အဂၤလိပ္လူမ်ဳိးဇနီးေမာင္ႏွံက ေပါင္ ၁၀၀၀ တန္ကားတစ္စီးကို ေနအိမ္အျဖစ္ ေျပာင္းလဲမြမ္းမံကာ ကမၻာတစ္ဝန္းခရီးထြက္၊ တစ္ရက္လွ်င္ ေပါင္ ၂၀ သာသံုးစြဲ

### Zawgyi Version ###

ျဗိတိန္ အေနာက္ေတာင္ဖ်ားေဒသတြင္ ေနထိုင္ေသာ အဂၤလိပ္လူမ်ဳိးဇနီးေမာင္ႏွံသည္ ေပါင္ ၁၀၀၀ တန္ မီနီဗင္ကားတစ္စီးကို သက္ေတာင့္သက္သာရွိေသာ ေနအိမ္တစ္လံုးအသြင္ ေျပာင္းလဲမြမ္းမံကာ ကမၻာတစ္ဝန္းခရီးမ်ားထြက္ခဲ့ျပီး ခရီးစဥ္အတြင္း တစ္ရက္လွ်င္ ေပါင္ ၂၀ သာသံုးစြဲခဲ့ေၾကာင္း အဂၤလန္အေျခစိုက္သတင္းမီဒီယာမ်ားတြင္ ေဖာ္ျပသည္။

၎တို႔ဇနီးေမာင္ႏွံသည္ အဆိုပါယာဥ္ငယ္ကေလးျဖင့္ ႏိုင္ငံေပါင္း ၂၅ ႏိုင္ငံသို႔ လည္ပတ္ခဲ့ျပီး ျဖစ္သည္။

ဘင္ျဖဴရီသည္ အသက္ ၂၆ ႏွစ္အရြယ္ရွိျပီး ဇနီးျဖစ္သူ လူစီ ပင္နဲလ္မွာ အသက္ ၂၄ ႏွစ္အရြယ္ျဖစ္ကာ အဂၤလန္ေတာင္ပိုင္း ကြန္းေဝါလ္ခရိုင္၊ ေဟးလီျမိဳ ႔ကေလးတြင္ ေနထိုင္သူမ်ား ျဖစ္ၾကသည္။

၎တို႔ ဇနီးေမာင္ႏွံသည္ ၂၀၀၂ ခုႏွစ္ထုတ္ LVD Convy ကားကေလးကို သက္ေတာင့္သက္သာေနထိုင္ႏိုင္မည့္ ေနအိမ္တစ္လံုးအသြင္ ျဖစ္လာေစရန္ ေပါင္ ၅၀၀၀ အသံုးျပဳျပီး ၁၀ လခန္႔အခ်ိန္ယူကာ ျပင္ဆင္ခဲ့သည္။

ကမၻာလွည့္ခရီးထြက္စဥ္အတြင္း ေရာက္ရွိရာႏိုင္ငံမ်ားမွ ဝယ္ယူခဲ့ေသာပစၥည္းမ်ားျဖင့္လည္း ၎တို႔၏ကားကေလးကို မြမ္းမံအလွဆင္မႈ မ်ား ျပဳလုပ္ခဲ့ရာ အိႏိၵယျဖစ္ အိပ္ယာခင္း၊ ဂရိႏိုင္ငံျဖစ္ လက္ယကၠန္းေကာ္ေဇာ၊ အိပ္ယာထဲတြင္ မကၠဆီကန္ ေစာင္တစ္ထည္၊ ထိုင္းျဖစ္ ဆင္ပံု ပံုေဖာ္ထားေသာ လိုက္ကာမ်ား ေတြ႔ရသည္။

ဘင္၏ မူရင္းအလုပ္မွာ စားဖိုမွဴး … ျဖစ္ျပီး လူစီမွာကိုယ္ပိုင္အိမ္ငွားဝက္ဘ္ဆိုက္တစ္ခုရွိသည္။ သို႔ရာတြင္ ကမၻာလွည့္ခရီးထြက္ရာတြင္မူ ဓာတ္ပံုဆရာ၊ ရုပ္ရွင္ဒါရိုက္တာမ်ားအျဖစ္ ေျပာင္းလဲသြားၾကသည္။

လူစီကေျပာၾကားရာတြင္...ဘင္က အေရွ ႔အလယ္ပိုင္းကို သြားလည္ခ်င္တယ္။ ကၽြန္မကေတာ့ ဥေရာပကို ပိုသြားခ်င္တယ္။ ကၽြန္မတို႔ႏွစ္ေယာက္လံုးက ဗင္ကားေလးတစ္စီးဝယ္ျပီး ကမၻာလွည့္ဖုိ႔ အိပ္မက္မက္ခဲ့တာၾကာပါျပိး။ ေနာက္ဆံုးမွာ ဗင္ကားတစ္စီးဝယ္ျဖစ္ခဲ့ပါတယ္။ ကားကို လူေနလို႔ရေအာင္ ေျပာင္းလဲရတာ မလြယ္ပါဘူး။ ကၽြန္မတို႔က ကိုယ္တိုင္ျပဳျပင္ႏိုင္တဲ့နည္းလမ္းေတြလည္း လံုးဝမသိပါဘူး။ ဝယ္လိုက္တဲ့ကားကလည္း သံေခ်းေတြတက္၊ ယိုတဲ့ေနရာယို၊ စပေရးေတြနဲ႔ ေဆးေတြလည္း မႈတ္ထားတဲ့ကားပါ။ ဒီလိုကားမ်ဳိးကို လူေနလို႔ရေအာင္ ျပဳျပင္ဖို႔ ေတာ္ေတာ္ေလ့လာခဲ့ရပါတယ္။ေငြကလည္း အကန္႔အသတ္ရွိတာေၾကာင့္ ကြပ္ပ်စ္သစ္သား၊ ေကာ္ဖီအိတ္ခြံ၊ အထပ္သားျဖတ္စလို စြန္႔ပစ္ပစၥည္းေတြကို သံုးျပီး မြမ္းမံရပါတယ္။ ဗင္ကားေပၚမွာပဲေနတဲ့အတြက္ ေငြစုမိေစပါတယ္။ ကၽြန္မတို႔မွာ လွ်ပ္စစ္မီတာခ၊ ေရဖိုး၊ အစိုးရအခြန္အခေတြ ေဆာင္စရာ မလိုပါဘူး။ ဒီဇယ္ပဲ ျဖည့္ရပါတယ္။ လွ်ပ္စစ္က ဆိုလာျပားေတြကေန ရပါတယ္။ ေရကိုေတာ့ ဘံုဘိုင္ေခါင္းေတြနဲ႔ စမ္းေခ်ာင္းေတြကေန ျဖည့္ပါတယ္။အရာတိုင္းေတာ့ အဆင္ေျပေခ်ာေမြ႔ေနတာမဟုတ္ပါဘူး။ အင္ဂ်င္ကို ျပင္ရတာမ်ဳိး၊ သန္႔ရွင္းေရးလုပ္ရတာမ်ဳိးရွိပါတယ္။ ဒါကေတာ့ လမ္းေပၚမွာ ေနထိုင္တဲ့အတြက္ ေပးဆပ္ရတဲ့၊ မွ်တတဲ့ အေပးအယူတစ္ခုပါ။

ဘင္တို႔စံုတြဲသည္ ေႏြရာသီတြင္ ဇာတိျမိဳ ႔သို႔ျပန္ကာ အလုပ္လုပ္ကိုင္ကာ ေငြစုေဆာင္းျပီး ယင္းေနာက္တဖန္ ကမၻာလွည့္ခရီးစဥ္အတြက္ လမ္းေပၚသို႔ ျပန္ထြက္ၾကျပန္သည္။ ၎တို႔သည္ ႏိုင္ငံေပါင္း ၂၅ ႏိုင္ငံခရီးထြက္ျပီးျဖစ္ရာ ဥေရာပတြင္ အေရွ ႔ဘက္ရွိ ယူကရိန္းမွသည္ ေတာင္ဖက္ဖ်ားရွိဂရိအထိ ျဖစ္သည္။

ဗင္ကားေပၚတြင္ အစိုးရဓာတ္အားလိုင္းမ်ားႏွင့္ ေဝးကြာ၍လည္း ေနထိုင္ႏိုင္ေအာင္ စီစဥ္ထားရာ ဓာတ္ေငြ႔ မီးဖို၊ ထမင္းေပါင္းအိုး၊ ေရပူေရေအးစနစ္၊ ေရပန္း၊ ေရခဲေသတၱာ၊ အိမ္သာ၊ အမိုးေပၚတြင္ ဆိုလာျပားႏွင့္ ၾကီးမားေသာ ေရစည္မ်ား ပါဝင္သည္။

လာမည့္ခရီးစဥ္အတြက္ ေဘာ္လ္ကန္ေဒသႏိုင္ငံ ၁၃ ႏိုင္ငံသို႔ ၇ လၾကာ ခရီးထြက္ရန္ စီစဥ္ထားျပီး အဆိုပါခရီးစဥ္ျပီးဆံုးပါက အာရွသို႔ ခရီးထြက္မည္ဟုဆိုသည္။

Credit: iMyanmarHouse.com (iMyanmarHouse.com Team မွ ေရးသား ေဖာ္ျပသည္။)

### Unicode Version ###

ဗြိတိန် အနောက်တောင်ဖျားဒေသတွင် နေထိုင်သော အင်္ဂလိပ်လူမျိုးဇနီးမောင်နှံသည် ပေါင် ၁၀၀၀ တန် မီနီဗင်ကားတစ်စီးကို သက်တောင့်သက်သာရှိသော နေအိမ်တစ်လုံးအသွင် ပြောင်းလဲမွမ်းမံကာ ကမ္ဘာတစ်ဝန်းခရီးများထွက်ခဲ့ပြီး ခရီးစဉ်အတွင်း တစ်ရက်လျှင် ပေါင် ၂၀ သာသုံးစွဲခဲ့ကြောင်း အင်္ဂလန်အခြေစိုက် သတင်းမီဒီယာများတွင် ဖော်ပြသည်။

၎င်းတို့ဇနီးမောင်နှံသည် အဆိုပါယာဉ်ငယ်ကလေးဖြင့် နိုင်ငံပေါင်း ၂၅ နိုင်ငံသို့ လည်ပတ်ခဲ့ပြီး ဖြစ်သည်။

ဘင်ဖြူရီသည် အသက် ၂၆ နှစ်အရွယ်ရှိပြီး ဇနီးဖြစ်သူ လူစီ ပင်နဲလ်မှာ အသက် ၂၄ နှစ်အရွယ်ဖြစ်ကာ အင်္ဂလန်တောင်ပိုင်း ကွန်းဝေါလ်ခရိုင်၊ ဟေးလီမြို့ကလေးတွင် နေထိုင်သူများ ဖြစ်ကြသည်။

၎င်းတို့ ဇနီးမောင်နှံသည် ၂၀၀၂ ခုနှစ်ထုတ် LVD Convy ကားကလေးကို သက်တောင့်သက်သာနေထိုင်နိုင်မည့် နေအိမ်တစ်လုံးအသွင် ဖြစ်လာစေရန် ပေါင် ၅၀၀၀ အသုံးပြုပြီး ၁၀ လခန့်အချိန်ယူကာ ပြင်ဆင်ခဲ့သည်။

ကမ္ဘာလှည့်ခရီးထွက်စဉ်အတွင်း ရောက်ရှိရာနိုင်ငံများမှ ဝယ်ယူခဲ့သောပစ္စည်းများဖြင့်လည်း ၎င်းတို့၏ကားကလေးကို မွမ်းမံအလှဆင်မှု များ ပြုလုပ်ခဲ့ရာ အိန္ဒိယဖြစ် အိပ်ယာခင်း၊ ဂရိနိုင်ငံဖြစ် လက်ယက္ကန်းကော်ဇော၊ အိပ်ယာထဲတွင် မက္ကဆီကန် စောင်တစ်ထည်၊ ထိုင်းဖြစ် ဆင်ပုံ ပုံဖော်ထားသော လိုက်ကာများ တွေ့ရသည်။

ဘင်၏ မူရင်းအလုပ်မှာ စားဖိုမှူး………ဖြစ်ပြီး လူစီမှာ ကိုယ်ပိုင် အိမ်ငှားဝက်ဘ်ဆိုက်တစ်ခုရှိသည်။ သို့ရာတွင် ကမ္ဘာလှည့်ခရီးထွက်ရာတွင်မူ ဓာတ်ပုံဆရာ၊ ရုပ်ရှင်ဒါရိုက်တာများအဖြစ် ပြောင်းလဲသွားကြသည်။

လူစီကပြောကြားရာတွင်…….ဘင်က အရှေ့အလယ်ပိုင်းကို သွားလည်ချင်တယ်။ ကျွန်မကတော့ ဥရောပကို ပိုသွားချင်တယ်။ ကျွန်မတို့နှစ်ယောက်လုံးက ဗင်ကားလေးတစ်စီးဝယ်ပြီး ကမ္ဘာလှည့်ဖို့ အိပ်မက်မက်ခဲ့တာကြာပါပြိး။ နောက်ဆုံးမှာ ဗင်ကားတစ်စီးဝယ်ဖြစ်ခဲ့ပါတယ်။ ကားကို လူနေလို့ရအောင် ပြောင်းလဲရတာ မလွယ်ပါဘူး။ ကျွန်မတို့က ကိုယ်တိုင်ပြုပြင်နိုင်တဲ့နည်းလမ်းတွေလည်း လုံးဝမသိပါဘူး။ ဝယ်လိုက်တဲ့ကားကလည်း သံချေးတွေတက်၊ ယိုတဲ့နေရာယို၊ စပရေးတွေနဲ့ ဆေးတွေလည်း မှုတ်ထားတဲ့ကားပါ။ ဒီလိုကားမျိုးကို လူနေလို့ရအောင် ပြုပြင်ဖို့ တော်တော်လေ့လာခဲ့ရပါတယ်။ငွေကလည်း အကန့်အသတ်ရှိတာကြောင့် ကွပ်ပျစ်သစ်သား၊ ကော်ဖီအိတ်ခွံ၊ အထပ်သားဖြတ်စလို စွန့်ပစ်ပစ္စည်းတွေကို သုံးပြီး မွမ်းမံရပါတယ်။ ဗင်ကားပေါ်မှာပဲနေတဲ့အတွက် ငွေစုမိစေပါတယ်။ ကျွန်မတို့မှာ လျှပ်စစ်မီတာခ၊ ရေဖိုး၊ အစိုးရအခွန်အခတွေ ဆောင်စရာ မလိုပါဘူး။ ဒီဇယ်ပဲ ဖြည့်ရပါတယ်။ လျှပ်စစ်က ဆိုလာပြားတွေကနေ ရပါတယ်။ ရေကိုတော့ ဘုံဘိုင်ခေါင်းတွေနဲ့ စမ်းချောင်းတွေကနေ ဖြည့်ပါတယ်။အရာတိုင်းတော့ အဆင်ပြေချောမွေ့နေတာမဟုတ်ပါဘူး။ အင်ဂျင်ကို ပြင်ရတာမျိုး၊ သန့်ရှင်းရေးလုပ်ရတာမျိုးရှိပါတယ်။ ဒါကတော့ လမ်းပေါ်မှာ နေထိုင်တဲ့အတွက် ပေးဆပ်ရတဲ့၊ မျှတတဲ့ အပေးအယူတစ်ခုပါ။

ဘင်တို့စုံတွဲသည် နွေရာသီတွင် ဇာတိမြို့သို့ပြန်ကာ အလုပ်လုပ်ကိုင်ကာ ငွေစုဆောင်းပြီး ယင်းနောက်တဖန် ကမ္ဘာလှည့်ခရီးစဉ်အတွက် လမ်းပေါ်သို့ ပြန်ထွက်ကြပြန်သည်။ ၎င်းတို့သည် နိုင်ငံပေါင်း ၂၅ နိုင်ငံခရီးထွက်ပြီးဖြစ်ရာ ဥရောပတွင် အရှေ့ဘက်ရှိ ယူကရိန်းမှသည် တောင်ဖက်ဖျားရှိဂရိအထိ ဖြစ်သည်။

ဗင်ကားပေါ်တွင် အစိုးရဓာတ်အားလိုင်းများနှင့် ဝေးကွာ၍လည်း နေထိုင်နိုင်အောင် စီစဉ်ထားရာ ဓာတ်ငွေ့ မီးဖို၊ ထမင်းပေါင်းအိုး၊ ရေပူရေအေးစနစ်၊ ရေပန်း၊ ရေခဲသေတ္တာ၊ အိမ်သာ၊ အမိုးပေါ်တွင် ဆိုလာပြားနှင့် ကြီးမားသော ရေစည်များ ပါဝင်သည်။

လာမည့်ခရီးစဉ်အတွက် ဘော်လ်ကန်ဒေသနိုင်ငံ ၁၃ နိုင်ငံသို့ ၇ လကြာ ခရီးထွက်ရန် စီစဉ်ထားပြီး အဆိုပါခရီးစဉ်ပြီးဆုံးပါက အာရှသို့ ခရီးထွက်မည်ဟုဆိုသည်။

Credit: iMyanmarHouse.com (iMyanmarHouse.com Team မှ ရေးသား ဖော်ပြသည်။)