တန်ဖိုးသင့် ဆောက်လုပ်ရေး လုပ်ကိုင်သူ များအား ၂၀၁၄ နှစ်ကုန်ပိုင်းမှ စတင်ကာ ဆောက်လုပ်ရေးနှင့် အိမ်ရာ ဖွံ့ဖြိုးရေးဘဏ်မှ ချေးငွေ ထုတ်ပေးလျက် ရှိရာ ယခု၂၀၁၅ ခုနှစ်၊ ဖေဖော်ဝါရီလ လယ်ခန့်အထိ ကျပ်(၈၀) ဘီလီယံ နီးပါးအား အတိုးနှုန်း အနည်းငယ်နှင့် ချေးပေးနိုင်ခဲ့ကြောင်း ဆောက်လုပ်ရေးနှင့် အိမ်ရာ ဖွံ့ဖြိုးရေးဘဏ်မှ ဦးဆောင် ညွှန်ကြားရေးမှူး ဦးဝင်းဇော်က ပြောသည်။
တန်ဖိုးနည်း ဆောက်လုပ်ရေး လုပ်ငန်းတွေ အတွက် ချေးပေး တာက အခုဘဏ်ထဲက ငွေနဲ့ပဲ လည်ပတ်နေ တာပါ။ နိုင်ငံခြား ချေးငွေက ဂျပန် နိုင်ငံရဲ့ အမေရိကန် ဒေါ်လာ (၁၁) သန်း ပါတယ်။ တခြားနိုင်ငံ ကနေလည်း ချေးငွေတွေ ရအောင် ကြိုးစားနေပါတယ်ဟု ညွှန်ကြားရေးမှူး ဦးဝင်းဇော်က ပြောသည်။
နိုင်ငံခြားမှ ချေးငွေအား ဂျပန်၊ ကိုရီးယား အစရှိသော နိုင်ငံများနှင့် ချိတ်ဆက်ကာ ချေးငွေရယူ နိုင်ရန် စီစဉ်လျက်ရှိ ပြီး၊ ချေးငွေများ ရယူနိုင် ပါက အတိုးနှုန်းအား ထပ်မံ လျှော့ချကာ ချေးပေးနိုင်မည် ဖြစ်ကြောင်း၊ အိမ်ရာ ဖွံ့ဖြိုးရေး လုပ်ငန်းများတွင် ချေးငွေများ ထုတ်ချေး ပေးနိုင်ရန် တိုင်းဒေသကြီးနှင့် ပြည်နယ်များ တွင် ဘဏ်ခွဲများ ဖွင့်လှစ် သွားရန် စီစဉ်လျက် ရှိကြောင်း ဆောက်လုပ်ရေးနှင့် အိမ်ရာ ဖွံ့ဖြိုးရေးဘဏ်မှ သိရသည်။ လက်ရှိတွင် ဆောက်လုပ်ရေးနှင့် အိမ်ရာ ဖွံ့ဖြိုးရေးဘဏ် အနေဖြင့် တန်ဖိုးသင့် ဆောက်လုပ်ရေး လုပ်ငန်းများအား ချေးငွေ ထုတ်ပေး နေခြင်း အပြင် ၀င်ငွေ အာမခံချက် ရှိသော လူများ အတွက် အိမ်ရာ ၀ယ်ယူရန် အတိုးနှုန်း အနည်းငယ်ဖြင့် နှစ်ရှည်ချေးငွေ ထုတ်ပေးလျက် ရှိကြောင်း သိရသည်။
Credit: messenger
