မြန်မာ့အကြီးဆုံး အိမ်ခြံမြေ၊အရောင်း ပြပွဲကြီး၊မေလဆန်း၌ ကျင်းပ

'မြန်မာ့အကြီးဆုံး အိမ်ခြံမြေအရောင်းပြပွဲ'ဟု ခေါင်းစဉ်ပေးထားသော အိမ်ခြံမြေ ပြပွဲတစ်ခု
ကို မေလ ၁ ရက်နေ့မှ ၃ ရက်နေ့ ထိ တပ်မတော်ခန်းမ၌ ကျင်းပခဲ့ပြီး အိမ်ခြံမြေနှင့် ဆောက်
လုပ်ရေးကုမ္ပဏီ ငါးဆယ်ကျော်ပါဝင်ပြသခဲ့ကာ တိုက်ခန်း များကို အထူးလျှော့ဈေးနှုန်းများဖြင့်
အရစ်ကျဝယ်ယူနိုင်မည့် အစီအစဉ်များ ပါဝင်ကြောင်း အဆိုပါပြပွဲကို ကြီးမှူး ကျင်းပသော
iMyanmarHouse.com ၏ အုပ်ချုပ်မှုဒါရိုက်တာ ဦးနေမင်းသူက ပြောသည်။

"အိမ်ခြံမြေ အရောင်းဈေးကွက်ပေါ် ရင်းနှီးမြှုပ်နှံဖို့ စိတ်ဝင်စားသူတွေ ရှားပါးလာပေမယ့်
တိုက်ခန်းကို ကိုယ်တိုင်နေဖို့ ၀ယ်ယူချင်သူတွေ ကတော့ ပြပွဲကို စိတ်ဝင်တစား
လာကြည့်ကြတယ်။ အိမ်ခြံမြေဈေးကွက်အတွင်းမှာ ပွဲစားမလိုတော့ဘဲ တိုက်ခန်းဝယ်
ချင်တဲ့ သူတွေက ကန်ထရိုက်တာတွေကို ကိုယ်တိုင်ချိတ်ဆက်လာကြတယ်။ ပြပွဲက
တ်ာတော်လေးစည်တယ်လို့ ပြောလို့ရတယ်"ဟု ထိုပြပွဲတွင် ကိုယ်တိုင် ပါဝင်ပြသသော
Asia Construction မန်နေဂျာ ဦးရန်အောင်က ပြောသည်။

ထိုပြပွဲတွင် အိမ်ဆောက်လုပ်ရန်နှင့် တန်ဖိုးနည်း တိုက်ခန်းများကို အကြွေး စနစ်ဖြင့်
ဝယ်ယူနိုင်ရန် ၀င်ဆောင်မှုပေးနေသော ဆောက်လုပ်ရေးနှင့် အိမ်ရာ ဖွံ့ဖြိုးရေးဘဏ်လည်း
ပါဝင်ပြသခဲ့သည်။

"အိမ်ဆောက်ချင်သူတွေနဲ့ တိုက်ခန်းဝယ်ချင်တဲ့သူတွေကို ဆောက်လုပ်ရေးနှင့် အိမ်ရာ
ဖွံ့ဖြိုးရေးဘဏ်ကနေ လေးနှစ်အရစ်ကျ ငွေချေးပေးနေပါတယ်။ တိုက်ခန်းဝယ်ချင်သူတွေက
အရင်ဆုံး ၃၀ ရာခိုင်နှုန်းကို ပေးရပြီး ကျန်ငွေကို ဘဏ်ကနေတစ်ဆင့် အရစ်ကျပေးနိုင်ပါတယ်။
ပထမနှစ်မှာ အတိုးနှုန်း ကိုးရာခိုင်နှုန်းပေးရပြီး နောက်နှစ်တွေမှာ ငါးရာခိုင်နှုန်းပဲ ပေးရမှာဖြစ်ပါ
တယ်" ဟု ပြပွဲတွင် လာရောက်ပြသသော ဆောက်လုပ်ရေးနှင့် အိမ်ရာဖွံ့ဖြိုးရေး ဘဏ်
တာဝန်ရှိသူတစ်ဦးက ပြောသည်။ ယခုချိန်တွင် ရွှေလင်ပန်းနှင့် ဧရာဝဏ် တန်ဖိုးနည်း
အိမ်ရာများကိုသာ ၀ယ်နိုင်မည်ဖြစ်ပြီး နောက်ပိုင်းတွင်အခြားအိမ်ရာဆောက်လုပ်ရေး
ကုမ္ပဏီများဖြင့်လည်း ချိတ်ဆက်သွားမည် ဖြစ်ကြောင်း ၎င်းကပြောသည်။

ထိုပြပွဲသို့ လာရောက်ကြည့်ရှုသူ ဒေါ်သိင်္ီက "ဒီလို အိမ်ရာပြပွဲတွေ ခဏခဏပြုလုပ်လာ
တာ ၀ယ်ချင်တဲ့ သူတွေအတွက် အဆင်ပြေပါတယ်။ ပြပွဲမှာ နာမည်ကြီးဆောက်လုပ်ရေး
ကုမ္ပဏီအများစုကို တစ်နေရာတည်းမှာ စုပြီးတွေ့ရတော့ ဈေးနှုန်းလည်း နှိုင်းယှဉ်ရလွယ်တာပေါ့။
ပြပွဲကာလအတွင်း အထူးလျှော့ဈေးတွေလည်းရှိတော့ တကယ်ဝယ်ချင်တဲ့သူတွေအတွက်
လက်မလွှတ်ဘဲ လာသင့်တဲ့ပြပွဲတစ်ခုပါ" ဟု ပြောသည်။

Credit: mmtimes