ပြည်ပ အိမ်ခြံမြေ သတင်း | Posted by စည်သူအောင်
[Unicode]
သိပ္ပံဆန်းကြယ်ရုပ်ရှင်များတွင် စက်ပစ္စည်းများ (သို့မဟုတ်) လျှပ်စစ်စွမ်းအင်မလိုဘဲ လေထုဲမှ ရေကို ထုတ်လုပ်လိုက်ပုံ ဇာတ်ဝင်ခန်းများ တွေ့ဖူးကြသည်။ ယခုအခါတွင်မူ စင်္ကာပူ အမျိုးသားတက္ကသိုလ် (NUS) မှ သုတေသနပညာရှင်များက အမှန်တကယ်ဖြစ်လာအောင် တီထွင်လိုက်ကြပြီ ဖြစ်သည်။
စင်္ကာပူ အမျိုးသားတက္ကသိုလ် (NUS) ၏ လျှပ်စစ်နှင့် ကွန်ပြူတာ အင်ဂျင်နီယာဌာနမှ အဖွဲ့တစ်ဖွဲ့က Aerogel (သမားရိုးကျ ဂျယ်လ်များမှ အရည်ကို ဖယ်ရှားကာ ထုတ်လုပ်ထားသည့် သိပ်သည်းဆအလွန်နည်းပါးသော အခဲပစ္စည်း) တစ်မျိုးကို တီထွင်လိုက်ကြသည်။
အဆိုပါ ပစ္စည်းသည် ဘက်ထရီ (သို့မဟုတ်) စွမ်းအင်မလိုဘဲ လေထုရေငွေ့အမှုန်များကို သောက်ရည်အဖြစ် သိပ်သည်းအောင် ပြုလုပ်ပေးခြင်း ဖြစ်သည်။
စိုထိုင်းဆများသော နေရာများတွင် Aerogel ၁ ကီလိုဂရမ်ဖြင့် တစ်ရက်လျှင် ရေ ၁၇ လီတာ ထုတ်လုပ်ပေးနိုင်ကြောင်း၊ အဆိုပါ ပမာဏသည် အိမ်ထောင်စုတစ်စုအတွက် တစ်နေ့တာလုံလောက်ကြောင်း NUS က ဇန်နဝါရီလ ၁၉ ရက်တွင် သတင်းမီဒီယာများသို့ ထုတ်ပြန်ခဲ့သည်။
ဓာတ်ခွဲခန်းစမ်းသပ်ချက်များအရ အဆိုပါပစ္စည်းသည် ရေကို မရပ်မနား ၁၄၄၀ နာရီ (သို့မဟုတ်) ၂ လဝန်းကျင် ထုတ်လုပ်ပေးသည်ကို တွေ့ရကြောင်း NUS ၏ ထုတ်ပြန်ချက်တွင် ဖော်ပြသည်။
အဆိုပါ Aerogel ကို ပိုလီမာဟုခေါ်သော ရှည်လျားသည့် မော်လီကျူးများဖြင့် ပြုလုပ်ထားပြီး ရေကို ဆွဲငင်ခြင်းနှင့် တွန်းထုတ်ခြင်းများ အဆက်မပြတ်ပြုလုပ်ပေးသည်။
ယင်းပစ္စည်းသည် လေထုထဲမှ ရေမော်လီကျူးများကို အလိုအလျောက် စုစည်းပေးပြီး အရည်အဖြစ် သိပ်သည်းအောင်ပြုလုပ်ကာ ရေကို ထုတ်လုပ်ပေးခြင်းဖြစ်ကြောင်း NUS က ထုတ်ပြန်သည်။
ထိုသို့စုဆောင်းရရှိသော ရေငွေ့အားလုံးနီးပါး (သို့မဟုတ်) ၉၅ ရာခိုင်နှုန်းမှာ ရေအဖြစ် ထွက်ရှိလာခြင်း ဖြစ်သည်။
သုတေသနပညာရှင်များက ထွက်ရှိလာသောရေကို စမ်းသပ်စစ်ဆေးမှုများပြုလုပ်ရာ သောက်ရေသန့်အတွက် ကမ္ဘာ့ကျန်းမာရေးအဖွဲ့ကြီး (WHO) က သတ်မှတ်ထားသော စံချိန်စံညွှန်းများနှင့် ကိုက်ညီသည်ကို တွေ့ရသည်ဟု ဆိုသည်။
ယခင်ကလည်း သိပ္ပံပညာရှင်တို့သည် လေထုအတွင်းမှရေကို ထုတ်ယူနိုင်မည့် အခြားနည်းလမ်းများ တီထွင်ခဲ့ကြသော်လည်း အဆိုပါ နည်းလမ်းများသည် နေရောင်ခြည်စွမ်းအင် (သို့မဟုတ်) လျှပ်စစ်စွမ်းအင်များ လိုအပ်သည့် နည်းလမ်းများ ဖြစ်ကြသည်။
ယခုအခါ သုတေသနပညာရှင်များက ပြည်တွင်း (သို့မဟုတ်) စက်မှုလုပ်ငန်းသုံးအတွက် aerogel များ အလုံးအရင်း ထုတ်လုပ်မည့် စက်မှုလုပ်ငန်းမိတ်ဖက်များ ရှာဖွေလျက်ရှိသည်။
(iMyanmarHouse.com Team မှ ရေးသား ဖော်ပြသည်။)
Credit: iMyanmarHouse.com
Ref: NUS researchers create aerogel that turns air into drinking water (todayonline)
[Zawgyi]
စကၤာပူအမ်ဳိးသားတကၠသိုလ္မွ သုေတသီမ်ားက ေလထုအတြင္းမွ ေသာက္ေရထုတ္ယူေပးႏိုင္မည့္ ဓာတ္ပစၥည္းတစ္မ်ဳိး တီထြင္
သိပၸံဆန္းၾကယ္ရုပ္ရွင္မ်ားတြင္ စက္ပစၥည္းမ်ား (သို႔မဟုတ္) လွ်ပ္စစ္စြမ္းအင္မလိုဘဲ ေလထုဲမွ ေရကို ထုတ္လုပ္လုိက္ပံု ဇာတ္ဝင္ခန္းမ်ား ေတြ႔ဖူးၾကသည္။ ယခုအခါတြင္မူ စကၤာပူ အမ်ဳိးသားတကၠသိုလ္ (NUS) မွ သုေတသနပညာရွင္မ်ားက အမွန္တကယ္ျဖစ္လာေအာင္ တီထြင္လုိက္ၾကျပီ ျဖစ္သည္။
စကၤာပူ အမ်ဳိးသားတကၠသိုလ္ (NUS) ၏ လွ်ပ္စစ္ႏွင့္ ကြန္ျပဴတာ အင္ဂ်င္နီယာဌာနမွ အဖြဲ႔တစ္ဖြဲ႔က Aerogel (သမားရိုးက် ဂ်ယ္လ္မ်ားမွ အရည္ကို ဖယ္ရွားကာ ထုတ္လုပ္ထားသည့္ သိပ္သည္းဆအလြန္နည္းပါးေသာ အခဲပစၥည္း) တစ္မ်ဳိးကို တီထြင္လိုက္ၾကသည္။
အဆိုပါ ပစၥည္းသည္ ဘက္ထရီ (သို႔မဟုတ္) စြမ္းအင္မလိုဘဲ ေလထုေရေငြ႔အမႈန္မ်ားကို ေသာက္ရည္အျဖစ္ သိပ္သည္းေအာင္ ျပဳလုပ္ေပးျခင္း ျဖစ္သည္။
စိုထိုင္းဆမ်ားေသာ ေနရာမ်ားတြင္ Aerogel ၁ ကီလိုဂရမ္ျဖင့္ တစ္ရက္လွ်င္ ေရ ၁၇ လီတာ ထုတ္လုပ္ေပးႏိုင္ေၾကာင္း၊ အဆိုပါ ပမာဏသည္ အိမ္ေထာင္စုတစ္စုအတြက္ တစ္ေန႔တာလံုေလာက္ေၾကာင္း NUS က ဇန္နဝါရီလ ၁၉ ရက္တြင္ သတင္းမီဒီယာမ်ားသို႔ ထုတ္ျပန္ခဲ့သည္။
ဓာတ္ခြဲခန္းစမ္းသပ္ခ်က္မ်ားအရ အဆိုပါပစၥည္းသည္ ေရကို မရပ္မနား ၁၄၄၀ နာရီ (သို႔မဟုတ္) ၂ လဝန္းက်င္ ထုတ္လုပ္ေပးသည္ကို ေတြ႔ရေၾကာင္း NUS ၏ ထုတ္ျပန္ခ်က္တြင္ ေဖာ္ျပသည္။
အဆိုပါ Aerogel ကို ပိုလီမာဟုေခၚေသာ ရွည္လ်ားသည့္ ေမာ္လီက်ဴးမ်ားျဖင့္ ျပဳလုပ္ထားျပီး ေရကို ဆြဲငင္ျခင္းႏွင့္ တြန္းထုတ္ျခင္းမ်ား အဆက္မျပတ္ျပဳလုပ္ေပးသည္။
ယင္းပစၥည္းသည္ ေလထုထဲမွ ေရေမာ္လီက်ဴးမ်ားကို အလိုအေလ်ာက္ စုစည္းေပးျပီး အရည္အျဖစ္ သိပ္သည္းေအာင္ျပဳလုပ္ကာ ေရကို ထုတ္လုပ္ေပးျခင္းျဖစ္ေၾကာင္း NUS က ထုတ္ျပန္သည္။
ထိုသို႔စုေဆာင္းရရွိေသာ ေရေငြ႔အားလံုးနီးပါး (သို႔မဟုတ္) ၉၅ ရာခိုင္ႏႈန္းမွာ ေရအျဖစ္ ထြက္ရွိလာျခင္း ျဖစ္သည္။
သုေတသနပညာရွင္မ်ားက ထြက္ရွိလာေသာေရကို စမ္းသပ္စစ္ေဆးမႈမ်ားျပဳလုပ္ရာ ေသာက္ေရသန္႔အတြက္ ကမၻာ့က်န္းမာေရးအဖြဲ႔ၾကီး (WHO) က သတ္မွတ္ထားေသာ စံခ်ိန္စံညႊန္းမ်ားႏွင့္ ကိုက္ညီသည္ကို ေတြ႔ရသည္ဟု ဆိုသည္။
ယခင္ကလည္း သိပၸံပညာရွင္တို႔သည္ ေလထုအတြင္းမွေရကို ထုတ္ယူႏိုင္မည့္ အျခားနည္းလမ္းမ်ား တီထြင္ခဲ့ၾကေသာ္လည္း အဆိုပါ နည္းလမ္းမ်ားသည္ ေနေရာင္ျခည္စြမ္းအင္ (သို႔မဟုတ္) လွ်ပ္စစ္စြမ္းအင္မ်ား လိုအပ္သည့္ နည္းလမ္းမ်ား ျဖစ္ၾကသည္။
ယခုအခါ သုေတသနပညာရွင္မ်ားက ျပည္တြင္း (သို႔မဟုတ္) စက္မႈလုပ္ငန္းသံုးအတြက္ aerogel မ်ား အလံုးအရင္း ထုတ္လုပ္မည့္ စက္မႈလုပ္ငန္းမိတ္ဖက္မ်ား ရွာေဖြလ်က္ရွိသည္။
(iMyanmarHouse.com Team မွ ေရးသား ေဖာ္ျပသည္။)
Credit: iMyanmarHouse.com
Ref: NUS researchers create aerogel that turns air into drinking water (todayonline)
