လှည်းတန်းလူကူးခုံးကျော်တံတား မေလကုန်အပြီး တည်ဆောက်မည်

လှည်းတန်းလူကူးခုံး ကျော်တံတားကို သုံးလအတွင်း အပြီးတည်ဆောက်မည်ဟု ရန်ကုန်မြို့တော်စည်ပင်သာယာရေး ကော်မတီ အင်ဂျင်နီယာ (လမ်း နှင့် တံတား)ဌာနမှ သတင်းရရှိသည်။

အရှည်ပေ ၉၀၊ အမြင့် ၁၈ပေ၊အကျယ် ၁၀ပေရှိမည့် လှည်းတန်း လူကူးခုံးကျော်တံတားကို အင်းစိန်လမ်းမပေါ်၌ တည်ဆောက်မည်ဖြစ်ပြီး လက်ရှိတွင် မြေပြင်ပလက်ဖောင်းများ ပြုပြင်ခြင်းအပါအ၀င် တံတားတည်ဆောက်ရန် ဖောင်ဒေးရှင်းလုပ်ငန်းများ စတင်နေပြီ ဖြစ်သည်။

ပန်းဆိုးတန်း၊ မင်္ဂလာဒုံနှင့် ကမ္ဘာအေးဂမုန်းပွင့်တို့တွင် လုပ်ဆောင်ခဲ့သည့် လူကူးခုံးတံတားကဲ့သို့ ဓာတ်လှေကား ထည့်သွင်းမည်မဟုတ်ဟုဆိုသည်။နေ့စဉ် လူဦးရေတစ်သိန်းကျော် ဖြတ်သန်းသွားလာနေသည့် အဆိုပါလမ်းတွင် လူကူးခုံးကျော်တံတားတစ်စင်းတည်ဆောက်ရန် လိုအပ်သဖြင့် တိုင်းဒေသကြီးအစိုးရ အဖွဲ့က ချထားပေးသည့် ၂၀၁၄- ၁၅ ဘဏ္ဍာနှစ်အတွက် လမ်းတံတား ရန်ပုံငွေဖြင့် တည်ဆောက် မည် ဖြစ်သည်။ လာမည့်မေလကုန်တွင် ပြီး စီးရန် ရည်ရွယ်ထားပြီး အခြားနေ ရာများ၌ လူကူးခုံးကျော်တံတားများ လိုအပ်ပါက တည်ဆောက်ရန် အစီအစဉ်ရှိကြောင်း သိရသည်။

ဒုတိယမြောက် လူကူးခုံး ကျော်တံတားအဖြစ် ရွှေဂုံတိုင်မီး ပွိုင့်အနီးတွင် တည်ဆောက်ရန် ရည်ရွယ်ထားကြောင်း သိရသည်။

ရန်ကုန်တွင် ပြီးခဲ့သည့်နှစ်ကပန်းဆိုးတန်း၊ မင်္ဂလာဒုံနှင့် ကမ္ဘာ အေးဘုရားလမ်းတို့တွင် လူကူးခုံးကျော် တံတားများ တည်ဆောက်ပြီးစီးခဲ့သည်။

ရန်ကုန်မြို့တွင် လူကူးခုံး ကျော်တံတားများအဖြစ် ဗိုလ်ချုပ်လမ်း သူနာပြုတက္ကသိုလ်အနီး၊ ပန်းဆိုးတန်း၊ အနော်ရထာလမ်းနှင့် ဆူးလေစေတီလမ်းထောင့်၊ ဆူးလေစေတီအ၀ိုင်း၊ သိမ်ကြီးဈေးထောင့်၊မဟာဗန္ဓုလလမ်းနှင့် ရွှေတိဂုံဘုရားလမ်း၊ မဟာဗန္ဓုလလမ်းနှင့် အနော်ရထာလမ်းနှင့် အထက (၁) ဒဂုံ အရှေ့ တို့တွင် အသုံးပြုလျက် ရှိသည်။

Credit: 7 day daily