတယ်။ သရုပ်ဆောင်ဘက်ကိုတော့ လတ်တလောမလုပ်သေးပါဘူး။ လိုအပ်ချက်တွေလည်း များသေး တော့ ၀ါသနာအရတော့ ဓာတ်ပုံရိုက်တာရယ်၊ နိုင်ငံကိုယ်စားပြုပြိုင်ပွဲတွေရယ်၊ သီချင်းဆိုတာကိုလုပ်သွားမှာပါ။ ဖက်ရှင်နဲ့ပတ်သက်လို့ ဒီရာသီဥတုနဲ့ကိုက်ညီတာတော့မသိပေမယ့် ဂျင်းဘောင်းဘီအရှည်ကိုရှပ်လက်ရှည်ခေါက်ပြီး ၀တ်ရတာ ကြိုက်ပါတယ်။ အိမ်မှာဆိုရင်တော့ဘောင်းဘီတို၊ စွပ်ကျယ်နဲ့ပဲနေဖြစ်ပါတယ်။





နေထိုင်မှုပုံစံကတော့ ခြံနဲ့ဝန်းနဲ့ပုံစံနေရတာ ပိုသဘောကျတယ်။ ရန်ကုန်လိုမျိုး တိုက်ခန်းတွေပြွတ်သိပ်နေတာမျိုး မကြိုက်ဘူး။ မန်္တလေးမှာတုန်းကတိုက်နဲ့နေပေမယ့်လည်း ရန်ကုန်မြို့လို မဟုတ်ဘူး။ ကျယ်လည်းကျယ်တယ်၊ တစ်တိုက်လုံး က ကိုယ့်တိုက်ဆိုတော့လွတ်လွတ်လပ်လပ်ပဲနေရတာကြိုက်တယ်။ ဇာတိကန်္တလေးပါ။ အနုပညာနဲ့ပညာရေးအတွက်ရန်ကုန်မှာလာနေဖြစ်တာပါ။ စိတ်ကူးထဲကအိမ်ဆိုရင်လုံးချင်း နှစ်ထပ်လေးမှာ ခြံဝန်းကျယ်လေးနဲ့ ခွေးလေးမွေးမယ်။ ရေကူး ကန်ပါမယ်။ ခြံလေးကလည်း စိမ်းစိမ်းစိုစိုလေးနဲ့ဖြစ်ချင်ပါတယ်။ အခုလက်ရှိအိမ်နဲ့ထပ်တူကျသလားဆိုတော့ရေကူး ကန်ပါမယ်ဆိုထပ်တူကျပါတယ်။





ဘုရားခန်း


ဘုရားစင်ကိုအရင်တုန်းကတော့အိပ်ခါနီးရှိခိုးတာများ တယ်။ အခုကိုယ်ရင်ဝတ်ပြီးတော့ ပြန်ထွက်လာတဲ့နောက်ပိုင်း မနက်တိုင်း ရှိခိုးဖြစ်တယ်။ ပန်းတွေဆီမီးတွေနဲ့ပူဇော်ဖြစ်ပါတယ်။ တရားလည်း ထိုင်ဖြစ်ပါတယ်။





ဧည့်ခန်း


ဧည့်ခန်းကို အရမ်းရှုပ်ယှက်ခတ်တာမျိုး မကြိုက်တော့ရှင်းရှင်းလင်းလင်းပဲဆိုဖာရှိမယ်၊ မုန့်စားစားပွဲတစ်လုံးရှိမယ်၊ တီဗွီစင်ရှိမယ်၊ ဧည့်ခန်းသွားတဲ့လမ်းတစ်လျှောက်မှာတော့ကျွန်တော်ဆုရခဲ့တဲ့အမှတ်တရတွေ၊ ညီမလေးကပညာရေး အရမ်းထူးချွန်တော့သူရခဲ့တဲ့ဆုတွေချိတ်ထားပါတယ်။





အိပ်ခန်း


အိပ်ခန်းကိုကျွန်တော်အရမ်းသဘောကျတယ်။ ဘာဖြစ်လို့လဲဆိုတော့ကျွန်တော်ကစတုဒီယိုအခန်းမှာအိပ်တာအိမ်လုံးချင်း တစ်ထပ်လိုအိမ်မကြီးရဲ့ဘေးမှာဆောက်ပေးထားတယ်။ သီချင်းသွင်းတဲ့အခန်းရှိတယ်။ အသံသွင်းတဲ့အခန်းရှိတယ်။ ရက်ပ်ပါတွေအရမ်းကြိုက်တဲ့စက်ပရေးနဲ့ဆေးမှုတ်ထားတယ်။ အဲဒီမှာပဲအိပ်တာများပါတယ်။ ဂစ်တာတွေရှိတယ်။ မိုက်တွေ၊ှသကညိ သြထ တွေရှိတယ်။ အဲဒါကြောင့်အိပ်ခန်းကိုကြိုက်ပါတယ်။


အနုပညာအလုပ်တွေကိုနောက်လလောက်ပြန်ပြီး စလုပ်ဖြစ်မှာပါ။ နိုင်ငံကိုယ်စားပြုအနေနဲ့ထပ်သွားချင်ပါတယ်။ အဲဒီအတွက်လည်း ကြိုးစားနေပါတယ်။ ပရိသတ်ကြီးလည်း အားပေးပါအုံး။





နန္ဒာယမင်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အင်တာဗျူး၍ ဖော်ပြပေးပါသည်။
Credit: iMyanmarHouse.com