ဟောင်ကောင်၊ ဆစ်ဒနီ၊ ရှန်ဟိုင်းတို့၏ အိမ်ခြံမြေများ အန္တရာယ်အဆင့်ရောက်ရှိနေ

အာရှပစိဖိတ်ဒေသရှိ အိမ်ခြံမြေဈေးနှုန်းများသည် အထူးသဖြင့် ဆစ်ဒနီ၊
ဟောင်ကောင်နှင့် ရှန်ဟိုင်းတို့ရှိ အိမ်ခြံမြေဈေးနှုန်းများသည် အန္တရာယ် အဆင့်များကို ရောက်ရှိနေကြကြောင်း S&P Global Ratings ကမ္ဘာ့အကဲဖြတ် လုပ်ငန်းက ထုတ်ပြန်ခဲ့သည်။

"အဖိုးတန်ပစ္စည်းဈေးနှုန်းတွေ အထူးသဖြင့် အိမ်ခြံမြေဈေးနှုန်းတွေဟာ အာရှ အကျပ်အတည်း မတိုင်ခင်ကလိုမျိုး တက်နေတာပါ" ဟု S&P Global Ratings
၏ အာရှ-ပစိဖိတ်ဒေသဆိုင်ရာ အကြီးအကဲ အယ်လင်နာ အော်ကိုရိုချန်ကိုက
စင်္ကာပူတွင် စက်တင်ဘာ ၁၃ ရက်က ပြုလုပ်ခဲ့သော ဆွေးနွေးပွဲတစ်ခု၌
ပြောကြားခဲ့သည်။

"ဆစ်ဒနီ၊ ဟောင်ကောင်နဲ့ ရှန်ဟိုင်းတို့က အိမ်ဈေးတွေဟာ တိုးလာတဲ့ အိမ် အကြွေးတွေနဲ့အတူ သိသိသာသာတက်လာပါပြီ။ စောင့်ကြည့်စစ်ဆေးဖို့လိုတဲ့
အန္တရာယ်အဆင့်ပါ" ဟုလည်း သူက ပြောကြားခဲ့သည်။

သြစတြေးလျနိုင်ငံ၏အထင်ကရမြို့ ဆစ်ဒနီတွင် အိမ်ဈေးများသည် ပြီးခဲ့သည့်
ငါးနှစ်အတွင်း ၇၅ ရာခိုင်နှုန်း မြင့်တက်လာသည်။ ဇွန်အထိ ပြီးခဲ့သည့်နှစ်ဝက်
အတွင်း ဈေးနှုန်းများ ၂၁ ရာခိုင်နှုန်း မြင့်တက်ခဲ့သော ဟောင်ကောင်ပြီးလျှင်
ဆစ်ဒနီသည် ကမ္ဘာ့ဒုတိယဈေးအကြီးဆုံးအိမ်ရာဈေးကွက် ဖြစ်သည်။

ထိုစဉ် ဟောင်ကောင်တွင် အိမ်ခြံမြေသတိပေးချက်တစ်ရပ် ထွက်ရှိခဲ့သည်။
တရုတ်နိုင်ငံပိုင် အထူးအုပ်ချုပ်ခွင့်ရဒေသဖြစ်သော ဟောင်ကောင်တွင်
အိမ်ခြံမြေများကို ၀ယ်ယူရာတွင် သေချာဂရုတစိုက်ဝယ်ယူကြရန် ဟောင်ကောင်
ဘဏ္ဍာရေးဝန်ကြီး ပေါလ်ချန်က စက်တင်ဘာ ၁၁ ရက်က သတိပေးပြောကြားခဲ့ခြင်းဖြစ်သည်။

တရုတ်ပြည်မကြီးမြို့ဖြစ်သော ရှန်ဟိုင်းမြို့တွင်မူ တရုတ်စာရင်းအင်းဗျူရို၏
ထုတ်ပြန်ချက်အရ ပြီးခဲ့သည့်နှစ်အတွင်း အိမ်ဈေးများ ၃၃ ရာခိုင်နှုန်ြး မင့်တက် ခဲ့ကြောင်း သိရသည်။

ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com